全記海鮮菜館

营业中

休息中

今日同朋友行完山, 於是就決定食返餐好既! 男朋友就揀呢度, 佢話呢間好食喎!唔知係唔係果頭競爭大呢? 一行海旁就好多人湧埋黎介紹你去佢地間舖食, 仲要間間免加一同茶介添!而且仲有套餐食好抵丫!!我地點左一個4 人餐(可以揀5 款海鮮) + 1 個炒菜!我地要左1 個芝士焗龍伊麵底(好大碟並冇將貨就貨咁比d 龍我地, 好味丫!)+ 1 條倉魚(唔錯) + 1 碟賴尿(3隻大, 又係好味!) + 招鹽鮮魷(好大碟, 又好食!) + 1 碟螺(好大碟, 佢地話好鮮甜, 因為我唔食!)我地為怕唔夠飽仲加左1 個揚洲炒飯(好味!( 同京都骨( 正丫! 味道好!), 埋單都係hkd 828! 一讚d 伙記, 因為落雨, 我地揀坐室外, 有少少雨pe 左入黎, 佢地好貼心咁加d 擋雨既蓬架, 抵讚!!

尋晚同honey o黎o左食海鮮，食完決定以後都係去南丫島食喇~ 叫o左個二人餐，個部長言之鑿鑿話海鮮會由個魚缸撈出o黎，結果…蒸魚- 算新鮮不過係街市二十蚊貨色薑蔥蟹- 都算新鮮o既養蟹一大一細共兩隻灼跳螺- 凍冰冰…好明顯一早整定炒白菜仔- 太多油***上湯龍蝦伊麵- 最差，用雪蝦幾舊同新鮮蝦溝埋！過份！個汁又差、麵太爛！***總括o黎講好差唔好食~ o甘o既價錢南丫島真係貨真價實新鮮得多！！

突然有興緻食海鮮, 昨天雖然只有10度, 但我們都專程搭車黎食~~我order要食聖子, 而朋友想食龍蝦, 於是坐低之後, 朋友就去左簡海鮮.要左1) 上湯龍蝦: 要左隻唔夠2斤既海南島龍蝦, 伊麵底, 龍蝦肉好爽, 好味~~伊麵好多, 不過食得多覺得有d鹹同有d滯(2) 蒜蓉粉絲蒸帶子: 大大隻, 好味~!(3) 豉椒炒聖子: 呢個就普通d, 唔夠爽口(4) 蒜蓉炒菜心: 都幾大碟, 不過食得多覺得幾鹹….整體黎講, 好食, 不過偏鹹同偏油, 食完返屋企個胃都有d頂住服務唔錯, 成日換碟&加茶, 又有紅豆沙送, good!

十月十九日和以前一起實習的舊同事聚舊，來西貢食海鮮．西貢的海鮮酒家林立，我們隨意找一家來了這裡，才想起這店的老闆早前被人搶劫打傷．雖然今天是星期四不是假日，但也坐滿了人，要上二樓才有位．這店門面不大，沒想到會有兩層高．我們叫了四人餐加蟶子．鮑魚仔，蒸黃立倉，豉椒炒蜆的味道都是一般．芝士焗龍蝦配伊麵底，每人只有半邊龍蝦仔，芝士龍蝦很入味，伊麵份量很多．椒鹽賴尿蝦將大賴尿蝦切件，炒得頗香口．豉汁蒸巨型蟶子是全晚最好吃的海鮮，蟶子大大隻，鮮甜爽口．侍應的服務也不錯，教我們點特價菜，換碟也換得很密．不經不覺已有差不多一年沒見面，未拍拖的已經拍拖，已拍拖的快將結婚．喜事一浪接一浪.今晚真的吃得很高興．

