唯一雲貴川風味

营业中

休息中

唯一識得食米線一定食呢間，食咗咁耐米線全港冇乜邊間米線店好食得過佢！可相比的米線店就是老闆娘，其他嘅都相差成班馬，但都算好食不過未能達到好好食或者超好食。豬耳，好爽，小小辣，超好味。推介指數：10/10豬腩肉，好麻辣，叫咗後碗米線會由小小辣變成小辣，叫前要自己計下數，要邊級辣，落咗去碗米線超好食，但每碗只可以叫一客。推介指數：10/10雞亦尖，Wooow....好正，好入味，雞骨又軟身，真係好好味。推介指數：10/10湯底，超濃超好味，佢呢個湯底真係其他地方找不到，有咗佢成碗真係唔同曬，好食到暈！推介指數：10/10

同太太去完葵涌廣場買嘢，諗起好耐冇食過嘅米線，就專程坐3個站過嚟食，嚟到時只有3個人喺前面等位，好快就有位坐低，點餐時專登同佢（男嘅）講走芫荽，佢回答話「冇芫荽架」，點知碗米線嚟到食食下發現有芫荽，因為我太太係唔食嘅，搞到佢食得唔開心，係咁要夾走啲芫荽，而且講真，個湯底都同以前爭好遠，腩肉保持到水準嘅，但只有呢樣可取之處，真係唔覺得會再為碗米線坐幾個站嚟食囉。香港地咁多嘢食，不進則退，想人食完返轉頭好難囉。

由朝到晚，門口都有人排隊嘅米線店👍🏻去完仁濟探病，本來打算食譚仔醫肚，點知朋友話有好介紹，話荃灣有間米線店，係由朝到晚都大排長龍👭👫講到咁巴閉，無理由唔試吓嘅😂餐廳入面全部都係大圓枱，所以嚟得食嘅，要有心理準備係一定要搭枱的😌而且係出面排隊嘅時候，已經會有姐姐走嚟問你食乜，所以一坐低無耐，你碗米線已經煮好放係你面前😂超有效率👍🏻呢到嘅腩肉係必點的，十個有九個都會叫❗️口感軟腍入味，食落微微帶辣，好惹味👍🏻另外我覺得佢個米線，係比出面食開嘅爽口，而且份量都幾多，男仔都夠食！食厭咗譚仔，得閒嚟呢到食都唔錯😂---------⭐️腩肉腐竹米線(小辣)$40

之前都食過呢間米線覺得佢酸辣幾好食今日lunch time見得幾個人排隊就去食係排隊既時候員工會同你落定order等到有位坐一陣米線就送上今次啦左腩肉雞肉米線（$40）但無嗌辣腩肉好好食 但個麵唔好食我個中偏愛酸d既米線 但佢一d都唔酸冇咩味 好失望 可能嗌辣個米線會好d

琴晚突然好想食米線，就諗起雲貴川。於是打電話去叫外賣。要左個腩肉豆卜酸辣米線，咁落完order之後。忘記叫佢分湯分米線。咁我就再打電話去講，但個阿姐已經話煮好，冇得分。不過前後時間只用左3分鐘左右。試問有冇咁快煮好？！重點：但阿姐啲態度係起差咁都算，到我去鋪拎時，佢地係有分湯同米線既，心諗：雖然啲態度係差左啲，但都有幫我分開。結果惡夢就開始了，我返到公司一睇，啲米線係硬既，湯係暖既，餸係得一、兩舊。我以為將啲米線浸返落啲浸到會淋返，但我想法係錯的，因為米線係生，冇煮過🤦🏻‍♀️咁我就打返去問啲阿姐，佢地霸氣地回覆。佢話，你要分湯嘛，咁咪俾啲生麵你返去煮囉，分湯就唔會煮麵！我聽完，真係Ox左咀🤬🤬🤬，這是什麼道理？點解可以咁理所當然？可以講到係我唔啱咁？咁我外賣有咩意思？如果分湯係俾生麵自己煮，咁不如你將啲餸都係生既，反正自己煮。真心講呢間野，我由細食到大，佢地既服務同食物質素越來越差。經過今次，我唔會再光顧佢地

