七福神和食亭

营业中

休息中

老豆今日終於隔離完出嚟，好耐都未食過好嘢，之前我都明白體會過，咁今日我就打算帶佢去食日本嘢！ 之前喺網上都睇過推介或佐敦有一間高質嘅日本餐廳，今日終於都有時間黎嘗試一下！去到餐廳樓下有好大嘅餐牌展示，種類都相當之多個人就比較推介鐵板蒜片牛柳粒同石鍋香辣海鮮湯烏冬。鐵板蒜片牛柳粒，每粒牛柳粒都鮮嫩多汁，另外再配有蒜片再令到牛柳粒提升另一個層次，味道超接近香港港式大排檔牛柳粒嘅味道，真係值得一試！石鍋香辣海鮮湯烏冬，海鮮湯濃味驚人！除咗配料豐富之外，整碗烏冬都佈滿住海鮮飄逸嘅味道，清香微辣、非常開胃！刺身三品盛合，三文魚、油甘魚、甘蝦色彩鮮豔，喺燈光底下就可以見到佢哋亮麗十足，非常新鮮

之前聽過好多朋友推介過呢間系佐敦嘅🏮日本餐廳，今日咁啱經過佐敦，所以就入咗去試下喇~ 有咩環境空間闊落，絕對唔會覺得有壓迫感。內裡格局同一般日式餐廳無異，整體上都好舒服，有系日本既feel朋友就推介呢個❇️石鍋香辣海鮮湯烏冬❇️，係用預熱咗嘅石鍋, 保持住烏冬嘅溫度，令到呢個🏮✅海鮮烏冬有最好嘅狀態，配料都幾多，有蝦、青口、元貝，烏冬都幾煙靭，而個海鮮湯底辣辣地，令人開胃，真心出色！👍🏼👍🏼

最近朋友升職加薪🅰️🅰️🅰️，佢就請咗我哋去一間日本餐廳到慶祝食個飯，坐地鐵到佐敦都係行多幾步就到好近好方便！😍😍😍餐廳一打開門口就充滿著日本嘅氣氛，忍唔住都影咗張相🥇我哋首先叫咗刺身三品盛合，有三文魚🐟啦~有油甘魚🐟啦~ 同埋金蝦🦐嘅，口感都非常爽身，新鮮嘅🈵🈵🈵最值得一提嘅係石鍋香辣海鮮湯🦀🦞🥰🦐🦑🐙烏冬，佢湯底絕對係出眾嘅秘訣，啱啱上咗嘅時候已經問道非常濃烈嘅海鮮湯味道，除咗烏冬已經充滿著海鮮味，就連烏冬上面都佈滿著各種唔同種類嘅小海鮮，有元貝、青口、蝦等等，非常之吸引係值得一試！❤️❤️🈵

系佐敦做完facial經過，見到有間日本嘢好似都唔錯，就膽粗粗入去試下味道如何~ 餐廳入口比較特別，好似樓上式茶樓咁，上一層樓梯就可以到達餐廳門口，樓梯嘅兩側都用左日式嘅裝修黎設計，神秘得嚟又好似置身系日本咁，裏面仲有好多好可愛嘅小擺設，幾有日本嘅氣氛!🥰🍱👍🏼坐低我睇左陣就叫左一份🍱❤️極上魚生丼 $118，見佢配搭非常之豐富，可以比我補充下面部嘅蛋白質🍳。佢嚟到同我預期都差唔多，魚生質素、擺盤設計同餐牌都一致，每一塊刺身同海鮮喺燈光底下都充滿住光澤，可想言之係有幾新鮮，食落去係極鮮甜可口~ 所以推介大家值得一試！💯💯👍🏼👍🏼

好耐已經冇同個小學同學聯絡👧🏻📱，最近講起食日本餐就睇到佐敦呢間🎏七福神和食亭，原來有幾個同學都食過話唔錯，我哋就約好咗去食番次聚舊，而我就係第一次嚟。黎到感覺環境都充滿著日式嘅氣氛，地方都覺得闊落唔會覺得逼夾。🙈🙈🙈佢哋嚟到就決定好嗌👩🏻‍🍳套餐，先黎左💕刺身三品盛合，裡面分別有🎏三文魚、🎏油甘魚、🎏甘蝦三種配搭，肉質都非常之新鮮，食落去係鮮甜爽口嘅，果然係唔錯！🎏🎏🎏另外仲有石鍋香辣海鮮湯烏冬，係最好食之一！香辣海鮮湯非常之濃郁，上面仲有好多海鮮、美味無比、回味萬分！大家嚟到一定要試下！💕💕

