七福神和食亭

营业中

休息中

我同兩位以前internship識嘅朋友打算同當中一位就快離開嘅香港食返一餐，嗰位朋友話因為驚去嘅地方日本餐廳好貴，所以臨走前要食返一餐日本菜。於是我就係OpenRice搵到哩間餐廳，評分都好高。店鋪嘅大細唔算太大，座位唔算太多，但係座無虛設，上菜速度一啲都唔慢。當日我哋叫咗芝士玉子燒、魷魚鬚唐揚、鐵板蒜片牛柳粒、石鍋蒜香牛肉飯同埋壽司拼盤。佢每樣野都好有自己風格，好似芝士玉子燒咁，其他餐廳會將芝士放係玉子燒入面，而哩間餐廳係將芝士放係出面。至於鐵板蒜片牛柳粒中間放咗薯蓉，食完牛柳粒，可以食少少薯蓉帶一帶走啲蒜蓉味。我最鍾意嘅一道菜就係壽司🍣，其實味道無咩特別，但係佢攞放嘅次序、顏色配搭、壽司嘅光澤，令人食指大動。