唯一雲貴川風味

营业中

休息中

喺荃灣住左好多年，一直都想食一間米線，因為有好多朋友都介紹過，所以今日就算排咗一陣隊都想試，入到去坐滿人，個個都滿頭大汗，原來係因為個個都食辣，今次我叫左中辣，比我想像之中辣，下次應該都係叫返小辣會好啲。

腩肉米線，唔係好食得辣，叫左小辣都辣左啲，腩肉唔肥，夠入味，份量夠多，湯底冇以前咁濃，但都仲係好食，配菜方面都比以前少左，酸菜只有酸味，麻麻地，整體來講普普通通，已經冇以前咁好食，再加價就唔使食呢間了

之前食咗十幾年，之後搬左屋，又大肚，都無食佢幾年，但水準都差唔多。由於個到地方細，所以我叫左外賣，開行冷氣，慢慢食。哩個係小辣，已經叫咗佢少油😅但仲係好多油米線份量都多，同用粗既米線，哩個我鍾意❤️餸就有豬耳同雞尖，哩到既雞尖，我真係必食，因為好淋，係第二度食唔到👍🏽豬耳都好淋，又入味。

完全中伏，舊雲吞仲係生既，之後佢換個份雞翼比我，啲肉梅到一個點，好似放咗喺室溫一晚咁。碗野足料，但個兜勁細，好似食緊撈麵咁，幾乎冇湯咁滯，個湯仲要冇味。順帶一提，試咗支檸檬薏米水飲，應該係鴻福堂新產品，但飲落同抽油煙機嗰啲油味無分別。唯一可取嘅係，個豬肚絲都唔錯，米線都可以，同埋嗰啲侍應婆婆都幾可愛。邊個話呢間好食呀？對唔對得着自己良心？完全唔值得排隊，千祈唔好抱住想試新野嘅心態食，你會後悔，都係食返譚仔算數。

<十小伏系列>昔日好食嘅光陰已不再嘅米線😢呢間曾經係我個人認為嘅荃葵青區米線TOP3 宜家已經跌出左😅排長龍唔代表好食‼️皺先生話細個開始食 之前一餸都係$28 但宜家越黎越貴 連酸辣都要當一個餸🙈真 心 好 唔 抵 食🥺 一味$40 兩味$47 三味$54皺生話細個好食好多🥺跟住佢問左我一個問題:😅😅點解米線舖樓面一定係女人做 冇男人🧍‍♂️⁉️ 集思廣益我應該點答佢呢啲咁無聊嘅問題一去到叫野食完全冇比時間我地考慮不過都明白佢地要做生意所以想快既我決定下次介紹一間好好食嘅米線俾大家 係葵涌！ 我覺得係全葵青區最好食😽😽❤️Btw有冇人入咗米線關注組🤣大家留言分享下食過最好食係邊間‼️♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎〖湯底🌶〗超油‼️ 成浸油係個面度😢見到都唔係好想食我叫咗中小辣 辣味都足夠 但 係 剩係得辣味 之後湯底完全冇味。。。而且我已經叫咗多酸 但係冇酸味。。。好 失 望 😭 😭〖腩肉🌝〗又令我有啲失望🌚肉質好鞋 一堆乾柴瘦肉咁不過份量都多嘅味道就一般啦至於皺生叫既腐竹得幾塊 仲要好薄好細塊。。。😞

