唯一雲貴川風味

营业中

休息中

好多荃灣朋友仔都有推介既一間小店，今日我終於的起心肝去試。平日收工去到排左三個字就入得，店舖內唔係好多張台，但座位都算鬆動，而且會比到櫈仔我地擺袋。我地叫左小窩米線：一碗腩肉豬肚豆卜；同一碗大腸雲吞。佢既腩肉同豬肚有辣味，而且好淋都幾好味，而且加入米線令湯底多左辣味，唔錯！而另一碗就好似比較清淡，而且大腸有少少厚同唔夠淋，雲吞食得出係自己包既，皮有啲厚身，餡料不多。整體來講，米線ok，唔知係咪因為冇叫到麻辣，冇想像中甘好食，但一試無妨！

行完街個肚餓餓地荃灣排隊米線店-人氣米線店，長期full,圓枱六、七張，一張坐6人，必須搭枱，客人背貼背坐。筷子幾乎接觸到隔璧，，隱身於不顯眼的四陂坊內，裝潢簡陋D。米線逐碗煮,鮮甜濃郁,腩肉、炸醬幾乎每枱必點,真的好好味,自製酸菜用香料醃芥菜，爽脆惹味。主打酸辣雲南米線,我覺得D腩肉唔係咁肥,岩晒我口味分大中小微辣,清湯，小辣已夠，大辣會辣得出眼淚來。我覺得好味過譚X,如果你愛味道濃的話平時晚上大多要20分鐘!其實都幾耐,不過就一邊排一邊可以TICK下咁!

人龍=好食，呢個係一定既定律呢間目測都長期有人龍，估計都係受歡迎嘅。呢間等10分鐘左右入座，5分鐘有米線送上。好快有得食，正啦！😆🙌🏻叫左2碗：酸辣+酸菜+腩肉🍖🍖麻辣+炸醬+雲吞 🥟🥟酸菜好夠酸👍🏻👍🏻，但酸辣底唔夠辣。麻辣底比較辣，多紅油，幾正。不過呢度無咩餸選擇，單調左d 🙄🙄呢間一解米線癮都很不錯呀，味道值得去食👍🏻呢排成日去食米線，已成癮，哈哈，成功取代左飯🥳🥳

最近日日睇米線關注組搞到心思思想食米線今日終於嚟到呢間 網紅米線！我6點幾嚟到都要排一陣 前面大約6個人左右一路排隊 就有個樓面姐姐一路幫大家落單第一次嚟都未睇得清有咩食就要落單都幾有壓力 建議大家揀好晒先開始排隊( ͡° ͜ʖ ͡°)排左5分鐘就到我入去啦 都幾快喎！ 坐左一陣野食就到啦～我叫咗腩肉豬肚米線小辣老公叫咗腩肉炸醬小辣兩碗一上枱係分唔到邊碗打邊碗嘅XD湯底啲色啲餸都差唔多樣咁好彩有佢啲炸醬都幾大堆 咁就識分啦 第一啖食落口 又幾好味喎幾岩我口味 辣度酸度都岩岩好 就算係小辣都唔會無晒辣味（不過我下次會食中辣）同埋餸都幾多 食極都仲有腩肉都幾入味 不過有幾舊就偏韌但整體嚟講都係我鍾意嘅口味 網上話覺得個湯底太油 呢方面我又覺得ok 都仲可以接受（可能平時食酸辣粉仲油） 不過呢度地方就唔算乾淨 同埋都幾逼要同人搭枱 疫情嘅時候都少食為妙或者下次會叫外賣返去食 好似安全啲╰(*´︶`*)╯

永遠的長龍店我又來探你啦！印象中依度係一個味之日「辣」！今次好醒要左小小辣，小窩炸醬貢丸。小窩勁多肉醉，醬爆貢丸今次竟然沒爆漿有d失望其實醬爆=爆漿？另一碗腐皮+腩肉，腐皮吸哂d湯係好好食，腩肉肥瘦適中唔會太咸有咬口最後好後悔叫小小辣唔夠過癮，下次都係要番正常辣來依度食唔辣到出哂汗流哂眼淚就排得冤枉了.

