叁不館

营业中

休息中

🐟椒鹽鱔球 $108即叫即炸，個椒鹽味好夠濃，咩汁都唔洗點就咁食已經好好食，啖啖魚肉一啲刺都冇🍲今晚卜卜蜆鍋 $198真係勁多蜆，成個鍋都係，湯底奶白色有啲胡椒味同鮮味，啲蜆食極都仲有粒粒厚肉🦐海鮮拼盤 ** 痛風餐 $188有六隻蝦，兩隻扇貝，兩隻蟶子同埋12隻蜆，蝦肉隻隻都好彈牙食得出好新鮮，扇貝啖啖肉又夠鮮甜，自己最鍾意隻蟶子，又大隻又爽口又鮮味🐃黑安格斯牛板腱 $288叫咗例牌份量都好多，牛板腱油花好靚肥瘦適中，濃香嘅牛味，有咬口食落唔會似肥牛咁肥咁快溜🐖西班牙黑毛豬 $138黑毛豬片嘅油脂分佈都好靚，就算烚耐咗都唔會韌仲好淋，豬香味足🥟招牌芫荽餃 $80一咬開成粒都係綠色超多芫茜好香🫔紫菜炸響鈴 $68同樣係即叫即炸，上台時就咁夾咗嚟食已經好正，可以淥又可以即食🍤蝦膠油炸鬼 $78開頭以為係可以即食嗰隻，點知原來個蝦滑部分要淥熟先，蝦籽好彈牙，個油炸鬼淥完都仲係脆🥬皇帝菜 $45呢個湯淥菜好夾，唔會好油又鮮甜🍋檸檬薏米水 $48有多款一榨榨嘅涼茶，唔會好甜夠解渴

最近去左天后嘅叁不館食飯，餐廳裝修行港式懷舊風，好有feel！打卡一流！另外而家仲做緊啤酒優惠，兩個人消費滿$500以上並且follow佢哋社交平台就可以用$10買10支啤酒，除返開即係一蚊一支超級抵！食物方面選擇都非常之多，有湯底去到各款食物都好有特色，特別要提海鮮、小食都好出色！笑茄茄牛腩湯呢個湯底嘅名好趣緻，其實係蕃茄牛腩湯，估唔到入面牛腩份量好多，蕃茄味道濃郁又鮮甜復古味沙嗲湯識港式邊爐，最鍾意嗌沙嗲湯，呢度都做得唔錯，沙嗲味濃郁，聞落好香。椒鹽燒賣$68椒鹽燒賣超級大粒！咁大個女都未見過咁大粒嘅燒賣🤣一粒頂出面嘅三粒😍而且炸得外脆內軟，內層嘅魚肉味都好出，推介有三四個人或以上黎一定要嗌！兩個人都可以考慮吓，不過要小心食唔晒，因為真係好大粒😂加拿大象拔蚌刺身 時價見到好多台客都有叫海鮮，我哋都唔執輸，嗌返磅象拔蚌刺身，刺身切得啱啱好，厚薄適中，入口超級新鮮，口感爽彈，份量都好多甘蝦刺身8隻 $198甘蝦刺身同樣大大條又新鮮，入口每啖都好鮮甜手打五寶丸$98五寶丸分別係蝦丸、墨魚丸、牛丸、豬肉丸、鯪魚丸，每款嘅口感都好彈牙，其中牛丸係最出色嘅，牛肉味道濃郁，入口好Juicy。另外

Recently, I found myself stepping into the City of Darkness, and it felt like a delightful time warp. The moment I walked through the door, I was greeted by a charming retro vibe that instantly transported me to a different era. The nostalgic decor wrapped around me like a warm hug, making it the perfect setting for a memorable meal. This place is more than just a restaurant; it’s a journey back in time, where each detail adds to the magic of enjoying a delicious hotpot experience!海鮮拼盤 - 痛風餐 Sea

今次朋友帶我嚟這間餐廳好驚喜有好多港式打卡主題位置坐低揀好湯底可以週圍去影相我哋揀咗個鴛鴦鍋一邊係笑茄茄雜菌湯一邊係復古味沙嗲湯食物新鮮， 見到餐廳中央有個龍蝦魚缸仲送咗三包賢者之食桌， 食完唔怕肥海鮮揀咗一個風濕餐有蟶子，蜆，蝦，扇貝四樣嘢一串串 ，串起的蝦 ， 打邊爐唔使驚沉咗鍋底牛肉都選擇都好多後尾揀咗有個推薦的安格斯牛板腱例牌份量都算好多 兩至三個人都夠食牛肉味濃鬱 ，烚完唔會好嚡， 又唔會太肥膩非常推薦芫茜餃， 芫茜控一定要試一試對面啲芫茜仲係爽口的， 真係濃濃芫茜味朋友叫咗個椒鹽粟米，夠香口限時優惠有個一蚊啤酒， 仲係可以十蚊買十支👍👍👍

