地點：上環畢街
菜式：東南亞菜
餐牌：飯、串燒、麵、烏冬、湯粉、沙律，送指定熱飲一杯，都好多選擇。凍飲加$4，汽水加$7，特飲加$12。免加一。價錢實惠。
2
越式香茅蔥油豬扒煎蛋飯 $70
豬扒超大塊切開8件，方便食用，整得皮少少脆，而肉質好淋，豬味濃。伴有大大堆白飯，份量超多，面頭配有一隻煎得香脆同有少少蛋汁既雞蛋，蛋汁可以撈飯。伴有蔥油，仲可以自己加枱上豉油調味。
炸雞脾配泰式冬陰功配金邊粉 $85
泰式冬陰功個湯好香，味道酸酸辣辣，超醒胃。金邊粉幼身又淋又掛湯，其他配料有魚蛋一塊，豆卜，草菇，芽菜，蔥花等，面頭加上芫荽，帶黎多重口感味道。金邊粉可以揀粉絲，米粉，河粉，公仔麵，拉麵加$5。
炸雞脾另上，好大隻，炸得皮薄脆肉嫩，好香口，有好多肉食。
泰式炭燒沙嗲豬肉串 $65
泰式炭燒沙嗲豬肉串一客四串，味道甜甜地，燒得少少脆皮，伴有青瓜同辣椒。另上甜甜地既沙嗲醬，花生味好濃。
青檸檬梳打 加$12
呢度飲品用好特別樽仔上。青檸檬梳打完全唔甜，好解渴又健康。
泰式奶茶 加$12
泰式奶茶甜度適中，口感滑溜。
今餐食物唔錯，最緊要價錢合理。中上環黎講好抵食。小店有十張枱左右，繁忙時間要搭枱。
