全記海鮮菜館

营业中

休息中

早兩星期bf成日話要食龍蝦, 上次試過南丫島,今次就黎西貢試下呢度d 海鮮! 兩個人叫左1 x 一斤十兩龍蝦一隻, 芝士焗及伊麵底, 照秤好似三百幾蚊. 四隻扇貝(15蚊/pc), 蒜茸粉絲蒸. 另加一個鮮菇時菜. 講起隻龍蝦真係幾大隻, 兩個人食好似有d誇, 大隻自然多肉啦, 真係好似食極都食唔完咁! 但個芝士汁就唔夠南島o個個正! 扇貝我就覺得麻麻, 唔夠鮮味亦唔夠入味, 不過15蚊大大隻, 算吧啦! 個菜就普普通通咁啦~兩條友可以清晒呢幾碟野咪話唔勁, 芝士加伊麵喎! 埋單五百多塊, 有咁大隻龍蝦都算ok啦!ps//佢地每個海鮮加返30-40蚊既加工費!!

叫四人套餐六百幾蚊: 賴尿蝦又細又冇肉、鹽墨魚好味但唔脆、扇貝一般、花螺ok，只得芝士龍蝦伊面底有d水準。以呢個價錢食呢個水準，唔值。去西貢食海鮮，唔可以叫餐，一定要落手落腳選新鮮的。可以的話，長洲、流浮山比西貢好得多。

食過兩次。第一次係上年12月度，叫左個$348二人餐。價錢都叫做平，因為唔駛再加茶介果d。四送一菜一甜品。1. 芝士龍蝦伊面底- d汁好好食，但龍蝦唔係好多，d面都好少。但味道唔錯。2. 炒蜆- 少辛，味道好好。3. 炒蟹- 一般。4. 蒸魚- 條魚唔係貴價...只係白倉，但都蒸得幾滑。第二次係1月中，今次無食套餐。都係叫左4個送，今次足足貴左百幾蚊啦。1. 又係叫左芝士龍蝦伊面底- 明顯大碟好多，味道同上次差唔多。2. 粉絲扇貝- 唔係太好，唔夠入味。3. 炒蜆- 得個辣字...唔夠惹味。4. 椒鹽墨魚- 幾脆幾好食。d海解唔貴，但加工費太貴啦...好似蒸貝咁都要成$40，龍蝦加工就$60-70，單計加工費都差唔多$200，如果加工費平d就好啦~

(4/11/05)咁出名,門口仲好多海鮮,整到好有氣勢。一班人來,食整餐海鮮。葛菜羅漢果響螺湯,感覺無味精,亦無以上材料的味道,但響螺無晒味咕噃,所以都唔知飲左咩落肚咁。白焯蝦、上湯龍蝦e麵.個上湯味唔錯,e麵無林得滯、青蒸冧蚌魚,蒸得剛剛好、蒜蓉粉絲扇貝,好厚肉,ok、豉椒炒魷,好味喎、椒鹽賴尿蝦,勁冶味、薑蔥炒蟹,蟹好大隻,而且薑味十足、上湯菜心,清清地,很鮮甜、辣酒煮花螺,一鍋紅紅的,辣之餘再點甜醬,都幾好嘅、瑤柱蛋白炒飯,簡直very good呀,炒得好乾爽,瑤柱味好出。果盆是火龍果,楊桃及西瓜。甜品,紅豆沙,真係不知所謂!應該叫紅豆水就真!無味水還無味水,紅豆還紅豆o羅。其實哩度好一般,又貴,聽同事講,仲成日計錯數,南丫島好食好多。

We have tried this restaurant three times. Every time it can keep its standard. Nice Australian Loster (through it is expensive, $14 per tael) - worth to eat. Yet the steam crab with egg white and Chinese wine is overcooked. The crab was too large (over 3 catty), recommended by the salewoman when choosing the seafood, $500 dollars for this dishes, not worth. In genenal, only this dish was not good. Other dishes could meet the expectation. Will come again.

琴日去清水灣燒野食, 夜晚就黎左西貢食海鮮. 跟住朋友行行下就黎左呢間. 我都唔知佢地係咪食開.我地四個人, 叫左四個海鮮, 另加一個菜.東風螺- 白灼, 其實冇乜特別, 只要新鮮就好食.芝士焗龍蝦- 個芝士汁好好食.白灼墨魚- 呢個我最鐘意, 墨魚用水灼過之後點washabi食, 好鮮甜. 可以選擇自己灼, 不過我地就懶, 叫佢灼埋.避風塘炒澳洲泥蟹- 我覺得唔夠辣, 不過係我地叫佢小辣既. 其實呢個好普普, d蟹用油泡一泡先炒. 我自己就覺得麻麻地.蒜蓉炒菜心- d油多到. 其實出街食都預左既. 味道都算係幾好.4個人埋單$930, 食海鮮呢個價都差唔多啦.有少少唔滿意既就係, 我地坐左係室外, 係岩岩黎哂菜既時候, 竟然落雨, 但係d侍應好似唔覺咁, 我地係咁叫佢地都係拉新客. 後來幫我地搬左位, 跟住坐左一陣又話要再搬, 咁樣真係影響胃口架嘛.

六個人去慶祝老豆同細佬生日, 去左呢度食海鮮.蒜容粉絲蒸象拔丰仔- 鮮甜唔老豉椒蟶子- 好大隻, 成條食好滿足, 不過幾辣椒鹽賴尿蝦- 好香又唔油西蘭花炒響螺片- 鮮味, 切得夠薄所以唔難咬花雕蛋白蒸肉蟹- 蟹肉有陣陣花雕味, 蛋白夠滑墨魚兩味- 上身刺身, 下身(即爪)椒鹽- 必叫, 很鮮甜, 炸粉不多, 爪爽口彈牙- 老豆最愛薑汁炒芥藺- 普通送了一窩海鮮湯(但其實要油料費- 咁都叫送?!) - 當然甜啦, 雜錦魚湯喎糖水送左紅豆沙- ok lar不過張單check唔到, 只list 左煮油費law, 希望佢將來寫得清楚D.多謝細佬豪請我吔呢餐~ hehe另外肥仔送既Italian Tomato Strawberry Mango Chocolate Layer Cake 都好好味呀!