身為打邊爐達人嘅我今日又出動去搵食今日揀呢家都幾特別，佢係位於大廈嘅樓上，對我嚟講，佢好似係一塊收埋咗喺深山嘅明珠，係一間樓上奇店一入到去幫我裝修幾吸引，因為自己本身幾鍾意香港嘅文化，佢一邊播住一啲舊時嘅流行曲，一邊好似茶餐廳文化咁圍住食邊爐，好有風味。D人話打邊爐醬料係個靈魂，呢一點絕對冇講錯。呢一間邊爐店嘅醬料十分之豐富，其中聽老闆講個蔥油同埋沙嗲醬係自己整嘅，食落亦十分惹味！食材方面，我哋揀咗好多餸，其中最驚艷嘅係手切肥牛，真係好好食，好有牛味同油脂感其次係手打丸類拼盤，食材用料好新鮮，每一粒都係新鮮肉打出嚟，食落同平時街市買嘅急凍肉丸完全唔同，真係返唔到轉頭。有一個食材係打邊爐入邊冇咁常出現，就係豬頸肉。呢一度竟然有提供，同埋質素唔錯，烚完之後幾有趙口同豬味因為食得好開心，我哋仲叫咗海鮮，有鮑魚同蝦，鮑魚好新鮮，我地烚耐左多都唔會好韌。

🍲叄不館🍲這間個人最喜愛的火鍋店已經二訪了水準仍然依舊最出色的當然是他的花膠雞湯超級濃郁，每一口都可出雞湯的精華而且是原隻雞件給你 雞肉，同樣超級嫩滑 花膠也毫不吝嗇 超大舊其他打邊爐料都令人讚不絕口👍🏻🥢咯咯雞花膠湯🐔 $298湯底非常濃郁 忍不住喝了幾碗雞件是另外分開上的 每一舊都超級嫩滑 花膠同樣分量非常大非常推薦這個湯底👍🏻🥢頂級安格斯牛頸脊 (大) $368雪花分布非常平均 肉質嫩滑 但同時牛味十足 打邊爐來說是非常頂級的牛👍🏻推薦🥢南非鮑魚 （2隻） $118鮑魚有手掌那麼大 肉質爽口彈 非常新鮮 而且遍布很貼心地已經幫你去除內臟 吃起來非常方便🥢海中蝦 $88海蝦非常大隻 想不到這個價錢有這麼多隻 肉質鮮甜 蝦膏香濃 店舖已經把蝦串起來 吃起來同樣方便🥢蝦膠油炸鬼 $78非常特別的一道火鍋菜將蝦膠釀油炸鬼中 然後放入火鍋煮3分鐘左右 蝦膠會完全熟透 蝦膠爽口彈牙 意想不到的是 油炸鬼經過3分鐘的煮食 竟然仍保持脆口 非常推薦的一道菜👍🏻😆🥢桂花蚌 $138桂花蚌只需要煮30秒左右 配上特製醬油 爽口鮮甜 而且這家的份量很足🥢牛脷托 $72薄切牛脷 香濃軟滑 有咬口🥢油麥菜

中秋前夕食返餐好，再次嚟到叁不館。湯底揀卜卜蜆豬骨鍋係毫無懸念。有我鍾意嘅蜆同埋豬骨，湯底帶點胡椒嘅辣。入面仲帶蘿蔔同粟米。話明食餐好，梗係叫返條加拿大象拔蚌刺身。刺身份量好多，唔同部位唔同口感，放火鍋灼一灼一樣鮮甜。另外叫咗$188「痛風餐」，有6隻蝦，2隻蟶子，2隻扇貝，半斤沙白。好抵食。牛方面點咗一份例牌嘅頂級安格斯牛頸脊。其他配料好似紫菜響鈴真係推介，即叫即製，非常香脆。而家仲做緊$1 啤酒優惠。加埋高質食物，環境有型，同親切嘅服務。要約朋友再嚟！

