四面泰泰式火鍋

营业中

休息中

嚟過呢間嘢幾次，每一次都覺得佢啲食物好差，但湯底幾好，尤其是係椰汁雞湯。晚餐來到大概每人消費400-500，午餐就150左右啦。但今次嚟到覺得佢嘅食物份量越嚟越少，$38元的皇帝菜只有幾條。佢呢度嘅食物差得來，仲要係豬肉牛肉近乎無乜味又好鞋。同埋佢有某一兩位員工嘅服務麻麻哋，仲有，佢會夾硬收你醬料費即使你唔打邊爐，例如我上次係非繁忙時間叫左個甜品椰皇凍，收你$58+$15加收加一，我問侍應我都唔需要醬料點解要收醬料費？？跟住佢搵咗第二個態度唔係咁好嘅女人過嚟覆我話係咁架，因為有比杯水你。即係一杯水收我$15？？無奈

沙田新開了四面泰泰式火鍋店，不同於一般火鍋店，店內裝修精緻闊落，更像一間cafe。沒有添加味精的招牌冬陰功+椰子雞鴛鴦湯底，味道濃郁，未開始食之前已經飲左2碗湯。最緊要係後期加湯係直接加冬陰功以及椰子雞湯，不是加水，令到全程湯底都非常濃郁！炭燒豬頸肉好香好好食👍蝦唔叫大隻但係勁新鮮，有兩隻直程跳咗出嚟～最有驚喜一定係招牌椰皇凍，原過椰青內放滿充滿椰青味整成的奶凍，超級大個，味道好清甜，必吃大推！野飲叫左泰式奶茶，唔太甜，食住火鍋飲都唔會覺得好漏。

從來唔信openrice食評，但負評一定要信😂專登開個account打食評，因為真係泰。離譜！同朋友一行三人食呢間，食左鴛鴦湯底（椰奶湯及冬陰功湯），再加d大路打邊爐野，例如牛肉、丸類、菜。再另加小食豬頸肉及炸蝦餅。食落嘢食味道正常，我哋仲飲咗幾碗冬陰功湯。埋單仲要成千蚊，都幾貴。食完當晚就嚟料，三個人都屙，第二朝勁肚痛，完全訓唔到，即刻去睇醫生。醫生就話係食物中毒。當晚全場滿座，想知其他食客有冇事🥵

今日同屋企人去左試新城市新開嘅泰式火鍋，真係好驚喜首先嘢飲已經10分好飲，泰式奶茶嘅珍珠仲好食過坊間好多珍珠奶茶店。我自己就叫咗爆豬椰子水，非常清新，配火鍋一流。必叫四人份海鮮寶盒，叫寶盒送湯底，好抵食！最緊要係啲海鮮十分新鮮，啲蝦上到枱嘅時候仲郁緊，好crazy!材料全部都好靚，椰子同冬陰功湯底飲極都唔口渴！必定要讚個甜品，招牌椰皇奶凍，非常大份，唔太甜，仲要好香椰奶味！拍得住泰國嘅質素必須一提職員十分細心，又送上圍裙，又比我叉電話。今時今日咁嘅服務質素先啱打邊爐又多一個選擇！

想食泰式邊爐好耐，知道沙田有間開咗半年左右嘅泰式新式火鍋店——四面泰·火鍋，約咗朋友去滿足口腹之欲！新式火鍋店環境乾淨寬敞，燈光仲好光猛，裝修佈置有少少似平民西餐廳。點選午市優惠雙人套餐 $299後，店員先介紹同遞上醬料三款：青檸、椒麻、甜麻醬（每位+$15），再上埋蝦片，過過口癮。✔️鍋底（雙拼）湯底新鮮熬製，店員話放嘢食入去前嘅湯係最鮮甜，最好先飲。椰奶雞湯鍋嘅椰奶濃稠，雞肉喺湯底裏保持鮮嫩多汁，入面配有不同蔬菜，令湯底更清甜。秘製冬陰功鮮蝦鍋湯底辣辣哋好暖胃，湯內嘅鮮蝦彈牙、鮮美。✔️泰廚嚴選肉品（二選一）——美國特色肥牛肉質嫩滑，油脂分布平均。✔️美味主食（三選一）——泰國金邊粉鍾意金邊粉索晒冬陰公湯汁，酸辣得黎又夠爽。✔️手打丸子——四面拼盤（4粒）拼盤包含4種丸：鮮蝦丸、墨魚丸、牛肉丸、豬肉丸，4款丸的的骰骰，但口感嫩滑，彈牙入味。✔️田園時蔬珍菌——清邁什錦田園蔬菜拼盤有冬菇、金菇、娃娃菜等等，各種都試勻晒，新鮮清甜。✔️藕片（+$38）非常爽脆✔️飲品➖泰式芒芒碌碌（+$28）甜度啱啱好，有楊枝甘露配料，又有寒天晶球。➖泰式手打啵啵奶茶（+$28）茶味濃，多珍珠