我同兩位以前internship識嘅朋友打算同當中一位就快離開嘅香港食返一餐，嗰位朋友話因為驚去嘅地方日本餐廳好貴，所以臨走前要食返一餐日本菜。於是我就係OpenRice搵到哩間餐廳，評分都好高。店鋪嘅大細唔算太大，座位唔算太多，但係座無虛設，上菜速度一啲都唔慢。當日我哋叫咗芝士玉子燒、魷魚鬚唐揚、鐵板蒜片牛柳粒、石鍋蒜香牛肉飯同埋壽司拼盤。佢每樣野都好有自己風格，好似芝士玉子燒咁，其他餐廳會將芝士放係玉子燒入面，而哩間餐廳係將芝士放係出面。至於鐵板蒜片牛柳粒中間放咗薯蓉，食完牛柳粒，可以食少少薯蓉帶一帶走啲蒜蓉味。我最鍾意嘅一道菜就係壽司🍣，其實味道無咩特別，但係佢攞放嘅次序、顏色配搭、壽司嘅光澤，令人食指大動。

放假帶仔仔出街食嘢，個仔行過話想食就同佢入左去試食，入面裝潢充滿日式嘅風格，令我諗返起同老婆去日本旅行嘅時候，非常唔錯我嗌咗個蟹味噌甲羅燒，配有鱈魚干同紫菜珍珠飯都係$68，賣相比預期中要好，聽講入面有十幾樣嘅配料，蟹膏味道好突出，簡直係物超所值另外叫左鰻魚玉子丼同清酒煮大蜆，價錢分別都係$88，食蜆首先一定唔可以得個殼啦~ 佢每一個都會有蜆，而且食落都冇砂，都非常鮮味。鰻魚都非常肥美，絕對唔似冰鮮雪櫃貨色，鍾意鰻魚嘅尾一定要嘗試一下，肉質香甜、油而不膩。

今日好攰晏晝放lunch出嚟食飯，返工成日經過呢間日式餐廳，但就冇食過。咁就打算去試下，放縱自己咁💴🇯🇵🏯🍜🍣🍡🍘入到餐廳大門收銀處附近會擺有好多日式嘅擺設👹👺🎏🎍，裝修係行緊日式簡約風格，充滿著日式嘅氣氛，環境都簡潔衛生🈳🎎我揀咗嘅係🔥🥩炭火燒安格斯牛扒定食，價錢為$115 💴，牛扒外面煎香，肉汁鮮味，廚師仲細心已經切開多件非常方便懶人食用，安格斯牛扒上面仲會擺放咗啲蒜片同埋伴菜，牛扒味道一流。🉐🉐🉐

平時好少去佐敦，最近陪fd系佐敦行街買書，睇到本日式料理烹飪嘅書，就有打算去日本料理嘅念頭~ 之後經過呢邊見過一間好似唔錯，就嚟黎試下味道如何。佢裝修用一個一般簡約風，環境都整理乾淨，空間廣闊令人舒適嘅~ 仲有好多擺設、裝飾掛喺牆身同收銀處 幾特別同fd叫咗個套餐，首先嚟咗個蜆肉味增湯，材料都非常充足，味道都非常鮮甜，湯底唔似湯粉質素，唔會偷工減料。壽司定食，裏面就一定有三文魚、赤身、芥辣八爪魚、甘蝦、赤背、油甘魚、玉子蛋，另外多叫佐敦左極上魚生丼 $118 配搭都非常豐富同新鮮，適合三心兩意嘅人選擇

最近換左份新工佐敦返工，第一次係呢邊做野吾太熟架步，晏晝都唔知食乜就去請教同事，同事就介紹左呢間日本菜一齊去食，佢話都高質。地址系佐敦彌敦道311-313號1樓，距離我公司 mtr都好近，都只係相差幾十步嘅距離，非常之方便！佢哋入到嚟就叫左刺身三品盛合，睇黎都係食開~ 刺身三品有三文魚、油甘魚、甘蝦，都係比較鮮味嘅刺身，賣相睇落去都好新鮮，食落去更加感受到肉質嘅鮮甜。石鍋香辣海鮮湯烏冬，海鮮湯底濃郁，鮮味十足，上面重鋪滿左各種唔同各樣嘅海鮮，都非常鮮味，下次來一定要再食，性價比極高！