同朋友行完維園花燈會，心血來潮想食火鍋，搵搵下附近有間叄不館幾多好評，就去左試下。一出𨋢門就見到懷舊風嘅裝修，環境有d似以前大排檔格局，但好乾淨，仲有涼涼嘅冷氣。個日時間算早唔洗等太耐就有位坐，一坐低d店員就介紹依家做緊推廣，$10十支酒，飲唔哂仲可以儲低留番下次飲，好抵！之後店員捧咗個調味盤出嚟，有齊晒啲豉油蔥蒜蓉啲調味，佢仲好好咁介紹咗佢哋店舖秘製嘅蔥頭油同埋沙嗲醬，叫我哋試吓。味道確實唔錯！火鍋最緊要湯底，我地揀左花膠雞。個湯底嚟到嘅時候，店員都提我哋，叫我哋飲咗碗湯先再落料。個湯底雞味濃，又有淡淡嘅椰子味。佢隻雞多肉得黎肉質又嫩滑，切位冇乜碎骨，可以大啖大啖食。花膠數量都好多！手切肥牛-食落唔韌，好重牛味韮菜餃-餃子餡肉彈牙韭菜鮮嫩五寶丸-每粒食落都好彈，味道唔鹹適中，每一粒都真材實料蜂巢豆腐-非常嫩滑，最啱係浸落湯底一段時間再食，吸晒啲湯底，超正。芝士腸-份量夠多，芝士味濃海鮮拼盤-海鮮新鮮，店家好細心將海鮮全部已經去晒殼，方便客人拾下拾下。蟶子多肉又夠滑，扇貝大隻又鮮甜，沙白大隻又冇沙，海蝦肉質爽甜。

天后叁不館火鍋超型格調，港式大排檔裝修食材海鮮新鮮 牛肉部位靚食物既質素絕對無得彈睇得出廚師既用心自家製嘅蔥頭油係必定要試 蔥香味突出加D落個豉油令到成個醬料更加豐富火鍋湯底叫咗醉雞湯酒既香味好足同時又唔會搶喉個雞我就滾3分鐘 再焗2分鐘出到黎雞肉鮮嫩入味手打五寶丸好出色 粒粒彈牙足料然後仲有 手切封門柳 -呢個鮮嫩多汁滑入口 正所有海鮮都好新鮮 鮑魚大隻厚身 飽滿 店員亦都會提你每款食材大約淥幾耐鵝腸帶住油脂 食落去極香 個人黎講 呢個係必點最後就係啤酒環節，基本上就係黎食飯就免費送啤酒十蚊十支啤

今天晚上， 我們去天后叁不館打邊爐。我們進入餐廳 ，裝潢以古式茶檔、香港電影等為主題，處處都是充滿特色的打卡點。看了看餐牌， 我們 叫了開胃小食、今晚卜卜蜆鍋、頂級安格斯牛頸脊、海中蝦滑、鮮墨魚滑、雜菜拼盤、水魷鱼、白柏葉、南非鮑魚和海中蝦。各種火鍋的食材都十分新鮮， 經過白灼後，色香味俱全。我们十分享受 今天晚上在叁不館 的海鮮火鍋 。

朋友推介天后叁不館火鍋，整間店舖裝潢充滿九龍城寨味道，到處都係打卡位。而家做緊限時優惠，Follow 社交平台就可享$1/支啤酒，$10就有10支醇滑嘉士伯或青島。醬料有成十款，特別推介自家製蔥頭油，令食物味道更昇華。手拍青瓜+花生：開胃小食。香茜茜皮蛋湯：滿滿芫茜味，加左皮蛋、淮山和魚湯熬製，芳香濃郁，店員建議我哋先飲湯，才開始打邊爐。自家製鮮蝦雲吞拼自家製韮菜餃：皮薄餡料足。手打五寶丸：豬肉丸、鯪魚丸、牛丸、墨魚丸、蝦丸各2粒，手打份外爽彈。豬頸肉片：入口爽脆有彈性。原條鮮活桂花魚：原條切片上，肉質嫩滑。南非鮑魚：店員已幫忙去殼，肉質帶嚼勁，鮮味十足。海中蝦半份：新鮮又大隻，肉質結實彈牙。雜菜拼盤：有蕃茄、萵筍、木耳、粟米和多款時蔬，非常豐富。竹庶茅根海底椰：自家製，真材實料。總結，食材新鮮，份量十足，店員服務殷勤，聚餐之選。

從維園行過去天后方向，5至7分鐘到達火鍋舖。餓着個肚今晚可以開大餐。餐牌都幾多款式，有椒鹽炸魷魚，新鮮即炸紫菜響鈴，即炸魚皮等等。海鮮類仲有龍蝦，魚，蟶子，扇貝。見到有個魚缸入邊龍蝦生生猛猛，order一份椒鹽龍蝦，上枱熱辣辣，肉質厚實，味道亦會過鹹。湯底係椰子雞鍋，湯底淨係睇顏色都知道真材實料，淡淡黃色有濃郁雞味。另外仲有半隻新鮮雞另上，幾抵食。桂花魚起肉，完全冇骨，都幾嫩口。手打丸系列一定要試，q 彈牙墨魚丸，見到屋企人食到舔舔脷。

