味道

营业中

休息中

托Foodie朋友的福，終於試到呢間🥹做完運動食特別滿足！😂🌟 炸脾冬陰功湯河炸脾好香口，肉嫩多汁😍湯底唔算太辣，酸酸地超開胃，河粉都好爽口！湯河本身都有豆腐卜、魚片等其他配料，索曬啲湯汁真心正！天氣凍凍地食呢啲熱辣辣嘅湯麵就最啱！🌟 蔥油煎蛋豬扒飯超級好味！雖然豬扒係炸嘅，但無咩油膩感😚蔥油+煎蛋簡直就係偷飯賊最佳組合😂煎蛋仲要係脆邊的！😍米飯又煮得剛剛好，軟硬適中～😙要排隊食都係值得嘅～😌

平日夜晚都要排隊3-4個字，可見佢人氣之旺。越式香茅蔥油豬扒煎蛋飯70HKD豬扒煎到酥脆但唔油膩，入口好juicy，load埋蛋同蔥油一起食真係好正，落小小自家製豉油，甜甜地，同豬扒好夾！炸雞脾配冬陰功河粉 84HKD大大隻炸雞脾真係好吸引，外皮好脆，咬落去卜卜聲🤩🤩冬陰功河粉同樣高汁，酸酸辣辣好道地既泰國味道，推薦！泰式碳燒豬肉串🐷好特別，BBQ點沙爹花生醬，食落口感有咬口又唔會鞋～惹味泰式奶茶🧋12HKD同港式奶茶相比泰式奶茶香味更濃，唔算好甜亦飲到好香濃奶味。青檸蘇打12HKD清爽解膩～好適合飯後收尾🤣

位於上環的巷仔，有一間主打多國菜既餐廳。於是就去試下，一睇個menu,原來唔止泰式，仲同日式，越式，韓式，真係多款種類。今次就唔叫雞脾飯，我地分別叫左香茅豬扒煎蛋飯同日式咖哩豬扒飯，同樣都係70幾蚊左右，附送飲品兩碟豬扒都係大大件，香茅豬扒配上流心蛋同蔥油，本來落左啲醬油可以撈下飯，睇下咩味，不過個醬油落少少都已經好鹹，想食醬油撈飯，建議落少少就好。個日式咖哩係有驚喜，不同於平時食既日式甜咖哩，個咖哩帶有啲微辣，同豬扒都幾match。

➲ 上環 味道➳ 炸雞髀配泰式冬陰功米粉 ⁽⁹/¹⁰⁾脆炸雞髀，成隻手咁大，配埋熱辣冬陰功，暖胃又暖身，芽菜豆卜用來配米粉，分量又多又爽脆。➳ 越式香茅蔥油豬扒煎蛋飯 ⁽⁹/¹⁰⁾香茅豬扒超入味，質感軟滑到一絲絲，仲有燶邊脆脆，配埋靈魂蔥油＋豉油＋流心蛋，KO。➳ 泰式炭燒豬肉串 ⁽⁸/¹⁰⁾炭燒後，焦香豬肉串，夾沙嗲醬，一串一串好快食曬。➳ 鹹檸檬七喜 ⁽⁹/¹⁰⁾➳ 泰式奶茶 ⁽⁹/¹⁰⁾低糖版冰凍泰奶，解解饞。⤵上環畢街15號地舖

話說琴晚遲早收工，諗住睇吓有啲咩好食，離遠見到佢仲開住燈，就佢啦⭐️小店地方唔大，上網好多人都推介呢間嘅炸髀非常之出色。蔥油炸雞髀飯 個炸髀好大份，外面炸到好脆，調味甜甜地幾好食🙆🏻‍♀️果然係呢度嘅名物。配埋個蔥油飯食真係非常邪惡。越南生牛河正宗生牛河味，個人好鍾意加埋青檸同啲葉撈住食。一半葉一半粉咁食好清新開胃🙆🏻‍♀️加埋呢個天氣食碗辣辣地既熱粉好過癮。美味指數：⭐️⭐️⭐️⭐️🌟/5️⃣多一粒星 因為天寒地凍 提供左個好溫暖既地方食飯😂