🌟呢餐係：「退完步都好味過好多米線舖」嘅一餐不久前啱啱踩完大家深愛嘅老闆娘，今日介紹返個人覺得正常好多嘅米線。同樣喺荃灣立足多年，好多foodie都有介紹過。呢間係我第一次入荃灣食嘅嘢，嗰陣真係超級驚為天人。但係依家真係退步左唔少😞🍜酸辣米線黎到一定係食佢個酸辣米😍 就算平時好食得辣都建議嗌小辣，因為嗌過中辣成碗都係油，食完超級反胃🤢 小辣就啱啱好👍🏻 米線偏粗身，又彈牙，個人非常鍾意呢隻口感😋 湯底雖然偏油，但係十分掛湯，超級正🤩 如果覺得唔夠酸，或者覺得好似硬係爭咁啲，建議問員工攞碗酸汁。個人覺得酸汁好刁味，完全帶出湯底嘅精華🥳提提大家，除非係想要多啲酸菜，如果唔係嗌嘅時候就唔洗講明係酸辣。本身default就係酸辣米線，都有啲酸菜嘅，如果講明係要酸辣就會俾多啲酸菜你，計一餸架啦。🥟雲吞個人推薦雲吞！以前大隻到成隻手板咁大，淨係食3隻都已經飽死，依家縮咗起碼一半😣 塊皮真係好厚，同我面皮有得比😱 仲加上餡少，搞到大半舊都係皮，個人會咬走佢唔食😅 雖然講到佢咁我都推薦因為佢個餡包埋酸菜喺入面，味道口感都真係做得唔錯👍🏻 次次去都必嗌🥰🍗翼尖個人推介no2。雖然有少少普通，但係同個湯底

🥉鞋鞋地既腩肉米線😂.近期大家都熱追荃灣有好多米線好食，呢間係其中一間🤣🤣好多年前同朋友嚟食過🙃嗰陣覺得好好食😝但係而家食返又覺得只係一般般😂😂.米線份量比一般連鎖店多，我唔排除係因為近排我食量細咗🙈所以先覺得夠飽😂炸醬嘅肉碎份糧多，辣辣地又唔會死咸😋腩肉其實就唔肥，有啲仲係純瘦肉一片咁😂所以係鞋既🤣湯底正常冇話好深刻印象，環境有啲逼就一定架喇😝下次去荃灣其他幾間米線再試試先！

其實尼間米線係荃灣都幾出名細細個都已經有食過因為香港米線關注組提起就屎忽痕左幾日終於等到去尼度食.平時印象中佢都滿滿長龍所以仲特登預早d11點幾去到點知又唔係想像中多人🤔.入去坐底後嗌左心念念既酸辣湯底小辣米線 大腸 魚蛋 豬潤.黎到後偏油btw 好食就得老娘並唔介意.湯底偏重口味豬腸正常魚蛋三粒重點黎喇個豬潤青綠色架頂🤮🤮🤮仲要咬左啖望下先發現omg.最後只食配料及米線豬潤skip短時間內唔會再去食🤮🤮🤮

價錢合理，$54三個送，腩肉份量好多，食極都食唔曬。雲吞皮超級厚，層皮大份過d肉。衛生情況麻麻地，無隔層板，而且座位好逼，同後面果檯基本上係背貼背。無想像中咁好食，不過不失。

🍜荃灣唯一難食雲貴川風味！🥴▫️呢間排隊唔算排好耐，排咗大約20分鐘左右，入到去坐咗一陣就好快有得食。▫️蒜泥白肉($36)腩肉位好爽，唔辣，好厚切，呢一款小食就做得不錯👍🏻▫️雲吞酸辣中辣($45)酸味比較重，食落都唔算好辣，成碗米線不停食到酸菜同埋辣椒🌶️冇咁多辣椒會好啲，而雲吞皮好厚，一嚟到以為叫咗水餃🤔😂仲要係兩舊黐埋一齊咁，個皮重多過個餡料，米線偏粗、冇咩彈性，好似浸咗好耐浸到發脹咁💁🏻‍♀️▫️整體來講，蒜泥白肉幾好味，但係米線就出晒事-.-覺得好難食，唔會再去，都係唔明點解會有咁多人去食，仲要講到好好味咁，價錢仲要係少貴🙄🤷🏻‍♀️▫️地址：唯一雲貴川風味 (荃灣)荃灣四陂坊14號地下▫️為食指數:4（10分為最多)抵食指數: 6

假日下午已經排哂隊 講緊條隊應該有成二十人 究竟有咩咁吸引呢🤔•麻辣豬頭肉雲吞米線 HKD54熱辣辣嘅湯底有肉碎 酸菜 芽菜嗌咗麻辣豬頭肉 諗住試吓特別啲嘅配料食落似係較肥嘅腩肉 品種較濃 但唔算辣雲吞就皮厚冇餡 完全唔吸引整體嚟講湯底較重口味 米線份量都偏多✦冇傳說中講到咁神級 唔使排隊可以試吓嘅🥲✦兩餸$54嚟講真係少貴🤏🏻🚩唯一雲貴川風味 荃灣四陂坊14號地下

