叁不館

营业中

休息中

一間十分用心嘅打邊爐餐廳🫶🏻由一踏出電梯，見到門口前嘅裝橫，到入到店舖感受到各種懷舊嘅大排檔裝橫，最後再睇到佢好似舊報紙咁嘅Menu設計，真係好有風味好用心❤️淨係醬料佢哋都有成十款，我想講佢自家製蔥頭油好正，原來有得買走，$58樽！而火鍋🍲湯底和食材都十分新鮮👍🏻個人今次點了「莫生氣椰椰雞」，店員會將一整個椰青水倒入去鍋入邊，好瘋狂！海鮮方面，個人都好喜歡，所以今次叫咗半份海中蝦同呢兩隻蟶子，十分新鮮鮮甜！之後，椒鹽雞軟骨，炸得啱啱好，唔會有油嘅感覺同味道，很好！頂級安格斯牛頸脊，我哋叫左例牌，佢個肉嘅質地入口好軟淋，軟淋得嚟帶小小口感，不過想食肉味濃啲嘅，建議可以叫封門柳，都好正😊原條活鮮桂花魚，十分新鮮 ，分量亦都比我想像中多，桂花魚食落好嫩滑❤️另外，我地仲有叫到蝦膠油炸鬼、檸檬薏米水（榨）同白菜仔，呢啲都係十分不錯的選擇👍🏻我見到佢哋有個promotion，啤酒🍻$10有10支，真係好Crazy!!!（而且飲唔哂，可以留喺餐廳，佢可以幫手keep 90日)

呢間#叄不館 嘅懷舊大排檔裝修十分之打卡able📸 舊式報紙咁嘅menu加上街頭都手寫字句都令人會心微笑🗞️好正～野食當然都係賣點，食材十分新鮮，必定要點佢地嘅特色鍋、牛肉同海鮮！仲有🔟蚊🔟支啤酒🍻（一定要10支，留唔晒可留喺餐廳下次再飲），岩晒同班fds嚟！ 一盤十款醬油，其中蔥頭油係佢地自家製，仲有一樽樽賣架（$58）🧂 🍲 《 卜卜蜆豬骨煲 💲228 》 呢個我喺澳門食過！個鍋嘅蜆好多，蜆肉好嫩，豬骨湯底嘅豬骨好大件，有筋有肉幾有咬口～🥣邊爐前可以飲湯先！🦪《 日本扇貝 💲78/2只 》 好鮮味彈牙～🦐《 海中蝦 （半份）💲88 》 新鮮到個個讚！👍🏻🥩《 滑牛肉 💲148 》 份量好多，好有牛肉味～🥓《 豬頸肉片 💲68 》 口感爽而不韌～🥟《 招牌芫荽餃 💲90 》** 拼韭菜餃（$10）每粒漲卜卜，餡多唔會咸～ 🐟《 棉花魚肚 💲88 》 即係花膠嚕～ 大大塊，膠原滿滿～🦆《 新鮮鴨血 💲68 》 好滑嫩～🥗《 雜菜拼盤 💲88 》 好豐富～🫙《 檸檬薏米水 💲48/榨 》 都係自家製，淡甜清新，岩晒唔中意加糖水嘅我～▫️醬油費 💲18/人▫️開胃小食 💲40/2碟▫️*加一服務

Bookmark咗叄不館好耐，今晚終於嚟到，大滿足卜卜蜆豬骨湯底，勁足料，滿滿嘅豬骨，大大粒蜆，份量足，完全無沙，好新鮮，湯底吸晒蜆嘅鮮甜，又多配料，蘿蔔吸收晒湯底精華，勁正黑安格斯牛皮腱，牛味勁香濃，油脂分布平均，切出嚟嘅厚度口感好好，啖啖牛肉勁滿足鮮蝦同鮑魚都好新鮮，爽口彈牙，洗得又乾淨五寶丸好高質，蝦丸、牛丸、豬肉丸、墨魚丸同鯪魚丸，食每一款都好似食緊蝦、牛、豬、墨魚同鯪魚嘅形原咁，打得好彈牙；魚皮餃好特別，魚皮比坊間食到嘅更煙靭，好有咬口鴨血好好味，蔬菜拼盤款式多又新鮮，亦洗得好乾淨薏米水好清甜解渴，打邊爐飲好暢快前菜嘅青瓜雲耳花生都好開胃提供嘅醬料款式好多，特別想讚佢哋嘅自家製沙嗲醬同埋蔥油，濃而不膩飲品嘅選擇都好多，仲做緊好抵嘅優惠，消費滿$500，share叄不館嘅一個IG post，加一蚊就可以有一支青島或者加士伯，用10支做單位，好抵飲食物選擇嘅款式都好多，唔同部位嘅牛肉、其他肉類、各式餃子同肉丸、炸物例如紫菜響鈴、唔同嘅蔬菜等等，款款都好吸引睇店面就知叄不館嘅風格好特別，好有香港本土風味，感覺好chill，座位又闊又乾淨，店員又會好貼心咁為客人介紹食物，質素高份量足