《不負責任食評—唯一雲貴川風味》兩三點去到 竟然唔使排隊🐒<酸辣腩肉大腸米線> $47湯底係雲貴風個一派感覺好多乾辣椒煮 比較濃厚既湯大腸洗得好乾淨 無乜肥膏腩肉瘦 有少少柴 不過就好入味酸菜爽口 不過完全無特別🐒（我其實覺得唔多夠酸）另外環境方面都比較一般多人個陣應該會手撞手咁坐lol我既感覺係 味道唔錯始終辣椒香係好香既唔似有啲係有辣味但無辣椒香如果我住荃灣都會中意去食既不過特登出荃灣食（甚至要排好耐隊既話）就真係免啦🐒畢竟對我黎講驚喜唔大💛💛💛

好耐無打食評 今日終於得閒呢間真係好食到唔洗我多講 我6點9左右去到排左5-8分鐘就入到去 食完出翻黎條隊排到去隔離第3間鋪門口好在我收早又行得快 如果5系有排等一餸米線$33兩餸米線$40三餸米線$47四餸米線$54再加餸就$7一個餸另外仲有小食 詳情請閱以下相片我叫左腩肉豬肚米線小辣 兩餸米線大大碗都系$40 其實唔係話超平 但係佢好食腩肉有腌過 好夠味 而且肉質林得黎又岩岩好豬肚都ok 個湯用好足料去煮 不過我就5鐘意佢太多酸菜 個湯偏酸 下次我要試走酸 食完覺得好滿足必叫腩肉

講起荃灣邊到食米線好，好多人都會話去唯一，話夠正宗而今晚要去荃灣買野，所以隨便試下呢間米線啦我地大約九點去到，門口都排左大概七個人，全場滿座，等左十分鐘到，終於等到下一個到我，但係個侍應好有問題，明明我同朋友都係兩個人，但個侍應反而叫左排我後面既兩個人入去先不過我地都無追究落去，繼續等多陣啦食物價錢都可以接受啦我就叫左個炸醬雞翼尖米線炸醬份量好多，味道都ok朋友就叫左酸辣豬頭肉米線，原來酸辣湯底都已經叫一味嫁佢話個湯底得個辣字，無酸味而且超多油！另外，仲叫多左個酸菜，但味道超級酸，係酸到la喉嚨個種真係無下次

本人住港島中，米線迷一粒專登放工之後山長水遠過嚟呢到食傳說中嘅米線雖然等候時間喺耐左少少(同埋夏天好熱呢)但係入到去真係不負所望好辣之人，一定滿足到你大麻辣+腩肉+肉碎+酸菜真係聽到、或者喺真係食果陣流曬口水呀啲腩肉好嫩，唔會好柴，附送少少筋非常之有咬口另外撈埋啲肉碎連埋湯送啲米線入口真係好正呀 同時食到撈同湯嘅味道同埋啲酸菜配菜呢，真係越食越肚餓好想食多碗呀如果下次嚟仲要食 無限loop呀

在搬進荃灣區後不時會光顧位置橫街小巷的米線店。此店每當午市時段店外必定排長龍。為加快人流職員會向每位正在等候的客人預先點餐，不消一會便有坐位。每次到這家米線店我只會選"炸醬腩肉小辣"，米線份量相當多，胃口比較細的食客絕對足夠飽肚至晚餐也不用吃飯。與其他米線不同的是他們所用的辣椒碎是自家預先炒香，每口夾雜烤香的味道。而炸醬口感比較乾身，不太油膩而且十分香口。腩肉亦是預先燜好，撕開一條條又不會帶太多肥肉，少了份吃過多脂肪帶來的罪疚感。一碗價廉物美的米線唯一缺點就是坐位過窄，難以放下隨身物品，但以此價錢來說也沒有甚麼可挑剔的。

