七福神和食亭

今日到佐敦七福神和食亭同朋友食晚餐。好彩够早攞位，全场爆满。今日点左以下食品：炸鸡软骨粒，蟹籽沙律，串烧5品盛盒，浦烧鳗鱼，西京烧银雪鱼，寿喜烧牛肉锅烧乌冬，玉子烧，脆皮煎饺子，烟肉粟米陶板烧，kirin啤酒，忌廉绿茶，信州苹果梳打。炸鸡软骨粒：炸得够香口仲有口感一流。蟹籽沙律：大大碗新鲜青瓜丝蔬菜丝加上大量蟹籽同沙律酱混起来吃够清爽。串烧5品盛盒：烧物香口得来唔会㶶。浦烧鳗鱼：大大条原条鳗鱼，鳗鱼鲜味外还有鳗鱼汁香。烧海鲜之鲜甜的味道。西京烧银雪鱼：鱼质之优秀，雪白鱼肉配上烧出嚟海鲜鲜味。寿喜烧牛肉锅烧乌冬：牛肉唔会肥但浓郁牛肉味道，乌冬冬菇金菇等配料加起来一流。玉子烧：厚厚既蛋除了口感一流外仲有烧出蛋香味。脆皮煎饺子：饺子煎得外脆而入面保持著肉汁。烟肉粟米陶板烧：烟肉加上粟米配合牛油炒香再放上陶板上更为香口。kirin啤酒：冻冻啤酒，清爽的感觉。忌廉绿茶：绿茶够香浓而不苦涩。信州苹果梳打：苹果香味十足加上梳打更加正。…查看更多

餐厅位于佐敦旺区，地点方便， 十分易揾，座位都阔落，用餐当晚全场爆满，所以最好先订位。蟹味噌甲罗烧配鳕鱼干（4块）甲罗烧蟹味浓郁，烧完味道更香，加上蟹籽和葱，令口感更丰富；鳕鱼干香脆，拌埋食口感更丰富。大阪烧酱油豚肉炒面个人很喜欢食大阪烧，日式炒面用上大阪烧酱汁加酱油，加上木鱼丝和豚肉，无得输。法式烧羊架外层煎至焦脆，里面约七成熟刚刚好，锁住肉汁；调味适中，配芥末可以中和烧羊架的油腻。牛舌串牛舌咬落有口感且多汁，净系简单调味已经好惹味。食到微微焦边、中心仍保持多汁。汁烧豚肉串豚五花带脂，烧完将油脂逼出，甜口的烧汁令串烧锦上添花。吉列猪扒吉列猪扒炸到金黄松脆，切面见到肉汁渗出。炸得刚刚好，不会油淋淋，配上高丽菜丝中和炸猪扒的热气，猪扒汁、柠檬片都系经典配搭，各有不同。刺身拼盘（油甘鱼、三文鱼、中拖罗、甘虾、带子)刺身新鲜，每款有两块，全部都是喜欢吃的刺身。餐厅有几款刺身拼盘，可以选择自己喜爱的鱼生组合。三文鱼腩（特长）寿司三文鱼腩有厚度，而且特长，跟饭的比例更匹配，鱼生比例更高。…查看更多

眨吓眼就到年尾，系时候要去还神，讲紧嘅系呢个食”神” (哇哈哈…..)上到去好彩仲有最后一张卡座，饮啖茶就开始睇吓食咩。呢度嘅名物蟹籽沙律 ($60/小)点能错过?!  将走可爱精致路线嘅佢变成巨大化。底层有生菜丝，再有青瓜丝及蟹柳，顶层再有大量蟹籽，入口除咗爽口感觉，仲有沙律酱嘅邪恶味道，好疯狂呀。多款刺身中，钟情带子刺身($72/6件)，单一款式摆盘都有心思。唔系一旧片开3-4片咁薄切，带点厚度，入口软滑有甜味。见到餐牌上推介呢客麻辣风吉列大鸡扒配他他酱 ($88)，好想见识吓佢有几，结果……………………………….真系好大块。切开时已听到炸浆嘅脆度，仲有烟出，超级热辣。点埋个酸酸甜甜他他酱，鸡肉入口仍带肉汁，趁热起筷啰。另外叫咗串烧5品盛盒 ($108)，包括鸡翼，豚五花，金菇牛肉，鸡软骨及冬菇，鸡牛猪类都有代表。豚五花肥瘦位各半，带点烧汁味又有芝麻，一啖一件够满足。鸡翼一串有两只，四个字形容；皮脆肉嫩，完。比起蒸鱼，更爱烧鱼，呢度有风味花鱼烧 ($98)。原条花鱼开边去烧，呢个价钱相当抵食。花鱼基本上都系多肉鱼类，点上酸汁配埋萝卜蓉，成条食晒无难度。有热辣辣烧鱼，就叫埋客荞麦冷面 ($55)一齐食。份量都唔少，带口感嘅荞麦面浸入冰凉荞麦面汁，入口清爽。友人点选三文鱼亲子丼 ($158)，饭上舖满唔同阶段嘅嘅三文鱼，仲有蟹籽，好抢眼。识食嘅就梗系将所有食材连饭一啖过，有三文鱼嘅软滑; 三文鱼籽嘅爆感; 蟹籽嘅爽脆感，同一时间有几种口感。侍应不时添加热茶，无用餐时限，食得满足又舒服。…查看更多

