咖吔

营业中

休息中

剛在北角維港凱悅尚萃酒店退房，就急不及待在這裏午飯。餐廳開早上11點，我們11:40來到門口取票，5分鐘之後入座。12點，門口已經排了人龍。門口半開放式午餐set,就是所有主食也可加飲品。喇沙配熱桔仔話梅水。喇沙份量很多，材料也滿滿的；熱桔仔話梅水酸酸的，很開胃。午餐set白胡椒肉骨茶配飯，可以揀油飯或白飯。白胡椒肉骨茶如潮州的胡椒豬肚湯，好入味，豬肚和排骨條也很美味，排骨條的軟骨已煲至軟身，可以吃下肚子；四截油炸鬼，等如半條份量，實在太闊綽；配上熱熱的香茅橙汁，令人太滿足了。美中不足是這裏的冷氣太勁，熱熱的橙汁很快就變得溫溫的。因為太飽，冇機會食咖吔多士，下次一定要試試。

其實我家附近有間分店，但友人食過認為呢間比較好食，所以特意揸車黎，與友人一共4大2小，等約10分便入座，6人枱，枱十分窄小，枱與枱之間極近，非常不適。點左千幾蚊食品飲品，枱位置本就不足，又有大大既碟作分食之用，本意係好，只係枱太細更加唔夠位放，冇位放或者可以貼心d安排某d小食或非主食後上，或安排多1張枱，但可能繁忙時間想做多d生意，又想客人快d食完快d走（期間聽到好多對其他枱“踢枱”（術語：即見客食完趕客埋單）既說話），所以一氣過全上哂，仲要到”排骨山”呢道菜上時，同本人講「排骨山上喇，可唔可以比d位我？」我真係即刻燥底答佢不如你比多張枱我？但其年輕瘦瘦既男員工都有理無理隊落枱，粗魯又冇禮貌，期間亦幾次有另一個比較黑帶藍牙耳機既男員工多次手震震出餐並於小朋友頭上落餐，落餐員工只係會講菜名，並無任何唔好意思，唔該等餐飲魔術語，又係避忌小朋友，十分危險但值得一讚既係點餐時既女員工有禮耐心同會覆單，又主動收碟👍👍👍另外有樣野想提一提係，而家大家都比較敏感，會驚人咳呀傷風呀個類，係期間有個年紀好大既男士可能老喇多痰，食完野係咁咳，其實周圍客人都留意到包括我，好多謝員工願意提氣勇氣叫個位男士帶番

時尚馬來菜！坐位開揚！食物不錯質數平均！人流頗多！性價比之選！北角匯的食市平均水準高！原味肉骨茶！抄貫刁也正宗！海南雞飯也大路！喜歡清甜冰鎮鮑魚開胃酸汁！拉茶靠得住也滑！喜歡椰子雪糕！和珍多冰丸子！海鹽雪糕珍多特別！

呢間餐館經常排隊，今日行過見倒條龍唔係好長，馬上攞飛排隊入座，等了十分鐘就有位。入坐時剛好兩點半 下午茶時段 ，有多款主食加飲品供應， 今次選了地道老鼠粉 加香茅青檸荔枝梳打。雖然是下午茶餐，老鼠粉上桌一點都不欺場，沙煲熱辣辣沙沙聲，足料好味道香噴噴，老鼠粉就像是廣東的銀針粉，上面鋪滿肉碎 銀魚干 炸花生 蔥油穌 非常惹味。香茅青檸荔枝梳打清新解渴有消暑。見到隔離台好多人食客叫海南雞飯，買相也不錯，下次都要試下。

成日都係北角匯見到呢一間東南亞菜大排長龍，今日終於去試，結論係 其實好普通，唔明點解咁得閒去食🤣今次我哋叫咗三樣嘢。1.海南雞飯拼胡椒肉骨茶個肉骨茶都幾重胡椒味，有少少難入口。海南雞好普通 2.參岩醬燒豬頸肉 $85呢碟豬頸肉好大份🤣 好大片，肉質軟嫩，好醬好正好香，唔會太辣 。呢個都推薦嘅！3.燒魷魚鬚 $65每條都會肉竹簽串起，好有心，個醬都好香，但我覺得唔入味，好普通。。 食物都還好，但環境真係好差，首先張凳會有飯粒，然後夜晚六點幾去食，都好多人，兩人一張細枱，真係太迫，叫三樣嘢其實都好難擺得到，真係未必會再去食，食物質素好普通，又坐得唔舒服，都唔明點解咁多人去食。