米線啊米線啊🤪又係你啦米線達人Jan又帶大家去食好野😀✅唯一雲貴川風味呢間米線店係米線關注組好出名🤣成日都見到有人去食每次經過都有好多人排隊🤧聽屋企人講呢間米線店已經有好多年歷史但我就一次都未去食過所以見唔係好多人排隊就去試下啦😆🔆麻辣酸菜雞肉米線 $52係關注組見到有谷友話食酸辣湯唔夠辣就麻辣湯加酸菜呢個組合就會正好多麻辣湯聞上去好香 飲落亦都有輕微既麻辣味 但我就覺得可以再麻再辣多少少🤣谷友推薦食腩肉同炸醬但我自己又冇特別鐘意食 所以就叫左雞肉啦！個雞肉比較薄身 唔會太乾酸菜做餸真係爆多！酸酸地好開胃 但又唔會話好人工既酸味米線好彈牙！最鐘意呢啲唔易腍既米線😀見到有人話食親呢到既米線都會好油我諗個啲油就係來自啲肉碎我個碗又唔係真係咁多油姐 我覺得可以接受！味道: 3.8/5賣相: 3.5/5P.S. 下次去食要叫多酸多辣🤣唔怪得之大家話食有hidden menu啦 要食過一次先識叫餸🤣地址: 荃灣四陂坊14號地下

今次揀咗酸辣小辣，酸菜份量好多，鍾意食酸辣嘅朋友絕對唔可以錯過😂如果鍾意食葱可以叫多葱！揀咗豬肚、豬脷、豬頭肉同麻辣雞。餸嘅份量幾多，最好味係豬脷，薄切之餘仲好入味🥰 豬肚一樣好入味，豬頭肉就一般啦。麻辣雞唔算太辣，因為連埋雞骨所以食嘅時候要小心呀。湯底都唔算好辣，米線份量都多嘅。😋😋一坐低發現隔離枱三個日本男人食緊米線😂 落咗單好快就上菜啦，食完走嗰時見到餐廳門口大排長龍😂真係好誇張呀！！

📍唯一雲貴川風味 #happytreats_tsuenwan-腩肉炸醬雙拼米線 (酸辣小辣）- $45由細到大都好鍾意食米線😍以前好似譚仔都仲未受歡迎😳(暴露年齡🤣)其實我覺得呢啲小店嘅米線好食過連鎖嘅好多，至少湯底係真係每日新鮮熬製出嚟👍🏻呢碗米線絕對屬於中上水平，米線入口彈牙，輕微有少少煙韌，係我比較鍾意嘅麵質😙湯底酸辣十分惹味，但我覺得可以再辣多少少，下次試吓中辣先～炸醬亦都係屬於重口味，本身已經加左香料同埋辣椒油🔥而腩肉呢就普通少少，有少少鞋，同埋比較瘦><整體都唔錯呢😬-識得米線，比呢個價錢都唔係要淡啲咩環境啊😹呢度係坐得有少少北極，衛生都一般🤣我哋坐落去之前，姐姐好似都冇乜點抹枱😗有啲改善空間~-食物 3.8/5環境 2.3/5服務 3/5

見呢排大家都不停推介呢一間米線 喺荃灣附近返工既我當然要來試吓🤩🤩🤩 抱住超大期望過 我帶埋我老細同埋一個同事一齊去 我哋提早咗去所以等咗一陣就入到😉😉 首先叫嘢食要好急 冇咩時間俾你考慮🤨🤨 另外 我自己食米線一定要飲凍檸茶 但係佢竟然只有支裝飲品😖😖😖😖 大大扣分啦 不過唔緊要 見大家評語咁高就繼續觀察 😋😋😋 我就叫咗個腩肉豬潤酸辣米線🍜 首先我覺得太多油 但係聽講可以走油🧐🧐？ 腩肉同豬膶係的確幾好食 但係😟😟😟 湯底係完全冇味 唔太辣 另外係一啲酸味都冇 少少都冇😖😖😖😖😖整體來講 真係冇講到嘅咁好食 價錢又偏貴 而且重點係冇凍檸茶🥲