唯一雲貴川風味

营业中

休息中

荃灣呢間老店主打食過橋米線已經遠近馳名，平時都有好多人係到排隊等堂食或者攞外賣。今日我就叫左腩肉、雲吞、豬頭肉、酸辣4個餸，留意番就係如果想食酸辣，佢個「酸辣」係計一個餸。佢個湯ge顏色濃度不見底，你會見到好多肉碎同埋一粒粒鮮明嘅酸菜，如果想食聰係落單嘅時候記得落埋。腩肉同豬頭肉都好好味，雲吞就夠大粒，米線連埋啲湯一齊食非常好味😋！值得大家試👍🏾如果大家去到唔知點揀餸嘅話可以參考吓佢個餐牌，佢餐牌有一啲預設左嘅一餸兩餸三餸比大家選擇。

今次介紹呢間果真係由細食到大了 , 睇舖太子女同我差不多年紀 , 睇著  佢少女仍隨年漸長,走得多麽快由多年前此舖均舖面細關係會在後巷偷偷租單位擴大食店範圍 , 副店疑似沒食物牌照而少許隱蔽川風味的米線也有分偏重於微辣風 , 麻而不辣及正宗重口味 , 此店明顯是後後者推薦有小鍋肉碎 , 雞翼尖 , 雲吞 ,  而今次點的有重中之重的漿爆貢丸及腩肉 , 只點清湯就算清湯, 也是湯底偏咸 , 有大量酸菜,芽菜拌碗漿爆貢丸保持水準 , 包心有肉餡 , 一咬就爆汁 , size大大粒 , 咬上頗有口感腩肉本身已用川辣式一早烹調好 , 唔食得辣的朋友留意必定會有少許辣, 量還算多 , 非常入味, 唔似得痰仔或一般連鎖店咁用的是白烚腩肉 , 肉質勉強有勁而嚼 , 切件每件不一 , 更川辣味非常配搭米線反而退步不少 , 煮得太淋 , 影響口感盛惠$47 , 今次去又加了價 , 加上略有退步之感

今日同朋友相約食飯，佢點名要求要食唯一雲貴川，呢間既米線又真係令人一試難忘既，冇食得耐會掛住。下午兩點時間人吾算太多，可能平日關係，記得之前係要排隊。一坐低，吾使唸一定係腩肉貢丸，呢到既腩肉係必食，差不多個個都會嗌。等左5分鐘左右已經有得食，份量依然係好足。腩肉入味仲帶少少辣，而且一d都吾肥貢丸係有包心，彈牙之餘亦吾會有油膩感，米線都吾會過淋，水準依然保持到我因為吾係好食得辣，所以叫左走辣，同行友人話d辣味都好香，搞到我心思思下次都想試小辣

唯一雲貴川風味 (荃灣)荃灣四陂坊14號地下喜歡吃米線嘅粉絲們應該對唯一米線唔陌生每一次都要排一陣隊先可以入去食不過大家都會堅持排隊品嚐美味嘅米線炸醬酸菜米線米線份量大大碗大食量嘅你一定夠晒你食鍾意食酸嘅朋友們可以試下佢哋嘅酸菜，佢地既酸菜同平時出面譚仔雲貴香嗰啲舖頭唔同😋別有一番風味炸醬都吾會煮到溶晒，會食到肉粒既口感評分：9.5/10

收銀個太子女塊面口黑面黑都算，講野仲要一啲基本禮貌都冇，間野由細食到大，由好睇住佢壞。啲米線越來越咸（睇黎為左好味啲落左唔少味精）想受氣或者食貴價味精湯底米線，依間係係唯一的選擇。利申：唔會再幫襯

呢間舖頭開左好多年 我由中學食到而家 都係間唔時會想食既米線舖！腩肉蘿白豬肚米線 $54每次黎都會必叫腩肉同蘿白！腩肉唔算好軟滑 反而個種有咬口幾吸引我😂 同埋佢既腩肉係預先腌好左 但唔會過咸 但注意一點係辣的，但個人覺得都唔算好辣 不過唔食得辣既朋友要留意一下。蘿白煮到非常淋都係好甜又無渣 所以非常中意食佢既蘿白😂豬潤麻辣雞米線 $45豬潤我就覺得一般般 比較”鞋”身，屬於較厚身。麻辣雞腌得好入味 而且舊舊都幾大舊 不過有骨的 食既時候要小心啲啲！🥰米線是偏向粗小小 比較有咬口。個日叫左小辣 但感覺好似都無之前咁辣 以前食一定要食到流曬汗💦🤣

