唯一雲貴川風味

营业中

休息中

呢間雲貴川，嚟唔使經過都想回味一下佢嘅濃味湯底，尤其是見到經常排長龍，都不期然會排埋一份呢D就係香港人食嘅指標我最喜歡吃就是腩肉配中度麻辣湯底，多蔥 再配合蘿蔔，豆卜等配料。先講麻辣湯底，真材實料，湯底肉味很濃郁 ，而且真係會食到你頭髮冒出汗及嘴唇亦麻痺起來!腩肉多數是全瘦的，沒有太多肥膏，咬落口 肉質豐富，食完一件很想即刻食第二件!蘿蔔炆得很淋索滿湯汁，很入味。而豆卜 細細件，同樣一亦吸滿麻辣湯很惹味第一次嚟食，感覺很擠迫，一張圓枱坐滿六個人。但之後都習慣了，客人流水式自動自覺坐滿一張枱，各有各流汗，真的很過癮!

一想到米線好自然就諗到雲貴川，原因係除咗近舊公司外，主要係味道同感情!!!食咗差唔多二十年，寫食評不如分享吓心得…店內嘅米線聽講係老闆依黃金比例用新舊米專門搵麵廠訂製，比坊間嘅米線彈牙好多。而湯底就半夜就開始熬煮，無味精成份，所以飲完都唔會好渴。每碗米線都好似煲仔飯咁逐碗連湯帶餸+米線一齊煮，味道先至入味。所以外賣即食嘅話係無可能米線同湯分開裝，除非你想自己煮就可以要求分開，我試過買3碗外賣唔煮，分開湯/米線返屋企用嚟打邊爐當湯底，真係正到暈!!!餸料方面好似車仔麵咁，有幾十款。全部寫晒牆上多眼處，推介係腩肉、豬肚、豬耳、豬頭肉、腐竹、雞尖、雞翼，豬肉系列一般都有小辣，所以叫2-3款辣餸嘅話，湯底就唔好再加辣喇! 雞尖，雞翼用鹵水鹵到好入味，雞尖唔多，要食就早啲去喇~  如果唔食得辣就可以叫腐竹、蘿蔔、丸類系列、雞尖雞翼，雲吞就唔推介喇!!服務方面，阿婆直腸直肚但非常貼心，經常見到啲人食辣食到死死吓，都會問"駛唔駛俾碗清湯你呀?" 店內嘅米線係冇蔥嘅，你要蔥就落單時加埋。街坊生意，講真二十年來從未受過氣，唔明點解啲人成日當自己係上賓VIP 要求呢樣嗰樣又要投訴!!! 

記得第一次食呢間米線已經有5年前，第一次食既時候覺得佢地既湯底好濃郁，好香。第二次食係3年前，冇第一次咁好食，味道淡左，而且個辣味冇第一次咁香，而今次係第3次食，今次都係照舊食番佢個酸辣湯底，佢地連個湯底都算一味餸咁計錢，所以其實都吾平，但好在麵既份量夠而且啲餸都算有質素，見比較多人食既係豬腸同腩肉，佢地會煮到好軟所以好易入口，但湯底既味道真係一般，吾會覺得特別好食，不過佢地因爲都算忙，所以會係你排隊既時間預先幫你落定單，咁樣令你坐到入座既時候吾洗等咁耐，對於冇乜耐性既我黎講都幾鍾意呢個安排，整體黎講合格。

Not telling y’all but maybe there is a way to cut the queue 😎? All the way to Tsuen wan for mahjong at my friend’s place but partly also for this bowl of 🍜Yunnan mixian! Heard about it for a long time and highly recommend their pig ears & “pig head meat” . I ordered little spicy🌶 and I can totally go one level up but @cmerlinwong was already sweating like he was in the desert lol..yes, definitely quite oily so maybe just once every few months! HKD 43 for two toppings; HKD 50 for three!.

