唯一雲貴川風味

营业中

休息中

我地買返屋企食大約半個鐘車程左右返到去 當然涼左 就未凍所以我地都滾一熱返佢店定知我地返去先食佢好細心 分開個米線餅俾我地都唔整到咁林返到去我地自翻熱 米線就剛好軟硬度叫左腩肉同豬腸腩肉量好足有少少厚度 唔會肥 好入味豬腸 乾淨 入味湯底 唔算油 好香濃 好味😋睇下 店舖咁細心 米線先唔會浸林晒 半個鐘車程 我地重要唔係返到即食 所以服務一流一定再食 老公話 下次要 一人一碗喎🤣我地重 自己整左 尋日打邊燈 淨既 菇同菜都 撈左依個汁好好味 外賣就要講分湯呀 堂食 排好長隊呀 要有心理準備

我食米線都只會選呢間，食咗好多年，呢間舖頭環境衛生麻麻，但味道超好味，特別係腩肉，炸醬，雞翼，雲吞，大腸，仲有好多款都好好味，對於我嚟講小辣啱啱好，但間中都會食中辣，我每次都要多蔥。

見佢咁高分就諗住試吓啦，我嗌咗碗炸醬米線中辣小油返屋企食，一打開”嘩, 係我嗌錯嘢定佢落錯單？” 水煮牛咁款… 我用湯羹不咗四學油出嚟跟住我打電話去餐廳同佢哋講話好油啦啲麵，我已經嗌咗少油但係都不到四殼湯羹嘅油出嚟，跟住佢同我講話要走油咁我中辣嗰啲辣就會淨係俾啲渣你而唔係油… 等等先, 首先四個湯殼嘅油加米線咁樣真係好咩..?😓 我嗌咗小油你都唔係比小油我 咁你其實講咩都錯啦客人同你投訴嘅嘢唔好覺得自己一定冇錯 第一個反應就係推咗波先 做餐飲咁樣真係好咩唔會再試。

唯一雲貴川酸辣腩肉豬腸米線價錢💲: $56好味程度😋: 3.5/5服務🍴: 3.7/5環境🗾: 3/5性價比🥢: 3/5回頭率😚: 3/5-荃灣出名多米線，呢間老字號係米線關注組的出現度都幾高，有好多fans，我當然要去試下係咪咁出色。平日兩點左右去到，門口已有一條長長人龍，好彩去得快，同埋有2間鋪分散人流，都唔算等好耐😌 不過就預左要同仁搭枱啦。-🆗-✅酸辣腩肉豬腸米線。ermm好油膩😂個層萬年油搞唔掂😰 湯底味道望落雖然勁濃郁，但食落我唔覺得算好濃味，因為佢唔夠酸同鹹，小辣的辣就夠🥺 米線煮得比較淋，所以索左好多湯😋 最值得食係佢地的餸‼️ 餸份量好多，加埋酸菜多過d麵🤭 腩肉偏瘦但好入味同淋，唔會柴，肉感重D。豬腸係瘦腸，入面冇肥膏，又入晒味。朋友的豬脷都一樣入味，有啲咬口🤓 -唔知點解呢到的酸辣係計一個餸，可能因為酸菜多🤡 湯底太油可以鹹啲，中意酸的朋友仔要叫多酸。整體只有滷味的餸出色，未係好難忘👀

♨️唯一雲貴川風味荃灣四陂坊14號地下❤️近日開始學人食辣，點都要試吓呢間#米線關注組 成日提及香港三大米線之一，去到都要排1x張枱，大約都排咗半個鐘以上🤨一坐低以為啲落單姐姐一定好粗聲粗氣，哈，又唔係喎都算親民，我好勇敢一口氣食晒成碗，雖然用咗三張紙巾抹鼻涕同眼水，但真心好食😋，肉多料靚，絕對唔似譚x果啲辣咁「一滴香」，我會努力繼續學食辣🌶️📌豬頭肉、豬腸、豆卜加酸辣（呢碗我的，已經叫小辣，但點解一啲都唔少，頭幾口直情有搶喉嘅感覺，但每款材料真心好食，夠淋夠入味👍🏻）📌豬腩肉、豬肚加酸辣（中辣不是我的，但點解一張紙巾都唔使用，仲見到係佢係咁飲湯，高手🤣）食物：8/10抵食：7.5/10環境：7/10。。。#辣 #spicy #麻辣 #酸菜 #米線關注組 #米線 #唯一雲貴川風味 #荃灣美食 #食在荃灣 #腩肉 #tsuenwanfood #hkig #hkfoodie #hkfood #foodhk #foodiehk #foodiegram #hkfoodblogger #hkfoodpic #hkfoodblog #hkfoodlover #hkfoodstagram #hkfoodi

