七福神和食亭

营业中

休息中

肥師傅話帶我食抵食日本菜，隨便任叫😆一於乖乖地跟住佢搵食上到去見到都唔少要，陸續都有人入座坐底睇一睇餐牌，好多嘢食，又唔太貴喎😍由於我有選擇困難症，我諗咗好耐先決定到要咩😂-🔸蟹籽沙律$52我哋係叫細size，但都超大盤😂嚟到嚇一嚇，點解會多到咁誇張！好多蟹籽好正🤤🔸壽司拼盤24件$298壽司都幾新鮮，雖然喺拼盤，但質素一啲都唔馬虎！🔸什錦蝦天婦羅$75天婦羅都一樣咁正！多款式，亦都好好食！熱辣辣又鬆脆，真喺即叫即整！-另外仲散叫咗少少壽司🤤想講啲嘢食又新鮮，又大份！性價比真喺超高！佢有好多大卡位，如果一大班朋友一齊去食堅正😍因為可以試到好多款🤤Fatta真心推介！會翻焯嘅日本菜！

魷魚鬚唐揚就係酥炸魷魚鬚🤤每條都炸得好通透 魷魚鬚連埋魷魚頭🦑炸粉透薄 唔會有厚厚食唔到食材中心嘅感覺食落越咬越有嚼勁 外脆內軟👍味道都好惹味 越嚼越香😋食日料當然要叫個刺身盤 但因為我地得兩個人所以就單點左少少：甘蝦有三隻 肉質彈牙又甘香鱆紅魚肉質爽口 魚油味唔重所以都唔會好油膩🐟金目鯛 就比較爽滑 口感柔軟細膩 魚油味比前者更加突出🤤見好多朋友仔都話每次去七福神都一定會嗌呢款小食：蟹子沙律齋睇相都見到佢每樣材料都比得超足🤣以拉麵碗裝著份量真系唔野少！

一入到黎覺得餐廳坐位都唔少 所以即使多食客都唔使等好耐😊今日得自己一個所以剩係叫咗份壽司定食🍣但原來都幾豐富😄有三文魚、赤身、帶子、甘蝦、油甘魚壽司刺身最注重當然係新鮮！五種海鮮都食得出鮮味同埋賣相色澤都好靚仔🐟其中最最最鍾意係個甘蝦🦐 質地粉糯彈牙回味甘甜甘甜 口感仲好細膩😍跟住都會配個海膽三文魚子丼海膽入口口感軟綿綿 潤滑甘甜唔會有腥臭味💧三文魚籽份量同海膽差唔多粒粒都好飽滿又自帶鮮味 逐粒咬爆都幾爽🤣配搭一齊食嘅鮮味就更上一層樓😤

家姐一直都想去日本旅行，但因為疫情幾年都冇得再去，而今日家姐生日，我同呀爸呀媽就搵左間有日式裝修、食物質素又高質嘅日式餐廳同佢慶祝生日~家姐好鍾意食海鮮味嘅湯底，呢度咁岩就有個石鍋香辣海鮮湯烏冬咁梗係要試下啦~ 佢話個湯底非常鮮味 湯底濃郁得嚟又唔會覺得好咸 加埋上面豐富嘅海鮮配搭 香甜鮮味十足另外鐵板蒜片牛柳粒都好值得一讚~ 肉質飽滿嫩滑吾黐口 唔會話好鞋身好難咬 佢嘅味道就似港式一口牛嘅味道 正~ 和風厚切吉列豬扒酥脆香口，經過油炸處理豬扒依然好鬆軟，肉質加熱程度依然係控制得咁好👍🏻👍🏻👍🏻另外我地仲要咗刺身三品盛合，裏面有三文魚、油甘魚、甘蝦，賣相就睇得出非常新鮮，食落去勁鮮甜！呢間真心推介大家食嘅日式料理餐廳🙈👍🏻👍🏻👍🏻

餐廳位置雖然超級近地鐵站出口 一出地鐵行一分鐘就到但因為係樓上鋪所以都算隱蔽👍呢日同同事放lunch就走左過黎試我叫左份炭火燒安格斯牛扒定食包括牛扒 一碗白飯連飯素 同埋麵豉湯🥣首先有原塊安格斯牛扒切成一塊一塊🥩食客就唔需要自己切 或者怕無跟紋路切會切唔開咬唔爛 或者無曬儀態💃安格斯牛無筋無骨所以做到啖啖肉嘅效果🔥牛肉熟度啱啱好 重保持到紅色嘅肉質 但唔會見到牛肉或者個碟有血水😝白飯選用左珍珠米 飯粒圓碌碌脹卜卜幾飽滿同事就叫左份壽司定食 都有5款魚生配海膽丼飯🍚色澤油油亮亮食指大動🤣🤣