我很喜歡食米線，尤其是麻辣米線。一直以來都知荃灣有間頗出名的米線舊店，今日難得到荃灣剪頭髮，當然要一試。亂打亂撞終於來到此店，門外已有十多個人在等位，心裡十五十六是否也排隊等候時，心魔就跟我說，專登行過來，唔係唔等掛？？幸好，人流去得好快，等了不消十分鐘就到我了，坐下來不需三分鐘食物便上檯，全因排隊時已有人走來幫忙下單。效率之高不得不佩服😆排隊下單時，落單阿姨話這店最出名是腩肉，於是我便點了酸辣腩肉腐竹豆卜米線，阿姨兩三次跟我說是辣的，生怕我食唔到辣，我跟她說我唔怕辣，只怕唔夠辣😂果然，喝下第一口湯，真的是唔夠辣。湯只是帶少許酸辣，但辣度不是最重要，重要的是並沒有想像中那麼好味。可能人們評論得太高，令我寄望過高吧！阿姨口中所說最出名的腩肉也只是平平無奇，只能說腩肉瘦得來不會太乾。豆卜則有點不新鮮，有少許益味同一點點酸味。對於我來說，這碗米線味道一般，不算差也不能叫好，不會令我有encore的感覺。而價錢方面，這碗米線絕對唔平，要$57，真的並非物有所值😔

唯一雲貴川風味主打是酸辣雲南米線有辣有唔辣辣湯底做得特別出色。辣得非常過癮，食完會有口渴的感覺吃辣的你一定不能錯過今次我叫左招牌是豬腸炸醬蘿蔔米線👍🏻👍🏻豬腸夠淋無臭味，炸醬係成碗既精髓，蘿蔔香甜無青澀味大大碗。我見周圍有好多女士都食吾曬。我諗如果係男士食都會飽到上心口 建議大家非繁忙時間來因為Lunch Time真係要排隊。至少排15-20mins..今日我2:30離開，店舖外沒有人龍，更開始有空位。

唔點解⋯⋯係要定時定候，去食下腩肉、雞尖，小辣、酸辣米線腩肉，唔肥又唔un，正雞尖呀⋯⋯雞尖，係必叫我只會係哩到食雞尖既咋，因淋到，一啜啲肉就出晒黎米線質感很好，配合埋酸菜&芽菜，仲有小辣，完全無得頂呀！

只可意講難食到一個點.........字都唔想再打完全唔明點解會有人排隊, 啲麵淋啤啤, 係有好多酸菜成碗湯冇酸, 個辣椒得個樣, 又唔麻, 辣又冇香味.我都好少浪費, 今次真係求其食夠就放低就走, 返屋企煮個頹麵好過

經過附近見到咁多人排隊，於是就試一試呢間米線睇吓有咩咁好食。叫咗個腩肉支竹米線，米線好彈牙，支竹軟硬啱啱好，腩肉亦都好香。但係價錢稍貴，對於收入微薄既我來講就有少少貴。但係都值得一試

啤小姐每逢天氣寒冷都有一個習慣，就是吃辣！經常經過荃灣都見到唯一雲貴川排著長長的人龍，難得今天有機會就一試吧！一個人比較容易找位置，等了大約5分鐘就被安排入座。大概有去過的朋友都知道，窄窄的空間已經安放了7張圓枱，難免要食客手貼手、背貼背地進餐，個人覺得比譚仔的環境更迫。今次選了一餸雲吞米線，小辣，雲吞大大粒，餡料飽滿，皮又薄又滑，豬肉餡略帶甜，味道不錯。湯用了辣油酸菜煮成，上碗時更有幾塊酸菜。縱使只是最低程度的小辣，啤小姐仍要湯冷卻一會才進食（利申：啤小姐平日譚仔食麻辣五小辣）。後記： 食完後迫得馬上就付帳離開，食完唯一雲貴川排隊之謎仍未解破

難得早收工就同同事落到黎荃灣覓食呢日天氣勁凍最啱就食熱騰騰既野其實呢間野中學喺荃灣練完跑一定會走黎食醒起中學之後都好耐無食呢間野還掂黎到一於就去回味一番啦適逢晚飯時間所以都等左成20分鐘先入到枱一坐底即刻拎起餐牌睇下先我叫左碗腐竹豆卜炸醬酸辣米線10分鐘度熱騰騰上到枱雖然湯底偏油但依然有好香既酸辣味豆卜完全吸哂湯汁既精華夠哂入味而腐竹就煮得剛剛好唔會話煮到爛哂個炸醬就中規中矩可能因為浸左湯走左味如果可以另上會更加好雖然比起中學貴左好多但總結黎講50蚊買返個中學回憶暖下個胃都值得既