今晚和老公去了天后“叁不館”打邊爐，餐廳四周環境充滿舊香港色彩，更設有獨立房間，食客可相約三、五知己包房品嚐火鍋。🐔🫕咯咯雞花膠湯～火鍋湯底濃稠鮮味，花膠滑嘟嘟，彈牙爽口。雞肉嫰滑，份量十足。🥢南非鮑魚～鮑魚新鮮，鮑身肥厚，煙韌彈牙。🦐海中蝦半份～半份都有6隻，性價比高。蝦肉鮮甜，可口。🐚沙白蜆一份～沙白蜆份量十足，味道清甜無沙。🐷西班牙黑毛豬～黑毛豬脂肪分佈均勻，肉質充滿鮮味。🍡🦐🐮Q彈鮮蝦丸及牛丸雙併～牛丸爆漿，蝦丸彈牙。🥠炸芋頭～芋頭口感綿密，夠粉夠腍。🐮👅牛脷托～屬於牛舌最近喉嚨最厚肉的部位，外層軟腍，內裡煙韌。🥢山水豆腐，鮮淮山及雜菜拼盤～豆腐滑溜，淮山口感爽脆。雜菜拼盤包括白菜仔、萵笋片、油麥菜、津白、唐生菜、番茄，粟米及木耳。種類多元化，新鮮美味。🥫醬料方面，特別推介餐廳自家製的葱頭油及沙爹醬。味道鮮味濃郁，食客如喜歡，更可以優惠價$58購買一樽回家慢慢享用。🍻喜愛啤酒的食客，現在只要追蹤餐廳社交平台，便可享$1/枝啤酒優惠。(必須先以$10購買十枝)啤酒更設暫存服務，即使一次喝不完，也可留待下次飲用。

裝修好有氛圍感，傢俬，牆身，碗碟都有懷舊嘅味道。服務都好好，每個店員都好親切 重點依家有$1啤酒優惠!!’茶乾雞腳湯湯料超多，好足料，係屋企嘅味道～麻辣湯滿滿花椒，幾麻，好香口，扇貝&鮑魚有幾款海鮮選擇，揀咗嘅扇貝同鮑魚都好鮮甜牛摩王拼盤用上5個部位手切牛各6片，牛位十足，最鐘意手切牛肉同封門柳清燉牛腩片比想像中大盤好多，牛味超濃，適合一大班人分享鮮蝦丸，鮮牛丸食得出好新鮮，因為勁彈牙。重點係牛丸超多肉汁四拼餃韭菜餃最驚艷，韭菜好鮮好香

今次嚟到天后試咗一間地道火鍋，舖名用咗香港特色九龍城寨嘅特別狀況「叄不館」嚟命名，店內裝修都有種八十年代嘅電影海報設計、諧音廣東話方言、夜總會霓虹燈等，非常有親切感。食物方面十分高質，先嚟一個前菜椒鹽粟米，有種避風塘風味，但係粟米又好juicy，食完唔會覺得好口渴口乾，反而係開胃生津，而且炒得好惹味，夠晒鑊氣！食完前菜點咗一個花膠雞湯，個湯單飲都非常入味，配襯住花膠同原隻雞啖啖肉食，非常滿足！由於湯底本身隻雞都好大隻，如果多啲人嚟食就可以嗌多啲唔同嘅食物種類～然後叫咗一份牛魔王拼盤，一個價錢可以品嚐到不同部位，平過分開叫好多😋而且都係超大份，食完彈牙嫩滑嘅牛肉已經有少少飽飽地。美食一浪接一浪，再嚟超正海鮮拼盤，海蝦鮑魚仙貝等超新鮮😍其他配料例如蟶子、鯇魚片等都超級好味，今次唯一係唔夠多人嚟，推介大家帶多啲朋友嚟食返餐好嘅！

