十下火鍋

第一次去十下，就叫個套餐啦精選2人套餐 （每位 348加一）火瞳花膠魚肚雞湯 （個隻雞會有專人同你切開）紫菜響玲 （由於風口位真係太凍，呢碟嘢上菜時 我真係心懷感激，但客觀來說，剛炸起，裡面有紫菜真係好味好多）蟹肉蟹粉餃 （超級鮮味！絕對推薦~）肥美大沙白 （又夠大又鮮味~）十下三寶滑 （分量超級大，我媽見到以為係水晶包 xp 不過都唔係全部都係粉果隻）野生竹笙 蔬菜拼盤懷舊果皮魚蛋 （呢個最失望，主要係粉~）醬爆瀨尿牛丸 （有圖為證 牛味都算濃）手切本地牛肉飲品要咗洛神花茶，以個人口味來說就甜咗d其他嘢都交得準；所以真係推薦俾未試過嘅人~分量亦相當足料；兩個女仔食係要打包嘅服務都非常好；全部會主動過黎幫忙 （落蝦滑，分雞，換碟 等等） 全部唔需要開口叫 食物好 服務好 （利申：我無收錢）；我下次一定會再去（訂到位嘅話...）PS 唔記得講佢裝修行懷舊風，可以影吓相

銅鑼灣嘅永光中心其實有好多嘢食，上次食完一間港式西餐，今次就試吓一間比較出名嘅火鍋店💛。同事話呢間火鍋店原來平日晏晝係食車仔麵🍜，價錢亦都十分抵食，一個三餸麵售價大概係$40。而湯底亦都有好多種類，湯底嘅選擇都係夜晚打邊爐可以揀到嘅湯底，味道非常之濃郁😋。我今次揀咗藥膳湯底牛丸蘿蔔山菜河粉🍜，藥膳湯非常之濃郁，而牛丸就充滿牛肉汁，一咬落去即刻爆曬啲醬出嚟，十分好味😋。另外，餐廳嘅佈置亦都非常特別，富有港式大排檔嘅佈置，場內亦不停咁播一啲80年代嘅流行曲🎶，所以環境上都好一流👍。

呢間絕對係我最喜愛火鍋店！環境舒服好坐，服務超級好，湯底有特色，食物新鮮好味！小店裝修專登扮舊式大牌檔咁連播既歌都係以前啲香港流行曲好有特色！但就一啲都唔似真正大牌檔咁污糟勁有港式打邊爐Feel，但又食得舒舒服服，好正！服務方面，我想俾滿分佢！其實我係一個好奄尖既人，但佢既服務真心好到我冇得挑剔！香港既餐廳，咁既價錢，咁既服務，令我勁震驚！我地個日只係叫左每位$268既二人套餐但佢既服務好過五星級酒店！一開始我地用gas爐，但太近冷氣，個爐唔係好滾得起都食到既，但就會慢啲等耐啲全個餐到齊個時，有個店員黎問我地調唔調位正當我心諗：玩野？成枱餸，調乜位？佢勁有禮貌咁解釋頭先電池爐枱滿晒，唯有俾呢張枱我地岩岩有張枱清左，想我地食得舒服啲涼啲，個爐滾得快啲係想俾多個選擇我地，絕對唔係迫我地調位我話好之後，佢地就幾個人黎極速幫我地搬晒啲野去新枱平時去餐廳食飯，你敢唔敢食食下開口話要調張舒服啲既枱？呢到唔洗你開口，佢主動提出，搞咁多野就係想你食得舒服啲我地個日叫左蕃茄魚湯，啲店員隔一陣就黎幫我地睇下條魚熟未一熟就用碟裝起，同我地講煮太耐會好鞋口用碟放起方便我地食個餐有個三寶滑店員會主動黎幫你整仲驚

以前覺得呢度啲打邊爐幾好食，於是午餐就嚟呢度試吓。點知就開始疑似中亻了，藥膳湯我自己覺得冇咩味，比較淡，河粉我我認為比較散同碎(如圖)，同以前食個d長條形有唔同金牌牛丸味道唔錯，有水準。但係，爆漿牛丸入面係啲汁唔太符合我心意，我覺得一般。