一向都知道佐敦有超多好野食港式麵包店 茶記 西餐廳 印度咖哩等等 任君選擇日本料理選擇都好多 競爭幾強烈😮過左好幾年都仲存在嘅餐廳相信都有一定水準所以就嚟一試啦！餐廳地理位置頗有優勢 係地鐵一出行唔夠一分鐘就到🤣要行經過一條樓梯先上到餐廳🏮樓梯燈光唔算好光猛 但都會透到餐廳嘅光感覺真係有啲似想當日去日本搵地道餐廳嘅氣氛💡初次到訪就試左店員哥哥推介特大蟹籽沙律 所有食材都係XL份量 絕對值回票價🤪爽脆青瓜配幼幼嘅蟹柳絲 配搭得意味道都好鮮甜🧡

咖哩牛肉撈烏冬相比撈烏冬佢咖哩汁嘅質地同份量反而係湯同撈中間咖哩汁份量比普遍撈多但質地比湯濃稠😂😂味道甜甜地帶微微香辛 唔會有辣感牛肉一片一片已經索晒咖哩香甜嘅味道 超入味配埋爽脆洋蔥都幾夾蟹肉味噌甲羅燒🦀 貴為廚帥推介之一 佢都絕對唔會令你失望😙蟹蓋盛著滿滿嘅蟹膏、蟹肉、蟹子加味噌一齊燒味道鹹鹹香香 食得出濃郁嘅蟹味同埋海水海鮮味配搭薄脆片一齊吃 口感豐富又食得出蟹肉嘅鮮甜味🧡特別欣賞脆片係另上嘅 最唔怕甲羅燒嘅熱氣會上菜前已經整淋咗👍

返工午膳時間同同事一齊四處覓食，平時我哋都鍾意周圍去搵好嘢食，我哋都比較有要求😂 有同事就提議食日本菜，路途經過呢間日本菜餐廳感覺整體上都唔錯，我地就入去試試。門面和室內主要都用日式木紋簡約風設計，大方得體，擺設精緻有味道，座位空間都好闊落、食物質素都絕對一流！比4/5個贊👍🏻👍🏻👍🏻👍🏻鰻魚玉子丼 $88 肥厚嘅鰻魚再配搭上玉子，非常飽滿、外表非常吸引，建議可以分開一小啖一小啖同飯去食，肥而不膩 比4/5個贊👍🏻👍🏻👍🏻👍🏻清酒煮大蜆 $88 蜆大大隻份量多，鮮甜滋潤，略帶點清酒味十分配搭，正係我想要嘅清酒煮蜆嘅味道！蜆嘅處理得都非常乾淨冇沙，完全可以安心食用！比5/5個贊👍🏻👍🏻👍🏻👍🏻

今日難得放假，費事屋企煮咁頹，就決定同老豆老母出去行下街順便食好野。經過呢間日本餐廳覺得幾特別同神秘，因為並唔係普通食店直接喺大街邊，而係好似行一個秘密嘅樓梯先到餐廳，嘢食既賣相都唔錯，就決定上去試下我同老豆老母食索性叫咗個套餐，炭火燒安格斯牛扒定食 $115，炭火燒嘅牛排香氣十足，店家已經細心切開左好幾份，牛扒肉汁多、焦香味嘅感覺，鍾意炭燒既可以試下刺身三品盛合，三文魚、甘蝦、油甘魚都非常新鮮和風珍味拼係開胃嘅選擇！鐵板蒜片牛柳粒比起炭燒安格斯牛扒更加保留肉汁嘅鮮味，畀牛扒更加厚實有咬感石鍋香辣海鮮湯烏冬，海鮮湯清香撲鼻，湯底濃郁，少少微辣令到人更加胃口大增，烏冬都好入味都係我推介之一！

