影片
更多
2024-11-08
153 浏览
上星期我去咗天后嘅叁不館食打邊爐，未入店已經被佢嘅裝修風格吸引。牆上掛住D老照片同復古畫作，講述緊香港的故事，呢啲細節令拍出嚟嘅照片充滿歷史感。傳統木櫈同大圓檯，讓人有種時光倒流的感覺。坐位安排得幾好，即使人多都唔會覺得擠迫，大家可以輕鬆享受美食。我哋點咗招牌花膠雞做湯底，湯滾起先一人裝返一碗頭啖湯，真係好味到不得了！湯底濃郁，花膠筒嘅份量又多，雞肉又嫩滑。響鈴即點即炸，上枱時熱辣辣，筷子稍用點力就可以一夾一開二，非常鬆脆，無論係即食定火鍋都好適合。我哋幾個人都想試唔同嘅食物，所以點咗好多拼盤，真係好抵！海鮮併盤入面有鮮蝦、大沙白、帶子同蘇格蘭蟶子，每一樣都好新鮮，味道超甜，完全唔需要加咩調味，海鮮本身已經好好味。講到牛魔王併盤，手切肥牛、安格斯牛頸脊同牛脷托都好嫩滑，特別係黑安格斯牛板腱，食落去超級滑。再加埋鮮蝦雲吞、韭菜餃、芫荽餃同午餐肉餃，四拼餃都係自家製，日日新鮮制作，口感味道真係一流。仲有手打五寶丸，彈牙又好味。菜籃入面有好多新鮮蔬菜，色彩繽紛，搭配佢哋自家調制嘅火鍋醬油、沙茶酱同葱头油，整個火鍋更加美味。服務方面都相當出色，工作人員態度友善，對菜單嘅介紹清晰，仲會指導我哋每
我哋點咗招牌花膠雞做湯底，湯滾起先一人裝返一碗頭啖湯，真係好味到不得了！湯底濃郁，花膠筒嘅份量又多，雞肉又嫩滑。
響鈴即點即炸，上枱時熱辣辣，筷子稍用點力就可以一夾一開二，非常鬆脆，無論係即食定火鍋都好適合。
我哋幾個人都想試唔同嘅食物，所以點咗好多拼盤，真係好抵！海鮮併盤入面有鮮蝦、大沙白、帶子同蘇格蘭蟶子，每一樣都好新鮮，味道超甜，完全唔需要加咩調味，海鮮本身已經好好味。
講到牛魔王併盤，手切肥牛、安格斯牛頸脊同牛脷托都好嫩滑，特別係黑安格斯牛板腱，食落去超級滑。再加埋鮮蝦雲吞、韭菜餃、芫荽餃同午餐肉餃，四拼餃都係自家製，日日新鮮制作，口感味道真係一流。
仲有手打五寶丸，彈牙又好味。菜籃入面有好多新鮮蔬菜，色彩繽紛，搭配佢哋自家調制嘅火鍋醬油、沙茶酱同葱头油，整個火鍋更加美味。
服務方面都相當出色，工作人員態度友善，對菜單嘅介紹清晰，仲會指導我哋每樣食物灼幾耐，確保我哋食到最好嘅味道。
飲啤酒嘅話，依家有限時優惠，超抵，有興趣記得啤一啤。
张贴
