味道

上環不嬲都多嘢食，但係唔想行到去街市嗰邊咁遠，於是就揀咗呢間餐廳💕坐低望吓個餐牌發現乜都有得食，越南、泰國、日式、港式樣樣有啲，應該係多國菜😂🌟越式香茅蔥油豬扒煎蛋飯 $70豬扒已經切好晒，香茅唔算好濃，流心煎蛋撈埋蔥油同飯真係簡單！粗暴！麻甩！飯量都好多，一定食得飽😙🌟炸雞髀配泰式冬陰功金邊粉$85雞髀炸到外皮脆口，係茶餐廳港式風味type，靠近聞吓仲有啲淮鹽😜不過肉質有啲乾身。至於個冬陰功湯底真係重口味到爆，連我食開重口味味都覺得酸辣十足，但好彩酸得嚟唔會死鹹，金邊粉索晒湯汁夠哂惹味😄🌟泰式炭燒豬肉串 $65全場最佳❣️豬肉串食落去又甜又有炭香😚肉質軟腍得嚟仲食到一絲絲肉絲，點埋沙嗲醬簡直係靈魂所在！⭐️青檸檬梳打 $12 （跟餐價）唔知點解自動少甜咗🤣不過我又冇乜所謂😗清新爽口，氣泡足又唔會太甜，解膩效果非常好，青檸味屬於輕輕點綴嗰種🥰⭐️泰式奶茶 $12 （跟餐價）茶味濃郁，甜度都係比較低，適合怕甜人士，泰式奶茶嗰種獨特茶香同奶味真係唔係人人都鍾意，不過我OK😗整體嚟講，對個份量好滿意，完全係啖啖肉嘅一餐😋…查看更多

到上環泰國菜小店慶祝Puffy及獅薩4歲生日 8月24日是Puffy及獅薩的生日,今晚為食妹就去了上環一間地道的泰國菜小店慶祝,原來Puffy及獅薩都是2021年同年同月同日生呢!太有緣啦~ 泰式炭燒豬肉串(4串)有驚喜的炭燒豬肉串,肥瘦肉相間,肉質彈牙,燒烤後焦香四溢,沾上沙嗲醬更美味~ 越式香茅蔥油豬扒煎蛋飯經香茅醃製的大大塊豬扒,肉質不算差,配上大量蔥油及太陽蛋,就是一道好基本的越式豬扒煎蛋飯~ 炸雞髀配泰式冬陰功金邊粉此店最多人選擇的巨型酥炸雞髀美食!雞髀的外皮炸得好金黃酥脆,但雞肉卻仍然保持到嫩滑的水平,比起平常的大~至於泰式的冬陰功湯底亦非常濃郁,香茅、南薑、檸檬葉等缺一不可,泰式香料氣味層次豐富，高辣度非常開胃~用上泰式金邊粉就會吸收到冬陰功的辣味,十分推介的菜式~ 青檸梳打及泰式奶茶青檸梳打是夏日消暑之選,可以中和炸雞髀的油膩;泰式奶茶是典型的飲品,茶味香濃突出,奶味幼滑,甜度適中,喜歡更甜的朋友可以少冰~ 味道上環畢街15號地舖 #味道 #上環 #yumyum #fatty #puffy #為食妹#香港 #sheungwan #thaifood #泰國菜#hongkong #dinner #獅薩 #usagi #chiikawa #泰式奶茶 #thaitea #青檸梳打 #happyhappy #happybirthday #生日快樂…查看更多

yum yum @ 上環之前試過yum yum感覺唔錯…又可以食勻成個東南亞…佢地有泰國…越南…韓國菜式選擇。黎呢度當然要叫佢地signature雞脾冬蔭公湯粉 冬蔭公湯底酸辣度啱啱好 有粟米仔 魚片 炸雞脾好大隻…即叫即炸 皮脆…切開仲有好多肉汁另外叫左蔥油豬扒蛋飯 個樣超級靚仔 檯面有支豉油撈飯用 個調味唔錯…帶少少甜又唔會大鹹…再加埋蔥油同蛋黃…無餸都可以爬兩碗飯。 個香茅豬扒份量都幾大…味道唔錯加多個沙嗲串燒豬肉 個沙嗲醬好有印尼style…好味飲品有青檸梳打同泰式奶茶。個泰式奶茶茶味好濃唔錯除左味道…呢度最緊要係個價錢經濟實惠…所以都經常滿座#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #上環 #東南亞菜 #yumyum #味道…查看更多