近來個個都響社交平台 講九龍城寨有幾好睇，無意中見到有個朋友嚟咗呢間都係同城寨有關嘅火鍋店打卡，見啲嘢食同埋環境都好似幾吸引，bookmark完今日終於有時間嚟試吓~ 一入到餐廳已經見到啲好有feel嘅霓虹燈同埋壁畫，裝修真係花足心思，希望嘢食都好食啦~ 因為我哋得兩個人所以都唔係叫咗好多嘢，我哋叫咗卜卜蜆鍋底已經好足料勁多蜆，所以配料我哋都唔需要叫太多~ 老公係牛魔王所以叫咗兩碟牛肉，雖然價錢唔平不過好高質素，牛味重肉質好，脂肪分布平均另外叫咗碟手工餃子，有午餐肉餃又有芫荽餃同埋菜餃，皮薄餡靚幾好食~ 另外餐廳嘅自製蔥頭油我哋都買咗罐返屋企，撈麵/點肉一流臨走前我哋仲見到餐廳有個一蚊啤酒優惠好似好吸引，不過我哋得兩個人就冇飲啤酒啦，但係一大班朋友嚟用呢個優惠應該幾開心! 總括嚟講餐廳質素都唔錯，下次可以帶埋屋企人或者朋友嚟就可以叫多啲嘢試多啲

映入眼簾的是充滿懷舊風情嘅古式茶檔、九龍皇帝嘅墨寶同香港電影主題嘅裝飾，令人彷彿置身於舊香港中，絕對是打卡影相嘅好地方。一入座就有開胃小菜：花生、麻辣黑木耳青瓜。店員都會拎火鍋醬料比我地自行搭配。不得不提係佢地自家製嘅「蔥頭油」，香氣撲鼻，用來點牛肉以及海鮮都非常突出。店內亦有瓶裝「自家製蔥頭油」售買，我立即買左一瓶，等下次係屋企打邊爐都有得用！我揀左「卜卜蜆豬骨煲」做湯底，真係有一塊巨型豬骨係煲中，亦都用左好多蜆去一齊煲，非常足料！非常鮮甜！牛魔王拼盤（包括極級本地手切肥牛、頂級安格斯牛頸脊、牛脷托、手切封門柳、鮮牛肉粒、黑安格斯牛板腱，各6片）。必須大讚「手切封門柳」！油花分佈均勻，入口即溶。海中蝦（半份）加南菲鮑魚（2隻）手打五寶丸（豬肉丸、鯪魚丸、牛丸、墨魚丸和蝦丸各2粒）真係手打先有嘅口感，而且有濃郁的肉同海鮮味。檸檬薏米水清爽解膩，非常適合配火鍋。店家仲有一個限時優惠，$10可以買到10支啤酒，並且90日內再訂座時可以協助寄存未開的啤酒，適合約埋一大班朋友聚會。

放工跟老公去打邊爐，今次選了這間充滿懷舊氣息的叄不館。坐枱有點像大排檔，餐廳各角都是懷舊的打咭位，播放的也是懷舊的金曲，許冠傑黎明鄭伊健等等。枱下有籃可以放袋，枱與枱之間也有足夠空間。湯底我們選了卜卜蜆豬骨煲，有超級多卜卜蜆，等於是叫了一份海鮮呢﹗全部蜆瞉都會打開很新豬，豬骨煲有大大舊豬骨連肉，煲得軟淋，湯底亦有濃濃胡椒味，有粟米等配料。店員建議先喝碗湯再打邊爐，果然可以暖暖胃品嘗清楚湯底鮮味。醬料也要好好介紹一下，因為是整個圓圓醬料盤上，很壯觀呢﹗推薦餐廳自家蔥頭油及沙爹醬，非常香口。另外麻醬很香滑，辣椒油跟蒜蓉也很不錯。我們二人點了海中蝦半份、2隻南非鮑魚、自家製四拼餃、手工五寶丸、頂級安格斯牛頸脊(大)、皇帝菜、稻庭烏冬和竹蔗矛根海底椰，飽到不行啊﹗海鮮用一個大盤冰鎮奉上，鮑魚已幫忙脫瞉，海蝦用籤插著，方面用手拎。鮑魚滾2-3分鐘已可以吃，飽滿彈牙。海蝦雖不大，但蝦身也彈牙的。頂級安格斯牛頸脊有分例牌跟大，由於我們只點一份肉，所以點了大。只需滾一滾便可以吃，牛肉片爽口有肉味，吃得出的新鮮和上乘。手工五寶丸有豬肉丸, 鯪魚丸, 牛丸, 墨魚丸, 蝦丸，當中鯪魚丸和牛丸最出色，鯪魚丸

