影片
更多
2013-02-27
244 浏览
月頭先同班 friend 來了一轉, 自己都估唔到咁快會再嚟 encore.是因今天去行山, 終點係屯門一帶, 而且 Xmas 食西餐一向不是 my style.於是乎做就今晚的中式海鮮聖誕晚餐.六點未夠就去到飯店門口, 見啲員工仲係度執頭執尾, 硬著頭皮入去攞位.一開始就想連海鮮都係飯店買埋, 原來佢哋係唔賣, 一定要出番去海鮮街買.Well~~~ No Problem.最後買咗三款海鮮(1) 椒鹽瀨尿蝦 $40 斤 (烹調費最少一斤起計)(2) 果皮蒸鮑魚 $40 斤 (烹調費最少一斤起計)(3) 鹽焗奄仔蟹 $64 斤 (烹調費最少一斤起計)(4) 另外加多碟明爐燒鵝 (例牌) $98, 要埋鵝脾, 另加 $10椒鹽瀨尿蝦, 買了兩隻, 上下一開二, 總共有四件.唔使多講, 外層炸到脆卜卜, 差不多連殼都可以食埋.瀨尿蝦蝦肉仍然保持鮮甜肉嫩.果皮蒸鮑魚, 買了四隻, 呢款無咩難度可言, 味道完全取決於隻鮑魚本身.唯一挑剔嘅係, 果皮就無乜果皮味囉 (唔通你想人哋比啲陳年果皮你咩, 發夢).鹽焗奄仔蟹, 買了兩隻, 左右一開二, 總共有四件.誠意推介, 鹽入味但完全不會搶走蟹本身的
是因今天去行山, 終點係屯門一帶, 而且 Xmas 食西餐一向不是 my style.
於是乎做就今晚的中式海鮮聖誕晚餐.
六點未夠就去到飯店門口, 見啲員工仲係度執頭執尾, 硬著頭皮入去攞位.
一開始就想連海鮮都係飯店買埋, 原來佢哋係唔賣, 一定要出番去海鮮街買.
Well~~~ No Problem.
最後買咗三款海鮮
(1) 椒鹽瀨尿蝦 $40 斤 (烹調費最少一斤起計)
(2) 果皮蒸鮑魚 $40 斤 (烹調費最少一斤起計)
(3) 鹽焗奄仔蟹 $64 斤 (烹調費最少一斤起計)
(4) 另外加多碟明爐燒鵝 (例牌) $98, 要埋鵝脾, 另加 $10
椒鹽瀨尿蝦, 買了兩隻, 上下一開二, 總共有四件.唔使多講, 外層炸到脆卜卜, 差不多連殼都可以食埋.
瀨尿蝦蝦肉仍然保持鮮甜肉嫩.
果皮蒸鮑魚, 買了四隻, 呢款無咩難度可言, 味道完全取決於隻鮑魚本身.唯一挑剔嘅係, 果皮就無乜果皮味囉 (唔通你想人哋比啲陳年果皮你咩, 發夢).
鹽焗奄仔蟹, 買了兩隻, 左右一開二, 總共有四件.誠意推介, 鹽入味但完全不會搶走蟹本身的鮮甜.
因為係原隻鹽焗, 所以蟹羔(蟹黃)原全保留於蟹內. Yummy.
食蟹身啲肉時(甚至食蟹鉗蟹腳), 除了蟹肉的鮮甜還吃到淡淡的鹽焗味 (而且食到有臘腸味).
明爐燒鵝, 熱辣辣, 皮脆肉嫩, 鵝脾位啖啖肉 (比多$10都值).如果唔係太飽, 叫個'靚仔'撈埋啲燒鵝汁食, 揀值一流.
如此質素, 味道, 價錢, 絕對係一餐十分滿意的聖誕餐.
呀... 咁價錢即係多少?
海鮮 : $470
茶錢 ($8@), 花生 ($10), 烹調費 ($144), 小菜 ($108) : $306
全部加埋總共 : $776
张贴
