南記海鮮飯店

营业中

休息中

6月10日打電話去訂位, 預訂6月12日(端午節)晚飯6:00PM, 人數是6大3小(3個都要BB椅), 還預訂了半隻燒鵝.當日6月12日準時6:00PM到達南記, 同帶位講訂了六點9位 (6大3小). 帶位查看自己的訂位名單, 過了一陣, 同我講無我的訂位紀錄.我話:"無理由, 你同事在電話中確認我的預約."我接著問:"咁現在有冇9位的桌子給我們."帶位:"一係你地坐出面."我話:"無係呀, 坐出面?!"帶位攤開佢的訂位名單, 然後講:"咁份野上面無你地個名, 一係就坐出面, 一係就去第二間."一聽到"去第二間", 我就火都黎埋, 拉大隊走. 訂位名單漏左, 其實好平常, 餐廳和客人可以和平地解決.這個帶位態度郤很差, 第一連"對不起或唔好意思"這基本道歉說話都没有講; 第二居然叫食客去第二間.這種唔憂做的服務態度, 我深信如果我坐下食飯, 仍然會繼續承受, 會有更大的一肚氣. 希望想去南記的朋友請三思, 否則會擁有我一樣的經歷, 未食之前已經一肚氣.

聽同事介紹加OPENRICE見到D相之後流哂口水, 就決定放假日子黎試下三聖村既海鮮~ 首先BOOK左南記,但係佢話得出面冇冷氣既位,都照黎啦~ 入到黎我先去南記講左有位,但個位侍應哥哥都唔係好理我地.叫我地先去買海鮮先.位都未知係邊(下次唔會咁蠢, 點都話要坐低左先...因為......一陣再講)咁我地就出發買海鮮了... 首先, 我地都少去簡海鮮.. 去到D叔叔都好好人, 最後係唔記得邊間,冇乜人的一間買左扇貝HKD68 1斤4隻, 再加奄仔蟹HKD60 1隻(2人食)就再去番前面發記買我最鍾意食既瀨尿蝦, 佢賣160 1斤(1斤大概4隻). 但係...... 發記實在太好生意, 我地前前後後叫左廿聲"唔該" D人應完我地之後都係走左去幫左其他人拎海鮮, 又或者俾D C9 CAP走左... 可能我地比較後生"少少", 等左..我估都至少3個字, 旁邊既人,遲黎過我地既人..都陸續得到佢地要既海鮮.................. 瀨尿蝦亦都俾人撈得愈黎愈少.. 班員工邊叫我地"等等" 都係冇人黎撈俾我地... 好無助.. 感覺自己好似RUNNING MAN入面既池石鎮... 成為

早o係一個月前已經講今日要帶屋企人去食海鮮,近近地既話, 三聖係一個唔錯既選擇一落車第一件事梗係去買海鮮啦,成條街都係海鮮檔, 如果有時間可以慢慢格到最抵但事關我地無乜時間所以o係忠仔記一次過買晒就入去喇!南記係o係個屋邨裡面既, 途中會經過一D井字形公屋,我地行行下既時候, 竟然有一袋二袋既垃圾從天而降!!大家真係要小心, 行D屋簷下面呀去到南記坐低, 好快就交低d海鮮同話俾侍應聽要點煮唔知係唔係母親節既關係呢, 竟然等左1個鐘先有第一個菜上, 不過一班人傾下計又唔覺好耐既 第一個上既就係鮑魚, 本身隻鮑魚都幾大隻,連埋果皮蒸, 味道甘甘地, 唔UN, 每人一隻好快就食晒!跟住就濃味D喇, 豉椒炒, 辣辣地, 好野味!買左3隻南非大隻瀨尿蝦, 原本諗住咁大隻椒鹽好似SIDE左,但侍應話椒鹽好, 就咁聽佢話啦,D瀨尿蝦好多肉, 比起平時食果D細細隻既真係差好遠LIKE~~!!條西昇斑斤幾重, 聽人講新鮮既魚蒸得過火都一樣咁滑,而且今次蒸得岩岩好, 火侯控制得好好, 一D魚腥味都無, 連皮都咁滑,又係果句, 好快就食晒原來係想整鹽焗奄仔蟹既, 點知黎遲左, 買唔到奄仔,變左紅蟹, 本身蟹

