冒喜 (蕪湖街)

同朋友放學搵食，行過見到呢間餐廳，裝修好搶眼 ✨ 入到去空間超闊落，枱同枱之間隔得夠開，傾偈好自在！🍲 八寶套餐 ⭕️⭕️⭕️⭕️  可以自己揀足8款料真係好爽！我哋揀咗魚腐（滑溜有魚香）、芝士腸（爆汁好邪惡🧀）、鴨血（爽口唔腥）、豆皮（索湯汁一流）、金菇（爽脆）、雲耳（脆卜卜）、白蘿蔔（清甜解膩）同必加嘅番薯粉（煙韌Q彈）🍜 湯底試咗青二荊條湯（微辣），辣度溫和帶青椒清香，啱晒怕辣又想惹味嘅我！成碗份量十足，兩人share再加小食夠飽肚～🥔 涼拌酸辣土豆絲 ⭕️⭕️⭕️⭕️⭕️  開胃首選！🥢 土豆絲切得幼細均勻，咬落爽脆過癮，酸辣汁調得超平衡 🌶️ 醋酸醒胃唔嗆喉，辣油香口唔膩，仲撒咗啲芝麻同蔥花提香，食完即刻胃口大開！重點係$22一大碟，學生黨必點！🌶️ 毛血王套餐 ⭕️⭕️⭕️⭕️  朋友鍾意食辣就叫咗呢個固定組合～ 黃金酸菜湯底真係有驚喜！酸菜醃得夠味，湯頭微辣帶麻勁過癮 🤤 配料有爽脆毛肚、嫩滑鴨血、鹹香午餐肉、清甜萵筍同娃娃菜，仲有索晒麻辣湯汁嘅土豆粉！辣度固定但麻香好突出，食到鼻尖冒汗好爽 😋八寶套餐自由度高，湯底選擇多到眼花，最抵食係涼拌土豆絲，平靚正開胃菜首選 🥇 環境闊落舒服，自助落單超方便，啱晒budget有限但又想食餐好嘅學生黨！會encore試埋其他湯底～ 🤩…查看更多

終於同男友嚟到呢間收藏咗好耐嘅店！一入門口就覺得空間好開揚，枱同枱之間隔得超闊落，坐得舒服又唔怕隔離枱聽到你講秘密👂💬。牆上掛住大大個圓形燈飾同色彩鮮明嘅slogan，仲有啲懷舊海報點綴，打卡位滿滿📸！吉祥套餐 (🤩🤩🤩🤩)可以自選6款配料超自由！我揀咗鮮茄濃湯底🍅，酸甜開胃又濃郁，掛晒喺米線上好正～芝士腸爆汁💦、蟹柳絲絲分明，貢菜爽脆「嗦嗦聲」，土豆片煮得剛好唔會爛，豆皮吸湯力MAX，魔芋片彈牙似食緊蒟蒻凍，成碗豐富到呢～  牛魔王套餐 (🤩🤩🤩🤩🤩)男友食呢個固定set，重慶麻辣燙小辣🌶️，麻得嚟唔嗆喉，湯底仲有淡淡香料味！美國肥牛油脂香🐄、滑牛肉嫩到唔使咬，毛肚爽脆冇腥味，牛黃喉「喀喀」聲好過癮，手搥牛肉丸彈牙爆肉汁💥，米線嗦晒麻辣湯真係食到停唔到口～涼拌酸辣土豆絲 (🤩🤩🤩🤩)凍食嘅涼拌菜好醒胃！土豆絲切到幼細均勻🥢，酸辣汁撈勻每條絲，醋香同蒜味平衡，辣度微微哋，咬落爽脆到好似食緊「嗦嗦聲」ASMR👂，解膩一流！自家製洛神花山楂蘋果 (🤩🤩🤩)紫紅色超靚🌸，飲落酸甜有層次～洛神花味突出，山楂嘅微酸同蘋果嘅清甜慢慢滲出，冰涼解辣又唔會死甜，食麻辣燙配呢杯絕配！  自家製酸梅青檸烏龍茶 (🤩🤩🤩🤩)酸梅嘅鹹香超驚喜🤯！青檸嘅fresh同烏龍茶底好夾，酸梅粒咬到時鹹酸爆出，中和返茶嘅澀味，飲完成個口腔refresh晒🍋，仲可以咬到青檸肉粒添～成餐飯由環境到食物都冇得彈！坐得舒服又唔趕時間，湯底選擇多到花多眼亂🤯（部分罕見款仲要再嚟試！）。吉祥套餐自由度高，牛魔王麻辣湯底惹味到食到舔舔脷👅，兩款特飲真材實料解膩💦，涼拌土豆絲爽脆度滿分。埋單人均$150左右，以咁足料同環境嚟講性價比高，一定會encore㗎😍！…查看更多