幫襯了很多年,試過很多附近的食店,始終都是全記最可靠,價錢雖然不廉宜,不過花得物有所值,又不會一肚氣,我情願去一些信得過的店子.其實西貢的全記都是同一個老闆,水平都一樣,各樣海鮮都煮得很好,起菜又快,服務很少失誤,買熟了還可以要他送一些例如蜆,螺之類的海產過過口癮,不過要計油料費.

其實我覺得食靚海鮮唔使特登走入西貢，出面都有唔錯水準。不過咁啱昨日去咗西貢行山，臨走就想食海鮮，平時都會去全記，今日都唔列外。雖然有兩間全記，但係呢間先有人等位，所以比較有信心，本人就未試過另外嗰間全記。呢間全記食過好多次，每次水準都唔同，我諗好睇個大廚既公力。今日可能係黃金週同星期日，所以應該可能比較好啲。我哋四個人，叫咗一啲中價海鮮，都有六樣咁多，有豉椒蟶子- 好多醬，蟶子比較細隻，唔係好抵食，不過味道唔錯。避風塘尿蝦- 好香又唔辣，唔錯，但如果鐘意食辣既朋友，就要叫佢地加辣粉絲元貝- 好新鮮，唯一美中不足係佢地為咗快熟，將好厚同好大隻既元貝界咗四份，所以食既時係就無咗食完隻大元貝既口感。白灼花螺- 無乜特別白灼海蝦- 新鮮椒鹽墨魚- 好少炸粉，所以食到墨魚既鮮味。。今次每樣都好滿意，包4個白飯，兩支啤酒同一支汽水埋單$1119，都唔係太貴，可以接受。呢晚既晚飯比平時既全記好，而且感覺比出面既酒樓新鮮，下次都會再來。

昨晚外地的同事來到香港食海鮮, 肥佬在這裡訂了六張檯, 也定了菜單, 果然風雨不改....一行同事六十多七十人到來, 浩浩蕩蕩的, 橫風橫雨, 好不熱鬧~菜單包括了灼蝦、鮑魚仔、芝士焗龍蝦伊麵底、椒鹽瀨尿蝦、蒜蓉粉絲蒸扇貝、菜、貴妃雞、蒸海班、海皇湯及福建炒飯灼蝦不夠大隻之餘亦不夠新鮮; 坐在身旁的老闆就嫌鮑魚仔太細隻, 反而我覺得不錯, 味道頗清甜; 至於芝士焗龍蝦伊麵底, 個人認為芝士味不夠濃郁, 伊麵偏稔沒有口感, 不過龍蝦肉好爽; 蒜蓉粉絲蒸扇貝就夠晒大隻, 蒜蓉多粉絲多~; 椒鹽瀨尿蝦的七味粉好搶, 反而椒鹽味欠奉, 不過瀨尿蝦真的好鮮好甜, 是整晚我最欣賞的菜式; 貴妃雞雞肉嫩滑, 相當出色; 海皇湯味道與魚湯一樣, 同事認為不夠味, 老闆亦不喜歡~整晚菜式的質素都屬中等, 不過始終都是公司飯局, 食得不夠開懷是肯定的了, 唯一出奇的是原來外地MIS的同事都幾熱情呢~

全記是一間生意很好的煩忙店子,水準一向都不錯, 效率也很高,起菜甚快,但如果特別吩咐慢一些的話,他們也會樂於遵命而沒有不快的.

點了以下菜:-芝士焗龍蝦伊麵底椒鹽瀨尿蝦蒸元貝鼓椒炒聖子蒸海班基圍蝦辣酒煮花螺海鮮湯通菜紅燒豆腐食物水準保持，大佬，二十分鐘內上哂菜，冇位擺兼點食啊

本來無咩好講，幸好今次醒起瀨尿蝦要豉油皇。食椒鹽7 味粉食到厭，改下口味。都可以啦。同時，今次條班都試下唔蒸，改為炒球同炆頭腩。龍蝦又係兩味，例牌之外就係椒鹽頭爪。由於魚同龍蝦都比平時的大小小，埋單比平時多1/3 。海鮮我鍾意中式的煮法，但越來越少地方煮得好食。都唔知點算好。

今夏第一個遊船河, 去時天陰, 返時卻陽光普照....落船後船友們話要吃海鮮, 有人提議呢間大哥都曾經度拍過廣告全記.我就只吃呢幾樣: 椒鹽賴尿蝦最正, 蝦肉爽口而且好惹味, 仲有膏吃, 正! 其他如豉椒炒蟶子, 蒜蓉粉絲蒸扇貝, 避風塘少炒蟹等等, 皆味道不俗.由於我地坐閣樓, 要去toliet就比較麻煩, 要上上落落, 不過難得佢地都整到個toliet靚靚地, 無諗過囉! 服務都唔錯, 話晒要serve班旅客麻!

全程R少坐定定，我地實在越來越似兩兄弟，連目及女仔的小動作都一樣。指定動作：油鹽水雞腳，瀨尿蝦，海膽，扇貝。腳拖王子班、墨餅、麵醬生菜都未見過全記咁小人，可能真係落雨的關係，Friday晚都冷清清…滿記都係。全記standard，無失水準，無大驚喜。始終椒鹽瀨尿蝦都係咸左小小。