影片
以上资料只供参考，请与餐厅确认详情
相关文章
今日咁啱好想打边炉，经过呢间餐厅，见到佢话食满$400有公仔送，咁就一于嚟试吓啦。虽然我哋嚟嘅时间只系六点几，但系入面已经好多客人，大家上嚟亦记住book位或者早啲到啦。虽然好多客人，但系呢度嘅装修好开扬阔落，就算多人都坐得好舒服。侍应好细心咁介绍话原来呢度嘅汤底系亲自煲出嚟嘅，而且就算加水都系加真正嘅汤底，咁就一于试个双拼啦。我哋就叫咗椰子鸡汤拼冬阴功虾汤，佢叫我哋未打边炉前就要饮咗啲汤底先，因为好香甜。我自己就最欣赏呢个椰子鸡汤底，佢真系同屋企煲出嚟嘅一样。椰子非常清甜，而且饮落唔会太腻，越饮越开胃。朋友就话冬阴功虾汤比较出色，因为佢比较钟意食辣，酸酸辣辣咁又系好开胃。我哋见到好多台都有叫呢个海鲜宝盒，一开盒佢仲加咗唔少干冰，有好多烟喷出嚟，非常适合打卡。而且入面仲有好多唔同种类嘅海鲜。我最欣赏嘅就系呢个生蚝，因为佢除咗好大只之外，而且非常新鲜，渌一阵就食得啦，完全唔使点任何豉油酱汁，都食到佢海水嘅清甜。另外呢个手打虾丸都非常出色，喺呢度自制嘅虾丸。而且食落好多虾，唔会好似好多面粉嘅感觉，又系唔使点酱汁都好好食。因为朋友唔食牛肉，所以我哋就拣豚肉。平时我唔系特别钟意食猪肉，但系呢个豚肉非常大块，而且食落肉质好好，食落简直可以媲美牛肉，非常推荐唔食牛嘅大家嚟试吓。甜品方面，我哋就叫咗呢个椰皇奶冻。佢嘅卖相非常好睇，估唔到食落唔会太甜，而且份量好多，食完奶冻之后，仲有好多椰子肉，简直为呢个晚餐画上一个完美嘅句号。
继续阅读
之前喺Airside分店食过午市，一直好想食埋晚市，星期四晚终于去咗沙田新城市帮衬啦🤩我哋叫咗节日欢乐二人聚餐 $688，可以拣单拼或双拼锅，当然拣双拼好似抵啲😂 我哋拣咗椰奶鸡汤锅拼慢炖牛板腱清汤锅，椰奶鸡汤有浓郁嘅椰子香，配跟餐嘅泰式金边粉，肉，蔬菜食都好正，挂晒汤咁🤤牛板腱清汤味道清甜有层次感，配唔同嘅肉类都好夹🥰依个餐最正系有个海鲜金盒，里面有鲩鱼片，鲍鱼仔，带子，墨鱼胶，虾， 蚝，珊瑚蚌，全部都好新鲜肥美。肉方面可以拣日本黑豚肉或美国严选牛板腱，我哋拣咗牛板腱，好有咬口，肉味浓郁😍套餐仲有小食泰式手打虾饼，外脆内软，好有虾味。跟餐+$38有一杯饮品，我哋叫咗泰式芒芒碌碌，好colorful, 好清新又解渴，芒果味仲好浓，好似饮紧杨枝金露咁；爆珠马蹄椰子水，好清新解腻。最正系依间火锅系加汤唔系加水，唔会愈沟愈淡，茶水同埋手工酱料费15蚊一位，已经包咗任食嘅泰国虾片，真系好抵，全部侍应服务都好nice，讲解又详尽，环境又舒服，餐厅仲好贴心有供应围裙同埋usb位可以叉电，值得一赞😍评分：最高为5分治愈度：👩⚕️👩⚕️👩⚕️👩⚕️抵食度：💉💉💉💉翻兜指数：🩺🩺🩺🩺四面泰泰式火锅沙田正街18-19号新城市广场一期7楼708号舖📍沙田港铁站A3出口5分钟路程
继续阅读