好幾年無來幫襯，今晚和朋友去開荃灣行街，順路帶朋友到來食佢地嘅米線，記憶中米線超好味。店內掛住當年的中國菜美食獎狀，今晚再來回味一下。小店環境尚算乾淨，不用排隊等位已安排入座，食物選擇不多，主要係米線酸辣湯底，再加十多款配料任君選擇，湯底可以加小辣至大辣，這裡的辣非常惹味風味十足，落單上菜好快，而且碗湯好熱出晒煙，熱食好好味。米線份量唔少，口感煙韌彈牙索汁，好多酸菜，最欣賞其酸辣湯底開胃惹味甚為出色。叫了兩碗米線，分別係 三味米線(腐竹、醬爆豬肉丸、腩肉) 和 三味米線(豆卜、雲吞、腩肉)，兩碗同樣都點了香辣腩肉作配料，腩肉較為厚實香辣惹味。腐竹輕薄軟身口感爽滑。醬爆豬肉丸有三粒口感軟淋淋，內裡湯汁不多沒有醬爆之感，但食得出兩種口感都好味。雲吞三粒皮厚軟身餡不多，酸辣湯底下依然好味。豆卜軟身好索汁。整體而言，無論米線和配料都好味，但食完會口乾，此時飲該店的樽裝豆漿也不錯，豆味濃又可解辣，十蚊支唔貴。

終於都有幸試到，但有d失望，坦白講 。。。我叫左豬肚絲小辣，餸係滷得極入味，令到每一樣野都係果個味，都炆到好稔，但有d搶左酸辣湯底既味。酸菜係好食，但個湯好多香料，食到d好似辣椒油渣果d粒粒，但又唔辣，佢餐牌唔覺有麻辣湯。湯底太油仲有d咸，食完第二朝肚痛，順便排毒，個肚即刻細返少少🙈 我地一行6-7個人坐左另一邊，都幾污糟，又有曱甴，又坐得迫...... 要排隊等半個鐘既話，我寧願食第二間啦起碼乾淨少少！

📍唯一雲貴川風味 #happytreats_tsuenwan-🍜腩肉炸醬雙拼米線 (酸辣小辣）$45由細到大都好鍾意食米線keke👧🏻以前好似譚仔都仲未受歡迎😳(暴露年齡🤣)呢碗米線屬於中上水平，米線入口彈牙，輕微有少少煙韌，係我比較鍾意嘅麵質😙湯底酸辣十分惹味，但我覺得可以再辣多少少，下次試吓中辣先～炸醬亦都係屬於重口味，豬肉碎加左香料同埋辣椒油點會唔好食🤣而腩肉呢就普通少少，有少少鞋，同埋比較瘦><整體都唔錯呢😬-食得米線，比呢個價錢都唔係要求d咩環境laa😹呢度係坐得有少少逼，衛生一般🤣我哋坐落去之前，姐姐好似都冇乜點抹枱😗有啲改善空間~

此餐廳地點在荃灣，以酸辣米線出名，只有這一間，沒有其他分店。去到，多數要排隊，人龍時長時短，如果叫外賣，就不用排隊了。不過，等候時間差不多，原因是此店姐姐好細心，在你排隊等候的時間，她們會幫你先下單，你一坐低，米線就好快去到你身邊。米線非常有彈性，為食🐽相信，米線先做好但不落湯，等客坐著才放湯才能有這効果，米線沒有變質，美味可口。此店另一最出名的是豬耳，每人只能要一份，又爽口又麻辣，好好味，肉質爽口。跟著就是豬腩肉，麻辣味重，好入味，肉厚味濃。米線有分不辣，微辣，小辣，中辣及大辣。為食🐽最愛食小辣，味道不太辣，湯又可以飲到，米線又夠入味。

一向都唔係米線的愛好者，但比屋企人帶幾次，都多左食。今日行過荃灣，就黎左呢度醫肚。平時呢度是勁多人要等位既，最近雖然市道靜，但都仲叫滿坐。我叫左腩肉，炸醬，同爆醬肉丸為米線，用料超多，配米入味，腩肉肥瘦平均。我同時叫左個涼伴皮蛋，飲埋野埋單都是幾十，好食過好多茶記。