荃灣有好多好食既米線店，呢間唯一雖然鋪頭位置隱蔽，但係長期都好多人排隊食。記得幾年前有食過一次，果陣已經係要排長龍先食到，今次再去食一樣人氣不減🔥不過黎呢度食既話就要預左環境逼硤啲，同埋呢度既menu都有啲亂😂  不過今次黎食有少少失望，覺得好似冇第一次黎食果陣咁好食。不過都值得一試既。1️⃣酸辣腩肉炸醬米線（中辣）（$56） 呢度酸辣都係計一個餸架😂見到好多人都推薦黎呢度食必點酸辣、腩肉同埋炸醬，我就一次過嗌曬呢三款嘢，重口味人士一定鍾意🙈仲有記得要嗌多蔥！  呢度每一款餸既份量都好多，腩肉係偏瘦既，我自己幾鍾意，有醃過，本身就辣辣地。而炸醬更加誇張，一上檯，啲炸醬鋪滿曬成碗麵咁濟，好香撈埋碗米香食超正❤️酸辣方面我同另一碗冇嗌酸辣既湯底比較過，酸辣既係味道濃郁好多，建議真係要試下酸辣！如果唔係佢本身既湯底係偏清啲帶微酸，我自己就鍾意濃味啲所以酸辣就啱曬。  基本上呢碗麵係集合曬重口味既配料，如果都係鍾意食濃味嘢既話會啱。同埋呢度既辣味比其他米線舖既係再辣啲，我今次嗌中辣覺得都幾正辣得幾爽🤤但係佢既湯底就偏油少少，同埋鹹啲。2⃣️豬肚豬潤米線（小辣）（$47）冇嗌到酸辣湯底飲落明顯冇咁香濃，如

幾年前食過一次 印象之中係好好食今次去食之前上網睇到評語話已經冇以前咁好食所以就想去試吓晏晝時間去到 依然多人排隊叫咗豬腸酸辣炸醬腩肉 $56豬腸好入味 酸辣炸醬腩肉正常好味 但係唔會令人驚艷可能而家啲米線舖 周圍都係 好食過佢嘅相信都唔少同埋佢嘅價錢都唔平食到嘅係風味 大家迫住坐埋一齊留住鼻水索吓索吓咁食

第一次朋友帶去好好食。但第二次自己去就好差。我真係未見過豬潤一早煮熟曬有客黎先放。你估雞中翼咩。大家睇下張米線相就見到。豬潤係湯上湯下兩種色。好明顯係浸一段時間先可能發生。明顯發黑。又硬又干。服務唔錯。即刻幫我豬潤換翻雞中翼俾我。中翼不過不失。但好可惜。我要左酸辣米線。不酸也不辣。平淡無味。真係想問係咪換咗師傅。所以好難得咁浪費。食左中翼。全碗留低。清潔姐姐仲問我係唔係太辣食唔到。我只能報以苦笑。唔通我真係大聲同你講我唔食垃圾咩

午餐 米線篇 天氣凍既時候 ， 最想就係食熱辣辣既野 番工地點關係， tko 係有架290, 咁同事有啲住係荃灣區， 佢地知我鐘意食米線就帶我係荔枝角 同荃灣去食米線 😁初初都唔識架， 咁佢地成日都話有間米線一食就會上左癮咁， 講到咁巴閉 咁當然試試佢去到個呀姐超勁， 認得啲同事係熟客， 又問仲咩唔日日黎 🤣🤣 必楝既餸係腩肉同炸醬， 呢2味係一定架喇，另外會加就可能係 雞翼或丸類， 小辣少酸走芽菜激多蔥 🤩🤩🤩🤩🤩 每次多蔥都唔會失望 ， 啲湯又夠滾， 食完暖笠笠 ， 跟著啲同事都會帶我搭番290 閃人 而啲呀姐都超好， 所以每次食呢都超開心同滿足

好失望，特登要黎食米線，點知同以前差好遠，我完全覺得唔係果回事，以前叫小小辣再加腩肉已經好辣好夠味，而家叫小辣再有腩肉豬膶都唔係好辣，得個咸，我心目中完美既米線幻滅，唔會再想去食

一直知道呢間米線出名的今日襯住空檔過左黎可能係下午四點唔算多人可以直接入座左點左炸醬, 火腿, 腐竹 (唔辣)食完先有點後悔我應該揀酸辣的見個個黎都會食辣呀可能因為咁試唔到個好好味感覺個湯底係濃味既唔錯配料都正常整體感覺係OK啦下次要食辣再試多次呀

