古琴雅苑 (利舞臺廣場)

营业中

休息中

同屋企人都好鐘意去古琴雅苑食飯坐得舒服 而且食物質素又不錯🙌🏻🌟烤北京填鴨🦆選用上乘北京填鴨 以傳統掛爐烤製鴨皮烤至金黃色皮脆肉嫩既片皮鴨 將自家製既薄餅皮 包裹住青瓜,哈密瓜,京蔥, 蘸埋秘製既蜂蜜黃梅醬同京醬 真係好滋味😋🌟蟹粉蓋飯真係超多蟹粉 完全覆蓋左個炒飯😆炒飯亦都粒粒分明撈埋蟹粉 食落都唔會太濕 👍🏻🌟黃金蝦球鹹蛋黃愛好者必嗌🙌🏻蝦肉新鮮彈牙再沾滿左香濃既鹹蛋黃醬😋🌟蟹粉扒小棠菜滿滿既蟹粉帶一絲絲既蟹肉 配清甜爽脆既小棠菜 💯🌟紅燒肋排肋排炆到好軟腍 而且肋排加入左香料同醬汁經過爆香煨煮後 非常入味👍🏻佢哋仲推出左「雙親節 淮揚美饌頌親恩」餐牌有2-12人餐可以揀添 黎緊父親節既好選擇💯

早前同事講起喺利舞臺有間新開張食杭州菜嘅餐廳，主打北京烤鴨和一系列京滬菜式～今晚一於去品嚐好耐冇食嘅片皮鴨。😋餐廳裝修優雅簡潔，以小圓枱，卡位為主，環境都幾舒服。如果打算吃烤鴨，建議開返壺靚茶可以一邊吃一邊清減一下油膩感。這壺桂花烏龍茶十分滿意，桂花味清香，烏龍茶底也夠甘香。前菜醃蘿蔔條賣相精緻非常爽脆!烤北京填鴨半隻$188急不及待就點了半隻北京填鴨，喺第二邊見到熱辣辣即起即片，同時間已放上幾款醬料，配料，鴨卷餅上抬，相當齊備。烤鴨皮果然精彩，入口酥脆，鴨嘅油香隨後湧至，滿滿的充斥着口腔揮之不去。繼而再夾起另一塊，夾上蔥白，哈蜜瓜條，青瓜條，再加上海鮮醬，以熱辣辣嘅蒸薄餅包捲着同吃，滿足美味！😋😋另外有一小碟特別分開稱為「一口酥」，來自鴨嘅胸部，特別酥脆，配合自家製蜂蜜黃梅醬可平衡返油膩感。古琴酸菜魚$288 例牌呢度竟然有酸菜魚食~😍Order 了BB辣，整體感覺偏向麻一點，輕微嘅辣度，湯底夠酸。魚片薄得來晶凝通透僅僅熟，所以肉質非常嫩滑而且冇細骨。👍🏻個底仲有好多水晶粉皮，足料豐富!南翔小籠包$68一客六隻，外皮立立令~肉餡肥瘦適中，連著湯汁吃非常美味！高力豆沙$68這是一客有誠

古琴雅苑 @zithergarden 佢地最近新推出咗「雙親節 淮揚美饌頌親恩」餐牌，入面有幾款多人套餐，價錢唔算貴，仲有精選菜式，幾啱一家人食飯慶祝既時候叫。🌟烤北京填鴨（半）🦆$188一份會包埋鴨卷餅同烤鴨配料，配料有京蔥、青瓜、哈密瓜、砂糖、京醬同蜂蜜黃梅醬。你可以自己喜好包住鴨肉食，配料唔夠仲可以向店員refill.烤鴨既外皮燒得好香脆，而且中間既脂肪唔會過厚，食多幾件都冇咁膩~配哈蜜瓜同青瓜真係好正🌟砂鍋雲吞雞 🐔$178成鍋上既砂鍋雲吞雞，店員會幫你分每人一碗，雲呑都唔錯。裏面個湯都幾清甜。之後仲會拆開啲雞肉容易啲食。🌟古琴酸菜魚🐟 $288好大份既酸菜魚，下面仲有啲寬粉。個湯唔算辣同酸，但就好麻。有好多酸菜木耳，魚肉既份量都足夠，同夠滑。🌟南翔小籠包 🥟$68一籠有6件，一定要趁熱食，凍咗皮會硬。裏面都幾多汁，皮唔算好厚，都唔錯🌟花雕醉雞 🐓$79雞肉整得幾滑，又唔會太多脂肪，花雕如果再出啲會更好🌟壽桃 🍑每位仲送咗一個壽桃，食飽黎個甜品收尾~~~🌟茶芥/熱水 $13/位📍古琴雅苑 (利舞臺廣埸) (銅鑼灣)銅鑼灣波斯富街99號利舞臺廣埸8樓B號舖#古琴雅苑 #北京烤鴨