穿過上環縱橫交錯的斜巷，黎到呢間低調的泰式小店。沒有浮誇裝潢，只有幾張簡樸桌椅與空氣中飄散的誘人香料氣息。店內套餐定價貼地，$70至$85已包一飲品。菜單精簡卻道道經典。🍛越式香茅蔥油豬扒煎蛋飯豬扒經香茅醃製，煎得邊緣微焦，肉質軟嫩不柴。自製蔥油香氣濃烈，將金黃流心的太陽蛋戳破，蛋液裹著米粒，全部加埋一齊食，每一口都充滿誠意。🍗 炸雞髀配泰式冬陰功金邊粉 巨型酥炸雞髀外皮炸得金黃酥脆，內裡雞肉卻保持驚人嫩滑多汁，醃製入味。泰式冬陰功湯底酸辣鮮明，香茅、南薑、檸檬葉香氣層次豐富，辣度溫和不嗆喉，非常開胃。金邊粉爽滑吸汁。🍢 泰式炭燒豬肉串豬肉串肥瘦相間，肉質彈牙不乾柴，秘製醃料帶點微甜，燒烤後焦香四溢。🍹青檸檬梳打酸爽透心涼！氣泡感強勁，完美中和炸物的油膩。🍹泰式奶茶經典的橙紅色澤，茶香濃郁突出，奶味順滑，甜度適中。🌟二訪依然收穫滿滿驚喜, 實打實的好味道、超值的價格，而且全日免加一！店主用心的經營，絕對值得支持。…查看更多

呢間Yum Yum我自己已經同朋友黎食過2次，都知道佢係好出名㗎啦，一到用餐高峰時間就一定要等位，所以今晚帶屋企人早啲嚟食，真係唔使等就有位喇。❤️🧡每次黎都好鍾意食佢個泰式冬蔭功炸雞髀金邊粉/粉絲，今晚就揀咗金邊粉底 。冬蔭功湯底又唔會話辣到食唔到，味道「酸酸尾尾」，好開胃。炸雞髀皮脆得來亦都鎖到肉汁，一切開嘅時候入邊啲汁流晒出嚟！而且炸雞髀又成個手掌咁大，所以呢個亦都係佢哋嘅signature dish!👍🏽👍🏽另外，今晚就第一次叫咗碟越式蔥油香茅豬扒煎蛋飯 。豬扒真係超大塊，細心位係師傅將成塊豬扒切條，留返條T骨喺度，所以好容易就可以一條豬扒加一啖飯再加啲蔥油咁樣食。煎蛋仲係燶邊㗎，蛋黃係介乎流心同糖心之間，超正！呢個碟頭飯份量都真係超大，仲勁過碗冬陰功湯粉。😂😂😂飲品都係好鍾意飲佢哋個招牌泰式奶茶，同埋青檸梳打 。青檸梳打係無糖嘅，呢個超好，因為咁樣先至可以消滯解膩，比落咗糖口感更清新！兩杯飲品各自跟餐都可以優惠價每杯加$12。小食第一次叫，叫咗個炭燒豬肉串，有四串，仲有幾塊青瓜片同紅椒片伴碟（可以食埋㗎 ），配埋個秘製沙嗲汁（沙嗲汁有花生粒增添口感，so goood!!）呢個炭燒豬肉串有驚喜，有炭燒味，肉質好鬆化，肉身又夠薄，未食正餐之前食返兩串豬肉串，一啲都唔過分！所以，呢間係真係可以不停encore嘅小店！❤️🩷…查看更多