10 月14 日晚上...同屋企人去o左全記食海鮮。6 點左右去到，已經有唔少人...埋o左位，起個餐牌就叫o左個8 人套餐個套餐包7 個海鮮+ 菜+ 沙薑雞腳另外叫o左2 支啤酒、2 個白飯上菜...1. 蒸魚...2 條黃...普普通通...同平時屋企自己蒸魚冇咩分別...2. 跳螺...基本上只係整熟佢，俾碟辣油你點o黎食，不過我個人幾鍾意食貝殼類，所以都幾buy 呢味3. 豉椒炒蜆...豉椒汁多o左，食唔到蜆味...笨o左，建議叫鹽水浸4. 蒜茸粉絲帶子...可以話o既係...蒜茸粉絲好食過粒帶子...蒜茸味落唔到去粒帶子，隻帶子仲要幾細粒下...5. 上湯龍蝦(伊麵底)...呢味係全晚焦點所在，真係幾正~~(另外仲有瀨尿蝦同埋蟹我冇食)星期六晚去一間咁出名o既食肆係預o左多人同埋嘈...但係...我唔太接受到咁嘈...真係可以嘈到聽唔到同檯對面果個人講咩...要好大聲先聽到少少...(我地屋企7 個人，可以想像張檯唔係咩大檯...)仲有o既係...上菜實在好快...快到張檯擺唔哂...上哂菜之後，有個侍應問我地D 菜齊未，咁我地話齊啦我地D 菜齊o者，未食完o架嘛...佢就快

時間：2006.8.12 (六) 晚人物：我、A、郭生、Vincent、Raymond、Jacky、Vicky食物：白灼蝦- 吃得出，很新鮮。蒜茸蒸扇貝- 由撈起至上碟等了足足超過1小時，仍不覺得有「異樣」，可見的確很新鮮。但蒜茸不夠香。芝士焗龍蝦- 一般，芝士汁不夠香味。豉椒炒巨型蟶子- 推介，不論蟶子或汁料。(沒有點白飯，否則必為絕配。)辣酒煮花螺- 從前在沙田的大排檔吃過大隻的螺，今次卻是迷你的螺仔。辣酒汁很棒，酒味奇香。我們更把西蘭花蘸在其中，成為「辣酒西蘭花」!蒸星班- 肥美新鮮的魚，蒸煮的時間恰到好處。蒸鮑魚仔- 新鮮，味道不差，但此菜只屬一般。只點了每人一隻，吃得不過癮。蒜茸炒西蘭花- 見上文「辣酒煮花螺」......服務：等得太久了，訂位是白費的。也許\這家店太有名吧，食客擠得水泄不通，就連訂了位也要等45分鐘。看見本站有些朋友不滿職員的服務態度，我卻認為職員的表現是可以理解的--實在太多人，有壓力......總評：坦白說，此店之海鮮味道不差，且非常新鮮，但由於名氣太大，大多人光顧，小弟還是喜歡屯門三聖村的海鮮檔，平、靚、正，更不會人山人海，吃得舒適。建議此店早日將登記

星期六同屋企人去食, 見個環境氣氛唔錯, 不過等位已經用左成個鐘... 諗住快d有得食, 所以6人叫左個4人套餐$6xx(有5款海鮮), 另外再揀左d聖子、斑馬瀨尿蝦、扇貝叫廚房整... 點知換黎一肚氣!!落單到有得食又等左成個鐘, 催左好多次先黎左碟白灼蝦, d蝦又細、肉質又唔新鮮! 之後仲有個自稱老闆娘的女人就埋黎, 話我地揀的套餐有3樣(龍蝦、蟹、鮑魚)已經賣晒! 叫我地出去揀過d散叫海鮮... 又話「早幾日打風, 所以冇返貨! 唔通俾d貴價海鮮你做餐咩!」(咁你又出套餐俾人揀!仲要係我地催左N次先咁講, d態度又差) 咁我地都食左碟蝦啦! 有d明屈的感覺囉! 既然明知冇貨就唔好出套餐俾人揀啦! 見我地嘈&唔滿意, 仲話「唔食都唔緊要啦, 計返你地碟蝦錢就走得!」問佢點計法, 又話照份量計, 都食左落肚啦, 你話幾多都得啦! 又話「你地可以卑鄙d, 唔俾錢走架!」嘩~ 咁講野, 都稱得上是老闆娘嗎? 簡直係趕客! 冇錯, 你地係多客黎食, 但做生意唔係一次架嘛! 簡直完全唔掂!! 你都咁對d客, 叫d伙計點睇你頭做野呀?!!!真係費時同d咁o既所謂老闆講野, 如果繼續食落去都唔妨