雖然疫情緩和了不少，但仍選擇了外賣自取在家提早慶祝母親節。比預定提取的時間早了十分鐘到達，已看見我order的兩大袋食物放在門外的長枱上等待著我。領取後坐上的士，十分鐘便回到家中。打開袋，入面嘅食物全部只是微暖，打開膠盒時發現全部被焗到出晒倒汗水。片皮鴨，因被包得密不透風而變得淋pat pat，小籠包一盒六隻全黏在一起，黑醋骨又乾又硬，八成都係配料嘅醬爆牛肉，鱔糊的鱔是霉的。只其他食物也不值一提，令人非常失望⋯⋯⋯⋯一定不會再光顧。

令人非常失望，人手不足，垃圾服務態度，不值得一提，嘢食勉強合格，價錢亦都對唔住食客。甜品也完全唔掂。基本上食到一肚氣。最後評語是一次無妨、但預咗失望！可一不可再

古琴雅苑 (利舞臺廣埸) (銅鑼灣).▪️ 南翔小籠包 ▪️.一籠小籠包原來有六隻，都算皮薄但個人覺得唔夠湯🥹.▪️ 至尊拼盤 ▪️.又靚又好食，有醉雞，青瓜，涼拌粉皮，烤夫以及肴肉！.▪️ 砂鍋雲吞雞 ▪️.店員好貼心會切好分好一碗碗，大概有六粒雲呑，雞好香個湯都好好飲！.▪️烤北京填鴨半隻▪️.次次黎都會叫半隻，貪佢價錢唔算貴之外四個人share半隻止到癮又唔會太脹，有埋哈密瓜同青瓜解膩包埋食！.▪️無錫脆鱔▪️.呢個我地以為係鹹點點知甜，而且係炸得酥脆，個人覺得浪費左個鱔🥺.📌 古琴雅苑 (利舞臺廣埸) (銅鑼灣)銅鑼灣波斯富街99號利舞臺廣埸8樓B號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.

呢間餐廳師承北京「全聚德」，以傳統掛爐烤鴨，預備工夫高達45個鐘，烤鴨師傅仲會大展刀工即席片鴨👨🏻‍🍳💗烤北京填鴨($188/ 半隻)師傅先切下「鴨胸皮」，稱之為「一口酥」，口感最酥脆，蘸少許白砂糖食激發甘甜油香，入口即化；然後切下鴨片，鴨皮香脆甘香，鴨肉軟嫩充滿肉汁，肉味香濃🦆即蒸餅皮薄身柔韌，將鴨片包進，配合兩種唔同食法🫔：1️⃣加入甜麵醬、大蔥絲、青瓜條捲起，味道傳統經典，醬濃惹味2️⃣加入蜂蜜黃梅醬、哈蜜瓜條捲起，味道香甜清新，有助減膩💗蟹粉蓋飯($198)飯底加入毛豆、蔥花同蛋花炒成，食落乾爽且飯粒分明🍳頂層淋上濃稠嘅蟹粉茨，有鮮蟹肉提鮮，帶淡淡薑香味有助辟腥，不過蟹黃味道唔夠鹹鮮突出🦀💗花雕醉雞 ($78)醉雞經冰鎮後，雞皮特別爽彈，皮同肉之間夾住一層啫喱，雞肉嫩滑緊緻🐓滲透馥郁醇厚嘅花雕酒香🥃

今晚去咗銅鑼灣利舞臺吃中菜，bookmark左古琴雅苑好耐，終於有時間嚟食，餐廳有不少食客捧場幾乎滿座，建議預先訂位～嚟緊母親節餐廳做緊雙親節淮揚美饌，由2人至8人套餐都有，中式同海鮮餐都有，而家母親節仲送壽桃包😙北京填鴨$188 （半隻）餐廳馳名片皮鴨一定要叫黎試吓，我哋三個人食半隻（約有20幾片）份量剛剛好，烤鴨以傳統掛爐烤製而成，食落皮脆肉嫩，小碟仲有哈蜜瓜，青瓜及京蔥，非常清新，醬汁就有蜂蜜黃梅醬和京醬，更添層次👍🏻鮑魚帶子扣花菇$188花菇帶子都好入味，鮑魚新鮮彈牙清炒鱔糊$168鱔肉配搭香濃滷汁，食落鱔肉鮮嫩有彈性金華火腿濃湯津白$86浸了濃湯香滑可口小籠包$68一籠六隻，餡靚多肉汁