其實想食好耐噶啦，只不過今日同老公咁啱拍拖仔經過，又唔使湊兩隻馬騮。次次見到佢門口都排長龍，今日都唔例外。等到8:30先食飯，條隊都依然要等差唔多20分鐘。不過味道一啲都冇令我哋失望啊！🥗 大蝦青木瓜沙拉，好開胃，酸酸甜甜，味道啱啱好，蒜味濃郁。🍜 🦐 蝦麵 ，味道有少少辣。而佢粗麵撈米，呢種升價波地道嘅雙麵組合。🥩 必叫肉骨茶，嗰個豉油，加埋辣椒甜甜用嚟點骨地非常之好味。仲配埋油炸鬼噶雞油飯🥰 ，個湯有豬肚胡椒味勁濃，好暖胃！仲有原粒大蒜。 🍨 甜品，最後飲碗椰奶紅豆芋圓糖水，滿足！

終於到訪呢間人氣餐廳，假日六點去到都要等大概半個鐘到，如果好彩坐到窗口位，會對住片綠油油既草地，食完行埋碼頭都幾寫意既🤭▪️ 海南雞飯（7.5/10）💲88薄薄既一層雞皮，入口尚算滑身既去骨雞件，配上黑醬油、辣椒醬、薑蓉三個醬，冬瓜湯香濃而不油膩，飲落無咩味精，尤其夏天消暑都唔錯，油飯有陣陣香茅味，可以一戰😛▪️ 新加坡喇沙（6/10）💲82配料有切條魚片、粉身而非彈牙既港式魚蛋、豆卜、鮮味欠奉既雪藏蝦、通菜、溏心蛋，喇沙湯底椰漿味濃，辣度比預期中重得多，但係中段開始已經稠身到膩，麵底亦並非正宗既摻摻，而係煮得太腍身既米線，整體有點失色🤥▪️ 海鹽雪糕椰汁珍多冰（7/10）💲42面頭一大球既海鹽雪糕，食落都有陣陣鹹香，配椰汁味濃既珍多冰，中和返個甜膩，亦有唔少帶有咬口既粿條🤫▪️ 香茅青檸荔枝梳打（7.5/10）💲36荔枝味頗濃，唔會好假嗰種人工甜，估唔到同青檸梳打都夾，感覺清爽🍹🔎 整體評分（7/10）

餐廳冷氣充足, 環境寬敞舒適, 有異國風情。對於有大玻璃, 採自然光, 可望開揚景致的餐廳, 絕對加分。下午茶選擇不少, 總有一款合心意。輕鬆下午茶 $62 + 10%1) 老街咖哩麵2) 香茅青檸荔枝梳打老街咖哩麵湯頭以椰香為主, 味濃有咖喱辣味。配料有鴨肉, 蝦, 魷魚, 芽菜, 豆角, 豆卜等, 每款少少, 積少成多。蝦肉略為老實, 豆卜索湯, 八爪魚爽口唔柴, 豆角爽脆。麵底為摻摻, 份量不少, 油麵和米粉比例得宜, 油麵粗身, 米粉爽身索湯。香茅青檸荔枝梳打最吸睛的莫過於大大支香茅如飲管般插在飲品中, 青檸梳打味道濃, 荔枝味道略薄, 整體味道不俗。

垃圾垃圾垃圾😡差到要講三次！就知道呢間餐廳有幾垃圾！北角匯「咖吔」，一個下午茶食出呢間餐廳有幾差，兩個人叫兩個下午食，10分鐘嚟咗一個喇沙得個辣字完全冇蝦味，已經求其，咖吔包完全冇咖吔味，只得牛油味簡直神奇，仲要我叫咗個老街咖喱麵，20分鐘都冇，叫佢嗰伙計嚟追咗一次10分鐘後都冇，再叫經理埋嚟佢話而家先至做，仲要一句對唔住或者少少解釋都唔講，我同佢講話等咗半個鐘唔要啦，佢竟然用嫌我煩語氣同我講：得得得！間餐廳服務禮貌咁差做得咁曳，連一句對唔住都冇！佢令到成個品牌蒙羞，我相信亦都唔會再介紹或者去試食任何關於佢餐廳任何間餐廳，呢間餐廳及品牌我一定Blacklist！完

方便將軍澳線和港島線的朋友，在北角匯地下，好容易找。晚上6:30 已幾乎滿座，叫了海南雞飯和麵，兩個人快速的晚餐。味道OK，不能坐得太久，適合簡單catch up 。

服務態度、入座安排的方式十分差，本身一開始見到餐牌都幾吸引諗住試下呢度既下午茶，點知未入來佢地成班waiter已經想趕客走，然後話到明唔可以揀位坐，但明明當時係有空位既。等緊位果陣未到6點，個waiter就趕住換晚餐menu，問佢點解咁快換menu都未夠鐘，佢都係態度好差咁答係經理安排，敷衍了事！至於價錢方面，我望過下晚餐的menu，一碗喇沙要80幾蚊，完全唔會想去消費的慾望，唔明點解仲要咁多人繼續排隊，d野真係咁好食咩？算吧啦呢間嘢，不了不了！！No next time !