天后好多餐廳都臥虎藏龍，今次搵到一間樓上嘅火鍋店係以老香港情懷為主題，無論裝修、餐具定係擺設都十足幾十年前嘅香港🇭🇰見到餐廳而家做緊大優惠【啤酒$1/支】😳要以$10買10支，飲唔晒唔緊要，可以暫架鋪頭，下次幫襯再飲過😆😆😆今晚卜卜蜆鍋 鍋底有好多選擇，今晚想食得清淡啲所以揀左卜卜蜆鍋，店員建議先食晒蜆同飲啖湯先開始打邊爐😆蜆肉大大隻，而且數量幾多，湯底亦鮮甜，鍋中仲有好多芽菜同娃娃菜，索晒蜆肉嘅精華頂級安格斯牛頸脊 牛頸脊牛味香濃，而且入口軟嫩，雪花分布平均蒙古羊肉片羊肉片同樣嫩滑，而且唔膻，脂肪唔算多，食落唔會覺得油膩蘇格蘭蟶子． 日本扇貝2款海鮮嘅size都好大隻，蟶子口感彈牙爽脆，扇貝煮完都keep 到好厚肉😂而且味道鮮甜，好好味白鱔片切得厚薄適中，肉質食落Q彈爽口，放落蜆湯煮更加鮮甜鮮墨魚滑墨魚滑撈埋蟹籽食落彈牙，好足料自製炸魚皮魚皮炸得金黃香脆，每塊都好大塊，口感十足雜菜拼盤．海帶結．稻庭烏冬打邊爐臨尾落埋啲蔬菜同烏冬索晒蜆肉、海鮮同牛肉嘅精神，非常鮮甜，蔬菜拼盤有雲耳、蕃茄、娃娃菜、唐菜、油麥菜等等，好多種類都可以一次過食晒

昨晚與爸爸到天后吃火鍋，我們走進位於樹林銀座7樓的叁不館，是一家獨具特色的港式火鍋店。店內四處充滿精心打造的懷舊港式風格裝修，讓人仿佛穿越時光回到上世紀的香港，猶如置身於懷舊的電影場景。叁不館在裝修上的用心之處可謂獨具匠心，讓人倍感愜意｡ 我們選了菜單上的玫瑰花花藥膳湯和香茜茜皮蛋湯作為湯底，清香彌漫而來，味道濃郁醇厚，我們在用餐前先喝兩口，令人回味無窮。自家製蔥頭油配上醬油、蒜蓉、辣椒等作調味，散發著誘人的香氣，讓人胃口大開｡ 我們先品嚐這裏的海鮮，包括有南非鮑魚和海中蝦，還有一款開胃小食，店員推介的椒鹽雞翼尖，確實不錯，香口惹味。之後我們還點選了多款食物，實在豐富，包括有鮮牛丸、鯪魚釀豆卜拼豬肉釀豆卜、海中蝦滑、鮮墨魚滑、水魷、唐生菜、雞脾菇、鮮冬菇、冬瓜片、菜心苗、蕃茄、蘿蔔片、白鱔片等，很多很多，數之不盡，每一款食材都很用心預備，新鮮而且美味｡ 此外，叁不館的服務更是一流。上菜的速度非常快，讓人不會感到等待的無聊，讓就餐過程更加流暢。服務人員的招呼周到，殷勤服務使人感受到賓至如歸的溫暖。加湯更是方便，隨傳隨到，讓人飲湯不愁。在享受美食的同時，服務人員也向我們介紹菜品，有禮貌周到

