味道

营业中

休息中

去咗上環人氣排隊小店「味道」，去到見到個餐牌就會有選擇恐懼症，因為有齊日韓泰越嘅菜式選擇，仲有一個係港式嘅主食，最多人推薦嘅係佢哋嘅招牌菜炸雞髀配泰式冬陰功河粉同埋越式香茅蔥油豬扒煎蛋飯。星期五晚去到舖頭都仲好多人排隊，人氣都好高。我哋食咗兩個 signature主食 ，一杯泰式奶茶，再飲返杯青檸檬梳打平衡下冬陰功湯嘅味道，另外仲有一個炭燒豬肉串燒做小食。炸雞髀配冬陰功河係一個幾特別嘅配搭，本身生炸雞髀係好港式嘢感覺，冬陰功係泰式嘢，滿足到兩個願望都唔錯，個炸雞髀手掌咁大隻，雖然自己衰鍾意食嘅嘢擺到最尾先食，但係隔咗大半個鐘頭先食都依然都仲好 juicy，佢嘅外皮唔係厚厚炸漿炸出嚟嗰隻，而係薄脆嘅生炸外皮，佢嘅肉質因為生炸嘅關係保持到嫩滑，冬陰功同炸雞髀好似有啲南轅北轍嘅感覺，但係食落又冇咩違和感，冬陰功微辣，所以飲過梳打水中和下就啱啱好，個河粉唔係闊河粉有少少可惜，因為我去過泰國之後愛上左闊河粉，不過始終傳統河粉配湯應該都係match啲，而佢個河粉配冬陰功都係好味嘅，食完之後覺得如果一啖河粉一嚿雞髀咁樣食好似有風味啲。至於個香茅蔥油豬扒煎蛋飯，蛋係太陽蛋輕微煎個燶邊，我覺得再燶啲會更

🐻早排睇youtube介紹上環美食，作為中環扮工一員梗係要留意下👀，見到呢間餐廳，介紹佢嘅炸髀🍗配冬陰公好似唔錯，今日終於的起心肝冒住排隊🚶🏻‍♂️嘅心情12:30分到達，前面大概有6-8人左右，估唔到排左10分鐘都可以入坐 🐻差唔多到嘅時候會比定餐牌落單先，所以坐低都好快有得食，見到都keep住出入，輪侯時間一d都唔算長 🐻意想不到嘅係佢原來唔係食泰國嘢，基本上係咩菜式都有，泰越韓中😹太多選擇不過我都係冒住佢個炸髀冬蔭公面而來，所以都係堅守住呢個信念🤖 🐻冬蔭公湯唔算太辣, 味道比平時飲嘅順喉D, 但就好夠味, 佢有得簡🍜米粉/粉絲/河粉, 食落米粉唔算好掛湯, 應該另外兩款會夾D, 炸脾冇厚厚嘅粉漿, 雞皮都好香脆, 入面肉質好JUICY, 唔算好大隻但我都唔係好食得晒 (因為食晒碗面)….連埋一杯凍飲 (+$4), 埋單$88, 中上環基本上一個餐都係差唔多價位, 下次再黎試其他🙆🏾‍♀️

呢間係上環嘅小店，無諗到受歡迎到晚市都要排一陣隊。食完覺得其實等一陣都真係值得嘅！蔥油豬扒煎蛋飯配特制醬油半煎炸香茅豬扒好嫩滑，配大量蔥油，嚟嘅時候已經切好晒方便食。流心煎蛋配埋個甜甜地嘅店家特製醬油送飯一流。炸雞脾配冬蔭功河粉醃製過先炸嘅雞脾外脆內嫩，咬開仲有大量肉汁，啖啖都好味。冬蔭功湯底唔太辣啱啱好。一啖雞脾一啖河粉出奇地夾。泰式沙嗲豬肉串店員上菜時提到豬肉係泰國直送，沙嗲醬另外分開上，可以按自己喜好沾嚟食。豬肉肉質嫩滑。沙嗲醬好濃花生味，亦都食到大量花生粒。泰式奶茶及青檸梳打奶茶本身已經少甜，泰式茶葉味香濃。至於青檸梳打解油膩一流。