呢度裝修走懷舊風，連店內音樂都全部係六七十年代的香港流行曲，家中長輩聽得津津有味邊食邊跟住吹，好過癮😆雖然裝修望落較簡陋，但食材同湯底一啲都唔簡單😌湯底💛滋潤木瓜蕃茄鮮魚湯 $128😋😋😋😋😋成條魚係入面😳 一開波當然飲咗個湯先，茄味超濃的鮮甜魚湯🤤🤤💛十下麻辣火鍋 $128😋😋😋夠麻又夠辣，用香料和辣椒煮成，並非人造化學味道👍🏻可惜之後加湯都只係加水，個湯底越煮越唔辣，後期好重藥材味仲有少少苦添🙈食材 (太多不能盡錄)💛大刀手切本地牛頸脊 (大) $248😋😋😋💛 安格斯牛小排 (大) $228😋😋😋😋脂肪較牛頸脊多，但油花分布均勻食落更重牛味同滑💛三星蔥醬爆貢丸 (6粒) $66😋😋😋😋原本我唔知係乜，係個煲度撈左黎食之後好有驚喜，入面d餡好惹味，外面層丸爽口彈牙😀💛芝士丸 (6粒) $36😋😋😋😋😋芝士味夠濃同creamy, 唔係香口膠質地而且外面層丸都好爽口👍🏻💛流心粟米丸 (6粒) $38😋😋😋😋😋入面包左超甜超creamy的粟米湯，而我係其他地方未食過🤤 恕小女子孤陋寡聞，若各位知道邊度有得買，請話聲我知🙏🏼 我要買定一打放冰格平時煮麵淥嚟食🤣💛麻辣鴨血 $42😋😋😋😋💛甜

星期五放工 六個人去打邊爐🍲🍲🍲🍲🍲🥘🥘🥘🥘🥘於是就去左銅鑼灣既十下 其實疫情之前我都黎過一次 我是純粹覺得佢係一個味道正正常常 價錢稍為偏貴嘅一個港式火鍋 而今次有朋友想試吓開始我就第二次黎食今次叫左兩個湯底- 花膠雞窩 & 鴛鴦鍋(酸菜x麻辣) 老實講 基本上全部湯底都好鬼鹹🤣🤣🤣🤣🤣🤣 平時食開花膠湯都知一定係飲咗湯之後先打邊爐 但係鹹到飲落去超口渴🤣所以基本上全部湯底煮出嚟嘅食材都唔需要點醬已經勁夠味🤣🤣🤣🤣食材就冇乜特別 不過佢話一個紫菜響鈴係幾好食 另外值得一讚嘅係佢呢度有泰式象啤🍻🍻🍻🍻埋單每人400左右 總數就2400

📍十下📮銅鑼灣登龍街28號永光中心2樓.閨蜜小聚由high tea進化到變左打邊爐, 由港女開始踏入中女, 鐘意食既野都唔同左, 都唔知係好事定唔好事🥲.餐廳裝修懷舊, 播既歌都係80-90年代既K歌, 食物好有港式火鍋風味🍲weekday都滿座, 可見香港人打邊爐絕對無分季節🤣.事不宜遲, 拿拿聲叫野食, 3條女一口氣叫左10樣野, 難免有少少嚇親個侍應.滋潤木瓜蕃茄鮮魚湯拼十下麻辣火鍋* HKD128大刀手切本地牛頸脊(小)* HKD168三星蔥醬爆貢丸* HKD58流心粟米丸 HKD38十下三寶滑* HKD128珊瑚蚌 HKD78蜂巢凍豆腐 HKD32紫菜響鈴 HKD62生根 HKD32皇帝菜 HKD34寛冬粉* HKD32滋潤木瓜蕃茄鮮魚湯拼十下麻辣火鍋魚湯湯底配木瓜蕃茄, 就好似媽媽煲嘅湯一樣鮮甜無味精, 未開始打邊爐記著飲返碗😌而麻辣湯底台灣味十足, 裡面仲有入晒味既鴨血同冰豆腐, 一放低已經俾我地迅速清晒🌶大刀手切本地牛頸脊(小)份量適中, 油脂分布平均, 仲好重牛味添, 牛魔王必食😈三星蔥醬爆貢丸貢丸入邊內藏玄機, 咬開入邊有蔥作餡料, 食嘅時候坐對面果個要小心啲呀,

幾年前嚟過一次，已經覺得好唔錯😍隔咗咁耐之後再食，依然保持到好好嘅水準👍🏻疫情底下，佢哋亦好注重衛生，比咗一盤調味料我哋去混醬嘅時候，提醒我哋唔可以除口罩住，因為大家都會用呢個盤嚟混～食物質素好唔在講，服務態度都一流，職員會過嚟幫手撈起啲蜆分比我哋，又會潷走鍋面啲泡泡🧼🔥卜卜蜆煲 💰$208如果鐘意食蜆嘅朋友，一定要點呢個‼️因為佢真係非常抵食，超級超級多蜆，仲要隻隻都非常大隻又多汁！好正💖🔥花雕醉雞 💰$88未落鍋已經聞到好香花雕味，估唔到煮熟完之後依然好入味😍🔥安格斯牛肉 (大) 💰$228🔥五花腩片 💰$108🔥鮮打鹹蛋黃墨魚滑 💰$78🔥蜂巢凍豆腐 💰$32🔥金針菇 💰$32🔥娃娃菜 💰$32全部配料都非常新鮮，又好睇又食😋如果費事諗都有唔同套餐揀！

