影片
营业时间
今日营业
07:30 - 23:30
星期一至日
07:30 - 23:30
以上资料只供参考，请与餐厅确认详情
食家推介
今日同朋友去咗佐敦一间餐厅，试咗佢哋嘅招牌麻辣手撕鸡捞粗，一捞埋啲面，香气扑鼻，啲鸡肉嫩滑到不得了，一丝丝咁，索晒啲麻辣酱汁，辣得嚟又好惹味，个粗面又够弹牙，捞埋口感丰富跟住嚟碗热辣辣嘅牛杂米，啲牛杂份量十足，牛肚爽口、牛肺入味、牛肠肥美，每一嚿都炆得好腍，轻轻一咬就化开。个汤底清甜，饮落好舒服，啱晒配埋啲浓味嘅牛杂一齐食。最后嚟碗紫菜汤，紫菜嘅鲜味渗晒入个汤度，饮落暖笠笠，成个人都舒服晒！呢间餐厅嘅员工好有礼貌，10分推荐大家去一间牛腩面试吓佢嘅麻辣手撕鸡捞粗。而且夜晚稍为热闹，下次会试吓尖沙咀嘅牛腩面
继续阅读
位于佐敦道的「九爷牛腩」，顾名思义系一间主打牛腩的餐厅。餐牌上选择以各式粉面、饭类及泡饭为主；佐敦店更有全新推出的捞粗系列，有麻辣或秘制瑶柱豉油王可供选择油菜通菜新鲜翠绿，口感鲜嫩爽口，配上腐乳食就啱晒麻辣牛什牛肚、牛肺及牛粉肠都几新鲜，处理得干净，配上麻辣酱风味绝佳麻辣手撕鸡豉油王捞粗手撕鸡份量充足，皮光肉滑，啖啖肉，又麻又辣，好惹味！粗面口感软硬适中，每条都沾满餐厅秘制的豉油王，几好食招牌八宝河粉河粉滑溜又吸汤～招牌八宝包括：鱼蛋、墨丸、牛丸、贡丸、鱼皮饺、牛腩、牛肚及牛筋，配料丰富，各有特色。个人最推荐牛腩、牛肚及牛筋👍🏻牛腩松软可口，肉味浓郁。牛肚同牛筋都好软腍冻柠茶冰冻可口，酸酸甜甜的柠檬茶，好解渴
继续阅读
今次去咗九爷牛腩食返碗面，暖下胃先！😋 听讲佢哋最近推出咗唔同嘅捞粗，梗系要试吓啦！😎朋友就叫咗新推出嘅豉油王切腩片头捞粗🐮🍜！切腩片头炸得香脆，捞粗够晒粗犷，配埋豉油王，真系好惹味，而且咸香十足，如果个人口味偏好冇咁咸嘅话，建议拎个面出嚟，然后用隔离嘅汤过一过。当然佢普通嘅牛坑腩河粉🐮🍜牛坑腩炆得松软入味，入口即溶，真系好正！🤤 另外加一份时菜净系需要$12，我叫咗腐乳通菜，通菜翠绿爽口，腐乳酱汁咸香惹味！😋
继续阅读
今日去佐敦觅食，发现呢间「九爷牛腩」除咗牛腩出名，原来捞粗同小食一样咁出色！叫咗个麻辣手撕鸡捞粗（幼面），一上枱就闻到阵阵花椒香，手撕鸡肉质嫩滑，麻辣汁够晒惹味，捞匀幼面每啖都挂汁，食到停唔到口！ 必试佢哋嘅炸鱼皮 新鲜超脆口，连埋个捞粗一齐食好惹味，点麻辣汁或者就咁食都正！小食拼盘份量十足，炸鸡翼外皮香脆，鱼片头同墨鱼丸弹牙，炸云吞馅料饱满，全部炸得啱啱好，唔会油腻～ 饮品方面，冻奶茶**茶香浓郁，甜度适中，奶味好突出！热朱古力香滑浓厚，饮完成个人暖笠笠！
继续阅读
嚟咗呢间喺佐敦嘅粉面店谂住食个简单嘅港式粉面午餐🤣$66「秘制瑶柱豉油王 云吞拼墨鱼须 捞伊面」：云吞里边有虾仁同猪肉，墨鱼须就新鲜爽口，捞伊面就够晒烟韧，份量仲唔少添🤣跟面加 $12「郊外油菜」：拣咗「腐乳通菜」，「通菜」够新鲜，软腍腍得嚟又有少少爽脆😋$100「手撕鸡」：有「沙姜」同埋「麻辣」可以选择，咁拣咗「沙姜」，呢个系「净食」，「沙姜手撕鸡」拆晒骨啖啖肉食得相当畅快，鸡肉肉质软熟兼且捞咗极多嘅沙姜酱咁样食劲浓沙姜味劲咸鲜🤣跟面「热柠檬水🍋💦」：大大杯够清新😋
继续阅读
您可能会有兴趣的...