今日得自己一個人食lunch🥲咁就一定要食啲開心嘢去氹下自己，就嚟食依間成日都要排隊嘅米線～條隊真係無短過，keep住不斷有人排，好痴線🙈🧡酸辣米線、炸醬+腩肉🧡💵$56不得不說，佢個湯底真係幾重口味，好香好濃好油，不過我覺得又真係好正😂😂如果食慣清淡口味嘅食依碗應該會黑晒面🌚酸辣湯底好夠味，又夠酸夠辣，不過米線偏軟身，唔係我鍾意嘅嗰種🙈但係又係煮到咁，啲米線先可以索晒啲湯嘅味，食到好爽😍仲有佢真係超級足料！！啲餸仲多過米線😳炸醬嗰啲肉碎好似食極都仲有咁😛腩肉偏瘦，但係咬落去好有肉感，我覺得都唔錯😋鍾意食重口味米線人士可以一試～

衛生：講講店舖衛生，真係10分差，所有匙羹筷子放喺枱面，奇怪在店舖一開，啲匙羹上面已經係好污糟⋯所有人食麵都噴晒啲湯係上面⋯然後下一個又要用⋯店舖冇膠板相隔，店舖職員都唔會戴口罩，整體恐怖。湯底：食物都麻麻地，湯底好多油，肉碎基本上係用最劣質的肉碎，全部是肥豬肉，莫講話半肥瘦，直頭係毫無瘦肉⋯酸辣湯底：好奇怪，要加$7定$8，人哋譚x 只係加兩蚊，加貴啲都唔緊要，奇怪在唔好食都咁貴雲吞：有三隻，份量不過不失，不過雲吞皮極度厚，未食過咁厚皮的雲吞，覺得有啲難食米線：不過不失總括而言：米線麵質還可以，不過湯底，餸菜，雲吞，衛生，服務，全部都差

朋友同我都幾中意食酸辣米線，前排睇youtube雪姨見佢對呢間米線店評價幾高，就過黎試下～為左避免平安夜繁忙時間，我地五點幾就黎食，但全店都坐滿人😯呢間米線店都幾有性格幾特別👇1. 酸辣湯底都當一個餸要加成九蚊😶2. 疫情下竟然一塊格板都無😶😶3. 呢度既酸辣好新奇！味道帶啲花生味，其實有啲似上海擔擔麵湯底😅 個人認為唔夠酸，第一次食頭幾啖會覺得唔錯，但食多兩啖就覺得無乜特別😂餸方面整體都算唔錯而且份量都多～我叫左酸辣豬潤豬脷，朋友叫左酸辣豬肚腐竹豬潤幾厚身但唔會太鞋 (雖然都唔會話好爽，但起碼感覺無落太多梳打粉“那”過黎)豬脷算淋，都幾入味豬肚爽口唔會太肥👍酸辣兩餸米線$56都唔平，覺得可以一試，但如果要排晒隊去食就不必了😅

今日山長水遠，過海去到荃灣就係為左食呢碗『世一米線』！基本上無論平日定假日，每次去到都一定要排隊，差在要排幾耐🙈鐘意食辣既絕對岩你口味！我平時唔太食得辣，今次叫個小辣挑戰下，但真係好勉強，都已經食到出哂汗，少少頂唔緊，飲哂成支凍豆漿💦米線夠爽口，雲吞略嫌厚粉左啲，但肉質都夠實！腩肉好入味，但本身就係辣底，所以令到碗米線更辣🥵環境算乾淨，不過就要坐得迫少少，都係啲大排檔格局。總括黎講，都係值得排隊入去食既

我知道荃灣嘢食好多，今日心思思想食熱湯嘅食物， search到呢一間米線好似幾受歡迎，於是試吓，而且行過去好近。咁岩去到都仲有幾個位，唔使排隊。佢嘅餐單係喺牆上面，不過我覺得有啲混亂，佢唔係好似車仔麵咁樣可以展示俾你睇有咩餸。佢係本身set咗有兩個餸係點，三個餸嘅組合, 4個餸既組合，跟住我睇到有啲迷惘。侍應行過嚟話你隨便點買都得，雖然係咁但係點都有啲亂。於是見到牆上面有咩餸菜可以選擇，就揀嗰個餸。我揀咗豬腸、紅腸，跟住想要一份芽菜，侍應話本身有芽菜，我話我想要多啲可以加錢，跟住佢就話咁不如都話多芽菜少米線啦，會有提議俾你。跟住湯底嗌咗酸辣米線，本身跟小辣。都幾快嚟到，唔使幾分鐘就煮好左。個湯底嘅味道都幾有味，幾濃。小米線，個米線都係好多，芽菜好似真係有比多左我，都幾好！紅腸有四片大片嘅，豬腸夠味，好淋。但係間舖頭其實坐得都幾迫下，四個人坐一張枱，但係中間係冇隔板，防疫意識差。雖然餸嘅份量唔算少，但係個價錢都算幾貴!我嗌咗兩個餸加酸辣湯底，原來酸辣湯底已經當係一個餸，三餸咁樣計, 總數要$56 ，唔包嘢飲，呢個價錢真係幾貴!尤其是佢坐得好迫又唔舒服既情況, 性價比幾低。呢間野唔會砸黎食