住附近一直都未嚟過呢度食飯，之前睇過人哋sharing 好似好正❤️今日收工終於食到，呢度中午超級多人！估唔到夜晚都咁多人呀😂大概價錢一個餐係七十幾到80幾蚊基本上都連嘢飲，咁其實喺呢個地段來講都幾抵食！我哋嗌咗一個招牌係炸雞髀配冬陰功湯河🥰雞髀好大隻，生炸特別Juicy! 味道剛好，唔會太咸🫶🏻特別中意個河，酸酸辣辣，湯底好惹味另外嗌咗個蔥油豬扒飯，呢個係泰式版嘅，香茅味十分重，食落唔算好油，幾香口，撈埋食好正，層次感豐富🥰小食必點豬肉串！今日VIP呀，又多汁調味又特別 一定要叫！飲品就強烈推薦嗌返梳打！可以refresh下❤️❤️#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

呢間小店平日食飯時間好多人排隊估唔到星期六嘅下午三四點依然有好多人排隊！.炸雞髀配泰式冬陰功河粉食剩指數：0/100生炸雞髀好大隻同個碗差唔多大隻外皮脆肉質幾嫩食落肉汁好多又唔會感覺好油膩分開上唔怕個外皮變軟泰式冬陰功湯湯底酸酸辣辣唔會好辣仲有豆卜魚片等配料河粉都幾滑，份量十足.泰式奶茶食剩指數：0/100泰式奶茶茶味香濃甜度適中唔會太過甜跟套餐加都係$12.味道 yum yum地址: 上環畢街15號地舖

上環都算一個其中一個幾多隱世小店嘅地方，今次黎到畢街食泰國嘢，其實佢仲有越南、台灣、日本嘢食架，見到放工時間都好多打工仔過嚟食，最出名就係佢個超巨型炸雞髀，基本上每枱都會見到👸炸雞髀配泰式冬陰功米粉 $84係超級濃湯，酸味非常突出，香料味好重，米粉掛哂湯，一次過食入口，好惹味，每啖都激發到味蕾！炸髀唔使我講就知大隻，皮薄肉嫩又多汁，啖啖肉大滿足越式香茅葱油豬扒煎蛋飯 $70個豬扒好腍又入味，有香茅味得黎，又脆脆地燶邊咁，最緊要係個甜豉油加蛋汁，再加葱油，嘩一啖飯幾隻味，幾咁豐富泰式炭燒豬肉串豬肉嘅肥瘦分明，點埋醬汁又係好香，唔好以為豬肉就好鞋口，我敢講呢度嘅豬肉串係香港我食過最好味

味道 地址: 上環畢街15號地舖電話: =====================好幾次都想來食lunch 無耐中午食lunch 總是趕頭趕命，幾次行話見到條人龍，看看電話時間再計一下，心知食完一定會遲返公司，可惜都未有機會食。今年easter 好多人外遊，我公司都消失了一半人拿了annual leave ，令到人龍小了，我終於食到啦炭燒豬肉串satay 汁甜甜地，肉質柔腍。炸雞脾跟冬蔭公湯河，大大隻香噴噴雞脾呀，炸到勁脆啦，先飲口湯酸酸辣辣極開胃煎多香茅豬扒蔥油飯，淋上特製醬油，豬扒也是很軟腍，豬扒醃到富香茅味。泰式奶菜同line soda ,奶茶好飲#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #followforfollow #好去處 #igab

Dinner，感覺好差。嗌咗炸雞髀冬陰功河粉，落完單轉頭已經有得食。筷子筒入面嘅木筷子係濕㗎，唔敢用，感覺用左會將d未乾既洗碗水滲入碗粉度，最後開咗對外賣筷子嚟用。個河粉淋到夾唔起，好似浸咗好耐咁。明明係嗌泰式凍奶茶，黎到變左室溫。個位好迫，無心機食，問店員拎外賣盒拎走隻雞髀，外賣盒要比$2 都ok, 點知佢拎咗個充滿油漬未乾有水點嘅外賣盒俾我，見到都唔開胃，同佢講very dirty佢先肯換個正常盒 。