今日同幾個同事去佐敦工作，午餐突然好想食壽司。黎到附近彌敦道，見到有間日本餐廳好似唔錯就決定好食呢間。和風珍味拼，即係海帶絲拼辣味附螺肉，絕對係一個名副其實嘅開胃菜！ 海帶絲甘甜清脆、海螺爽身甜辣！鐵板蒜片牛柳粒，非常多汁有咬口！肉質鮮嫩，唔會太老好難咬開！重點嘅係呢度嘅牛肉粒份量真係好多！加埋啲蒜片一齊食真係好正！石鍋香辣海鮮湯烏冬，有濃厚嘅海鮮湯底，烏冬上面仲有豐富嘅海鮮配料，淨係個湯底已經非常令人回味，香氣十足，而且辣度控制得啱啱好，色香味俱全，絕對係最出色必食之選！

今日晏晝突然好想食日本嘢，就上網查下有冇好食既日本料理餐廳介紹，咁岩就見到有間日式餐廳同公司都幾近，評論同埋上都好似唔錯，應該吾會伏。我成日經過但就係都冇上黎食過，所以今次就去試下。地址系佐敦彌敦道311-313號1樓一開頭都唔知叫乜好，因為實在真係太多選擇，咁就求其問過服務員有冇乜嘢好介紹，佢就話極上魚生丼吾錯，材料豐富之餘，味道都好鮮甜可以試下，價錢就 $118 咁嚟都睇落成個魚生丼真係全部都真材實料，分量多仲好新鮮，賣相都非常吸引！海膽金橙黃色、非常亮麗，夠黏性唔會一夾就散，魚籽大粒鹹鹹香香 加分！章紅魚爽有潤滑，有口感👍🏻八瓜魚味道較濃而野味！你地黎到你都可以試下！

一如既往的好吃！炸雞軟骨、串燒牛舌、串燒鴨腎百吃不厭，軟殼蟹卷是必吃項目。魚生、壽司依然性價比高；可惜柚子雪糕比以前甜了一點，酸味少了一點，另人很懷念以前的味道。

非常高質的日本餐廳，今次朋友介紹我去呢一間喺佐敦嘅七福神和食亭！呢一間餐廳真係好多人推介，所以我自己都滿心歡喜咁期待過嚟呢度食嘢！呢度嘅刺身真係好好食，特別鍾意呢度嘅三文魚，真係非常之肥美鮮甜！另外都想介紹一下呢度嘅鐵板牛柳粒！鐵板上，全部牛柳都熱辣辣，而且加埋呢度嘅牛柳真係非常之香濃嘅牛肉味道！真係色香味俱全！整體來講，呢一間餐廳嘅性價比都好高，居酒屋來講，呢度嘅種類唔算好多，而且食物質素好好！非常值得推介大家過嚟呢度試吓👍🏻

系佐敦附近剪完頭髮打算周圍隨便食啲嘢就算，但經過非常大嘅紅色招牌吸引咗我過去，係一間日本餐廳嚟，價錢唔算非常貴，食物方面仲好多款式，咁我就決定上去試下。裏面環境闊落，四周圍都擺咗好多日本嘅文化裝飾擺設，值得加分！服務員主動有耐心，完全唔會有港式茶餐廳服務感覺。突然想食牛就叫咗個炭火燒安格斯牛扒定食 $115，上菜時間都非常之快，牛扒肉質軟腍，易咬肉汁多味濃，加上炭火燒既香味~ 色香味俱全！本身好鍾意食牛扒嘅我都覺得呢一度嘅牛扒真係好好食！而且，呢一個牛扒定食嘅份量都好十足，一個人食絕對足夠！配上一個港式凍奶茶係一個唔錯嘅！

同朋友約咗喺佐敦交收，順便同佢喺附近食埋飯先走，咁啱就經過彌敦道打算搭地鐵去其他地方食嘢，見到呢間日式壽司店好似唔錯，我地都想食日本嘢所以就決定嘗試一下呢度嘅料理，裏面環境衛生吾錯，好多日式擺設同裝飾品但整體都係簡潔令人舒服嘅，充滿著日本店嘅氣氛。壽司定食 $90 壽司種類眾多，有三文魚、赤身、芥辣八爪魚、甘蝦、赤背、油甘魚、玉子蛋每件壽司都非常肥厚，絕對唔會係BB size。壽司色彩鮮豔，脂肪比例均勻！整體來講呢間餐廳真係好啱我心水，食物質素好好，而且價錢一啲都唔貴，絕對值得推介！