呢幾晚都好凍，所有禦寒食品好似打邊爐、雞煲、烤魚、煲仔飯等呢幾日都食過曬，係時候輪到佢啦。荃灣街坊對唯一應該唔會陌生，每晚食飯時間都有好多人排隊食或者買外賣，全因佢嘅米線湯底吸引，d餸又好食。雖然已經食咗好多次，但仍然對佢嘅餐牌同價錢摸不著頭腦，總之鍾意食然後叫就係啦。酸辣湯底係呢度嘅靈魂，香口、中度麻辣、有少許酸味，配以大量肉碎、酸菜、芽菜等等，實在令你欲罷不能。雖然你深知佢既麻辣有可能令腸胃不適而聽日去廁所會⋯⋯不過佢就係會令你排除萬難一啖接一啖。配料方面都好多選擇，首推腩肉同麻辣雞。腩肉唔係好肥個d，肥瘦是二八比例，剛剛好；肉質唔嚡口、入味，不過又真係唔算好多舊。而麻辣雞其實就係辣既雞件，佢既辣其實唔係好feel到因為湯底係更辣的，賣貴兩蚊不過份量算多了。冬天凍冰冰食完會好滿足，而夏天熱辣辣食完大汗淋漓其實都好爽，誠意推介啊！

成日都大排長龍既老字號米線，雖然依家米線既選擇種類繁多，但每一間既口味同特色都好唔同～而我比較喜歡佢呢間既湯底同辣味。🔸豬腩肉 雞翼尖米線 (小小辣)🔸豬腩肉 豬大腸米線 (小小辣)一黎到見到碗米缐就知道湯底一定好夠味，有層紅油係面，望落好辣，但食落唔太辣。每一碗米線入面均有韮菜、芽菜同埋好多酸菜。豬腩肉本身已經係麻辣，所以米線揀左少少辣就岩岩好～佢呢間既豬腩肉係厚身既，啖啖肉，辣辣地，幾好味。雞翼尖有醃過，好入味，豬大腸香口。

本身喜好食酸辣米線的我，會經常 四處找尋好味的米線，尤其是酸辣米線。平時到荃灣看到唯一雲貴川米線有很多人排隊，記得其網上評語也不錯，今天看到不用排隊便打算一試。知道腩肉出名，今日一試腩肉酸辣米線。叫了多酸少少辣，但是來到的米線卻一點也不酸。幸好我聽額外加酸，他們給了我一大碗酸汁，才感覺到酸度。而且湯面上厚厚一層的辣油，並非我喜愛，因此是日的米線實在令我失望。不過此家的腩肉的確好吃，煮得很入味及軟身，值得一讚，這家米線給腩肉喧賓奪主了呢！

今晚呀媽懶得煮，又有d想食米線，就黎呢間食，聽講幾出名。六點幾黎到，唔洗等位。叫左兩碗腩肉米線 多蔥(1碗唔辣 1碗小辣)小辣腩肉米線 $36小辣一啲都唔小，勁紅。辣到頂唔順撇走晒表面啲辣油，竟然有半碗咁多😨嚇死我配料：蔥，酸菜，芽菜 ，(沒有肉碎)湯底: 只食到辣油味，輕微酸味。失望🙁米線: 份量足夠腩肉: 份量足夠 好似有五六塊，而且厚厚地 唔算薄。辣辣地幾好味，應該係我食過咁多間米線店之中最好味嘅腩肉。另外想提提大家:唔辣+腩肉=小辣小辣+腩肉=中辣腩肉本身都有pat辣油係度，即使湯底係唔辣，都會變小辣。一向叫小辣嘅我，今次變左中辣，辣到頂唔順。總結:湯底就是靈魂，無奈只食到辣油味，冇乜特別，名過其實，有點失望。平時我食米線一定飲勁多湯，但呢間我只飲少少。荃灣仲有咁多選擇，應該唔會再翻食。