可一不可再嘅東南亞菜之前喺IG超多人推介呢間喺上環內巷嘅隱世餐廳，話有超好食嘅生炸雞髀。於是我就搵晚同朋友專程過嚟試吓。佢個雞髀係連埋冬陰功湯河一個set咁叫嘅，幾乎每一台都有叫，咁我哋就滿心期望啦。不過期望越大，失望越大。雞髀講真味道不過不失，肉質大致都Juicy，不過唔知點解上菜嘅時候已經好似有啲凍問題係個冬陰功湯河，真係十分麻麻。冬陰功嘅味道超級淡，然後入面嘅河粉食三四啖已經食完。完全唔夠飽。另外我哋仲叫咗個串燒set，呢度六串已經$95 ，簡直係難以置信。味道亦無特別，完全唔值咁貴。總括嚟講，呢間嘢價錢偏貴，俾人吹捧得太犀利，完全係名過其實，不值得排隊！食完仲要成身油煙味，勁唔舒服，絕對無下次！

今晚和朋友去左上環, 朋友說想吃東南亞菜, 於是我們便來了這餐廳.越式香茅蔥油豬扒煎蛋飯 ($70):蔥油味好香, 幾正.豬扒煎得非常香口, 好惹味, 又唔會韌, 好好食.蔥油味同豬扒都好夾, 好好味.另外煎蛋都煎得好滑, 幾好食, 不錯.豬扒份量都好夠多, 一定好夠飽, 而且才$70, 幾抵食.炸雞髀配泰式冬陰功米粉 ($84)炸雞髀炸得好香脆, 非常好食. 脆卜卜好正.雞髀肉又好滑, 幾好食, 超正. 熱辣辣又脆卜卜.泰式冬陰功幾惹味, 好香, 又夠辣, 非常好食.個湯都好好飲, 好鮮味.泰式炭燒豬肉串:燒得非常香口, 食到炭燒果種香味, 好香口, 幾好食.同埋個味道好香濃, 即使不點醬都已經好好食.泰式奶茶:好香滑, 奶味重, 又不會太甜, 味道剛剛好, 不錯.青檸檬梳打 ($12):非常清新, 又不會太酸或太甜, 味道剛剛好, 不錯.

平常我們都很喜歡找一些小店嚐新，今天朋友介紹這間吃泰式食物的餐廳，藏身於上環畢街，裝修有泰式風情泰式炭燒豬肉串這個豬肉串燒是用蜜汁調味，燒得表皮很香，但又保留到肉汁，甜甜的很美味，配了店家特製的沙嗲汁👍🏻炸雞肶配泰式冬陰功河粉 生炸雞肶永遠都是我的最愛❤️❤️表皮炸得很脆！裡面的肉好鮮嫩，好讚，一定要點！而且這個雞肶好大一隻，每口咬下去都是肉肉啊😍 冬陰功湯底味道濃郁，完全是還原泰國吃到的味道香蔥香茅豬扒飯這個豬扒很大一塊，不會煎得很乾調味也有滿滿的香茅味，香蔥汁不會太咸，沾了半熟蛋的蛋黃汁真是太美味了，不知不覺都吃了一整碟飯！泰式奶茶不會太甜，奶味十足，茶底香醇！青檸梳打爽勁十足，酸酸的很開胃解膩👍🏻📍 味道 (上環)上環畢街15號地舖

【上環•味道】@ππππππππππππππππππππππππππππππ上環勁多人排隊嘅靚正越泰式料理餐廳越式香茅蔥油豬扒煎蛋飯炸雞髀配泰式冬陰功米粉泰式炭燒豬肉串青檸檬梳打泰式奶茶越式香茅蔥油豬扒煎蛋飯這道菜是越式料理中的經典之一，豬扒煎得酥脆，再淋上香茅蔥油，非常搭配。煎蛋和煮飯也很合拍，組合在一起是一道美味的主食菜色。炸雞髀配泰式冬陰功米粉這個菜色結合了炸雞髀和泰式冬陰功米粉，在口感和風味上都非常豐富。冬陰功湯底裡的辣椒和香料和炸雞髀搭配起來就像是天造地設。泰式炭燒豬肉串這個菜色是泰式料理中的一個經典，炭燒過的豬肉串肉質鮮美，帶有炭燒的香氣。再加上泰式特有的醬料，口感和風味都很獨特。青檸檬梳打這個飲品是一種泰式風格的汽水，檸檬的酸味和汽水的氣泡讓人非常陶醉，是餐後必嘗的飲品之一。泰式奶茶這是一種以茶葉和牛奶調製而成的泰式飲品，味道濃厚，香氣四溢，是來泰國旅遊必嚐的特色飲品之一。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 280✨✨✨✨✨✨✨✨✨✨✨✨✨#上環美食 #味道 #web3上環味道上環畢街15號地舖