🌕🌕🌕🌗🌑🍽海南雞飯拼喇沙 ($108)😋椰香味重，麵頭無乜辣油紅油，唔會好膩🙂係喇沙黎講，其實真係偏辣🙂神奇嘅係佢係用米線底，而唔係滲滲/米粉/油麵😋要讚啲米線好煙韌，食到尾都唔會浸淋晒🙂一隻蝦，兩塊半塊嘅豆卜，四條好幼嘅魚片，半粒溏心蛋🙂除左粒溏心蛋真係溏心之外，其他無特別‼️食到最後，已經覺得碗野同喇沙呢個名無關係‼️喜歡椰香嘅就會喜歡，算不上係好食嘅喇沙😋雞飯有驚喜，鹹鹹地有陣香茅味🙂唔會軟爛，但未做到完全粒粒分明😋雞至少都有四分一隻，就連胸位都滑身嘅，雞皮都已經無油脂🙂除左滑至外，就唔係好有雞味🙂甜豉油正常，紅色嘅醬帶有少少酸辣，幾鍾意呢個味🌕🌕🌕🌗🌑🍽參峇醬燒豬頸肉 ($85)😋豬頸肉爽脆，唔會燒到好乾身🙁參巴醬係分開上嘅，醃料應該無落參巴醬，都無燒烤嗰種香味🙁嗰底都係偏油膩少少，兩個人share有啲吃力🌕🌕🌑🌑🌑🍽斑蘭咖吔多士 ($28)😋用左健康嘅麥包，烘得好脆，但唔會好乾𠝹親嘴🙁有牛油同咖吔但太健康之兩樣嘢都落得好少🙁得中間嗰兩啖食得出兩者嘅味道，其他位都因為麥包自己本身偏濃味而蓋過左👌🏻如果坐窗邊位應該可以用出面嗰草地打下卡🙌🏻如果純粹行過附近，想食馬來西亞野嘅可以一試

本來姐我想點海南雞飯拼喇沙SET ，可是次子身為喇沙粉絲，擔心COMBO SET喇沙太細，唔夠食，所以分開叫了喇沙賣相好，湯底好濃椰奶，香滑! 講番配料好足,，魚片，魚蛋，豆卜，半隻唐心蛋，留意返，還有剝曬殼的蝦，適合唔鍾意剝蝦又鐘意食蝦的朋友仔。海南雞飯油飯好香，海南雞皮薄肉嫩，沒有雪味，皮肉中間有一屠透明的啫喱，泰妹出身的姐覺得，雞肉帶啫喱先夠滑! 點解? 因為這層啫喱是膠原蛋白，好難煮出來的.. 所以呢間海南雞好讚! 咖央多，多士外層卜卜脆，可是中間的咖央醬好少，味道不出，只食到牛油味，可以唔使點~

早前勁多人到北角匯打卡，我呢個大鄉里到今日先知原來新開了好一段時間。打卡位暫時沒有，反而有一間新開的 🇸🇬 新加坡菜的餐廳「咖吔」值得介紹介紹。咖吔海南雞飯用上三黃雞，雞肉嫩滑，又不會過肥。而油飯油香十足，恰到好處。絕對對得住價錢。新加坡Laksa呢度的Laksa湯底好creamy, 椰香味好重，海鮮也十分重料！正！更令人想念新加坡了。串燒拼盤一個拼盤包埋串燒蝦、魷魚鬚和雞肉，滿足哂你三個願望，最驚喜的是魷魚鬚，好彈牙加埋惹味醬汁，辣辣地無得輸。檳城街頭火山排骨必點這個！這道有名的街頭小吃搬上餐桌一點也不遜色！煮排骨份量澎湃，用埋手食更加滋味，而且配上了酸酸辣辣的特製醬汁，在盛夏尤其開胃。

下午茶時間去食，以北角匯來講呢個時間都算多人等位。不過北角來講$60套餐嘅下午茶都算小貴，總共嗌咗3個下午茶餐。叫咗新加坡喇沙、檳城蝦麵、巴東牛肉飯。食物不過不失，講唔出好食，都仲可以。凍南洋咖啡非常多冰，成杯都係冰，到食完啲冰仲都仲係杯頂位置，3啖就飲晒成杯。下午茶餐牌食物種類唔多，但點餐時講食物名店員話要我講數字，飲品都係要講數字。環境唔錯，乾淨整潔，擺盆餐具都有用心做。衛生方面，有派口罩袋同抹餐具的濕紙巾。