今年生日我話想食海鮮於是家姐就提議黎三聖村反正西貢、鯉魚門同流浮山都試過一於就入去啦!六點鐘到達先去買海鮮三個人買咗四款海鮮然後就去南記是日晚餐有椒鹽瀨尿蝦、清蒸象拔蚌、砵酒蠔以及主菜芝士焗龍蝦先黎椒鹽瀨尿蝦椒鹽味很香很濃之餘又瀨尿蝦肉汁亦保留清蒸象拔蚌沒特別驚喜不過味道亦很好砵酒反而是我第一次試賣相不討好，然而味道卻很不錯外脆內嫩唯一挑剔就是酒味不足到主菜芝士焗龍蝦從相片中就可見到芝士汁係幾豐富食落去每啖都被好濃既芝士味包住真係好咪到不得了！

一家三口，到關財記買魚，鮑魚，大肉蟹，六點正到青山灣南記烹調，先上肥叉一碟，燒得可口稍熟，炒球魚肉鮮明，鮑魚加菓皮蒸，時間掌握得好，椒鹽魚頭腩，有色有香，豉椒大肉蟹，入味。整體合格加小小分，因星期日，全場滿座，仍不失水準，廚房大哥，眼明手快，應記一功。

月頭先同班 friend 來了一轉, 自己都估唔到咁快會再嚟 encore.是因今天去行山, 終點係屯門一帶, 而且 Xmas 食西餐一向不是 my style.於是乎做就今晚的中式海鮮聖誕晚餐.六點未夠就去到飯店門口, 見啲員工仲係度執頭執尾, 硬著頭皮入去攞位.一開始就想連海鮮都係飯店買埋, 原來佢哋係唔賣, 一定要出番去海鮮街買.Well~~~ No Problem.最後買咗三款海鮮(1) 椒鹽瀨尿蝦 $40 斤 (烹調費最少一斤起計)(2) 果皮蒸鮑魚 $40 斤 (烹調費最少一斤起計)(3) 鹽焗奄仔蟹 $64 斤 (烹調費最少一斤起計)(4) 另外加多碟明爐燒鵝 (例牌) $98, 要埋鵝脾, 另加 $10椒鹽瀨尿蝦, 買了兩隻, 上下一開二, 總共有四件.唔使多講, 外層炸到脆卜卜, 差不多連殼都可以食埋.瀨尿蝦蝦肉仍然保持鮮甜肉嫩.果皮蒸鮑魚, 買了四隻, 呢款無咩難度可言, 味道完全取決於隻鮑魚本身.唯一挑剔嘅係, 果皮就無乜果皮味囉 (唔通你想人哋比啲陳年果皮你咩, 發夢).鹽焗奄仔蟹, 買了兩隻, 左右一開二, 總共有四件.誠意推介, 鹽入味但完全不會搶走蟹本身的

