影片
更多
2025-06-09
282 浏览
今次我地去左港島呢邊約左人買野交收，去左天后呢頭我地比較少去既地方，黎之前搵定左一間港式風味既打邊爐店食😄餐廳環境好有d懷舊香港味道，枱面有紙巾提供，抵讚，開位有$18醬料費同一份$20既開胃小食前菜🇭🇰卜卜蜆豬骨煲（$238）呢個豬骨煲勁足料，成煲都係卜卜蜆同豬骨，仲有粟米同蘿蔔，d卜卜蜆好鮮味，令到個湯都有d卜卜蜆味，湯底都有幾濃既胡椒味，開始打邊爐前飲左個湯先，都幾好味架🐷蘇格蘭蟶子（$58/1隻）日本扇貝（$38/1隻）呢兩款海鮮都好新鮮，size又大，餐廳已經預先幫我地起左份肉出黎，咁就唔洗連殼放入去煮，呢個動作幾貼心🌊黑安格斯牛板腱（$288/例牌）佢地牛肉種類勁多款式，呢碟牛板腱肉味幾濃，冇乜肥，肉質嫩，例牌黎計都唔細碟，3個人食都得🐮自家製四拼餃（$98）四拼餃包括有鮮蝦雲吞，韮菜餃，芫茜餃，同午餐肉餃，4款餃都好大粒，其中鮮蝦雲吞隻蝦又大又鮮，午餐肉餃就比較特別，平時有淨午餐肉或者炸午餐肉做火鍋配料，整成餃就第一次食，佢食落係啖啖肉，但係舊肉又冇煮淋到，仲保留到肉汁，幾新奇好食既一款餃🥟Q彈鮮蝦丸拼鮮牛丸（$98）呢度既丸類都係手打丸，可以自由配搭雙拼，雙拼就加$10
餐廳環境好有d懷舊香港味道，枱面有紙巾提供，抵讚，開位有$18醬料費同一份$20既開胃小食前菜🇭🇰
卜卜蜆豬骨煲（$238）
呢個豬骨煲勁足料，成煲都係卜卜蜆同豬骨，仲有粟米同蘿蔔，d卜卜蜆好鮮味，令到個湯都有d卜卜蜆味，湯底都有幾濃既胡椒味，開始打邊爐前飲左個湯先，都幾好味架🐷
蘇格蘭蟶子（$58/1隻）
日本扇貝（$38/1隻）
呢兩款海鮮都好新鮮，size又大，餐廳已經預先幫我地起左份肉出黎，咁就唔洗連殼放入去煮，呢個動作幾貼心🌊
黑安格斯牛板腱（$288/例牌）
佢地牛肉種類勁多款式，呢碟牛板腱肉味幾濃，冇乜肥，肉質嫩，例牌黎計都唔細碟，3個人食都得🐮
自家製四拼餃（$98）
四拼餃包括有鮮蝦雲吞，韮菜餃，芫茜餃，同午餐肉餃，4款餃都好大粒，其中鮮蝦雲吞隻蝦又大又鮮，午餐肉餃就比較特別，平時有淨午餐肉或者炸午餐肉做火鍋配料，整成餃就第一次食，佢食落係啖啖肉，但係舊肉又冇煮淋到，仲保留到肉汁，幾新奇好食既一款餃🥟
Q彈鮮蝦丸拼鮮牛丸（$98）
呢度既丸類都係手打丸，可以自由配搭雙拼，雙拼就加$10，兩款丸都真係新鮮同彈牙，雙拼每款有4粒，2個人食岩岩好🍡
珊瑚蚌（$128）
珊瑚蚌入口新鮮爽脆，記得唔好淥太耐，會縮曬水影響佢既質素😉
新鮮肥鵝腸（$96）
鵝腸都唔係打邊爐常見有既種類，呢度都有得食，d鵝腸肥美脆口，鐘意食既話值得叫碟😁
鯪魚釀豆卜（$60）
鯪魚釀豆卜又係少有既款式，佢同個胡椒湯幾夾，鯪魚肉冇乜腥味，如果叫豬骨卜卜蜆湯都可以叫埋😋
飲品方面佢地呢度有玻璃樽裝既汽水，清熱飲品我叫左一渣檸檬薏米水，入口都好清潤，而餐廳做緊$1一支啤酒大優惠，每枱需要叫10支，飲淨可以留下次，我同老婆就一定飲唔曬，所以冇叫到，但好適合一班人聚餐飲酒🍻
呢間餐廳我覺得d食物都好大份，我叫完見到都覺得多，仲有$1一支啤酒呢個優惠好抵，我覺得佢好食得黎係抵食既，唯一就係個前菜小食唔太好，我覺得冇咩需要，除左前菜外，其餘既食物同價錢，見佢碟碟都咁足料，我覺得係合理偏抵既👏🏻
张贴