Yum Yum今次的哥就去了一家餐廳，點左炸雞髀配泰式冬陰功米粉，越式香茅蔥油豬扒煎蛋飯，泰式炭燒豬肉串以及泰式奶茶和青檸梳打。炸雞髀配泰式冬陰功米粉這道菜給我留下了深刻的印象。炸雞髀外皮酥脆，肉質鮮嫩多汁。而泰式冬陰功米粉則是辣味十足，帶有酸辣的風味，非常開胃。兩者的搭配非常完美，這道菜給人一種辣辣的滿足感。越式香茅蔥油豬扒煎蛋飯這道菜有著濃郁的越南風味，豬扒煎得恰到好處，外脆內嫩。香茅和蔥的香氣令人垂涎欲滴。配上煎蛋和飯，讓整道菜更加豐富美味。泰式炭燒豬肉串。這道菜的豬肉串經過炭燒，質地鮮嫩多汁，外表烤得微微焦香。而且，泰式的炭燒調味料讓豬肉散發出特別的香氣，十分美味。這道菜可以當作開胃小食或者主菜，搭配米飯或者沙拉都非常合適。泰式奶茶和青檸梳打。泰式奶茶帶有濃濃的茶香，甜度適中，喝起來非常順口。而青檸梳打則清涼解渴，酸酸甜甜的味道讓人舒爽。價錢：$ 100分數：8/10地址：上環畢街15號地舖#上環美食 #hkfoodie #hkfood #food #美食推薦 #美食推介 #香港美食 #hkig

隱世泰式小店，唔容易搵，但係都好多人食，份量較大，性價比高👍🏻😁泰式冬陰公湯河 炸雞髀🍗炸雞髀大過我塊面，表皮脆，裡面啲肉滑，值得一試。冬陰公湯河有唔同的食材，如蘑菇、粟米、豆卜，味道豐富，河粉份量多越式香茅蔥油炸豬扒飯炸豬扒份量好多，有十塊，仲有煎蛋🍳同菜雞肉串燒沙嗲醬唔會太重口味，比較啱我，雞肉好彈牙羅漢果水涼淡嘅清香，可以清熱氣泰式奶茶奶味比較重，幾正宗，而且好大杯

呢間小店絕對係上環小巷裡的螢火蟲 好耐無食餃子…諗住去畢街食下餃子…山東燒雞。點知見到一間好多人排隊既餐廳。望下餐牌…呢度都好多元化…有齊泰日韓越台。咁多人黎…應該都唔差…即刻入隊入坐時見到好多人都有隻雞髀係檯面…問下店員…呢個係雞髀配冬蔭公湯粉… 加多個串燒同香茅豬扒飯…加多杯青檸梳打同泰式奶茶呢度上野食都好有效率…幾位店員都好有禮貌。雞髀好大隻…冬蔭公望落到已覺好吸引…又多芫荽😍😍。雞髀熱辣辣…皮脆…一咬開會擦一聲…肉質好嫩仲好juicy。冬蔭公湯酸辣平衡得唔錯。成碗湯飲哂串燒都即叫即燒…個沙嗲汁都調得唔錯…入面有花生粒…肉質juicy香茅豬扒飯…個白飯好乾身好香飯味…就咁篤穿隻蛋撈下蔥油都好好味啦(飯桶)…豬扒都做得外脆內軟…而且份量都好慷慨…青檸梳打就正常發揮。泰式奶茶都唔錯…如果茶味再濃d就perfect呢度食物質素唔錯…加上價錢唔貴…中上環dinner100鬆d又要好味…唔怪得咁鬼多人排隊咁下次先食餃子啦

再次踏足呢頭，難得係一個好機會搵食😌做嘢做到個人都餓餓哋，就梗係拿拿臨醫肚啦。近近哋搵到呢間小店，係橫街，唔洗同人迫幾好～ 係某某平台見到大多數人都係叫佢嘅炸脾配冬陰功粉，入鋪見到差唔多枱枱都有隻炸脾，所以小妹都唔執輸叫埋一份🤣🤣🌱炸雞脾配泰式冬陰功米粉：麵底可揀米粉，粉絲或河粉。湯底酸酸辣辣，非常惹味，搞到食慾大增！湯粉附有一粒豆卜，一片魚片，數粒粟米芯及大豆芽，食落有口感。重頭戲係隻雞脾，即叫即炸。炸到皮脆肉嫩而且份量十足😌總括嚟講係滿意，如果杯熱奶茶大返少少就更好啦👍🏻👍🏻👉🏻溫馨提示：當日閒日未到3:15 已經話d 嘢售磬，所以想食嘅朋友就真係早d 去喇。仲有，佢炸嘢需時，落單前會溫馨話畀你知大約要等15-30分鐘，有心食就需要預留呢d 時間呢😆