上司請吃飯，又來到三聖邨這個海鮮樂園吃海鮮。在附近的相熟海鮮檔揀選了海鮮之後，便來到這間「南記海鮮飯店」開餐。席間除了多款自家來料海鮮外，還叫了「招牌燒鵝皇」半隻與「炒油麥菜」一碟，成為這夜八餸一湯的海鮮大餐。「白灼九蝦」細細隻，夠新鮮，夠爽甜，好。「辣酒煮花螺」每人三隻，這「辣酒煮花螺」辣味不是太重，不會掩蓋了螺肉本身的鮮味，只是帶點刺激食慾的辛辣，都不錯。「蒜蓉豉汁蒸蟶子」與「油鹽水花甲」較為普通，味道正常，但不太特別。以多款海鮮好像魚、蟹、蜆等加上少許蔬菜製成的「海鮮湯」味道偏鹹，也不太吃得出海鮮湯的鮮甜味，則較為令人失望。每人半隻的「鹽焗重皮蟹」肉厚有膏，鹹味恰可，好吃。「椒鹽巨型瀨尿蝦」是這夜的重頭戲，蝦身粗如兒臂的生猛瀨尿蝦炸過後經椒鹽調味，把蝦殼剝掉後啖啖是肉，正！「招牌燒鵝皇」肉多骨少，上桌時鵝身仍帶溫暖，肉質細緻，水準雖未算最佳，都算不錯。「炒油麥菜」雖然只是這頓海鮮餐的配角，味道尚佳。吃罷這頓豐富的海鮮餐後，又是曲終人散的時候，下次到來，可能又是一年後的事了。

星期六悶悶地同友人入左去屯門三聖村食海鮮餐, 6時多到達唔多人. 去左南記留左位就去買海鮮.2個人: 豉汁炒聖子, 鹽油焗重皮蟹, 芝士焗龍蝦, 蒜容蒸龍躉第一次來三聖食海鮮, 估唔到海鮮咁平, 而且加工費用都唔算合理 樣樣野都好好味, 可能本身d海鮮都夠新鮮, 所以味道一流. 我地2個最喜歡就係個聖子王, 夠大隻好鮮好甜, 另外個龍蝦煮法都好特別, 可能平時只係食開上湯/芝士汁焗, 這個乾芝士焗就更加香濃, 不過同樣亦會比較飽漏.至於條龍躉真係皮好厚好多膠質, 食左對面都好d.重皮蟹用油鹽焗好香好正, 唔洗配醋食都好香好夠味.買海鮮用左$560, 煮功連食物先$260真係好抵食.

朋友生日, 一行6人坐私家車入去三聖食海鮮去到海鮮檔(未到6點,但已經係好多好多人了) 買左4百幾蚊海鮮 之後就聽朋友的朋友介紹 去南記食其實南記都唔近海鮮檔口既 都要行入少少 有幾多冬菇亭既地方南記都好full下 好在咁0岩有一枱人走~ so lucky好~ 介紹美食喇~呢個真係超好味. 記得係叫焗"脆" 個隻其實仲有個薑蔥蠔 (桶蠔 海鮮檔賣$80 有成6-7隻 都幾肥美 nice!!)

舊年8月已想到黎食, 點知裝修停業, 個多月前周事通知復業, 今次終於攪成生日飯局。放工即刻坐61M巴士入去, 由葵芳上車到三聖村只係30分鐘, 唔算太遠, 先去忠仔記買海鮮, 價錢當然比市區街市貴, 但質素又比出面好, 4人份量, $850, 算抵買。去到南記, 第一感覺唔似身處熟食亭, 十足似酒家一樣, 不周之處可能是免加一, 免開瓶費....$48/斤加工費, 明碼實價先通知伙計們我地D菜要慢慢上, 果然幫忙, 一個接一個, 服務非常好。最後ORDER 個豉油王炒面, 埋單$580 + 海鮮$850 = $1430每人$360

說了要到三聖村吃海鮮已幾年, 今次終於有機會 到海鮮檔買了海鮮, 隨便選了南記來作烹調, 試試如何所有海鮮除了因為新鮮肥大外, 其實炒功真的很好, 令食物帶出最佳水準, 色香味俱全, 真難得呢!

