餐厅：味道地点：上环毕街菜式：东南亚菜餐牌：饭、串烧、面、乌冬、汤粉、沙律，送指定热饮一杯，都好多选择。冻饮加$4，汽水加$7，特饮加$12。免加一。价钱实惠。越式香茅葱油猪扒煎蛋饭 $70猪扒超大块切开8件，方便食用，整得皮少少脆，而肉质好淋，猪味浓。伴有大大堆白饭，份量超多，面头配有一只煎得香脆同有少少蛋汁既鸡蛋，蛋汁可以捞饭。伴有葱油，仲可以自己加枱上豉油调味。炸鸡脾配泰式冬阴功配金边粉 $85泰式冬阴功个汤好香，味道酸酸辣辣，超醒胃。金边粉幼身又淋又挂汤，其他配料有鱼蛋一块，豆卜，草菇，芽菜，葱花等，面头加上芫荽，带黎多重口感味道。金边粉可以拣粉丝，米粉，河粉，公仔面，拉面加$5。炸鸡脾另上，好大只，炸得皮薄脆肉嫩，好香口，有好多肉食。泰式炭烧沙嗲猪肉串 $65泰式炭烧沙嗲猪肉串一客四串，味道甜甜地，烧得少少脆皮，伴有青瓜同辣椒。另上甜甜地既沙嗲酱，花生味好浓。青柠檬梳打 加$12呢度饮品用好特别樽仔上。青柠檬梳打完全唔甜，好解渴又健康。泰式奶茶 加$12泰式奶茶甜度适中，口感滑溜。今餐食物唔错，最紧要价钱合理。中上环黎讲好抵食。小店有十张枱左右，繁忙时间要搭枱。…Read More