第一次食評！第二次食呢間米線！阿姐阿婆態度都係世界級惡劣！排隊期間要落單～問下阿姐～酸辣係一味餸？阿姐話：你食就食 唔食就算。我火都黎埋！唔明問下都唔得？跟任有個阿婆出現，叫我地去後面到食，我只係問一句，後面D位喺出面定入面？阿婆就好似受左咩刺激咁，咁你坐唔坐？坐咩出面呀？😲咩態度黎架？距離上次食呢間米線都有2年，印象中都唔係咁！我已經唔想食，但諗諗排左咁耐算啦！好啦！叫左貢丸雲吞米線！我真係好想問候下佢地😤貢丸尚可，唔難食亦都唔好味！雲吞入面係凍既！好難食😓唉！自己攞黎受！所以絕對唔會有下次！希望你地改善下態度同食物啦！唔好因為出左名就變到不知所謂！

今日出開荃灣買野 行緊吉之島 但其實我好怕排隊 但我一起出荃灣 就一定要米線 變左指定動作咁 ，每次都會食米線 ，雖然每次都有十幾人排隊 ，次次都要等 ，仲要快食快走，因為門口好多人等位，你等人時人等你，但都值得等 ，雖然味道每次都會有差別 ，但今日呢個加左酸真係好味到爆炸 ，真係會掛住佢呢個味道 ！我鍾食多酸少辣 嘿嘿 期待下次再去荃灣食呀真係由細食到大 出黎做野又食 永遠都會特登搭車出去食 因為我覺得 暫時係我食過最好食既米線 多酸少辣冇得輸

每次黎度荃灣，經過千色匯附近，有間米線總係排長龍，令我一直都想去試。今日終於抽到時間去排隊食。排左大概20多分鐘先有位，六個人坐一張細圓枱，坐得都幾唔舒服。等左12分鐘都未有野食，原來係漏單🙄，叫人跟左跟先有得食。米線份量正常，酸辣湯底味道好一般。米線無口感，唔彈牙無嚼口，明顯唔係即煮，呢種質感唔太討喜。配菜簡左雞翼尖、腐皮。雞翼尖煮得夠哂淋，可惜味道一般般。最失望係腐皮，絕對可以用難食去形容，質感好似食緊爛布渣，好鞋口😖。我食開既腐皮都好滑，接受唔到甘難食。食食下仲中招，好大滴冷氣機水滴濕手臂。米線真係十分普通，完全無驚喜，真係唔明點解可以甘多人去排隊。論環境、服務、食物，全部唔合格，配套差，食又食得唔舒服，性價比超級低。其實如果係好食，我唔介意排隊，但呢間絕無下次。

早前fb一直見到篇文章，介紹全港必食既米線舖，呢間榜上有名!7點黎到，已經要排隊，排既時候會落定單，一早做左功課，腩肉係大家都大推既餸，咁就黎做腩肉+蘿蔔! 等一陣就已經可以入座每桌都有1“桶”熱茶，如有需要，問姐姐拎個杯就可以!雖然排隊既時候已經落單，但入座後都等左10~15分鐘先有米線湯底~ 叫左清湯，湯底有點酸，因為真係好多酸菜，味道見人見智啦，因本人愛麻辣湯底多d...口味不能作準，男朋友大愛蘿蔔~好甜好甜，仲有4舊咁大，正腩肉~本身腩肉有dd 辣味，撈埋個湯底，就會變酸辣湯，腩肉係瘦個款（我至愛），份量係好多，食極都仲有餃~ 男朋友叫左腩肉+餃，餃相對黎講比較普通，（本來想叫大腸 但已賣晒)可能飲左d湯，食完會口渴

多年前食過，今日再去味道已經大不如前。未坐好就已經被呀姐催落單。餐牌上寫三餸$40，佢單上面寫$47，問一問就俾佢大聲呼喝，全程呼呼喝喝，我哋唯有盡快食完走。山長水遠入去食仲要受佢氣！味道方面，辣唔夠辣，酸又唔夠酸，叫左少油但個呀姐可能聽唔到。佢咁惡死又唔敢再叫佢。整體黎講比以前差左好多。唯一好嘅係米線份量夠多同唔洗點排隊。最慘嘅係夜晚有輕微肚瀉。事隔多年再黎，估唔到令人咁失望，呢個價錢絕對有更多更好嘅選擇！