呢間野大概半年前幫襯過,時有午市有賣點心.那次兩口子叫點心,叫了一點海鮮,再加個炒面同炒菜,覺得都食得幾開心. 前日下午諗住重來翻炒,一坐低問夥記, 佢話已經無再賣點心,只得海鮮小菜.由於當時我地兩個都吾係好肚餓,故只點了少量貝類海鮮,加碟炒菜,也沒有叫炒飯面了,因為記得上次碟炒面勁大.同一個中坑夥記落單時佢已經比黑面我地睇, 無理, 照落.過一陣,隔離黎左兩大所謂闊客,類似搞公司活動兼上黎食海鮮隻.我地張仔係正其中一隔離.夥記一見呢兩大客, 就已經吾再理其他客,係咁好忙咁serve佢地.其中一個靚仔夥記,不下一次叫我另一半借過(意思即係吾好左住佢埋去serve大客).真係火都黎,張係佢地安排比我地,貼牆,我地已座得好逼,仲點借過比佢!吾想下下發火, 忍佢. 我地order野,等成個鍾成有得食.碟炒菜仲要成個半鍾,到我地話想cancel時先有,真係好離普.食物水準只係普通,佢地懶巴弊隻北海道元貝,舊肉黐實個殼,佢地又吾提供刀,食落又無咩鮮味. 埋單前我去佢地個toilet,係樓上一層,所入面固然衛生欠佳,所門口仲有一大埋客人用過毛巾,有跌左落地下,去所人個個都踩過,真係見到就倒胃口!全

星期一又係公司部門食飯，地點係一個令我傷腦筋的問題。幾經考慮，最後，廿多人齊齊食海鮮。估唔到星期一都坐無虛設，好彩預先book兩圍。唔駛錢，同事落力揀海鮮。是晚選了海鮮如下: 1) 白焯鮮蝦2) 豉椒炒大蟶子3) 椒鹽賴尿蝦4) 蒜蓉粉絲蒸扇貝5) 清蒸魚(連負責揀魚果位同事都唔知呢條係咩魚，不過都要over $1200，好貴，但老闆指明要食魚，當然無問題啦!)6) 辣酒煮花螺7) 芝士焗龍蝦伊麵8) 酥炸大鮮蠔9) 薑汁炒芥蘭10) 椒絲腐乳通菜總括而言，食物水準不錯。不過，出菜極慢，差不多45分鐘才上第一道菜，其他還要多15分鐘，才陸續上。攪到大家悶悶不樂，幸好飯後各同事不斷飲酒作樂才令氣氛高昇。我地兩的聲浪都幾嚇人，幸好其他食客無投訴呢!飲飽食醉後，埋單八仟幾。但竟然埋單都要等10分鍾，攪到老闆有少少唔高興添!

一行六人又黎呢度慶祝父親節, 最愛呢度既墨魚二味, 刺身鮮味, 切得薄身, 爪用黎椒鹽, 因墨魚比較大, 炸起來反而唔夠乾身同爽口, 但都好好味.豉椒炒大聖子, 肉厚鮮甜, 正椒鹽賴尿蝦- 肉爽, 唔太咸同油, 好味避風塘炒蟹少辣- 肉嫩鮮甜, 花蟹幾多膏蒜蓉粉絲蒸扇貝- 扇貝大而鮮甜清蒸青衣- 魚肉嫩, 但魚味唔濃, 火喉唁啱啱好炒芥蘭- 唔老但偏油附送既糖冬瓜雪耳薏米糖水唔太甜, ok lar埋單大約二千二百元, 多謝細佬

星期五黑雨紅雨黃雨都有，星期六，中小兩，西貢吃海鮮的人與平時的星期六比較，稀疏得多。又試多一次去全記吃海鮮，今次在外購買加工材料有蟹、花螺、油蝦為加工材料，在全記店舖購買了兩隻象拔蚌，共六十三兩，買龍蝦一隻，重三斤許。象拔蚌用作刺身，但我慣吃熟食，故加上湯用來白灼，象拔蚌很靚，上湯太弱，無味，好在象拔蚌夠甜，好味。辣酒煮花螺，點甜醬，與辣味平衡，不錯。上湯焗龍蝦過火，失水準。黃金（鹹蛋黃）蝦炸得很好，如果加多些鹹蛋黃則更好。花雕蒸蟹，不過不失。加多一碟油菜。不過，經驗所說，在其舖購買的海鮮，份量較大，在外買來海鮮加工要小心，如前經驗，若非更換，便是廚房偷吃了部份，所以，到此吃海鮮，建議到該店買海鮮，保障較高。一行六人，購買連加工錢，二千七百元，吃到很飽也吃不完，要打包外賣，相信可供八至九人吃。