魚腐鮮嫩，魚肉嘅鮮味同腐腸完美結合，令人一試成主顧。🐟蟹籽蟹粉丸呢款丸子外脆內嫩，蟹肉嘅鮮香味道喺口中散開，真係值得推薦。美國肥牛肉質滑嫩，搭配湯底嘅鮮美，每一口都充滿幸福感。🥩毛肚同貢菜毛肚彈性十足，貢菜清爽，兩者形成絕妙對比，口感層次多樣，令味道更加豐富。土豆片增添咗一絲脆感，土豆嘅味道讓整體搭配更加和諧。🧀🥔生椰番茄湯湯底帶有椰子香氣，甜而不膩，非常適合搭配各種食材，無辣嘅設計都好適合各種人。潮汕手摊牛肉丸肉質紮實，咬落去滿口鮮汁，獨特嘅口感令人難以忘懷。滑牛肉肉片薄且滑，完美嘅湯底吸附喺上面，令人愛不釋口。🥩貴州丁家脆哨酥脆嘅口感增加咗整道菜嘅層次感，配埋熱湯更加美味。毛肚、金菇同貢菜呢三者嘅搭配讓口感更加多樣，特別係金菇嘅香味，令人陶醉。貢菜非常爽口新鮮。😜😝😝😝😝！特色介紹！藤椒魚皮嘅香氣令人垂涎，獨特嘅麻辣感覺無與倫比，令人欲罷不能。搭配微辣嘅醬汁，充分展現各種風味嘅和諧，口感酥脆，配湯時可謂係絕佳嘅燒口小食。 …查看更多

香港好似唔係有好多冒菜餐廳，依間位於紅磡嘅冒菜距離紅館都算近，喺去看演唱會之前食個quick dinner係好好嘅選擇。舖頭面積唔算大，喺晚餐時間都幾full，但我去嗰日好彩唔洗等。上菜速度快，落完單冇耐就有野食，非常好食物方面我地嗌左一個八寶餐同埋一個牛魔王套餐，外加兩杯特飲同一個魚皮，食量大都食得好飽！八寶餐可以自選食材，我主要叫咗牛丸墨魚丸，鴨血，毛肚同埋一啲蔬菜類食物。最鍾意嘅就係墨魚丸，非常彈牙，又可以食到粒粒墨魚肉，口感豐富，而且有蒜香！！毛肚口感都爽脆，而且大大塊，食得好過癮😽😽牛魔王顧名思義係牛食材為主，牛肉嘅分量很是足夠，食肉獸比點！魚皮係好有驚喜，食落脆卜卜，調味香辣得來唔係死辣，食得好過癮！！湯底方面我地叫咗一個酸菜湯同埋一個香辣湯，個人比較喜歡酸菜湯，微微辣之餘有酸又又小小麻，同其他食材好夾，惹味得來又唔會好heavy👍🏻👍🏻👍🏻👍🏻…查看更多

冒喜聽朋友講咗好多次話好好味，其實冇乜機會去到試，今次選擇買外賣返屋企慢慢食。地點好方便去黃埔地鐵站出口5分鐘路程就到，首先叫咗兩個八寶套餐，第一個八寶套餐有手錘牛肉丸、墨魚丸、芝士腸、蟹柳、肥牛、豆卜、炸枝竹、金菇再配合埋鮮茄濃湯米線，齋聽個名已經非常豐富，果然手搥牛肉丸同埋墨魚丸係高質之選，第二碗八寶套餐同樣叫咗手搥牛丸、墨魚丸、肥牛、滑牛肉、豬大腸、豆卜、萵筍、貢菜，呢碗都同樣配合埋鮮茄濃湯，呢碗特別想講吓個滑牛肉，肉質鮮滑香濃，另外特別想讚吓個貢菜真係好好味，最值得讚嘅係鮮茄濃湯，濃而不咸，非常濃郁嘅鮮茄味。叫咗兩個招牌飲品洛神花山楂蘋果、酸梅青檸烏龍茶，呢兩款飲品都係好值得嘗試味道香濃好解渴。…查看更多