最近男朋友好叻叻，佢考車牌終於合格，我就同佢一齊嚟呢間日本餐廳食飯慶祝，知道平時工作已經好辛苦，仲要抽時間學車咁，所以呢餐我請男朋友一直都鍾意食燒烤，所以幫佢叫咗串燒拼盤五品 $75，裏面有雞軟骨、雞翼、京蔥雞、小青椒、冬菇，個配搭都幾特別，燒烤嘅味道香氣撲鼻，燒完肉質依然嫩滑、焦酥，簡直係人間美味另外仲嗌咗套餐，包括有和風珍味拼盤、煙三文魚凱撒沙律同鐵板蒜片牛柳粒。牛柳粒裏面鬆軟多汁，唔會好難咬，非常之易入口！

佐敦區呢一間餐廳真係算係非常之出名，今次就同左男朋友一齊過嚟間餐廳食飯！一去到嘅時候就已經比隔離枱嘅海膽炒飯吸引住，望到呢個炒飯嘅顏色真係好靚，而且炒飯好香！炒飯嘅配料非常充足，好多唔同嘅海鮮，再加上上面嘅海膽好吸引！金黃色嘅炒飯真係好正！另外仲叫咗幾款唔同嘅串燒試吓，整體來講，呢一度嘅串燒都幾有質素！同埋當然唔少得要試吓嘅就係一個喺蟹味噌甲羅燒啦！好大個嘅蟹蓋，而且加埋上面有好香嘅蟹膏，同埋蟹子！就咁食入口嘅時候就已經食得到好香嘅蟹肉味道！真係好滋味！

今日同老公行街買衫，經過佐敦呢間餐廳話想食日本野就決定去食。老公減肥所以循例都幫佢叫咗份煙三文魚凱撒沙律，正所謂寶物沉歸底，煙三文魚都系晒沙律下面，所以食之前一定要攪拌均勻！最值得推介嘅係蟹味噌甲羅燒！ 佢配搭咗嘅係鱈魚干同紫菜珍珠飯 $68 ，賣相已經滿曬分，老公都好鍾意，味道真係令人垂涎三尺，裏面有強烈蟹膏嘅味道、非常野味，食之前先要攪拌均勻，再配搭米紫菜、飯、鱈魚干一齊食嘅話，味道係最突出絕配！另外叫左碟串燒拼盤五品 $75，有雞翼、京蔥雞、雞軟骨、冬菇、小青椒，全部都燒得好均勻唔會有焦邊，所有燒烤都燒得甘香可口，值得推介！

今日我生日同呀媽講想食日本嘢，佢晏晝就帶咗我出去行街食飯慶祝生日。入到嚟呢間餐廳都係裝扮多好似日本咁，連啲海報都係日文，記特別，嘢食都勁好食！呢間餐廳係佐敦彌敦道，搭地鐵嘅話轉彎就好快到。石鍋香辣海鮮湯烏冬，除咗海鮮豐富、湯底都好濃味吸引，非常美味令人開胃，烏冬重吸收咗湯汁嘅精華，食多碗都冇問題和風厚切吉列豬扒，我經常喺其他地方都食過，但都冇呢間嘅吉列豬扒咁香脆可口，炸完佢嘅肉質依然仲喺度，肉質唔會好韌難咬、做到外脆內軟，火喉控制得非常之好。蜆肉味增湯都係一個滋潤好物，食完吉列豬扒、海鮮湯烏冬，就最適宜沖淡口腔嘅味道。再試咪刺身三品盛合，有三文魚、油甘魚、甘蝦，都非常新鮮 好滿足！

咁啱同fd路過見到呢間日本菜就上咗去試下，我平時食日本嘢都吾少，呢間我覺得值得推介。除咗裝修唔馬虎，餐廳整體都有置身日本餐廳嘅感覺外，可以系食物方面都睇到師傅嘅心機。和風厚切吉列豬扒，吉列豬扒外脆內軟，外殼咬落去有鬆脆嘅聲音，一邊有一塊幼嫩暖笠笠嘅豬扒，簡直係天作之合，佢嘅分量都幾大下，可以兩個人食，嚟到呢度一定要試下！炭火燒安格斯牛扒定食，價錢 $115，炭火燒嘅美氣十分之吸引，仲有少少伴菜系格離，安格斯牛扒上面擺放咗好幾片嘅蒜片調味，牛扒脂肪比例啱啱好、鬆軟多汁，絕對唔會覺得油膩。極上魚生丼，價錢 $118，白飯上面鋪滿座各種唔同類型嘅海鮮，有三文魚、甘蝦、海膽、帶子、油甘魚、鮭魚卵等等豐富海鮮，勁鮮勁甜美，絕對可以滿足到刺身控！