今次黎到美食天堂荃灣，介紹我香港最鍾意食嘅米線。我既TOP3米線其實都係荃灣呢一區，會覺得呢間係第一名係因為佢個湯特別出色，而其他兩間係餸比較出色。-🍜 四味(酸辣 腩肉 醬爆豬肉丸 雞肉) 💰62（👅: 9.5/10）店最出色唔係個湯有幾麻有幾辣，而係酸辣湯。(建議大家叫酸辣唔好叫正常辣)酸辣湯既酸辣比例大概係8:2，食落其實唔算辣，而且酸辣得一種辣度，所以唔食得太辣或者好鍾意酸辣既人可以一試。呢種酸未到以前尖沙咀星林居個種酸到皺眉既酸，但就好夠味一啖接一啖，而且飲一啖湯就知佢個湯非常足料，唔同你慳; 每啖湯都會食到辣椒子同肉碎，再加上大量酸菜，基本上食哂米線個湯仲係好多料，會好想飲哂啲湯！聽姐姐話酸辣個湯先會咁多料，我就無試過正常辣，因為由我第一次食到呢家都只係叫酸辣。雖然食一碗要5、60蚊，但份量同質數絕對值呢個價。-米線正常發揮，偏軟小小但唔會話太過淋，吸湯能力高。腩肉本身帶小小辣，肉質偏瘦，如果鍾意食肥肉可能會覺得一般。雞肉薄切一塊塊，唔會太榎，相對數量多，個人幾鍾意呢種雞肉。醬爆豬肉丸數量雖然小，不過入面既餡好夠味，食落好滿足。-🌟環境係一張張圓枱，基本上都一定要搭枱食，每

去荃灣做嘢，第一時間諗起呢間老舖米線。以前係葵涌返工，逢星期六放半晝都會去食。今日叫左 豬潤+腐竹+酸菜 酸辣米線(小辣)，加支豆漿。老公就食 肉碎+魚蛋+雞翼 酸辣米線(小辣)，加可樂。印像中呢間舖少辣都好辣，但今次叫嘅小辣，就唔辣喎😆。唔知係咪好耐冇嚟食，還是湯底改良咗?以前麻辣味道比較重，面頭嘅油比較多，而家湯底順和咗好多，容易入口咗。食完仲冇連鎖店個種，要狂飲水嘅情況。🤭偷聽店員同客介紹，湯底本身用左肉碎，應該係真材實料，冇加味精。另外仲叫左木耳拼皮蛋$28，大碟好抵食👍。可能受疫情影響，店舖好似比以往放少咗枱，客人都可以坐得好疏落。希望老舖可以捱過疫情🙏。

同事話呢間好食所以試下。我點了雲吞清湯米線🍜。雲吞是上海style, 有韭菜、豬肉，皮厚餡可以多啲。清湯因為加了酸菜所以酸味重。好多同事點腩肉但因為我唔食辣所以冇試。

【唯一雲貴川】一家係荃灣開了好多年的老店 位置比較偏 但是阻止唔到大家對距嘅愛！！夜晚八點幾到店仲好多人，一般飯點到店都要排隊～#米線 #探店 #荃灣.味道經常點的都是酸辣 它的酸辣真的太出色了蠻重口的 湯底的酸味加上爽口的酸菜很開胃（有多種湯底辣度選擇）湯底本身有豬肉末芽菜酸菜 另外可以添加自己喜愛的配料 配菜推薦豬肚 豬腸 腩肉可以多蔥 走芽菜 靈活選擇看自己喜歡每碗分量足感覺配料比米線還多哈哈哈壹夾全是配料 太滿足了價格我地點了兩碗三味的酸辣米線 每壹碗54hkd 豆漿10hkd 這壹餐兩人壹共118 可算非常實惠的啦環境空間比較狹小 接地氣小店的形象十幾年如壹日服務下單直接和阿姐說就好 她們會手寫記下 然後把價格單留給妳買單.地址：荃灣四坡坊14號地下（地鐵荃灣站B1出口 步行約7分鐘）建議導航過去行過路過的朋友不要錯過 值得壹試～