一去到晚飯時間已經全店滿座！！到底係網紅既力量定係真係咁好食！係睇menu既時候已經觀察到大家嗌既野其實都差不多！！咁都係叫返必點既穩陣炸雞肶超級大隻既生炸雞肶，皮脆肉嫩！！仲要係即叫即炸，熱氣十足！越式香茅豬扒蔥油蛋飯首先最吸引到我眼睛嘅一定係個太陽蛋！！！一野吉爆佢撈飯食一流😍再加埋d蔥油，邪惡感滿滿的！！！香茅豬扒鬆軟出色！基本上咁邪惡既配搭都係冇得輸！！！沙嗲豬肉串肉嫩！燒到岩岩好，不過最出色都係個沙嗲汁！！！好味到最後用黎點雞肶食🤣🤣泰式冬陰功湯粉個湯底就係冬陰功！！基本上每一啖都係勁香口，辣辣的勁開胃！！！飲品泰式奶茶必飲！！少甜但個奶茶勁厚口感！！！少有的係好出色…查看更多

行開畢街，兄弟們都話佢大雞髀喇沙堅正，啱晒我哋呢班重口味控🤭。店員仲要好nice，未坐低已經安排靚位，夠晒貼心～成個環境超chill🪴，木系設計加柔和燈光，真係有種去咗泰國街頭cafe嘅感覺～無論同friend吹水、同另一半撐枱腳，定自己一個hea食lunch都一流😎。Menu多選擇到眼花，由泰式串燒到飯類同炸物樣樣齊，價錢親民之餘質素仲keep到👍。必試推薦：🌶泰式炭燒豬肉串- 炭燒香氣爆棚！肉質juicy唔韌，點埋辣醬，層次感即刻出晒嚟🤤🍳蔥油豬扒蛋飯- 簡單但超滿足！蔥油香爆燈，豬扒外脆內軟，撈埋滑蛋食真係無得輸～🍗炸雞髀配冬陰功- 雞髀外脆內嫩到無朋友！配埋酸辣醒神冬陰功湯，食到停唔到口🔥🍋青檸檬梳打- 清新解膩，氣泡感十足，同濃味主食絕配！🥤泰式奶茶- 茶香濃郁帶回甘，甜度啱啱好，飲完成個人好似飛咗轉曼谷咁爽🥰總括來講「味道Yum Yum」真心有驚喜✨，食物高質有heart，環境舒服，服務又周到～已經mark實下次再encore！…查看更多

上環畢街的「味道」午市人氣旺得驚人，門口長龍不絕，等上二十分鐘已屬常態。今日點了一份咖哩湯烏冬配炸雞肶，售價八十五元。咖哩湯底香濃順口，辛香味均衡，帶微微甜感，喝下去頗有層次。烏冬麵條彈牙，不會煮得過腍，與湯汁一拍即合。但真正的焦點，在那份炸雞肶上。外層炸得金黃酥脆，內裡肉質細嫩滑潤，肉汁充沛而不油膩，調味入骨，每一口都令人忍不住再夾下一塊。整體而言，這碗咖哩湯烏冬配炸雞肶物有所值，尤其是那炸雞，堪稱水準以上。如果不介意等候，這間「味道」絕對值得一試。…查看更多

這間yum yum 是間多國風味的特色餐廳，有港式，泰式，越式，韓式及日式的菜式，價格親民，所以星期六的兩點仍然爆場。越式香茅蔥油豬扒煎蛋飯，是人氣之選，豬扒大件，煎得剛好，燶邊的煎蛋，跟香茅同蔥油是完美的配撘，加點醬油，送飯一流。炸雞肶配泰式冬陰功金邊粉，酸酸辣辣的湯底很開胃，雞髀炸得脆身多汁。泰式炭燒豬肉串，有陣陣炭火香，肉質鮮嫩多汁，搭配特製沙嗲醬料，更好味。飲品推介泰式奶茶，唔太甜，茶底香濃。…查看更多