呢间开业多年的居酒屋位于裕华国货附近，木系装潢挂满日式灯笼，从楼梯到摆设都充满浓厚东瀛风。环境宽敞坐得舒服，餐牌选择多到眼花缭乱，价钱贴地得来份量惊人，最啱同朋友点满成枱美食，边食边聊天聚旧。豪华拼盘 $328海胆半板口感滑顺带自然甜味；厚切三文鱼劲肥美；深池鱼与赤身色泽鲜明，入口冰凉鲜味冲击，再搭配埋甜虾，组成必食海鲜组合。麻辣风吉列大鸡扒配他他酱 $88鸡扒尺寸仲大过我只手掌，表面撒有微量麻辣粉，对于我呢个嗜辣之人就当然觉得唔够辣啦，但蘸点他他酱都几夹几好食。切落去听到外皮酥脆嘅声音，内里肉质保持湿润，肉厚嫩滑，呢个价钱真系抵食。鱿鱼须唐扬 $68店家的炸物真系好出色，呢份鱿鱼须炸衣薄脆不厚重，内里鱿鱼仍保持弹牙口感，真系食完一条又一条忍唔到口。烧网牛扒 $138牛扒厚度实在又大块，烧烤程度约七成熟，切面呈现粉红色。肉质柔软有肉汁，搭配底层吸收肉汁的洋葱更显滋味。海胆蟹肉茶碗蒸 $38蒸蛋质地细滑，海胆与蟹肉的鲜味融入其中，每啖都系海洋精华，其实$38有海胆加持已经要抵赞！蕃茄泡菜豚肉锅 $88热辣辣的豚肉锅足够两人分享，豚肉片偏瘦唔肥腻，吸满番茄汤的酸甜，配料有冬菇豆腐金针菇等，泡菜则另上，可自由调节辣度，够晒贴心。芝士富士山乳酸梳打 $48打卡神品！蓝白渐层真系好似富士山咁靓。咸香芝士奶盖撞击乳酸梳打，清爽解腻仲有靓相呃like。活乳酸沙冰 ＄48新鲜打制的士多啤梨沙冰，果肉纤维仲睇得到，食完炸物饮一啖即刻refresh！生忌廉吉士铜锣烧 $45都系打卡影相之作，卖相好精致。铜锣烧外皮松软，内馅生忌廉与吉士比例适中，甜度控制得宜。…查看更多

趁打风前食餐日本菜，约朋友于佐敦食《七福神和食亭》。蟹子沙律(细)~ 唔好讲笑，"细''都咁大盘，超大量青瓜丝，仲有好多蟹子，个底有生菜丝添，捞埋蛋黄酱特别美味。豪快刺身盛合(五款)~ 大拖罗、深海池鱼、左口鱼、厚切三文鱼及带子，每款刺身都好新鲜，特别鲜甜。芝士焗天火蚝~ 忌廉汁加烟肉，铺满芝士焗嘅蚝，非常惹味。网烧牛扒~ 香浓牛味。鹿儿岛鳗鱼饭团~ 加咗鳗鱼汁烧嘅饭团，食到饭焦香，仲有肥美嘅鳗鱼。炸鸡软骨唐扬~ 即叫即榨鸡软骨，香脆可口，越食越想食。 寿喜烧牛肉锅烧乌冬~ 寿喜烧汤底唔算太甜，选用肥牛，配料仲有冬菇、豆腐、菜同本菇。 欣赏店员友善嘅招待，值得一赞。  …查看更多