呢間麻辣燙餐廳已經食過四次……份量好足好大碗，酸辣同金湯都好好味，而且好夠熱！！ 冬天食一碗好爽！ 最重要係食完唔會口渴。洛神花茶亦都好好飲，唔會太甜，非常解渴同介辣！ …查看更多

🍜 湯底主食** 生椰蕃茄湯 刀削麵湯頭鮮甜不膩 濃雞湯米線濃味not too salty**🐟 海鮮三寶** ▫️ 魚腐 - 吸湯力超強，豆香十足 ▫️ 墨魚丸 - 彈牙爆汁，藏有粒粒墨魚肉 ▫️ 芝心腸 - 咬開芝士流心，小心燙口！ **🥩 肉類精選** ▫️ 滑牛肉 (+$3) - 薄切嫩滑，涮8秒即食 ▫️ 滑雞片 - 鮮味， ▫️ 鴨血 ($5) - 如豆腐般滑嫩 **🌿 田園時蔬** 油麥菜+白蘿蔔片+土豆片，平衡肉感 **🍹 特飲** 洛神山楂蘋果 ：酸甜解膩 酸梅烏龍：so tasty !! #手打丸 #抵食套餐 #港女…查看更多

之前經過幾次一直都想食！今次終於都有機會試試佢！食咗佢個酸辣湯，豆腐卜蘿蔔土豆粉！土豆粉真係唔係間間都有，煙韌韌超級彈牙，超級推介！好鍾意佢個湯底，我比較鍾意偏酸少少嘅！豆腐卜吸晒啲湯汁超級惹味！…查看更多

想食車仔麵，但係附近好似冇咩車仔麵舖頭就嚟去咗呢間中國風味車仔麵潮汕手搥牛肉丸牛味濃郁、蒜香墨魚丸爆汁彈牙、蟹籽蟹粉丸咬開爆漿，三款手打丸各具特色。滑牛肉薄切嫩滑、無骨雞片涮30秒即熟，搭配懷舊火腿腸，肉食組合滿足不同口味。必試滑嫩鴨血、日式竹輪卷和火鍋必備鵪鶉蛋，新鮮時蔬吸盡湯底精華。 **🍅【靈魂湯底】雙重驚喜** 「生椰番茄湯」椰香清甜與番茄酸甜碰撞，創新口味令人驚艷；經典「蕃茄濃湯」每日鮮熬，加入魚羊骨熬製，層次豐富，涮肉前先喝一碗最開胃。搭配吸湯神器土豆粉，完美吸附湯汁精華。 **🍹【特飲】解膩首選** 「洛神花山楂烏龍茶」以天然洛神花酸香為基底，加入山楂蘋果增添果香，冰鎮後清爽解辣。#潮汕手打丸 #番茄湯底專家…查看更多