尋晚同一個朋友book咗夜晚六點至到八點嗰個時段。星期六晚都算坐滿人，所以記得一定要book位。第一次嚟呢一間餐廳覺得好靚環境好懷舊，餐牌有自選同埋套餐，我就揀咗套餐最平嗰個大概二百幾蚊。起初見到餐牌以為嘢食唔算好多，點知嚟到成枱都係嘢食。我哋揀咗一個鴛鴦鍋，一邊係十下麻辣，另一邊係菇菌湯。非常之好食。嘢食嘅質素非常之好，牛肉蝦滑等等都非常新鮮。食咗兩個鐘食到好飽下次會再嚟試吓另一個套餐。期待下一次再嚟食！

四人行，一早訂定餐黎食佢個四人套餐我地準時8點上到去，入面清緊場，大家都在出面等等。好彩都好快入得去，關事長廊又熱又焗入面都算闊落好坐，播住懷舊歌。一坐低，職員就介紹餐牌，之後拎個調味盤過嚟。朋友好快手就除低口罩😷，職員再三提醒佢戴返🤣直至食物黎到，佢先除得口罩，衛生意識好強咁啱撞正隔離桌有人生日，大家唱生日歌，全場拍掌，場面有點尷尬又好笑🙈食物一次過上哂，可以黎返張大合照落蝦滑時，朋友自己落，職員好快手咁過黎幫手落，之後每次落都搵佢地幫手。佢哋會主動過嚟撈泡。好勤快咁加湯底我地之後口渴無叫到飲品，佢哋最後俾左成大樽水我地真係好好人

因為朋友想吃火鍋，所以在網上搜尋，看見訂座平台 有30% off（不包括飲料、海鮮等)，便過來一試，或許因為是午餐，全場連我們在內，只有三枱客。服務很好，員工秒速回應湯底，我們叫了鴛鴦鍋（清燉山藥菌菇湯 + 養生豆乳白鍋），可能我們的口味問題，兩個湯底我們也不太滿意。飲品方面，我們點了一瓶洛神花茶，開水比例太高，喝不出洛神花味道。安格斯牛小排，有牛味，脂肪比例合格。懷舊果皮魚蛋，頗有特色，其他餐廳少見。其實食材，則普通貨色，沒有失望，也沒有驚喜整體來說，普通的火鍋店，價格合理

朋友之前食過呢間打邊爐 話好好食 所以今次同朋友黎食叫左一個2人餐 我地2個女仔食唔哂 份量都幾多其中最好食嘅係粟米丸 用筷子一篤落去以為芝士丸黎 因為流左少少黃色嘅餡出黎 但點知一食落就好重粟米味 牛肉亦都相當唔錯 其他食物質素正常但湯底真係唔得 今次係食麻辣湯底小辣 辣就真係小辣 但大咸 朋友甚至講笑話下次應該叫小咸而唔係小辣 咸到甚至有啲苦 最後係飲哂成jar冬瓜茶仲要叫店員比多2杯水黎 希望係失手先會有咁嘅情況啦 因為朋友話佢上次食白玉菊花湯係超好食服務態度幾好 last order都會講明 唔會比人催人趕人走嘅感覺 而且仲會主動幫手落蝦滑地方坐得闊落舒服嘅 但環境比較嘈 同朋友傾計要講得大聲啲會再去仲一定唔會再叫麻辣湯底

同朋友去咗打邊爐，一坐低侍應嘅態度非常好，有推介唔同主打嘅嘢食俾我哋。當中嘅三式魚滑非常出色。室內嘅裝修絕對係懷舊風，而且播嘅音樂全部都係廣東歌。買單兩個人一共$1000。

Book左4位6點鐘去食，8點前交枱有8折感覺老闆係裝修上花左唔少心思，營造一個6、70年代香港大排檔既感覺，最令人意外既係連個雪櫃都係舊式個款究竟今時今日仲可以係邊搵個型號咁舊，但又function到既雪櫃呢？！湯底：麻辣拼雜菌湯。 8/10朋友們唔太食得辣，但都覺得湯底好正，但人人接受到既辣度！但唔知食得辣既客人可唔可以額外加辣🤣雜菌湯就幾鮮甜，菇菌種類多，充滿蛋白質嘅感覺。手切牛肉/花雕牛肉。 8/10有牛味，厚薄適中，份量都適中，四個女仔食ok! 花雕牛肉淥熟左之後仲保留到花雕既香味黃喉。 7/10爽口！要配麻辣湯底！紫菜響鈴。 7/10好少見響鈴有紫菜😍但唔夠脆三寶滑。 8/10爽口彈牙！仲有職員幫手落鍋，加晒分！蔬菜籃。 7/10蔬菜種類有5款左右，份量ok夠4人食。 椰子水/ 洛神花茶。 8/10椰子水清清地，麻辣湯必備。洛神花清甜👍🏻

定左台6-8點，7點9都唔夠，被人催執枱，唔夠八點，被人催左起碼10次。7:50又俾人催話八點啦，可以起身了。下次再都唔會來。last order7點松d就開始。