冒喜 (蕪湖街)

营业中

休息中

第一次叫，試下佢嘅銅板餐，四餸$43，唔少款式都要加$3-$5。最後點左肥牛（+$3），金錢肚（+$5），萵筍同埋福袋，配蕃茄湯底肥牛得3塊半(圖中已影曬）係有牛味唔會好多肥膏，但加左錢都係得3塊半就太少了金錢肚味道同份量正常福袋只有一個萵筍就有十數塊以上嘅料埋單都$51，完全唔值加左主食$5先叫勉強有飽肚感另外都試左推介嘅蒜茸辣醬，咸，有蒜味但無層次，試過就算味道一切都正常，蕃茄湯都香不過以此價錢食就一d都唔值同區有更多好嘅選擇。

叫了8餸，蕃茄湯，可惜，雞肉是腥味的。牛肉是焦了。面，叫了火煱面，由於分了碗，浸湯後仍覺得面身太干，似乎未煮過一樣，個人口味不太配合。其餘食材屬於正常味道，沒有太大驚喜。

今日開工都估到好多野做，一到食飯時間啦啦淋去買飯，預先已經上網搵定，呢間「冒喜」，地點在📍紅磡蕪湖街83號Y83地下，店內環境同門面都好有中國風，睇到餐牌選擇亦好豐富，本人唔太食辣，擇八寶套餐作為午餐，不過我就係拎返公司食，呢個餐夠抵食，另外任擇8款食材都只係$54，岩晒返工繁忙既人士，唔想食麵既話，仲可以轉做白飯，呢個餐又幾好食，牛丸又好彈牙，其他食材都好新鮮，完全食晒基本上係好飽，夠頂到晚餐！！🉐整體上店內環境乾淨，選擇多，價錢也好親民，特別適合繁忙的都市人購買，食物質素好鮮味，下次都會再嚟！！

好肚餓呀！上網睇吓附近有咩美食推薦，點知見到依家好多人比好評，一於就去試試。我order左銅錢套餐，😘💓拎返屋企食仲係香味十足，滿滿嘅香氣撲入鼻，即刻流晒口水。肉鮮甜多汁，爽口得很！又麻又辣非常鍾意❤️❤️！豬紅平時好少食但係呢間嘅豬紅好吸引，咬落全部都係湯汁嘅鮮味，唔會令人覺得好腥膻。💯💯老闆仲俾咗好特別嘅醬汁，有濃郁嘅蒜香味，我本身好鍾意食辣，米線有辣醬真係好加分。❣️成碗價錢合宜，好食又唔會心痛，唔怪之得生意咁好！🤤🔝🔝我依家一經過就會入去嗌嘢食，比完錢唔過5分鐘就可以拎走，鍾意食辣嘅朋友一定一定要來試試，包你滿意。❤️‍🔥❤️‍🔥

我有一位來自美國的朋友，佢一直想品嚐一些特色既麻辣菜同時又享受古色古香既裝修，所以今天特意相約冒菜！堂食（素食王套餐）🎀素食者的福音，配菜包括萵筍，娃娃菜，蓮藕片，金菇，鮮冬菇，白蘿蔔，酸辣湯。（萵筍口感脆嫩，含有豐富的營養成分，如維生素C、膳食纖維等；娃娃菜非常嫩，口感清爽，味道鮮美。蓮藕片口感韌勁十足，金菇和鮮冬菇則是富含蛋白質和多種營養成分，可以增加菜品的口感層次和營養價值。夏天食呢個素食套餐就最適合，健康又消暑。）朋友話第一次食呢個菜式，而且非常中意佢地既調味，值得推介！

呢間四川小食之前已經食過幾次，質素真係一啲都冇差過❤️呢間好似車仔麵檔咁可以自己自由組合，都有其他套餐❤️我最鍾意都係佢既銅錢套餐，四個餸都只係$39，份量又多，已經可以食到勁飽❤️依家真係好難再食到咁平既套餐今次我叫左魚腐、蟹柳、豆皮同埋鵪鶉蛋跟公仔麵❤️食材一如既往地品質唔錯，唔會煮得太腍，主要係個湯底真係好夠味❤️我叫既秘制香辣湯真係好好食，食得出有好多香料，辣得黎充滿層次，味道好特別❤️份量真係幾多，食完已經勁飽雖然呢間堂食既位置唔多，但係裝修真係好有feel，好有古代中式客棧既感覺，可見店家既用心❤️價錢又唔貴，真係好值得一試❤️