之前試過一次泰式邊爐，食過返尋味。今次想同朋友試book mark左好耐嘅四面泰·火鍋（沙田），星期六放工鬆一鬆，去chill下。入到去揀左午市優惠雙人套餐 $299，已經有唔少野食可以選擇。點餐後，店員先遞上🔊醬料三款-青檸、椒麻、甜麻醬（每位+$15）❗️同蝦片，過過口癮。🟡鍋底（雙拼）- 每個湯底都係新鮮熬製，進食前要飲多幾碗湯🤤飲到停唔到口🤭▪️椰奶雞湯鍋🍲 椰奶的加入令湯汁更加濃稠，帶有濃郁的椰 香和奶香，雞肉喺椰奶雞湯鍋中煮熟後，保持了鮮嫩多汁的口感，佢吸晒了湯汁的味道。另外，湯鍋加入各種蔬菜，如粟米、菇🍄等。▪️秘製冬陰功鮮蝦鍋🥘🦐冬陰功湯底以辣椒、檸檬葉、薑、蒜等香料熬煮，具有辛辣嘅味道和獨特嘅香氣，飲完暖笠笠開胃。另外，湯入面有幾隻鮮蝦，佢哋喺在湯底中煮熟後保持鮮嫩多汁嘅口感，彈性、鮮美。🟡手打丸子-四面拼盤（4粒）- 「鮮蝦丸、墨魚丸、牛肉丸、豬肉丸」：▪️肉丸鮮甜彈牙，口感嫩滑，一次過試晒四樣款式，各有獨特味道，大滿足。🌟▪️田園時蔬珍菌-清邁什錦田園蔬菜拼盤有蕃茄、粟米🌽、冬菇、金菇、生菜🥬、娃娃菜，新鮮翠綠，吸晒湯底精華，好正。😊▪️泰廚嚴選肉品（二選一）-美國特

朋友想吃火鍋，我想吃泰菜，why not both? 台式火鍋及日式火鍋吃得多，泰式火鍋就真的未試過！午市優惠雙人套餐 ($299)包1款肉品(可選擇美國特色肥牛或西班牙黑毛豬)、1 份清邁什錦田園以及 1份主食(泰國船面河粉或泰國金邊粉或鮮手打烏冬)。醬料費 ($15/位)包濕紙巾，紙巾，手工醬料，泰國蝦片及時令茶水。手工醬料包括：青檸汁、辣麻豉油及泰式甜辣醬，更添滋味。可自由配搭雙拼鍋，選了慢燉牛板腱清湯及椰奶雞湯。店員建議可以先飲湯，然後再打邊爐。椰奶雞湯一飲入魂，充滿濃郁椰香，清甜不膩，入口啖啖盡是滋味。美國特色肥牛肉味香濃，油香十足，口感軟嫩。四面拼盤(4粒)分別是牛丸、墨魚丸、豬肉丸及虎蝦丸。是餐廳每日人手新鮮製作，非常彈牙，口感一流。清邁什錦田園泰國船面河粉夠大片，口感滑溜，吸盡湯汁，味道濃厚，啖啖椰香。不得不提，餐廳會因應客人選的湯底而加入相對應的濃湯，繼續保留湯底美味，而且會使用加湯擋板，相當貼心！炭烤豬頸肉 ($68)豬頸肉爽口彈牙帶油香，香甜美味。招牌椰皇凍 ($58)椰香味濃郁，清甜帶點奶香感，口感嫩滑，入口即化，作飯後甜品就最滿足！

上海知名人氣泰式火鍋店四面泰(Fall in Thai)開到嚟香港啦品牌2019年於上海成立，主打「功夫心機湯底」、招牌「寶藏海鮮手工金盒」及「性價比高」。更以「每日新鮮自家熬制優質正宗泰式湯底」作為招徠，連續兩年登上大陸飲食社交平台「大眾點評」的必吃榜。午市一人火鍋套餐只係$98 每日新鮮自家熬制優質正宗泰式湯底，今次試咗「秘制冬陰功鮮蝦鍋」、「椰奶雞湯鍋」，打邊爐之前飲啖湯，夠哂香濃，醒神開胃 牛肉同豬肉肥瘦分明，煮熟肉質依舊鮮嫩 兩隻海蝦仲跳緊，非常新鮮，蜂巢豆腐吸曬汁，仲有時款蔬菜 附送嘅泰國蝦片非常鬆脆 泰式芒芒碌碌 配料有西柚、西米、椰汁同芒果粒粒好似楊枝甘露 泰式手標啵啵奶茶  口感順滑，珍珠煙韌椰奶凍每日新鮮制作，絕對係必食，好大份，仲有陣陣椰香味！兩個人都食唔曬