💭呢日經開上環，就黎試下呢間東南亞餐廳～見到呢間餐廳都幾多人排隊就知道一定幾好食～野食都幾有驚喜～🌸6）炸雞肶配泰式冬陰功 河粉（HKD 84） 🌟 🌟 🌟 🌟 🌟泰式冬陰功好大碗～入面d配菜都好多～🥰炸雞肶炸得夠曬邪惡同大隻～真係不得了！如果食得辣既朋友仔真係一定會鍾意食呢個湯河～🌸越式香茅蔥油豬扒煎蛋飯（HKD 70）🌟 🌟 🌟 🌟 🌟塊豬扒大大塊🐷！！D飯加埋秘制醬油真係好好味！煎蛋夠流心配埋醬油撈飯一流！🌸泰式炭燒豬肉串🌟 🌟 🌟 🌟 🌟肥瘦相間既串燒配埋個沙爹醬👍🏻真係好好食！我覺得呢間餐廳既野食份量都好足！抵食！🌸泰式奶茶，青檸梳打食咁多煎炸野點可以無野飲呢～泰式奶茶同青檸梳打呢d野飲真係泰適合同東南亞菜系一齊食辣😌

【上環•味道】@yumyumhongkongππππππππππππππππππππππππππππππ上環小巷中的人氣食店 假日風情爆分🌻｜香茅豬扒蛋蔥油飯｜HKD 70豬扒煎得剛剛好，帶有一點焦香的口感，搭配上香茅和蒜頭的香氣，讓整個菜色非常有食慾。蛋炒得酥脆，再加上青蔥的清爽味道，讓整個飯更加豐富。🌼｜泰式奶茶｜HKD 24兩杯口感滑順，奶茶的香味濃郁，混合了適量的糖，甜度適中，讓人回味無窮。🏵️｜泰式炭燒豬頸肉6串｜HKD 95豬頸肉經過炭燒後，表面燒烤得略微焦香，內裡肉質鮮嫩多汁。泰式的調味讓豬肉帶有微辣和微甜的風味，十分開胃。🍁｜炸雞髀 配 冬陰功河粉｜HKD 84外皮炸得酥脆，內裡的肉質卻保持了多汁。炸雞表面的香料和調味帶來的風味，吃起來非常開胃爽口。湯頭酸辣鮮香，帶有一種獨特的泰式香料風味，讓人垂涎欲滴。鮮嫩的河粉搭配蔬菜和大量的海鮮，吃起來非常清爽美味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 273✨✨✨✨✨✨✨✨✨✨✨✨✨#上環美食 #味道 #web3上環味道上環畢街15號地舖

-//位於上環·主打多國菜粉麵🤣有港式、泰式日式、韓式、台式、越南都有🇻🇳 選擇任你揀餐廳唔算大，座位都唔算多，但好多人排隊食物質素都唔錯🔥特別係炸雞髀真係好邪惡📍炸雞髀 配泰式冬陰功米粉每枱都見到食客叫炸雞髀 🍗就知道係必食啦估唔到幾大隻，外皮炸到脆卜卜😋非常香口咬落去仲好Juicy，而冬陰功湯底就酸酸辣辣比平時冬陰功會酸啲，啱哂鐘意食酸嘅朋友同埋米粉會好快索湯，所以要盡快食左先😝📍越式香茅蔥油豬扒煎蛋飯香茅豬扒應該大人小朋友都啱食👶🏻又唔會辣急爆隻蛋再撈埋蔥油一齊食，真係好滿足😋香茅豬扒切到好薄，好細心可以方便入口💖豬扒煎到好鬆軟，唔會硬掘掘，咬唔開個隻📍泰式炭燒豬肉串 豬肉串真係有炭燒味👍🏻燒得好香口，好好食外層係燒到金黃色💛個沙嗲汁先係靈魂啊👻沙嗲汁好香濃，仲有啲花生碎，口感更豐富📍泰式奶茶+青檸梳打泰式奶茶都係好多人叫😂 奶同茶比例都唔錯奶順滑，但唔同平時茶餐廳奶茶😂梳打解渴飲落唔會好甜，酸酸地幾好飲，絕對係解膩環境