餐飲業很多子承父業例子，有成功青出於藍者，也有逐漸失色終歸結業者。這店很有歷史，是俞氏家族的，約三十年前創業，當年香港仍未回歸，荃灣仍是工廠區，還流行吃雲吞牛腩麵。俞父將米線帶來香港，可說現今米線界的鼻祖人物。對他有些印象：他定義了何謂一碗好米線，為後世創立標準。一：好的米線要爽身，不能黏成一注。寧要高質食材也不要將貨就價，米漿最好新舊米比例為八二開。二：湯底高湯要熬制，不能貪快落味精。要用大量豬骨、豬肉、火腿精心熬作，每啖湯也是精華。三：每碗米線要用猛火迫出香味。很久沒來，裝修依舊，人面全非了。廚房仍傳來不斷煤氣爐頭出火聲，呼呼呼，依然用老方法烹調。掌廚現在是俞子，掌數也是下一代年青女子，估計是俞子妻吧。價格每碗兩餸要$50元了，在米線界算是貴的，但明白真材實料，成本使然。點了簡單酸辣腩肉米線，湯色是厚重的，先喝一啖湯頭，味道略嫌不夠，感覺如清水。再將麵搞一圈，將湯底肉碎酸菜搞上，再喝一淡開始有點睇頭了。米線條條分明，仍是用上等貨色。但是配菜腩肉失敗了，師傅刀功略嫌差劣，每塊腩肉都是厚切，都是瘦肉部分，製作方法亦貪快，以大火煮熟，肉質粗糙嚡口。應改薄切，又或用一點肥膏豬皮部分，又或可

同先生喺荃灣買完嘢，忽然有啲掛住呢度嘅小窩米線，由細食到大，咁多年嚟人氣不減，門外依然係大排長龍。簡陋嘅裝潢，狹小嘅空間，平民小店嘅形象十年如一日。每次必點腩肉加酸辣，佢嘅酸辣唔係酸菜，係湯底調味上有唔同，雖然當一個餸係有啲貴，但個人認為加咗酸辣係好味好多，令湯底層次更豐富，但以前嘅酸辣係有好多黑色點點，我冇去深究係啲咩，但食落係好香，有種好有鑊氣嘅感覺，而家已經冇咗，而且湯底偏鹹，令人失望。腩肉份量亦少咗好多，而且冇以前咁軟腍入味。先生叫咗一餸米線，同樣都係腩肉，但冇加酸辣，湯底嘅味道就比較單一，而且感覺比較油膩。我俾先生試下我嘅湯底，佢都覺得差別好大。豆漿由荳品廠製造，係本地產品，不過不失。可能回憶中嘅味道總係美好嘅，而家嘅質素同以前比係有落差，而且價錢亦貴咗好多，但有機會依然會繼續幫襯，希望可以食返回憶中嘅味道。

湊完狗同bb之後，夜晚同班閏蜜一齊出荃灣搵食，經過唯一，就有人提議食唯一，講起荃灣米線，一定係唯一，最出名嘅！由我小學嗰陣已經存在，夠晒長久！夜麻麻去食，都怕多人排隊，好彩去到唔使等位！一坐低，阿姐就即刻問我哋食乜，我連食乜都未決定，搞到拿拿臨叫左3餸米線，仲叫小辣，因為太耐無食呢間既米線，所以都係食小辣穩陣啲！我叫左腩肉貢丸魚蛋，腩肉好正，忘記咗叫佢個炸醬，下次叫一定要叫返炸醬！閏蜜叫左炸醬雞翼尖中辣，另一個就係過橋清湯。雖然環境唔算坐得舒服，服務態度一般般，不過食物質素都返d水準，可以接受嘅！

星期天專程去到荃灣食唯一雲貴川風味試食米線地舖坐位小小迫但冷氣空調都好夠叫了2碗分別係炸醬腩肉豬腸米線小辣以及炸醬豬腸腐皮米線今次驚喜在於炸醬同腩肉味道都好濃郁好入味份量夠多d餸都鋪滿成個碗小辣唔算好辣姐姐話有得揀唔辣或者小辣多辣而豬腸味道只算正常但米線又夠彈口唔會好淋略嫌碗麵係多咗少少油再加埋啲蔥花色香味俱全而另一碗既炸醬豬腸腐皮米線裏面嘅腐皮就略嫌較硬咗啲總結係暫時食過最好食既米線舖會encore