星期六悶悶地同友人入左去屯門三聖村食海鮮餐, 6時多到達唔多人. 一心一意想去興記食點知話裝修 無計就去左南記留左位就去買海鮮.買完海鮮我地就走回去冬姑亭俾佢地煮, $40/斤煮費, 都好合理.2個人: 豉汁炒聖子, 鹽油焗重皮蟹, 芝士焗龍蝦, 蒜容蒸龍躉, 另外叫左個梅菜蒸茄子. 樣樣野都好好味, 可能本身d海鮮都夠新鮮, 所以味道一流. 我地2個最喜歡就係個聖子王, 夠大隻好鮮好甜, 另外個龍蝦煮法都好特別, 可能平時只係食開上湯/芝士汁焗, 這個乾芝士焗就更加香濃, 不過同樣亦會比較飽漏.至於條龍躉真係皮好厚好多膠質, 食左對面都好d.重皮蟹用油鹽焗好香好正, 唔洗配醋食都好香好夠味.至於係店叫既茄子都唔錯用來配飯一流.買海鮮用左$560, 煮功連食物先$260真係好抵食.可惜當日亞姐同我地講佢地做埋31/7就收工, 唔知幾時先會重開.

呢間店只有笑瞼,就喊瞼.無中間...我做第一個.哈!我本來約左我媽媽去屯門間點心店.點知佢上左輕鐵後扭計.話佢唔落車行.而架輕鐵總站就在三聖.自然就去左三聖食下午茶...在大排檔我媽媽又行左一轉.一間比較多人的店就賣粉麵,佢又扭計話要食飯..呢間店得2枱客.要自己主動搵店主落單.不過店主都有禮的....我叫左一杯凍華田.同燒鴨瀨.23元..價錢都合理凍華田:好淡,直情好似水咁...不提也擺...燒鴨瀨:瀨粉都條條分明..個湯底都唔錯..不過燒鴨浸林左.似我在家中食飯..食剩的燒鴨..肉質也鞋口總括而言...只是不過不失

買咗7款海鮮到南記代煮, 再order 小菜!!豉油王大蝦 ~ 蝦好大隻...好好肉...好好味...!!豉椒炒蟶子 ~ 好大隻聖子皇, 好爽口, 配埋豉椒汁絕配!!清蒸鮑魚仔 ~ 鮑魚仔都算大隻, 一啲唔un, 爽口彈牙!!砵酒焗桶蠔 ~ 食咗隻最太隻既, 好肥美!!蒜蓉蒸扇貝 ~ 今晚唔係太大隻...無過火...!!清蒸海上鮮 ~ 魚很滑同好鮮味!!花雕蛋白蒸花蟹 ~ 賣相好靚, 花蟹好新鮮, 好重花雕酒味, 清清地幾好!!菠蘿咕嚕肉--酸酸甜甜很開胃....!!金銀蛋白菜仔 ~ 好好味又唔會好多油!!炸大腸 ~ 第一次食咁肥大既炸大腸, 好好味道!!!蒜蓉炒油麥菜 ~ 無乜特別個個食到超級滿足咁走, 全晚食物都十分有質素!!

我哋本來一直幫襯開興記嘅, 但之前一日打電話想BOOK位, 已告知全部爆棚, 咁無計啦, 惟有試下隔離間南記, BOOK 咗19:00指定要冷氣位.我哋一行10人--8大人兩B, 一啲去買海鮮, 一啲就入食店傾計坐住等.海鮮就買咗$805.00, 有生劏龍躉2斤幾, 蟶子, 巨型瀨尿蝦6隻菜餚有--豉椒炒蟶子-- 豉汁香濃, 辣辣地超冶味白灼瀨尿蝦-- 基本上瀨尿蝦係生猛新鮮嘅, 所以食店唔需要花巧嘅功夫, 已能食出瀨尿蝦嘅鮮味西蘭花炒龍躉--火侯啱啱好, 香口鮮味紅燒BB乳鴿 X3--肉嫩骨軟, 味道唔錯芝士牛油焗鮮魷--呢個芝士汁香濃, 但最敗筆係鮮魷先用厚漿去炸, 令該菜比較失色蒜蓉炒白菜--OK, 但比較多油另外叫多5碗白飯, 2支啤酒, 2罐汽水, 埋單$562.00買海鮮$805.00+南記$562==$1367.00, 唔計BB, 平均每人$171.00