影片
更多
2021-03-09
570 浏览
荃灣有好多好食既米線店，呢間唯一雖然鋪頭位置隱蔽，但係長期都好多人排隊食。記得幾年前有食過一次，果陣已經係要排長龍先食到，今次再去食一樣人氣不減🔥不過黎呢度食既話就要預左環境逼硤啲，同埋呢度既menu都有啲亂😂 不過今次黎食有少少失望，覺得好似冇第一次黎食果陣咁好食。不過都值得一試既。1️⃣酸辣腩肉炸醬米線（中辣）（$56） 呢度酸辣都係計一個餸架😂見到好多人都推薦黎呢度食必點酸辣、腩肉同埋炸醬，我就一次過嗌曬呢三款嘢，重口味人士一定鍾意🙈仲有記得要嗌多蔥！ 呢度每一款餸既份量都好多，腩肉係偏瘦既，我自己幾鍾意，有醃過，本身就辣辣地。而炸醬更加誇張，一上檯，啲炸醬鋪滿曬成碗麵咁濟，好香撈埋碗米香食超正❤️酸辣方面我同另一碗冇嗌酸辣既湯底比較過，酸辣既係味道濃郁好多，建議真係要試下酸辣！如果唔係佢本身既湯底係偏清啲帶微酸，我自己就鍾意濃味啲所以酸辣就啱曬。 基本上呢碗麵係集合曬重口味既配料，如果都係鍾意食濃味嘢既話會啱。同埋呢度既辣味比其他米線舖既係再辣啲，我今次嗌中辣覺得都幾正辣得幾爽🤤但係佢既湯底就偏油少少，同埋鹹啲。2⃣️豬肚豬潤米線（小辣）（$47）冇嗌到酸辣湯底飲落明顯冇咁香濃，如
1️⃣酸辣腩肉炸醬米線（中辣）（$56）
呢度酸辣都係計一個餸架😂見到好多人都推薦黎呢度食必點酸辣、腩肉同埋炸醬，我就一次過嗌曬呢三款嘢，重口味人士一定鍾意🙈仲有記得要嗌多蔥！ 呢度每一款餸既份量都好多，腩肉係偏瘦既，我自己幾鍾意，有醃過，本身就辣辣地。而炸醬更加誇張，一上檯，啲炸醬鋪滿曬成碗麵咁濟，好香撈埋碗米香食超正❤️酸辣方面我同另一碗冇嗌酸辣既湯底比較過，酸辣既係味道濃郁好多，建議真係要試下酸辣！如果唔係佢本身既湯底係偏清啲帶微酸，我自己就鍾意濃味啲所以酸辣就啱曬。 基本上呢碗麵係集合曬重口味既配料，如果都係鍾意食濃味嘢既話會啱。同埋呢度既辣味比其他米線舖既係再辣啲，我今次嗌中辣覺得都幾正辣得幾爽🤤但係佢既湯底就偏油少少，同埋鹹啲。
2⃣️豬肚豬潤米線（小辣）（$47）
冇嗌到酸辣湯底飲落明顯冇咁香濃，如果鍾意食清淡少少口味既味就啱咁嗌。豬肚同豬潤既份量一樣係好多。同埋呢度既米線都係好多，質感係有啲咬口既，唔會太淋。 其實我自己覺得佢既價位以米線黎講係偏貴，但係佢既份量真係比得好足，所以都抵食既。 不過個湯底真係比我以前食既差左，其實我食完之後唔係好明點解會咁多人排隊😂但係都係好食既。
张贴