天后地鐵站一出，步行3分鐘便到，方便易揾。餐廳裝修很有懷舊香港風，有趣有特色，還很適合打咭。未正式開餐前，有清爽青瓜和鹹香花生作為開胃小菜，味道唔錯。醬油都有好多選擇，店員主推自家製葱頭油，很香葱油味。湯底揀左咯咯雞花膠湯，花膠湯非常濃郁，鮮甜可口，我們一口氣喝了3碗湯才捨得開始吃火鍋，真係不得了。花膠雞湯料非常豐富，每隻花膠都有手指咁大隻，入口軟滑，還有大半隻雞，非常滋味。手切封門柳脂肪較少，有韌性，牛味濃郁。手打五寶丸有豬肉丸，鯪魚丸，牛丸，墨魚丸和蝦丸。估唔到口感一流，好有彈性。其中牛丸特別jucy，大推。自家製四拼餃有齊韮菜餃，莞茜餃，午餐肉餃和蝦餃，粒粒都皮薄飽滿，打邊爐一流。南非鮑魚和蘇格蘭蟶子海鮮新鮮彈牙。紫菜炸響鈴響鈴吸哂湯嘅精華，好正。但放耐左會出油，記得要盡快食呀。炸墨魚餅唔似泰式蝦餅的硬實，質感係Q彈，都相當唔錯。枝裝可樂幾Q.店員服務態度主動細心又友善，要讚賞一下。依家餐廳仲做緊推廣優惠，只要follow 社交平台,就有$1啤酒， 必須以$10購買10支，啱哂一大班朋友一齊暢飲，加埋半價刺身優惠，真係要食多幾次呀。

睇完九龍城寨就去咗天后嘅叁不館打benno😎裝修勁有城寨港式風味，帶遊客嚟食佢哋應該會幾開心😆湯底揀咗椰子雞鍋，店員將原個椰子水倒入湯底，仲有一盤雞肉另上，勁足料鮮甜🥥🐔牛肉拼盤🐮雪花肥牛有牛味鮮蝦 元貝🦐好多新鮮海鮮選擇芝士竹輪🧀可以瘋狂食芝士竹輪好爽釀豆卜🐟完美組合紫菜響鈴鐺🥢新鮮炸起超香脆魚肚🐡好食冇腥味蜂巢豆腐🍲吸湯汁之選珊瑚蚌🌊充滿鮮味腐竹💛充滿豆香四拼手打丸🦑彈牙啖啖肉蔬菜拼盤🥬一次過食到多種蔬菜再加埋啤酒啤一啤🍻好有風味🇭🇰

天后地鐡A2出口行2分鐘到琉璃街轉角搭電梯7樓門面及店內裝修充滿九龍城寨大排檔風味食具用上舊式公雞碗、八十年代膠筷子、紅邊大瓦碟懷舊感覺滿分而且特別適合一大班人圍爐聚餐期間限定更有10蚊10支大嘉士伯/青島計落真係好抵 飲唔晒仲可以90日內嚟清埋佢食物價位雖然稍高 但用料及處理都係上級特別係上級封門柳用蝴蝶手切 厚身之餘又夠大塊醬料更有11種選擇 其中必落自家製蔥頭油香淳味厚胡椒豬肚雞湯 $198充滿膠質既濃雞湯煲滾時先飲一碗鮮甜而不漏仲好暖胃 鍋內仲有大量蟲草花及豬肚最後才放入大大份雞件 皮薄又啖啖肉十分滋味手切封門柳(大份) $358低溫處理下既靚封門柳十分甜而飽滿蝴蝶切令到本身根位熟左都不影響口感另外油脂較少啖啖肉軟而不韌食得多和牛不妨試下肉味十足既靚封門柳蝦滑油炸鬼 $78共8件既蝦籽及紫菜味既蝦滑配上脆身既油炸鬼十分盞鬼手打五寶丸 $98粒粒都咁足靚啖啖肉, 特別係墨魚丸及牛丸特別好食白柏葉 $48件件都大大塊好爽口、淥一淥就食得日本扇貝2隻 $76海中蝦半份 $88新鮮即開扇貝配蔥油好正、海蝦串起好易剝殼

星期日和朋友慶祝生日, 夜晚同朋友去左天后食火鍋。餐廳裝修走懷舊風格, 播放八九十年代歌曲, 好有香港特色。湯底就揀左胡椒豬肚鍋, 胡椒味突出, 湯底濃郁, 雞肉嫩滑。我哋叫左安格斯牛板腱, 肉質鮮嫩, 牛味香濃。手打五寶丸有豬肉丸, 鯪魚丸, 蝦丸, 墨魚丸和牛丸等, 其中最突出係牛丸, 牛肉味濃, 咬落多汁彈牙。海鮮揀左海蝦和扇貝, 海蝦新鮮彈牙, 帆立貝鮮甜。水魷好新鮮, 食落好爽口唔韌。飲品叫左竹庶茅根海底椰, 可以滋潤喉嚨和解熱氣。我哋成晚都食得好開心, 餐廳長期都爆, 如果去食要一早打去餐廳book位。