今日就來到近來大熱的人氣泰式火鍋店「四面泰•火鍋」，主要是因為他們主打的幾款湯底都是每日新鮮自家熬製，而且地方寬敞，配上氣派吊燈，確讓人可以好好享受這人氣泰式火鍋。今次我便選了他們的午市雙人優惠套餐，已包含了一系了食材：鍋底、手打丸子、田園時蔬珍菌，肉類、麵食等…只需$299，確實抵食。另外加上$15/位醬料費（濕紙巾，紙巾，手工醬料，泰國蝦片，時令茶水），就可有鬆脆泰式蝦片，三款手工醬料：青檸醬、甜辣醬同椒麻醬油，方便配上各款食材，增添味道。雙拼鍋底：椰奶雞湯鍋/慢燉牛板腱湯鍋椰奶雞湯先以椰子水、椰奶同椰漿煮成，其香味濃郁奶香，味道清潤；而慢燉牛板腱清湯則加入泰國嘅香茅、南薑、豆蔻等香料，香氣獨特，還有片片牛板腱，真的非常落足。四面拼盤（4粒）有齊彈牙牛丸、手打虎蝦丸，手打墨魚丸，手打豬肉丸，真的各有千秋，其中虎蝦丸更時見到粒粒虎蝦，讓人愛上。清邁什錦田園首先有個超正椰奶雞湯，配上各款新鮮蔬菜，真心好味到覺得唔喉！泰國船面河粉河粉都有著泰國船面的特色，煮到半透明已經可以食，吸盡湯汁精華，口感煙煙韌韌，配埋個湯超正！招牌椰皇凍來到當要食埋個招牌椰皇凍，聽說每日新鮮制作，難怪食落口感香濃

天氣還是凍凍的 還是很想打邊爐暖暖身四面泰做緊$98午市一人火鍋套餐等緊火鍋來前 先食蝦片 好脆好香口🔅香茅雞翼［+$24］雞翼小食先上 炸粉包雞翼 也不會太厚粉 很脆口$98 一人火鍋套餐 🔅侍應先介紹泰式醬料 青檸汁、椒麻醬、泰式甜辣醬 醬料費需加$15湯底有3款：秘製冬陰公鮮蝦鍋、慢燉牛板腱清湯鍋、椰奶雞湯鍋🔅冬陰公湯底酸酸辣辣 先飲一口湯先再打邊爐🔅椰奶雞湯鍋濃厚清甜但不油膩 蜂巢豆腐等配料浸透湯底超入味 火鍋套餐包了一款肉類、一款主食、一款小食、火鍋配料和蔬菜、一杯飲品火鍋肉類、配料、主食 份量已備好 但樣樣都好新鮮🔅 西班牙黑毛豬 雖然肉片不多但每片都好大塊 而且很新鮮🔅美國牛板腱 上菜時沒有血水 煮熟後牛肉依然鮮嫩 🔅泰式金邊粉和泰式船面河粉 兩份主食都好夠份量 不過煮河粉和金邊粉的時間不能太耐 🔅每份火鍋配料都有鮮蝦、蜂巢豆腐、扎肉、粟米、冬菇、生菜、娃娃菜、菠菜上菜時蝦還是很新鮮 還在跳動 蔬菜份量和種類都很多🔅泰式芒碌碌［+$28］用超多芒果打成做茶底再加上西米露和芒果粒 🔅泰式手標啵啵奶茶 ［+$28］用泰式奶茶底作為奶茶再加珍珠 還可以少甜少冰👍甜品是另一個胃

我地揀咗冬蔭功和牛板腱清湯。湯底比好多餐廳做的冬蔭功湯好味，食唔出有味精，淥嘢前飲啖湯先～正啊 😋小食方面，我們點了泰式蝦餅和豬頸肉。兩樣小食都令人喜出望外，估唔到在火鍋餐廳也能吃到高水準的泰式小食。豬頸肉份量充足，味道不錯，值得一試。蝦餅彈牙多汁，裡面啖啖肉。牛肉拼盤幾新鮮，個人覺得薄切牛肉和牛舌最好味。另外，我們也點了海鮮金盒，掛住拍片打卡，無影到相。金盒咩都有，帶子同埋鮑魚都好新鮮。記得要在揀湯底時一齊落單，因為嗌金盒送火鍋湯底！計落其實幾抵。餐廳職員介紹我們叫招牌椰皇凍，聽佢哋講係日日新鮮用🥥水整嘅，食落去好refreshing！🍃鍾意食奶凍嘅朋友不能錯過。最後，黎得食泰國菜當然唔可以唔點芒果糯米飯啦！其中一款糯米飯加咗斑斕汁，聞落又幾香。