呢間車仔麵有樣好，有啲推介套餐，對選擇有困難嘅人係一大幫助， 今次我就揀咗呢一個※※※吉祥套餐※※※配料至少有六七樣： 🪵美國肥牛～非常之滑，一啲渣都冇，牛肉味出色🪵芝士腸～ 外層皮脆， 芝士味濃厚， 而且趁熱食，一咬落去就流曬出來。🪵冰豆腐～ 索曬啲汁，正！🪵海帶結～ 出面好少有得食，我最鍾意食呢一個，好有口感，而且好有心思。🪵 蓮藕片～ 唔錯！幾爽口！厚度適中！ 我叫咗呢一個***火鍋面 ***同埋佢特製嘅自製醬汁，蒜香味極重，辣辣地 非常之開胃，去埋公仔麵，真係冇得頂😃😄😃

作為係尼區打滾幾十年見尼間鋪頭開左一段時間就滿懷希望黎試下尼幾年疫情少左寫食評見到尼餐忍唔住要寫買左吉祥套餐6餸$46再加錢$5要牛黃喉重慶麻辣湯令上手已經覺得唔對路碗野咁輕打開就㷫㷫地$51蚊 唔要麵6個餸竟然半碗都無忍唔住即刻要影相跟住即刻撈下數餸係咪比少左比少左海帶結作為消費者見到咁樣忍唔住落去問佢哋攞返途中不斷打鋪頭電話係無人接聽大熱天時朋友問我落去令返值唔值我啖氣就唔多舒服點都要問下收銀靚女好好👍🏻認得我即刻幫我跟返但入面廚房部就懷疑咁款大佬！大熱天時唔會呃你個幾舊海帶結！！佢地最後有補比我但好戲係後頭我都係忍唔住，未食先撈哂所有餸出黎數下發現仲要再漏加錢$5既牛黃喉！！入面係豬肚一舊牛黃喉都無即係叫6餸就比4餸我？😡睇漏一餸今次當我唔好彩無下次係咪不屑做本地客生意？只係做留學生就夠？定係外賣就比少樣博唔會返轉頭攞返？無加麵，都仲要漏兩餸？🤦🏻‍♀️如果係無貨，點解唔通知我換？我一路企係門口等既味道不過不失都係一般麻辣燙味細盒個盒蒜茸點肉食係唔錯但總結性價比就唔算好值但收銀靚女姐姐服務就好好有幫我跟返有補返海帶結比我但失望，無下次當我唔好彩影響我印象真係好少食野要即刻落食評

🌠銅錢套餐🌠🩷發現到一間中式餐廳好好食，餐牌中選擇好豐富，有三款招牌菜，我就擇了銅錢套餐，裡面仲有得加餸，然後湯底都有好幾款，有辣有唔辣，完全可以自己掌握，而麵類都有好幾款，多樣化可配合到唔同需要，我就本身細食，配鴨血，豬大腸，五花腩片已經好夠飽，佢既湯做得好好，味道好鮮明，辣得夠好味，價錢方面認真抵食💗🌠冒喜秘製醬汁🌠❤️第一次幫襯佢有送埋秘製醬汁，份量比到足，呢度既醬汁都係佢地自家製，味道好搭配，睇到佢係用18種材料製成，真係落重料阿，辣辣地既味道同時又有蒜味椒味，夾埋一齊食真係超好食💗

雖然我係一個食辣嘅廢柴🙈 廢還廢，我唔會承認自己唔食得辣，甚至有時候會突然之間好想食啦，而冒菜♨️會係我其中一個選擇：麻辣鮮香、菜品豐富、營養均衡。同麻辣燙稍微唔同，「冒」呢個字係動詞，即係將切好嘅肉或菜放入滾燙嘅湯鍋之中，灼熟撈出嚟就食得🍽️紅磡呢一間「冒喜」喺一間特色廟宇裝修嘅餐廳，雖然店面不大，但感覺店家喺設計方面落咗唔少心機，無論牆壁，地板甚至係天花板吊落嚟嘅燈籠都好格調。冒菜嘅點餐方式點餐方式有啲似麻辣香鍋，任揀配菜及湯底，套餐分銅錢、吉祥、八寶，分別可揀4款、6款或8款配料，眼見配料選擇極多，滿足各種需求。如果心大心細唔知揀咩好，甚至懶得揀嘅話，亦有幾款懶人套餐選擇，例如肉食王套餐、素食王套餐、毛血旺套餐或者牛魔王套餐，已經幫你揀好曬配料，全部都會包一個主食 (土豆粉、米線、火鍋麵、番薯粉等) 、冒喜秘製醬汁及湯底。今次我就同朋友嗌咗兩個8款配料套餐，就算冇叫主食都飽都突🤩湯底方面，我哋分別叫咗雞湯🐓同地獄蕃茄湯，啱啱上檯就已經聞到嗰種獨有嘅香味，勾走我半個魂魄😋 而且眼見配料極多，鋪滿晒成個碗，隨便攪拌一下都已經好有食慾👀 然後雞個湯係好有層次嘅，唔單止有濃郁嘅雞味，配料嘅薑