點了3餸的米線🍜（$56）酸辣、雞肉、腩肉，另外加可樂＄6一罐，米線價錢偏貴配料方面，推介腩肉，有醃過，偏瘦整體而言，湯底非常濃味惹味，湯底亦偏油偏鹹，酸辣個隻辣唔會食到喉嚨好乾唔舒服，天然辣味，材料和米線份量好多，食完超級飽肚😋整體美味程度：👅👅👅/5CP值：⭐️⭐️/5我間唔中可以食一次，重口味人士應該會好鍾意😂📍唯一雲貴川風味四陂坊14號地下

經過荃灣就梗係要去荃灣嘅米線名物之一唯一雲貴川自從有左米線關注組而家買外賣都要等好耐例牌腩肉係必食嘅咁多間米線· 呢度嘅腩肉可以話排前三叫左一個腩肉豬肚絲轉芽菜底好可惜佢嗰日冇晒豬腸🥲另外仲叫左韭菜腩肉米線每次必點小辣多酸因為佢個中辣同小辣係差唔多辣但中辣會勁勁勁多辣油浮面至於佢個酸菜同其他米線店既唔同唔會話好酸對我而言佢既小辣多酸係啱啱好同朋友share食我一定會轉芽菜底咁又食到米線之餘又無咁罪惡感作為半個米線達人（我真係好鍾意食米線🤤🤟🏻對米線本身嘅質地相當有要求雖然今次外賣返屋企食但啲米線口感依然保持到·不過都有美中不足嘅地方如果你係好想食辣野嘅話呢間既辣唔會刺激到你建議你去食川之味/石離既雲南小窩佢仲有一樣最為人垢病嘅就係佢個湯有時會好油所以如果你驚太油可以叫少油想再酸d可以叫加酸汁仲可以加蔥總括而言佢係一碗相當之唔錯嘅米線呢間野鍾意既人同厭惡既人都好極端但咸魚青菜各有所愛☺️

成日都有朋友話好食， 所以搵日就試左呢間首先， 佢地既門口係普通既舊式小店咁， 一入到去，當然我都冇抱咁大期望啦。之後見到個餐牌啦， 我覺得款式唔多， 同埋好多都賣晒，最後是是但但咁揀左三個餸就算。之後都上米線啦， 最好食係個豬肚， 其他都一般般啦， 米線既酸辣湯底係辣既， 但冇我想像中咁好食另外仲叫左皮蛋， 個皮蛋係唔錯既， 而且都夠大隻， 我覺得幾好味。之後食到差唔多時， 我見到個員工不停拖地， 但拖地水應該係溝左洗潔精，個地下係超級滑， 未收工就拖地，我覺得感覺唔係咁良好。總結： 試一次就好啦， 唔會有下次。 個米線一般般， 食完覺得好口渴

第一次食，朋友話好多人食，唔錯既。就抱住試新野心態，但真係好大伏！首先，環境真係唔得，我地仲要坐「樓上雅座」其實係旁邊後冷行入去，入面一半係倉貨，一半係飯枱，咁岩我張枱就係對住廁所，冇計人多我唯有走去閂左個廁所門同背住坐。然後，我嗌左酸辣，豬肚、腐竹、炸醬。可能個環境又暗我後面又係廁所，碗野黎到真係好似便便啲色。不過夾返啲米線出黎感覺好啲既。但成碗野唔辣、唔酸，湯冇味，三樣送都好似一支豉油炒完出黎既味。不過好彩冇肚痛，返到屋企打食評先發現呢間野影出黎既相都係有個種感覺⋯⋯⋯⋯⋯

呢間米線店1993年開到呢家😎好多荃灣人由細食到大，米線係偏重口味，食唔慣好油/重香料味就唔太岩la主打腩肉&酸辣&炸醬等，平日都要排隊先食到🚶‍♂️🚶🚶🏻‍♀️雖然d人話無以前咁好食，質素退步左，但呢間米線的味道好獨特，都唔係其他米線店食到的，到呢家先會仲咁受歡迎，幾乎每次去食都要排隊😌😌值得一試嘅酸辣腩肉米線（$47）·今次食個湯底唔係好夠酸，不過都好惹味，如果想酸d，可以要求姐姐比多碗酸汁🍜腩肉一碗有好多塊😋每塊都勁入味，切到偏厚身個種，肥瘦不一瘦既有d柴，真係咬到好牙痕，偶然食到肥肉個d，脂肪勁香口，真係又愛又恨～🥰後感 💰⭐️⭐️⭐️⭐️ 一般米線價錢，份量應足，所以很合理🗺⭐️⭐️⭐️⭐️⭐️ 交通亦方便，荃灣站一出，經過天橋再穿過商場落地下就到，落雨都唔太狼狽🍽⭐️⭐️⭐️⭐️ 食物水準每次都有d參差