🇭🇰泰迷必试！呢个「宝藏海鲜手工金盒」真系好食到喊😱浓郁冬阴功汤底任饮 环境仲要几唔错📸🍲【2人套餐食评】🦞「宝藏海鲜金盒」：海鲜够晒2人份量！大虾、青口、带子、鱼肉、鲍鱼、生蚝、墨鱼滑等等多到净系食呢个都饱 全部新鲜弹牙个盒仲要金闪闪 相机食先必影✨🥘「冬阴功椰奶双拼锅」：冬阴功汤酸辣醒胃 椰奶鸡汤香浓顺滑我饮咗成4碗汤都唔够喉🤤🍢「青柠椰香炸墨鱼丸」：外脆内软 咬落juicy 青柠味好清新 完全唔腻口🥩「鲜辣金不换牛肉」：牛肉嫩滑 金不换香气扑鼻少少辣辣地好过瘾🌶️🍹必饮特饮：「玫瑰芝士椰子水」💖🍧「多肉龙眼蜂蜜刨冰」：成座冰山咁高🗻仲系粒粒去晒皮去晒核🥹🥹（所以等待时间较长）面头铺满爆汁龙眼肉每啖都食到清甜蜂蜜同椰香最正系个刨冰幼滑到似雪花❄️🍇「多肉青提蜂蜜刨冰」：青提多到泻出嚟💦爽脆清甜完全冇酸味蜂蜜同青提意外地夹食完成个人即刻降温🌬️📍沙田新城市一期7楼708号🚇沙田站A出口行3分钟⏰12:00-22:00#四面泰 #泰式火锅 #沙田美食#香港泰国菜 #打卡餐厅 #海鲜盛宴
继续阅读
今日我哋去咗沙田新城市广场食四面泰泰式火锅呢度嘅灵魂酱料真系要推介，有三款酱料提供而且仲有虾片！虾片微辣，好脆口！作为开胃小食真系一流！我哋叫咗午市优惠双人套餐$399可以选择单锅或者鸳鸯锅因为同朋友小朋友，所以我哋叫咗唔辣嘅椰奶鸡汤锅套餐入边有美国严选牛板腱份量好多，而且重牛味，肥瘦均匀好出色手打墨鱼丸（四粒）爽口弹牙，小朋友好钟意食清迈杂锦田园呢个田园时蔬好大份性价比好高泰国船面河粉呢个河粉好滑，加落去椰奶鸡锅，吸晒佢嘅精华特别入味鲜活鲍鱼仔一份两只鲍鱼仔好新鲜好大只！如果单叫要$58 2只！所以套餐拣鲍鱼系好抵食泰式手标波波奶茶加$28呢度嘅手摇饮品好多款式 款款都好吸引但系食得泰国火锅，梗系饮返泰式奶茶搭配返另外而家夏天好推介食完火锅之后食佢哋嘅椰奶冰冰上面铺满水果，有三个口味，分别系龙眼、青提、芒果而我哋今日就叫咗两款嚟食多肉青提蜂蜜椰冰多肉龙眼蜂蜜椰冰龙眼仲系即叫即剥壳，所以龙眼特别鲜甜，本身呢个刨冰冰底唔算好甜，所以唔钟意食甜品嘅都可以试吓，相反如果你觉得唔够甜就可以加上佢附送嘅蜂蜜🍯由于实在太好食嘅关系，劲快就清晒两个冰食完之后觉得劲消暑！
继续阅读
今天去左新城市广场的【四面泰】，环境舒适，服务亲切，CP值很高！宝藏海鲜手工金盒（2人），作为招牌，海鲜种类丰富，虾🦐，鲍鱼，桶蚝🦪，爽脆鲩鱼🐟, 鲜活带子等新鲜度在线，搭配的酱汁酸辣平衡，食材与调味融合佳，两人分享分量合适，而秘制冬阴功椰奶蟹拼锅🥘 ，冬阴功汤头酸辣够味，椰奶香又很浓😚青柠椰香炸鲜墨鱼丸🍡（一份两串) 外脆里弹牙，青柠椰香很特别 鲜辣金不换牛肉🥩金不换的香气超搭牛肉，辣度刚刚好，牛肉又嫩☺️ 清迈什锦田园🥬 各种蔬菜新鲜，清爽解腻 玫瑰芝士椰子水🌷🧀🥥🍹，椰子水清甜，加上玫瑰和芝士，口感很特别，清爽又有层次😚 玫瑰糖心桃胶生椰乳 🥥🌷🍹桃胶软糯，生椰乳浓郁，玫瑰糖心甜甜的☺️ 多肉青提蜂蜜椰冰🫒🥥青提鲜甜，蜂蜜椰冰清凉，夏天吃这个太爽，一口降温🥵 满分心动芒果椰冰🥭🥥芒果味超浓，椰冰绵密，吃得出芒果的香甜，超爱这款☺️ 🎇四面泰泰式火锅🎈沙田正街18-19号新城市广场一期7楼708号舖
继续阅读