間鋪唔容易搵，喺小巷中間。唔熟悉呢一頭嘅朋友咁就要用返Google Maps 。呢間舖頭其實都開咗兩三年，不過近日多咗好多人走嚟食 。幾年來我覺得個水準都係一級棒 。一定一定要提及嘅就係 。炸雞髀配冬陰功麵$84😍😍😍😍😍😍😍嚟呢間舖頭其實就係為咗點呢隻炸雞髀！呢個炸雞髀不得了，超大隻放上枱面你都會有少少嚇親 。個人建議咁大隻最好攞張紙巾包住隻雞髀腳豪氣啲咁樣食。成隻雞髀雞皮炸到超級脆，仲要係生炸雞髀。咁大隻雞髀唔會整到唔熟，而且肉汁勁多，簡直係100分 。另外更加值得一提嘅就係佢嘅冬陰功湯底，冬陰公湯底有好多香料，有少少椰奶香同青檸味，味道啱啱好，唔會過辣，不過與其話似係冬陰功我覺得佢有啲似冬陰功與喇沙合體 。整體嚟講食物方面我比滿分😍😍😍

一間係橫街既鋪頭，有齊泰式，越式，港式，連越式都有!真係估佢唔到!但一啲都唔欠人流，黎到都有10個人等緊餐廳店舖唔大，店員親切有禮 ，坐左係門口bar 枱位置，望住出面感覺好正，好放鬆。炸雞髀配泰式冬陰功米粉 ($84)「炸雞髀」真係好出色！而家周圍都好難搵到好食既炸髀。呢到既炸髀皮脆肉嫩又多汁，又唔會炸到乾曬!仲要大大隻，好抵食!泰式冬陰功米粉—湯底酸酸辣辣，仲有魚片，豆卜味道都偏酸岩岩好可以襯番炸雞髀，真係有驚喜。越式香茅蔥油豬扒煎蛋飯 ($70)食豬扒最怕攝牙，呢到好貼心，係一塊大大塊既連骨豬扒仲要塊豬扒一早切好曬, 仲唔會好乾肉質軟嫩!食落去香得黎又唔會攝牙。再配上蔥油和特製豉油，味道濃郁，飯上還有一個流心的煎蛋，D飯係粒粒分明! 無得輸!泰式炭燒豬肉串6串 ($95)好有炭燒香味唔會乾身,又係唔會攝牙!另外好值得讚既係個花生沙嗲醬，好有花生香味! 雖然個豬燒得好好食，外皮焦香，內裡多汁，但個醬真係令串豬更加好食!青檸梳打&泰式奶茶(各12)兩杯飲品配合返香港人口味，甜度比較低，岩曬而家個天氣，食完炸野飲真係岩岩好!唔會太膩。➡️ 整體Lamlam脷指數 😋😋😋😋 (4/5)➡️

炸雞髀配冬陰功麵$84點解你呢間餐廳就係為咗呢隻炸雞髀!呢個炸雞髀不得了，大隻飽滿，雞皮炸得脆卜卜，肉嫩多汁，係100分嘅炸髀☝🏼 冬陰公湯底有好多herbs，有少少椰奶香同青檸味，味道啱啱好，唔會過辣。越式湯河配豬扒$74呢個香茅豬排都不能睇少，又係好好食🥹豬排好入味，會連埋少少肥膏邊，口感同炸髀一樣咁juicy，肉質一啲都唔乾柴。越式河粉湯底清甜，有配herbs同辣椒。蘿蔔雖然細細塊，但好入味👍🏼