🫶🏻吉祥套餐1養生白胡椒湯帶有溫和的辛辣感，胡椒的香氣濃郁，能夠暖胃並提升整體風味，魚腐口感軟嫩，帶有魚肉的鮮甜味，搭配白胡椒湯會讓魚腐更加入味，潮汕手追牛肉丸以彈牙著稱，帶有濃郁的牛肉香氣，咬下時有肉汁溢出，好正嘅味道，潮汕蒜香墨魚丸爽滑彈牙，帶有海鮮的鮮甜味，豬大腸口感Q彈，帶有獨特的油脂香氣，與白胡椒湯的辛辣相得益彰，牛黃喉口感脆爽，帶有牛肉香氣，毛肚口感脆嫩，帶有獨特的嚼勁，土豆粉口感滑嫩，能夠吸收湯汁的精華，增添飽足感。🫶🏻吉祥套餐2生椰番茄湯嘅椰子的清香和番茄的酸甜相結合，湯底會帶有濃郁的果香和微酸的口感，非常適合搭配各種食材，蟹籽蟹粉丸鮮味濃郁，丸子口感彈牙，咬開口會有蟹黄的香氣在口中爆發，竹輪卷口感軟嫩，帶有魚鲜味，滑牛肉肉質鮮嫩，入口即化，好搭配椰香和番茄的湯底，味道更加豐富，五花腩片肥瘦相間，涮煮後油脂融化，肉質軟嫩，帶有濃郁的肉香，胡椒豬肚有辛辣感，不是太辣，口感爽滑，白蘿蔔片清甜，口感軟糯，食落有甜香味，番薯粉滑嫩有彈性，能够很好地吸收湯底的味道，增添豐富味道。🫶🏻秘製藤椒魚皮藤椒的獨特香氣帶來強烈的麻感，不像花椒那樣辛辣，藤椒的辣度較輕，辣味溫和且能提升食慾，魚皮脆爽與藤椒的麻香完美結合，層次豐富，令人開胃嘅涼拌小食。🫶🏻洛神花山楂蘋果洛神花帶有淡淡的花香，山楂酸甜适中，仲有獨特的果香味，蘋果帶有清新的果香味，能中和洛神花和山楂的酸味，使整体味道平衡，更加好飲。🫶🏻酸梅青檸烏龍茶酸梅帶來明顯的酸感，帶有微鹹和果香，為茶飲增添了清爽的開胃感，青檸的酸味提升清爽度，烏龍茶平衡了酸梅和青檸的酸味，帶來醇厚的口感。…查看更多

紅磡超受歡迎冒菜由佢地以前外賣店食到宜家有埋堂食雖然成日食佢地外賣但堂食又真係無試過今次終須初嚐堂食嘅冒喜吉祥套餐魚腐 l 竹輪卷 l 蟹柳 l 鵪鶉蛋 l 豆腐串 l 芋絲吉祥套餐可以自選6款餸推薦佢地嘅魚腐 外層好蓬鬆而且吸湯力強豆腐串同樣好吸力又充滿豆香配上升級版秘製香辣湯 香辣惹味辣味充滿層次但又唔會太嗆 吉祥套餐潮汕手搥牛肉丸 l 墨魚丸 l 滑牛肉 l 豆皮 l 䈑筍 l 貢菜同樣係6款自選項目 揀左好多佢地嘅招牌餸手搥牛肉丸好爽彈而且充滿肉汁墨魚丸內帶有炸蒜 味道鮮甜又帶淡淡蒜香貢菜平時好少食到 入口好爽脆配上黃金酸菜湯 味道帶麻而且酸酸鹹鹹好開胃惹味配上Q韌豆士粉好滿足秘製沾醬另加秘製沾醬充滿蒜香令味道更惹味酸梅青檸鳥龍茶食左咁多又麻又辣嘅冒菜仲好就係飯返杯酸甜解辣嘅酸梅茶自家製桂花蜜鳥梅冰粉除左酸梅青檸鳥龍茶外最後仲有甜品桂花蜜鳥梅冰粉冰粉好滑溜但又好彈牙食完又解辣又解麻…查看更多

行過紅磡冒喜見到係一間冒菜餐廳，從來未試過冒菜，所以一試。原來冒菜是一種來自中國四川省的傳統美食。它的名字源於「冒」這個字，意思是「煮」或「燙」。冒菜的製作方法類似於火鍋，但更簡單。通常，食客可以選擇自己喜歡的各種食材，如肉類、蔬菜、豆製品等，然後將這些食材放入一個大鍋中，用特製的湯底煮熟。首先，涼拌酸辣土豆絲作為開胃菜，酸辣適中，土豆絲脆爽可口，讓人食欲大開。另外我地各叫左一個吉祥套餐 (好似車仔麵咁自選湯底、配菜同麵)第一個是黃金酸菜湯（帶麻）搭配潮汕牛丸、胡椒豬肚、牛黃喉、黑毛肚、鴨血和貢菜蕃薯粉，湯底濃郁，食材新鮮，麻味恰到好處。(個人覺得帶辣)另一個吉祥套餐中的生椰蕃茄湯也非常特別，貴州丁家脆哨、魚腐、墨魚丸、滑牛肉、黑毛肚、冰豆腐和蕃薯粉的搭配讓湯底更加豐富，口感層次分明。沾醬口味獨特，為食材增添不同的風味。最後，飲品方面，洛神花山楂蘋果茶和酸梅青檸茶都非常清爽。…查看更多