五月廿七日到西貢全記吃海鮮. 到碼頭艇仔買了三隻象拔蚌, 兩隻大花蟹, 一隻有兩斤幾重, 大蝦三十隻, 第一碟抄出來的象拔蚌, 味道普通, 但少了很多肉。而蒸大花蟹, 要九十分鐘才送到桌上, 兩斤幾一隻蟹, 變成似一斤多少許的中蟹, 兩隻蟹都是這樣, 雖然蒸得幾好,但我們的大蟹變中蟹。而大蝦數目整全,可能新鮮關係, 雖然白灼, 亦幾有咬頭, 又不硬, 有口感, 彈牙。 買料一千四百元, 加工費四百餘元(包括抄飯, 全記的抄飯不錯)。 平均每一個月去全記一次, 弄海鮮弄得不錯, 從未發生過例玩海鮮情況, 不知何以今次會發生這樣的事情。 所以日後考慮, 可能蟹要一隻蒸起, 不要斬件、象蛂蚌要迷你的,用金銀蒜蒸, 則可以像蝦一般, 不會被偷。 我們六個人吃, 每人消費約三百元。

朋友生日, 諗住請她食餐好的, 便到此處吃頓豐的晚飯。星期五晚人特別多, 由於天氣好, 露天檯巳八成满座, 雖然不太熱, 但我都是走到頂層坐, 有冷氣, 穩陣d。三個人, 點了五款海鮮, 一個炒菜。飲料方面, 點了凍檸荼, 青檸梳打, 可樂。前兩者$20 一杯, 並不便宜。1. 蒜蓉粉絲扇貝, 7 分- 蒜蓉很香, 扇貝肉質鮮味, 粉絲加點豉油吃, 很美味。2. 薑蔥炒膏蟹, 8 分- 蟹很大隻, 鮮甜, 肉很多, 蟹膏亦頗多。可惜送上來時不夠熱, 膏很硬, 味道差了點. 食不出鮮味。3. 豉椒炒聖子, 9 分- 好大隻, 肉質爽脆。豉椒汁做得很香, 夠味得來不會太濃及鹹, 好食。4. 椒鹽賴尿蝦, 9 分- 好好食, 椒鹽味道做得剛好。而蝦肉很鮮甜, 蝦身咬下去啖啖肉, 吃得很滿足。5. 辣酒煮花螺, 7 分- 用爐上, 螺肉尚算鮮味, 汁頗辣, 但煮得不夠時間, 水準一般。6. 椒絲蝦醬炒通菜, 6 分- 可能是大量制作, 零亂的一大堆放於碟上, 汁很多, 有點鹹, 菜炒得過了時, 很腍。7. 甜品是糖冬瓜雪耳薏米糖水, 不合格。糖冬瓜是薄片那種, 糖水淡淡的, 又不夠熱, 吃了幾

五個人, 只食半飽, 只收$1,200, 係咪好低呢! 味道一般, 無驚喜! 無人招呼, 起菜慢, 餓死人咩!

外父生日想食海鮮，心想西貢多間出名的海鮮菜館都已嚐過，唯獨是宣傳最多，標榜海鮮來貨地與眾不同的全記從沒有試過，所以一早訂希望能給外父品嚐美好的一餐。最後，此餐竟然是我在西貢食海鮮經歷中最垃圾的一次。約於7時駕車到達，確認食晚飯是包代客泊車費用，故將車交予有關職員代泊，獲招待上閣樓就座，態度甚為殷勤，還協助家人提挽嬰兒車。於揀選海鮮時，老闆前老闆後，還提議那樣好，那樣不好（例如說砵酒焗生蠔煮法不好吃，不斷叫我轉酥炸或薑蔥才新鮮好吃，我想不是不好吃，是貴寶號煮得不好吃才真，所以即時放棄不吃），到揀選完畢至落單服務都不見異樣，不知是不是見我們已經落"搭"，服務就開始變樣，我們災難的一餐亦同時展開序幕：1.油鹽水煮沙白，沙白好像縮了水(連殼連肉，偷龍轉鳳?)，多沙，味道一般，沒有鮮甜味。2.椒絲腐乳唐生菜，一個字－－－鹹！3.蒜蓉蒸元貝，粉絲碎濕濕，蔥碎太多，元貝則尚算新鮮。4.椒鹽瀨尿蝦，經其功力非凡大廚處理後，瀨尿蝦尢如慘遭輻射毒害一樣，已變為乾柴烈火，兼且滿怖如珍珍辣薯片的味精，食完一定要飲番幾公升水。5.清蒸南非大鮑魚，死實實，無鮮味。6.皇帝星班，有魚味，但略嫌蒸過火。7.椒鹽鮮魷