呢度裝修好正，真正中國特色裝修，食川菜為主，好有特色！吉祥套餐（$46+$5）🧡芝土腸，美國肥牛，冰豆腐，海帶結，蓮藕片，蟹籽蟹粉丸，鮮茄濃湯，火鍋麵～總共6樣餸，豐富選擇，湯底樂濃，真係好重蕃茄味，仲有啲蕃茄肉添，勁鮮甜，腸仔又彈牙，肥牛又夠腍，冰豆腐好有口感好煙韌，海帶結好爽口，蓮藕片都係好爽脆，蟹粉丸真係有蟹味，爆漿感覺好正，真係好抵食！銅錢套餐（$39+$5）💚魚腐，蟹柳，豆皮，鵪鶉蛋，酸菜湯，白飯～呢個有4餸，同樣咁抵，魚腐好好食，口感好好，煙煙韌韌咁，蟹柳都好有咬口，豆皮亦好香好吸汁，鵪鶉蛋就好香蛋味，酸菜湯酸酸地，味道岩岩好，又唔會太咸，撈飯食真係絕配！呢度坐位唔多，如果下次爆場就外賣番去都得，見到啲人外賣都唔駛等好耐，方便呀！

今日上男朋友屋企既時候路過呢間四川嘢，就比佢既裝修吸引到😹勁古風勁有心機 menu類似車仔麵檔，可以自由組合😺於是就買左兩個餐上去佢度食❗️吉祥套餐（$46）可以自選6個餸，我就選擇跟飯同特濃清雞湯😼食材煮得啱啱好，唔會太腍😼我勁欣賞個飯，偏硬粒粒分明，雞湯泡飯超正❗️而且雞湯真係好濃郁❗️毛血王套餐（$56）有黑毛肚、鴨血、娃娃菜、午餐肉同萵苣🙀男朋友話佢個重慶麻辣湯好惹味，辣得黎好好食，同埋個湯底味道好正宗😻咬左佢一啖既黑毛肚同鴨血，毛肚好爽口，而鴨血好紮實唔會好易散❗️順帶一提係佢份量好足，性價比真係幾高😼比較可惜係堂食冇太多位，不過都因為咁好有特色，絕對之後會忍唔住再黎食❗️

未正式開業經過，見到門面裝修已經吸眼球啦，今日就試下，同時用openrice落單外賣自取，快靚正，標明二十分鐘左右可以拎，慢慢出門口，去到剛剛好🤣🤣🤣見到既時候勁大份都以為攪錯左，原來薯粉會自動幫我分左湯，餸就跟湯，另外有個特製醬跟，都幾好味!! 係個土豆絲，我個人口味唔岩食，果隻酸係酸叔味，又唔夠辣，下次再食就只係食麻辣湯粉/飯，餸既份量都可以，唔錯，食完唔口渴!! 會再幫襯!! 希望佢一直keep到水準～

✅今日放假，唔想煮飯，所以系屋企附近揾食，就比我發現左呢間餐廳，見到餐牌都好多選擇，所以就外賣試下。食物方面，餐廳亦非常有心思，全部食材都好新鮮，而且擺盤都好整齊。✅吉祥套餐✅入面非常足料，超級推介。我最中意就系：✅芝士腸✅蟹子蟹粉丸，內裡多汁彈牙。✅海帶結✅，✅蓮藕片✅仍然好鮮味，非常爽口。✅美國肥牛肉質鮮嫩、口感豐富，肉質柔軟，富含脂肪，口感非常豐富，是許多牛肉愛好者的首選。配合探底，肉質更加鮮美。再提下呢度既加分位，場內有供應各式高質小食💯，可以任君選擇，包你一定中意。

有一次無意搭車期間見到呢一間車仔面，今日特登提早落車過嚟試一試！淨係見佢外型，都已經覺得佢好有特色。唔知佢啲食物好唔好食呢？！堂食座位唔算多，我選擇買外賣回去慢慢食 😄 銅錢套餐只係 $$39$$，有4款配料任君選擇。。。 血紅👍食車仔麵，我必叫的一款餸。 分量一小口，唔錯！肥牛👍食個肥牛，質素便知有沒有🤭 佢絕對唔會因為價錢，降低質素， 唔錯！豆卜👍一啲都唔油膩，豆腐品質新鮮。豬大腸👍洗得非常之乾淨，沒有一啲古怪味道🤭