-冒喜-📍紅磡.鍾意食冒菜，因為有好多唔同嘅選擇，哩間冒喜仲有10款特色嘅湯底選擇。就連佢哋嘅特製辣醬都非常有心思，多種配料拌在一起，味道非常豐富。.吉祥套餐 ($56)湯底選擇咗生椰蕃茄湯，濃厚的蕃茄味帶有椰子的清甜，估唔到2隻味咁夾，非常喜歡哩個湯底。.可以自選6款配料，我點左牛黄喉、滑牛肉、潮汕手搥牛肉丸、冰豆腐、貢菜、萵荀。.估唔到冒菜都有特別的牛部位，牛黄喉好爽口。另外必點的係潮汕手搥牛肉丸，咬落好香濃牛肉鮮味，滿滿肉汁，非常好食。.自家製桂花蜜烏梅冰粉好獨特嘅烏梅冰粉配上貓咪肉球造型的果凍，酸酸甜甜非常開胃，加埋清香的桂花蜜，好適合配上偏濃味嘅冒菜。.山楂蘋果洛神花酸酸甜甜非常開胃清爽嘅飲品。.…查看更多

最近天氣轉凍，比較想食一啲熱喇喇嘅湯麵，呢間食冒菜幾吸引。係可以自己揀餸嘅湯麵，我揀咗吉祥套餐（揀六款食材）我揀咗魚腐、潮汕手錘牛肉丸、墨魚丸、滑牛肉、貴州丁家脆哨、貢菜，我加咗秘製醬汁第一次食，我唔食得太辣，所以揀咗生椰蕃茄湯，面底配土豆粉，好少地方有土豆粉食。真係熱喇喇煮好，個錫紙兜都好保暖，湯底有椰汁嘅奶香，飲落去質感好柔滑，加上蕃茄湯帶啲酸甜幾開胃。牛丸同埋墨魚丸好彈牙，入面仲好juicy ，魚腐好大粒，入面都係好嫩滑嘅魚膠，好好食! 滑牛肉真係夠滑，一啲都唔韌，而且冇筋貢菜夠爽口，脆哨就好似炸豬油渣咁，一粒粒倒落去啲湯度食，一路吸哂湯汁清華，一半脆一半軟食，口感好豐富。好鐘意個土豆粉好滑，好煙靭，但係唔會好似薯粉咁樣咁難咬斷，好味！ 而且會好滯！而我朋友叫左秘製香辣，聞到都好香，超級惹味。另外值得一提嘅就係秘製醬汁！佢又好香嘅蒜味，啲餸點返呢個醬汁好似食緊打邊爐咁惹味，而且唔係辣㗎，好啱我食！嗌咗個小食～秘製藤椒魚皮，係麻辣，好入味，正！而且啲魚皮好爽脆！都幾大兜吓山楂蘋果洛神花酸梅青檸烏龍茶酸酸甜甜好清新～解返碗麵嘅濃味/油膩感，茶味夠濃。整體黎講，無論係餸、麵、湯都好特別，係會回頭再食既餐廳。…查看更多

今日阿媽同朋友飯聚，於是我帶埋細妹去樓下既冒喜，平時多次經過見到幾有人氣已經想試我地要左兩個吉祥套餐($56)可以揀六個餸，有五款主食可以揀一，飯粉面米線都得，湯底可以揀辣/唔辣，加加埋埋都有成十款架我要左最愛既生椰番茄湯底(+$5)酸酸甜甜，仲有濃濃既椰子香味，湯底十分出色，任揀既餸菜要左鴨血，金茹，娃娃菜等細妹要左黃金酸辣湯，酸爽清新，特別開胃，但食落都幾麻飲品係店舖自家製所以唔可以較調甜度，我地試咗洛神花山楂蘋果同酸梅青檸烏龍茶兩款，酸甜清新，超解膩本身仲想試埋特色甜品冰粉，可惜店員話已經賣曬😭唯有下次…查看更多