午市有一人火鍋套餐，湯底係泰式口味，有清甜既椰奶雞湯，酸甜海鮮冬陰功，濃厚的牛板腱清湯，由於入到餐廳，已經聞到椰奶味，我就選擇了椰奶雞湯。等上菜時，可先喝一喝湯及吃蝦片，蝦片是任食的。午餐有牛肉，有豬肉卷、蔬菜、海蝦及主食烏冬等，每樣份量不是太多，但勝在夠鮮味，海蝦還在動，豆腐及冬菇吸收了椰奶雞湯既精華。我還加配了泰式手標啵啵奶茶，有香濃既泰式奶茶底，還有彈牙珍珠，好味！我同朋友還想食甜品，叫了芒果糯米飯，欣賞糯米飯是熱的，配上椰汁，芒果，為此午餐劃上完美句號。

非繁忙時段要三四人位唔會準備俾人，所以叫咗十幾個一二人位之後都冇三四人位嘅枱，員工服務態度好差，尤其是叫號嗰個女人，問佢仲要大概幾耐，就講可以將大枱分俾我，要時間收拾，咁做乜唔提早準備呢？只有一個三四人嘅號碼但等咗已經超30分鐘都識唔提早準備，唔講就唔整

沙田新城市廣場7樓開咗幾間新餐廳，呢間泰式火鍋見過幾次，但係一直都冇試，今次晚餐時段六點幾嚟到，冇人排隊，入去試試。餐廳環境寬敞，好光猛，都幾乾淨，好多都係卡位，坐得舒服。湯底有三款，冬陰功鮮蝦、椰奶雞湯、牛肉，我見多數人都係會嗌冬陰功同椰奶，畢竟呢兩樣嘢係比較泰式同埋比較值得一試，兩個湯都好好飲，喺開始煮肉之前已經飲咗幾碗，加湯都係會加返個湯，唔係加水，所以味道都keep住濃味，不過冬陰功就有少少辣，就咁飲就唔係飲得好多，椰奶湯就可以就咁飲好多都得。冬陰功鮮蝦拼椰奶雞湯鍋底餐牌度寫明每人仲會加咗個醬料同配料費，$15，包括醬料、茶水、紙巾同埋蝦片，所以蝦片係任食，大家食完記得添，唔好蝕咗，蝦片都幾脆幾好食，所以我哋都食咗好多我哋食四人餐，有一個四人海鮮盤，一上枱店員就問我哋使唔使準備定手機影相，我心諗有咩值得要咁快影定呀，原來一打開個海鮮就會噴晒煙，加上個盒都幾啱打卡，睇嚟都好多人嚟打卡，所以店員都叫我哋準備定有鮮活日本扇貝四隻，鮮脆本地魷魚90克，鮮脆珊瑚蚌60克，鮮活鮑魚仔四隻，白鱔魚片四片，手打墨魚丸四粒，海蝦四隻。真係每樣海鮮係得四粒，每人得一粒，唔算好飽，不過海鮮都幾新鮮，

平時都喜歡中午嘅時候shabu shabu，因為通常都會食得好飽，仲有成個下午可以消化，如果食晚餐的話，就會飽到瞓唔著。 最近新城市7樓開咗間四面泰泰式火鍋，所以星期六放假就嚟試下喇。 我們到嘅時候已經係一點，餐廳店面好大，坐了六成客人左右，大家都係會選擇他的午市套餐，$299，湯底，丸，肉類，麵食，需要的話可以額外加錢配嘢飲，另外仲有15蚊嘅醬料費同埋要加一。計返上嚟兩個人其實同牛x價錢差唔多。他的三色醬中間是椒麻豉油，不是很辣但很惹味。冬陰功湯入面有四隻鮮蝦，店員介紹我們湯底的時候建議我們先把鮮蝦食掉，飲一碗湯，再打邊爐椰奶雞湯，他的雞肉鮮嫩，湯底鮮甜，如果唔食辣嘅話，呢個係好好嘅選擇。四面拼盤，是指蝦丸墨魚丸豬肉丸同牛丸，除咗牛丸是現成的其他都是蝦滑、墨魚滑和豬肉滑打成的。好細心的下面用一塊薄薄的青瓜墊起，避免黐底。西班牙黑毛豬，薄片一綠就熟。放在兩個湯底淥熟都好好食。 手打烏冬，煮極都好彈牙，兩個湯底都好好食。 他的雜錦田園擺盤亦非常漂亮，這些湯底淥菜特別好味。 我也很鍾意他的前菜蝦片好脆。 泰式芒芒碌碌，楊枝甘露，入面有啲椰果。打邊爐飲佢絕配。因為天氣凍凍地，所以點了熱嘅泰式