剛剛開學可以兩口子出黎食餐好野， 去左天后樹林銀座叁不管打個邊爐， 餐廳主打港式火鍋， 重播住懷舊金曲，一切美好回憶都返哂黎。咯咯雞花膠湯底 - 先飲頭啖湯， 清香鮮甜， 骨膠味濃， 花膠， 雞件又大又滑， 直頭可以當湯飲。黑安格斯牛板腱 - 又係大大塊， 厚切， 入口牛肉味香濃， 脂肪分布均勻， 油脂甘香， 好味。鮮蝦雲吞， 韮菜餃 - 材料豐富， 鮮蝦爽口彈牙， 韮菜餃菜味香甜。鮮墨魚滑 - 墨魚滑外舖滿蟹籽， 入口卜卜聲， 墨魚滑新鮮彈牙。桂花蚌 - 呢個非常精彩， 快快滾一滾， 一硬身就可以入口， 爽脆香甜。新鮮鴨血 - 8 件厚切鴨血， 又大又滑。南非鮑魚 - 海鮮味香甜， 爽口彈牙。

City of Darkness係一間以舊香港懷舊風情為主題嘅打邊爐餐廳，一入到去就感受到濃濃嘅懷舊氣息，從裝潢到細節都充滿舊日香港嘅影子，好有年代感。枱同枱之間唔會太逼夾，空間感十足，坐喺度食飯都好舒適，完全唔會有壓迫感。當晚侍應嘅服務態度非常親切，仲會詳細介紹每款菜式嘅特色，令我哋未開始食已經覺得好期待。講返食物質素，呢度真係無得彈，所有嘢都係新鮮得嚟有水準。當晚啱啱撞正象拔蚌做緊半價優惠，我哋當然唔會錯過。象拔蚌非常鮮甜，完全冇一絲腥味，好多人可能覺得打邊爐嘅海鮮唔容易處理得好，但呢度嘅海鮮真係令人放心。另外，肉丸係其中一個最大亮點，非常彈牙，入口有紮實嘅口感，完全唔似其他地方嗰啲粉粉哋冇咩口感嘅肉丸，呢個真係絕對值得一試。而響鈴都好出色，炸得外脆內嫩，唔會太油膩。當晚仲有一個非常抵嘅啤酒優惠，只需$10.10支，飲唔晒仲可以存放三個月，呢個價錢對於打邊爐配啤酒嘅愛好者嚟講真係一個大好消息。埋單嘅時候，人均消費約$500，以呢度嘅食物質素同環境嚟講，呢個價錢絕對係超值。成晚嘅用餐體驗非常愉快，如果你鐘意懷舊風，鍾意打邊爐，City of Darkness真係唔可以錯過。呢度絕對係

由出電梯門口就見到麗花皇宮燈牌充滿舊式香港情懷，入面枱同環境都充滿設計，有大排檔既摺枱摺凳，仲有係賭檔既大細枱好有港式電影情節feel ，見到menu 有新鮮海鮮同牛肉都有好多款選擇睇得出係好用心經營同設計既火鍋店！好值得推介俾大家！一坐底會俾你自己揀醬油，落埋店鋪自家制既沙嗲醬同蔥頭油再沾黎食真係好香！今晚卜卜蜆鍋$198因為鐘意海鮮叫左個蜆鍋，真係多蜆，滾起咗即刻要飲返啖湯即刻暖一暖手切封門柳（例牌）$298例牌份量夠哂二人食，都好多肉質都好細嫩，加埋蜆湯讓人聞之垂涎。蟶子（2隻）$118，扇貝$78，海中蝦（半份）$88打邊爐點都要叫返小小海鮮咁先有風味，蟶子好大隻有種微微甘甜，扇貝同蝦都好新鮮同鮮甜！珊瑚蚌$128有海鮮風味加濃郁鮮味，食落好爽口紫菜炸響鈴$98即叫會幫你炸返熱既響鈴 ，等你食落再脆一啲，同埋熱辣辣咁食好好食。白菜仔$42新鮮白菜仔，食完無咁油膩感。竹蓆茅根海底椰$48清喉潤肺，打邊爐無咁大罪惡感同熱氣，一渣唔係好夠喉！