影片
更多
2006-10-18
18 浏览
10 月14 日晚上...同屋企人去o左全記食海鮮。6 點左右去到，已經有唔少人...埋o左位，起個餐牌就叫o左個8 人套餐個套餐包7 個海鮮+ 菜+ 沙薑雞腳另外叫o左2 支啤酒、2 個白飯上菜...1. 蒸魚...2 條黃...普普通通...同平時屋企自己蒸魚冇咩分別...2. 跳螺...基本上只係整熟佢，俾碟辣油你點o黎食，不過我個人幾鍾意食貝殼類，所以都幾buy 呢味3. 豉椒炒蜆...豉椒汁多o左，食唔到蜆味...笨o左，建議叫鹽水浸4. 蒜茸粉絲帶子...可以話o既係...蒜茸粉絲好食過粒帶子...蒜茸味落唔到去粒帶子，隻帶子仲要幾細粒下...5. 上湯龍蝦(伊麵底)...呢味係全晚焦點所在，真係幾正~~(另外仲有瀨尿蝦同埋蟹我冇食)星期六晚去一間咁出名o既食肆係預o左多人同埋嘈...但係...我唔太接受到咁嘈...真係可以嘈到聽唔到同檯對面果個人講咩...要好大聲先聽到少少...(我地屋企7 個人，可以想像張檯唔係咩大檯...)仲有o既係...上菜實在好快...快到張檯擺唔哂...上哂菜之後，有個侍應問我地D 菜齊未，咁我地話齊啦我地D 菜齊o者，未食完o架嘛...佢就快
6 點左右去到，已經有唔少人...
埋o左位，起個餐牌就叫o左個8 人套餐
個套餐包7 個海鮮+ 菜+ 沙薑雞腳
另外叫o左2 支啤酒、2 個白飯
上菜...
1. 蒸魚...2 條黃...普普通通...同平時屋企自己蒸魚冇咩分別...
2. 跳螺...基本上只係整熟佢，俾碟辣油你點o黎食，不過我個人幾鍾意食貝殼類，所以都幾buy 呢味
3. 豉椒炒蜆...豉椒汁多o左，食唔到蜆味...笨o左，建議叫鹽水浸
4. 蒜茸粉絲帶子...可以話o既係...蒜茸粉絲好食過粒帶子...蒜茸味落唔到去粒帶子，隻帶子仲要幾細粒下...
5. 上湯龍蝦(伊麵底)...呢味係全晚焦點所在，真係幾正~~
(另外仲有瀨尿蝦同埋蟹我冇食)
星期六晚去一間咁出名o既食肆係預o左多人同埋嘈...
但係...我唔太接受到咁嘈...真係可以嘈到聽唔到同檯對面果個人講咩...要好大聲先聽到少少...(我地屋企7 個人，可以想像張檯唔係咩大檯...)
仲有o既係...
上菜實在好快...快到張檯擺唔哂...
上哂菜之後，有個侍應問我地D 菜齊未，咁我地話齊啦
我地D 菜齊o者，未食完o架嘛...
佢就快快手手上糖水俾我地，仲要之後有幾個人企o係我地張檯後面好似等我地走咁...
就好似俾個messenge 你："我地快快手手上哂菜，你地好快快手手食完佢，之後讓番張檯俾我地做多輪生意"
我地專程搭o左(總共)百幾二百蚊車入去食...諗住可以"稍為"享受下...點知仲衰過平時去酒樓食飯
埋單...1470，免加一免茶芥係我意料之外o既事
之後計計...個套餐1390
即係話2 個白飯+ 2 支啤酒= 80
抵唔抵就...見仁見智了...
俾我...每人除開210，我寧願俾多幾十去酒店食自助餐
起碼有個安靜同埋可以慢慢食o既環境先...
张贴