七福神和食亭

营业中

休息中

之前阿女網上見到呢間日本餐廳，我見到啲相同評分都唔錯，就同阿女約定好佢測驗可以令到高分就帶佢嚟食，佢達成咗今日就帶佢嚟食喇石鍋香辣海鮮湯烏冬，湯底有濃厚海鮮嘅味道，非常吸引美味，加上有少少香辣更加令人胃口大開，烏冬都吸收曬海鮮湯丸嘅精華，爽口彈牙，簡直痛海鮮湯絕配！非常啱我鍾意食烏冬嘅口味。另外叫左刺身三品盛合，有三文魚、油甘魚、甘蝦嘅，擺位都有花功夫，唔係隨便放上去既，至於味道食落去非常之鮮甜，唔會似其他壽司店擺咗好耐嘅感覺，大家都可以黎試一下

之前去咗呢一間喺佐敦嘅七福神和食亭！呢一間餐廳真係幾特別，成間餐廳地方好大，而且行樓梯上去嘅時候已經充滿着滿滿嘅日本居酒屋氣氛！叫咗幾款唔同嘅壽司，我自己好鍾意呢度嘅鰻魚壽司，鰻魚醬汁好香，而且呢度個鰻魚鮮甜味好好！另外都叫咗一份脆皮餃子，呢度嘅脆皮餃子賣相好特別，而且呢個脆皮真係非常香脆！餃子嘅餡料亦都好好食，好 Juicy仲叫咗一份海膽炒飯，呢一度嘅海膽炒飯都炒得好香！金黃色嘅炒飯就咁望落去就已經好有食慾！加埋鮮甜嘅海膽，真係絕配！

一諗到食日本嘢，朋友就介紹咗我去呢一間係佐敦嘅七福神和式亭！呢一間餐廳可以話係佐敦佢最出名嘅日本菜啦，非常之有特色！重點嘅係呢一度嘅食物質素真係好好，今次叫咗呢一度嘅八品刺身！刺身種類都非常豐富，我自己好鍾意食呢一度嘅海膽同埋帶子，非常鮮甜！另外仲叫咗一份蟹子沙律，就咁望真係非常巨型，而且真係滿滿嘅蟹子同埋青瓜絲，好爽脆同埋好清新嘅口感！仲叫咗唔同種類嘅壽司添，呢度嘅壽司亦都好好食！而且一啲都唔貴，性價比好高，非常推薦大家過嚟呢度試吓！

今日放工口痕想去食日本野，就同朋友去番佐敦既七福神和食亭，位於佐敦彌敦道311-313號1樓，見到大招牌上樓行幾步樓梯轉彎就到，佢食材水平穩定，平均都係高既水平，壽司刺身都新鮮甜味，必定要親臨試過先知！之前食過幾次都係嗌咗個壽司定食加啲其他小食~壽司定食$90，裏麵包括有三文魚、甘蝦、赤背、赤身、芥辣八爪魚、油甘魚同玉子蛋多種配搭，可以滿足曬你唔同口味整體來講，我都好鍾意呢一間餐廳！食物質素好好，而且非常新鮮好食！重點嘅係呢度嘅選擇好多👍🏻同埋價錢都非常合理，好推介大家都過嚟呢度試吓啦！

有日表哥幫我補完數學，佢問我食唔食日本嘢之後就帶咗我嚟呢間日本餐廳，個餐廳好有日本feel，到左先知佢約左女朋友，所以我地一齊食，少尷尬😳我哋嗌咗石鍋香辣海鮮湯烏冬，湯底濃味香滑，有豐富嘅海鮮味道，另外烏冬上面都配搭好各種海鮮，青口、扇貝、鮮蝦等等，味道一流。和風珍味拼盤，完全係開胃前菜必食，係味附螺肉同日式海帶絲，食落去鮮甜醒胃，係起動之前建議先食咗先~！重有鐵板蒜片牛柳粒，賣相非常之吸引，上面鋪滿住金黃色嘅蒜片，下面就肉質鮮美嘅牛柳粒，份量非常之多，每粒牛柳粒都非常多汁，我勁鍾意食！刺身三品盛合有三文魚、油甘魚、甘蝦，肉質非常有光澤，肉質鮮美飽滿，絕對係高質貨色。