港島區食嘢一向比較貴，不過呢一間簡直係一股清泉！平得黎仲要超野味😋佢嘅炸髀同埋香蔥豬扒拌麵真係好邪惡，但係都忍唔住要試下！咁好食嘅嘢食，連埋杯嘢飲唔使$100！🤩平日晏就去到都見到佢座無虛席！✨ 炸雞肶配泰式冬陰功河粉 $84👍🏻👍🏻👍🏻真係呢間餐廳必點！佢嘅炸雞肶真係世一！外脆得黎，肉好多汁，超級Juicy🤤咬落去雞嘅油份咇出嚟！講起口水都流埋！而且佢嘅冬陰功都係好好食，湯底有誠意😚不過我叫咗河粉，如果轉做粉絲，會更加掛湯，更正！✨ 香蔥香茅豬扒拌麵 $72 👍🏻👍🏻👍🏻我好耐冇食過咁好食嘅蔥油撈麵！！！真係好正！佢嘅辣同埋豉油都可以自己落，自己調配最適合嘅味道～最啱我呢啲重口味之鬼！😝而且佢香蔥加埋落去個麵度真係夾，幫碗麵提升左幾個層次🥰佢個麵仲要一啲都唔兒戲，超級煙韌，好有口感！就連豬扒都係炸過嘅，肉汁鎖實晒喺入邊😋jeng

今晚和朋友係上環食飯，經過一條橫街，見到一間小店，餐牌幾多選擇，一於支持下本地小店泰式炭燒豬肉串（4串）豬肉半肥瘦，肉質嫩滑，配埋有花生香嘅沙嗲醬，滋味香口越式蔥油香茅豬扒煎蛋飯豬扒切到大細剛剛好，而且好入味，肉質夠淋，香茅味同埋蔥油味香，蛋汁連同豉油撈飯真係冇得頂泰式冬陰功雞絲河粉可以自選河粉、粉絲或米粉，朋友揀咗河粉。雞髀即叫即炸，外皮香脆，醃得夠入味。冬陰功湯底酸酸辣辣幾開胃，配埋河粉炸雞髀一齊食，朋友勁讚泰式奶茶奶茶用樽上，唔會太甜，又唔會太澀青檸梳打都係用樽上，清新感覺好解渴

餐廳藏於上環小巷，位置幾隱蔽，門面不算大，但坐得舒適，店員親切友善，食物價錢親民，選擇種類多，份量大份抵食，聽聞平日中午長期排長龍，當日小編假日晚上到訪全店滿座但翻台快，只是等了五分鐘左右炸雞髀配泰式冬陰功河粉$84巨型炸雞髀大過手掌，外皮炸至金黃色，外皮香脆肉質嫩滑多汁搭配酸酸辣辣的泰式冬陰功湯，超級開胃，彈牙的粉絲及配菜如芽菜、魚片、豆卜等索哂湯底味道，十分惹味越式香茅蔥油豬扒煎蛋飯$70豬扒也是超大塊，煎至金黃色，香茅醃得入味，肉質軟淋一咬即開蔥油調味好香口，太陽煎蛋增添了一份柔軟滑流的層次感，加上店家推薦的特製黑醬油，整體味道及口感更豐富，十分邪惡泰式炭燒豬肉串$95豬肉肥瘦適中，經過炭火燒烤後，外層香脆，內部保持嫩滑，味道甜辣，帶有淡淡的碳香味，配搭自家製花生味沙嗲醬更有口感泰式凍奶茶$12餐廳選用低甜度配方調制，茶味香醇，奶香味濃而微甜青檸檬梳打$12青檸檬的酸味和梳打水的氣泡結合在一起，解渴並清新口腔-總體評分-環境：7.5/10 食物：8/10 服務：8/10 抵食：8.5/10味道Yum Yum📍上環畢街15號地鋪