><Lunch多人夜晚一樣咁多人食天氣涼涼哋排陣隊都ok炸雞髀配冬陰功金邊粉自細就鍾意食冬陰功湯湯頭夠辣飲完暖笠笠炸髀嫩滑juicy 時間拿捏得剛好唔會炸得過火又唔會唔夠熟香茅蔥油豬扒煎蛋飯就咁蛋汁同蔥油已經很下飯香茅豬扒肥瘦均勻 軟腍入味份量亦慷慨 差唔多有半邊碟泰式炭燒豬肉串串燒較濃味唔使蘸醬都得 香口油潤青檸檬梳打/泰式奶茶><><><><><><><><><><><味道 Yum Yum上環畢街15號地舖…查看更多

總評同另一半喺上環搵食，想食啲香口惹味嘅嘢，就諗起呢間bookmark咗一段時間嘅泰國餐廳Yumyum。見網上評語普遍唔錯，就決定同另一半嚟撐枱腳試一試。餐廳唔算好大，但坐得幾舒服，裝修簡潔。結果相當有驚喜，食物質素甚高，調味出色，係一間會想回頭再食嘅餐廳。菜式點評我哋兩個人叫咗三款主食加小食，份量十足，食到好飽。泰式炭燒豬肉串 呢個絕對係全晚嘅MVP！一客六串，上枱時炭燒香氣撲鼻。豬肉串燒到邊位帶微微焦香，但中間嘅肉質依然鎖得住肉汁，口感豐腴唔乾柴，肥瘦均稱。最值得讚嘅係佢個調味，本身醃得夠入味，再點埋個秘製嘅酸甜醬汁，味道層次即刻提升。水準之高，令我哋忍唔住要Encore多一客！真心係必點推介。蔥油豬扒蛋飯見好多人推薦呢個飯，就叫嚟試吓。塊豬扒比預期中有驚喜，好厚身但完全唔韌，亦唔會炸到好乾。炸漿薄脆，做到外脆內軟。不過成碟飯嘅精髓在於個蔥油同豉油，撈埋隻太陽蛋嘅蛋汁，成件事變得好惹味，送飯一流。我另一半三兩下就清晒成碟，可見其吸引力。炸雞髀配冬陰功金邊粉呢個組合幾特別，平時比較少見。雞髀size唔細，炸功唔錯，皮脆肉嫩滑，冇雪味。冬陰功湯底值得一讚，酸辣度平衡得好好，唔會死酸死辣，香料味足，飲落好開胃。金邊粉索晒湯汁，非常入味。唯一係如果可以再辣多少少就更過癮，不過目前呢個辣度相信大部分人都接受到。飲品- 泰式奶茶: 味道正常發揮，茶味都幾突出，甜度適中唔會太膩，食住辣嘢飲返啖幾爽。- 青檸檬梳打: 夠fresh夠清新，酸酸甜甜，用嚟清清味蕾唔錯。總結整體嚟講係一次非常滿意嘅用餐體驗。食物有誠意，調味正宗得嚟又有驚喜，尤其係個炭燒豬肉串，令人印象深刻。價錢喺上環區嚟講算係合理，以呢個質素嚟講，性價比算高。服務正常，上菜速度都OK。喺上環想食高質泰菜，呢間絕對值得一試。味道: 😋😋😋😋😋 (5/5)環境: 😋😋😋😋 (4/5)服務: 😋😋😋😋 (4/5)衛生: 😋😋😋😋 (4/5)抵食: 😋😋😋😋 (4/5)…查看更多