今日放工之後就放假，女朋友就接我收工去呢間日本餐廳食嘢，我都係第一次嚟，位置唔算偏僻，都係位於佐敦彌敦道嘅樓上舖蜆肉味增湯，係食日本野經常飲到嘅湯，佢溫到控制得非常好，鮮甜暖胃，令人食慾大增。另外叫多份清酒煮大蜆 $88 ，佢用清酒去烹調，令到蜆肉嘅味道更加突出更鮮甜，係值得一讚！店員仲推介咗一款蟹味噌甲羅燒， 有鱈魚干、紫菜珍珠飯做配搭 $68，賣相非常之吸引，蟹膏嘅味道非常濃烈，配上鱈魚干、紫菜珍珠飯係一個非常適合嘅食法。強烈推介！必食！串燒拼盤五品 $75，包捨有雞翼、京蔥雞、雞軟骨、冬菇、小青椒，配搭比較特別，每串肉嘅串燒都燒到金黃色，幾乎冇任何失誤燒焦嘅情況，雞軟骨爽口、雞肉依然肉質嫩滑多汁，都係必食推介！

同老公系彌敦道行街經過呢度，見到間日本餐廳唔錯就拉咗佢上去食。嗰度環境清靜非常有格調，裝修主要都係已日本文化為題材，擺放咗好多日式小擺設。呢煲係石鍋香辣海鮮湯烏冬，入面係採用咗海鮮濃湯打底，未食都已經香氣十足，湯底非常鮮甜、辣度適中，再加上海鮮簡直係絕配。重有和風厚切吉列豬扒，豬扒份量非常大件，吉列豬扒都外脆內軟，肉質仍然幼嫩，吾會好老呢個係煙三文魚凱撒沙律，睇落好似唔見煙肉三文魚，實質係系個底到比人食前攪拌，沙律口感味道豐富，再配上煙三文魚，除左健康仲極之美味！

同女朋友行街經過呢度發現咗間日本餐廳，餐廳係樓上鋪，餐牌上面嘅嘢食都非常吸引，就同咗女朋友一齊上去試下我地先叫左個壽司定食，裡面包括有三文魚啦~油甘魚、甘蝦、赤身、赤背重有芥辣八爪魚同玉子蛋，都係講緊90蚊。其中想特別講吓芥辣八爪魚壽司，佢嘅紫菜仲係好脆，好明顯係師傅一包好就即刻上枱，去完餐廳好多人，但係侍應嘅反應仍然好快，值得一盞！重有一份極上魚生丼，價錢118蚊，賣相水準都非常高，肉質爽甜滋滑、非常新鮮。

同個friend打算去食日本嘢，朋友就推介咗呢一間日本餐廳。地址位於佐敦彌敦道311-313號1樓。裏面嘅裝修擺設都非常特別，有一個迷你古代日本武士嘅擺設。我地叫左和風珍味拼盤、石鍋香辣海鮮湯烏冬、和風厚切吉列豬扒、煙三文魚凱撒沙律同刺身三品盛合，裏面有三文魚、油甘魚同甘蝦。相對二人餐款式豐富、份量充足，性價比極高。值得推介嘅係石鍋香辣海鮮湯烏冬，湯底極度香濃，海鮮嘅味道一直係口腔盤旋，真係令人垂涎三尺。辣度控制得啱啱好，唔會令人不適，更加令人食慾大增。

系附近佐敦道見完客，咁啱附近見到一間樓上舖嘅日本餐廳覺得非常特別，裝修都好有日本feel所以想去試一下💯都係叫咗基本壽司定食， $90就有多種壽司，分別有三文魚、赤身、芥辣八爪魚、甘蝦、赤背、油甘魚同玉子蛋，甘蝦晶瑩剔透，食落就知道有幾新鮮，肉質都香甜！🦐🐟🐙另外仲叫咗一份🐮🔥炭火燒安格斯牛扒定食， 價錢$115，建議先食咗壽司定食先，因為炭燒牛扒會比較濃烈易搶味，牛扒肉汁非常美味可口。🥰

好耐之前有個唔食生嘢嘅朋友介紹我去呢間喺 #佐敦 嘅日本菜!啱晒我帶又係唔食生嘢嘅男朋友嚟食! 滿足到佢又滿足到我😆呢度嘅選擇真係好多!我哋各自點咗<<三文魚壽司>>($19)同埋<<蟹柳壽司>>($16)三文魚肥美呀🤤唔錯唔錯😊男朋友點嘅<<軟殼蟹手卷>>($55)竟然有兩個😍搞到我除咗食自己個<<鰻魚手卷>>($24)，仲有多一個食😎不過…手卷其中一個精髓係脆身嘅紫菜!!!!可惜…佢腍晒🥲好在軟殼蟹同鰻魚都算大嚿👍🏻軟殼蟹都脆口唔油膩!呢啲位就加番少少分啦😉<<芝士焗天火蠔>>一隻$28，三隻$78!!! 抵好多!!!不過叫嗰陣有少少淆底驚佢唔新鮮驚佢腥~好彩佢係有水準嘅發揮😋芝士同忌廉汁好多!!而且隻蠔殼都幾大隻😏係燒埋之後變細咗😅但口感係好好嘅! 爆晒汁好juicy🤩<<網燒牛扒>>($128)就貨不對辦喎🙃同menu張相完全唔一樣嘅!!!🤣🤣🤣不過佢肉質都幾軟腍，易切而且肉味濃，咬落唔乾