趁限聚放鬆前，帶兩老出去鬆下，朋友介绍去古琴雅苑食皮片鴨。好開心，安排咗近窗兩張隔膠板隔住嘅枱比我地，唔洗兩張圓枱，D餸拎來拎去，膠板有個"傳送門"，方便推D碟去隔離枱交換餸輪流食(十分讚)！經openrice訂位，三位起送烤麩。我哋三個人叫咗半隻鴨，上枱時見隻碟細細仲以為會唔夠，原來都幾多，食食下又啱啱好，皮連肉一齊片，片得好好(十分讚)，唔會好似有D酒樓淨係片D皮，留起D肉整第二個客嘅餸。我哋見第二枱三個人叫一隻鴨，食唔晒要拎走我哋仲叫咗上湯時蔬(菜心)、雞絲粉皮同埋海蜇青瓜，清清地，唔會膩。全部都好好味，服務幾OK，但好似唔係幾夠人。Anyway, 我哋一定會再嚟！

因為鍾意食片皮鴨，所以再次前來這所京菜餐廳——古琴雅苑。半隻片皮鴨這裏食片皮鴨會先奉上數塊淨鴨皮，這是全隻烤得最薄最脆的部位，配上黃梅醬或砂糖同吃即可，酥脆可口，果然美味。鴨之外皮烤得香脆，肉質juicy 嫩滑，配料有青瓜、哈蜜瓜、京蔥、鴨卷餅、傳統京醬及黃梅醬拌吃，滋味無窮。蜜汁火方另外蜜汁火方亦值得推介賣相非常吸引，火腿及蜜汁的顏色煮得金碧輝煌。火腿切得又大又薄，肥瘦得宜，最欣賞的是蜜汁，以蜜糖桂花蓮子煮成，味道濃郁，熱烘烘的白麵包沾上蜜汁夾著火腿，鹹甜相間的滋味充斥味蕾，值得一試。小籠包一籠有六粒，沒有太大驚喜。

而家 covid 病毒期間，大部份都是買外賣回公司食，今次試左呢間上海野，我叫左魚飯，同事叫左牛肉反，D餸少得可憐，牛肉得幾片，魚也得幾小舊，味正常，但不會再去買，今次去拿只見到我的外賣，好像好少人叫。

成家都鍾意食片皮鴨，出去搵餐廳唔係上海菜就係搵有片皮鴨嘅地方😆 見到古琴雅苑喺銅鑼灣開咗新分店，就一齊去試❤️ 叫左四人餐 ($1218)，連埋甜品有9道菜，叫套餐抵過散嗌好多😛✨雞絲粉皮✨四喜烤麩✨香菜鮮魚羹✨烤北京填鴨 (半隻)✨風味松子魚✨古琴香辣鍋✨ 乾煸四季豆✨古琴鹹肉菜炒飯✨杞子桂花糕頭盤嘅雞絲粉皮同埋四喜烤麩，份量一啲都唔少！雞絲粉皮麻醬味好重，加埋有咬口嘅粉皮一齊食超鍾意🤤 四喜烤麩甜甜的好入味，媽媽的最愛🤣上菜嘅速度好快，好快已經上埋香菜鮮魚羮，熱辣辣既菜羹有好甜既魚片同蛋白，好滑好暖～風味松子魚係蘇州一大特色菜，酸酸甜甜嘅醬汁淋喺炸過嘅魚肉上邊係超級惹味。終於到主打既北京填鴨😍 有半隻份量都唔少，有分鴨肉，鴨脾肉同鴨皮～呢度既配料都好多，加唔同嘅配料又唔同既效果。鴨肉惹味多汁，加上呢度嘅餅皮比較厚身，所以會特別有口感而且唔會感覺好油膩🥰之後介紹埋呢個香辣鍋同埋四季豆，其實以四人餐來講食物份量算係比外面多🤭 香辣鍋入邊有牛肉，大蝦同扎肉等等配料，加上佢哋嘅辣椒油係超級辣但係好惹味😈 四季豆都炒得唔錯好有鍋氣最後仲有鹹肉菜炒飯，呢個炒飯味道比較淡，食到啖啖地既鹹肉味，但係