環境隱身於小巷中的實力派餐廳，憑藉出色料理成為排隊傳奇！午餐或晚餐時段，總能看到一大條長龍。越式香茅蔥油豬扒煎蛋飯 $70自家製甜豉油醬+蔥油神級配搭，超震撼份量豬扒超大塊，皮脆肉嫩，再配上太陽蛋，蛋液與飯粒交融的極致享受。生炸雞髀冬陰功河粉 $85超級惹味層次豐富，後勁十足越吃越過癮，再附上芽菜增添爽脆口感。最正就係個雞髀，外脆內軟肉汁爆發，中間還藏著蒜香驚喜，被食客封為「世一雞髀」！泰式炭烤豬肉串 $65滑嫩到誤以為是雞肉串，蜜糖醬烤製帶來甜美焦香，再搭配傳統泰式沙嗲醬，風味更上一層樓。…查看更多

呢間泰式小店發現咗呢個神級組合——泰式冬陰功金邊粉配炸雞髀，真係一試難忘！🌟 冬陰功湯底酸辣開胃，配上香茅、檸檬葉同辣椒嘅獨特泰式風味，熱氣騰騰中帶住陣陣清新，啖啖都解饞！🍤🌿 金邊粉吸滿湯汁，滑溜Q彈，仲有蛋同香菜點綴，營養又過癮。旁邊嘅炸雞髀金黃脆皮，肉汁鎖得好好，咬落去外脆內嫩，配埋冬陰功嘅酸辣，完美中和咗油膩感，食到停唔到手！🍖🔥 性價比高到爆坐喺度食住呢碗熱辣辣嘅泰菜，感覺好chill，特別適合午餐解壓。😌 總結嚟講，呢個冬陰功金邊粉配炸雞髀絕對係店內必點，酸辣鮮香加脆嫩對比，食完心情大好！😋 下次要試吓佢哋嘅泰式炒河粉或豬頸肉…查看更多

呢晚收工遲左，男友仔話帶我去上環食好西，起小巷見到呢間好多人排隊ge小店，真係令人期待😙由於晚市繁忙時段好多人，可能會需要搭下檯🙏🏻我地嗌左招牌炸雞牌配冬陰功金邊粉，炸脾外脆肉超嫩滑多汁，加埋冬陰功的酸辣真係勁正😍葱油豬扒蛋飯，份量大大碟，蔥油配豬扒本身已經係冇得輸的組合，加埋隻流心煎蛋更加加陰幾分👍🏻泰式炭燒豬肉串，醃得好入味，好香炭燒味，肉質好彈牙😙飲品都必點青檸檬梳打、泰式奶茶，解渴得黎又清新😘💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡泰式炭燒豬肉串（4串）炸雞牌配冬陰功金邊粉葱油豬扒蛋飯青檸檬梳打泰式奶茶💛💛💛💛💛💛💛💛…查看更多

前排去上環穩朋友食飯，朋友就簡咗呢間多國餐廳食晚餐；見到當日係平日夜晚六點鐘都幾多人幫襯，餐廳好特別，韓式、日式、越式同泰式嘅菜式都可以提供，上網睇見到好多人都推介呢間餐廳嘅泰式菜式，今日就試下佢泰式嘅菜式。🐽泰式炭燒豬肉串👍一碟有四串豬肉串燒，豬肉串燒嘅肉質都好軟嫩同多汁，而串燒嘅醬汁偏甜，可以配埋附送嘅沙嗲醬一齊食，會更加滋味。🐓炸雞髀配冬陰功金邊粉👍👍雞脾非常大隻，外皮炸到非常香脆，一啲都唔覺得油膩；而冬陰公湯味道偏酸微辣，好岩唔食得辣嘅朋友，非常開胃。🐽蔥油豬扒蛋飯飯同豬扒嘅份量都非常多，肉質非常多汁，外層煎到微微焦香；白飯嘅份量非常多，而流心嘅太陽蛋同埋蔥油好適合撈飯一齊食。🍹青檸檬梳打🍹泰式奶茶青檸檬梳打非常開胃，解膩一流；而泰式奶茶茶味香濃，甜度岩岩好。…查看更多