喺OR見到千幾個好評路過就諗住入去試試入到去第一下嘅感覺係啲員工都幾友善而且有個類似經理嘅物體仲好客氣我哋唔該完佢之後係咁不停同我哋講唔使客氣唔使客氣可能我哋星期日啦 其實唔算好多人入到去就點左兩個set嗌左角魚生飯加蕎麥麵另外一個石鍋牛肉飯加兩件三文魚壽司最先嚟到嘅就係三文魚壽司睇落略瘦食落就係食得出嘅瘦魚生飯嘅魚都係比較瘦無乜油脂既香但唔腥 個人認為普普通通不過不失分量上來講啲飯略多但整體而言唔算好大個可以食得晒我哋冇諗到個蕎麥麵係熱湯個麵質有啲淋唔係我哋喜歡既口味個魚生飯仲送多咗個小食我哋揀咗炸芝士但都係普通啦略油 但又唔算重芝士味麵豉湯就比較hea基本上就係葱同麵豉嘅味石鍋牛肉飯係相對上比較惹味嘅牛有牛味但都係無乜油脂感本身想話都冇啲負皮講得咁差啊環境又算OK態度又唔係差一咁樣諗完就見到一張完全冇人坐過嘅枱有張紙巾🤦🏻‍♀️咁嘅時勢又真係要小心啲好嘅始終而家都係衛生啲好至於整體而言我覺得唔難食嘅 不過比較hea希望之後會做得好啲啦

早排去咗一間我自己認為好高質嘅餐廳，就係喺佐敦嘅七福神和食亭！一去到呢間餐廳嘅時候就覺得好有派頭！行樓梯上去嘅時候就好似入咗一條時光隧道咁，令人有一種去咗日本嘅感覺！而且，呢度嘅日式料理選擇好多，今次重點想推介嘅就係呢一度嘅壽喜燒！！冬天嘅時候，食壽喜燒真係好爽！首先講吓呢度嘅湯底，湯底雖然簡單，不過絕對係成個菜式嘅靈魂！非常香甜嘅味道！而且，呢度嘅豚肉亦都好好食，肥瘦適中！好香嘅豚肉味道！入口嘅時候真係好林！食得出係好高質嘅豚肉！當然唔少得仲有其他嘅配菜，其他嘅蔬菜吸收左呢個湯底嘅味道真係好甜！其他日式料理嘅款式，刺身，壽司都好高質，整體來講呢間餐廳真係好高水準！

約咗一個好閨蜜見面食飯，就梗係要搵一間餐廳好好咁聚會談心啦❤️然後喺OpenRice搵吓有啲乜嘢好選擇嘅時候，就比我見到呢一間喺佐敦嘅七福神和食亭，呢一間餐廳真係好多好平，於是都好想過嚟試吓！食日本嘢又點少得要食刺身呢，所以一嚟就已經叫咗呢一份八品刺身！整體來講，呢度嘅刺身好新鮮，我自己好鍾意食呢度嘅八爪魚🤤入口嘅時候好煙銀嘅口感，加上非常鮮甜嘅味道，真係好鍾意！另外就係呢一個巨型嘅蟹子沙律，用巨型去形容真係冇錯，真係非常多嘅份量，而且呢度嘅青瓜絲好清甜爽脆，配合埋酸酸甜甜嘅沙律醬一齊食真係好開胃！另外仲叫咗唔同嘅串燒，我自己好鍾意食呢度嘅雞腎！大大粒，而且口感好好！加咗少少椒鹽喺上面，就已經好好食！

呢一間餐廳一直都有聽講過，不過自己真係第一次過嚟呢度食飯！男朋友生日，所以諗住帶佢食日本嘢，好好慶祝一下！一去到呢間餐廳嘅時候就已經覺得好靚，好有氣氛，男朋友亦都好滿意😊叫咗好多款唔同嘅壽司，我自己都好鍾意食呢一度嘅鰻魚壽司！鰻魚嘅醬汁好香，而且呢一度嘅鰻魚亦都好滑好甜！另外想介紹一下嘅就係呢一份脆皮餃子，就咁睇呢個賣相就已經覺得好有特色，而且呢一度嘅脆皮餃子真係非常脆皮！餃子亦都係好充足嘅餡料！仲有嘅就係呢一份蟹子沙律，呢一個蟹子沙律真係非常巨型，而且蟹子同埋蟹肉嘅份量都好多，性價比好高呀！