喺片皮鴨關注組有唔少好評，而且銅鑼灣有新店限時優惠，訂座送至尊拼盤😏~⁡所以訂左歡送✈離港在即嘅朋友~⁡點了「暖冬窩心」8人套餐Set A~⁡🦆片皮鴨~⁡甘啱我嗰枱嘅鴨沒有師傅即場片鴨，有啲失望🥲~⁡上枱用了可愛鴨碟😍，上面鋪了帶皮帶肉的鴨片，底層是鴨皮為主🤤。⁡皮脆肉還好，不算很軟嫩，不過不失~⁡底層的鴨皮比較油，配多啲青瓜、京蔥及哈蜜瓜會清爽解膩~⁡特色之一: 🍈哈蜜瓜甜度較低，感覺同青瓜差不多，沒咩特別。⁡餅皮有兩籠，皮薄煙韌👍🏻~可惜冇熱住，食到最後有啲凍。⁡🐟風味松子魚⁡賣相好吸引~⁡醬汁酸甜酸甜好開胃，可惜魚肉炸得過火😔，有啲硬同乾…..⁡🍖東坡肘子⁡份量頗多!! 醬汁濃郁~⁡肘子肉質細嫩，肥而不膩，仲有好多骨膠原😋~⁡🦐黃金明蝦球⁡咸蛋黃香濃惹味😋~蝦球飽滿彈牙~既邪惡😈又滿足~⁡其他菜式味道正正常常~⁡⁡但🤵🏻‍♀️🤵🏻‍♂️服務就比較麻麻🙄，枱面已經沒有位置放餸菜，詢問可否安排茶几放餸菜，但沒有理會，而且限坐1小時45分鐘，成餐飯食得好趕😔…..⁡如果多人聚餐，唔多建議。⁡

就啱放假，避免人多難訂位，又或趕頭趕命要食頭輪或尾輪，所以提早幾日做冬。今次訂咗利舞台6樓新開分店嘅古琴雅苑四位普通套餐12XX有鲍魚就15XX但都係得招牌北京烤鴨半隻，由於大家都鍾意食烤鴨，所以最後决定散叫一隻烤鴨，雲吞雞，海蜇青瓜，松子魚，小籠包，涼瓜炆鴨殼，由於新開分店，經由openrice訂座，四位免費送至尊拼盤一客，烤鴨上枱熱辣辣，烤鴨薄皮用蒸籠上，每塊薄皮之間都夾有墊纸，非常细心，好好味。整體而言，食得飽又滿足嘅一晚。

今早去做身體檢查，要空腹，昨晚又早食飯，做完11點幾，餓咗差不多成廿個鐘，要補償返下個胃先。呢間店都好耐冇去了，見利舞台有間分店，去試下先，上到去，未到放飯時間，第一個入座，環境可以，枱與枱之間好闊落。一支公，點了半隻酒糟烤鴨，再加個小龍包。過了約十多分鐘，小龍包先上，皮未簿到透光但亦唔可以話厚，多汁香甜。食緊小龍包的時候，有個服務員過嚟指一指大堂，話現在片緊我隻鴨。估唔到叫半隻都現場片俾客人睇先上一小碟，叫‘一口酥’，應該入口香酥吧，但我只覺得香脆，乾身咗啲。之後終於上捲餅同鴨了。捲餅連蒸籠出住煙咁上，有成13張咁多，攞上手熱辣辣的，可能我手腳慢，每每包好放入口時已經涼了。烤鴨，跟有六小碟配料，用完服務員仲主動問要唔要添加。講返隻酒糟烤鴨，可能我本身酒鬼，只有少少一兩件多肉的沒包在一起食的鴨肉中試到淡淡的酒味。基本上同原味差不多。味道唔算出奇，一般烤鴨嘅味道。‘烤’的感覺唔算重，但細細品嘗時又可發現一陣淡淡的煙烤味。鴨肉份量足，雖然沒有傳說中一隻鴨片108片，但我一邊食一邊數，我呢半隻都有近40片，都算合格了。青瓜爽脆，哈密瓜清甜，包在一起起到消滯的作用，成功消滅半隻鴨。