一鍋堂 (大鴻輝(荃灣)中心)

营业中

休息中

早前朋友book了荃灣大鴻輝的一鍋堂晚餐，時間剛好趕在政府禁晚間六時堂食前日子，真好彩能夠大吃一頓！ 雖說今天是吃晚餐的最早時段，但因為這棟大厦食肆很多，等電梯上樓都有排等，成為這裏特色之一。由於之前已經試過了這裡B餐所以今天就點了一個標榜高级澳洲和牛的C餐一試，看看兩者間質素有什麼的區別。澳洲M5和牛板肉、 西班牙穀飼豬肉、 美國安格斯牛肉粒、封門柳、牛脷心托、 紐西蘭羊卷肉……叫了滿卓都是。M5和牛肉一入口就覺柔軟不會韌，很有牛肉味，和之前吃的牛肉大不同，一流。牛胸爽果真如名夠爽脆、牛脷心托都算夠特別，揀牛脷的中心部份來吃，淥完會韌又有咬口，個人的喜愛選擇之一、一口牛粒亦有一定質素，焯久了也不會過老。 穀飼豬肉不會像其他冰鮮豬肉那樣無味，能吃出豬肉的鮮味。另外的羊肉都可以，不會覺得太騷味。今次計其他火煱常吃的食品，光只吃豬、牛兩款肉類就已經吃得半飽了;另外在外面自取的各式冷盤和熱熟食和冷櫃裏很多的蔬菜， 根本兩個小時就一定不夠時間來試盡所有的美味食物，唯有等待下一次再來大吃一餐。

早幾日天氣暖返，今日凍返D 就出黎一鍋堂食返個任食火鍋。黎到出奇地無咩人，好快就可以入座啦。黎到一鍋堂每次都必飲佢地嘅冰糖燉檸檬，清潤得黎又健康。鴛鴦湯底（一鍋潮汕湯/沙參肉竹鯊魚骨湯）個好處除左係可以食到兩款味之外，仲可以一邊煮肉類，一邊煮菜類，咁湯底就唔會越食越油。西洋菜係冬天先好食，所以打邊爐要食嘅菜我必定會落西洋菜。美國安格斯牛肉同埋牛板腱肉質同牛味都唔錯。其他火鍋配料一樣咁出色。自助區有得裝芝麻味雪糕食。

天氣凍冰冰最岩就係打邊爐😋今晚喺 #一鍋堂🥘訂咗外賣火鍋套餐🌟四人餐勁豐富，全家都食到勁滿足，門市自取仲有九折添😎湯底揀左胡椒豬肚湯，驅寒暖身一流☄️❇️小食醬油麻秋葵、紅燒蘿蔔牛腩、日本甜番薯、黃金炸魚皮🔸推介醬油麻秋葵，香麻又開胃；日本甜番薯香甜軟綿夠哂綿密。❇️手作海鮮帆立貝、手切白鱔片、花膠、沙白蜆🔸推介花膠，爽而滑溜；沙白蜆肥美飽滿。❇️手打魚滑黑松露手打墨魚滑、陳皮手打鯪魚滑🔸推介黑松露手打墨魚滑，香味十足好爽彈。❇️肉丸芋泥貢丸、風味蝦棒🔸推介芋泥貢丸，飽滿渾圓，咬開仲有香濃芋泥。❇️手作餃丸菠菜皮韭菜餃、梅菜豬肉餃、彈牙魚皮餃、孜然雞丸🔸推介彈牙魚皮餃，啖啖肉勁鮮味。❇️精選鴨血、豬爽肉柳🔸推介豬爽肉柳，肉味濃郁，爽脆有彈性。❇️精選進口肉美國安格斯牛板鍵 x2份🔸脂肪同肉質比例均勻，鮮嫩多汁，正。❇️新鮮蔬菜娃娃菜、菜心苗🔸蔬菜新鮮又爽嫩，健康有營。❇️自家製有營花果茶洛神花茶、泰式蝶豆花茶🔸甜度岩岩好，清新解膩。❇️粉麵自家製胡椒麵、稻庭烏冬、薯粉❇️佐料包埋醬油、椒絲、蒜茸、蔥花同外賣餐具

同朋友係荃灣行完街, 用電話上openrice一搵就搵到呢間一鍋堂,立刻book位試試湯底選擇好多,店員推介潮汕湯,我地就鍾意藥膳湯,所以就揀左個鴛鴦湯底!十分推介,兩個湯底都好濃味,好足料!每碟肉類都會有個牌仔介紹係咩肉,鍾意食既話可以方便返你再嗌,好體貼既服務另外肉類都新鮮,唔會一陣冰鮮味或者好難咬開飲品方便選擇好多,有大眾紙包飲品同汽水,又有自家既飲品,好推介冰糖檸檬,飲完個喉嚨好舒服!同打邊爐一齊飲就岩哂野食選擇多,上菜快,放得整齊又整潔,唔會成碟都係水,個盤又易拎,好抵讚!丸類無冰鮮味,滑類夠哂彈牙又無粉味,好高質!黃金炸魚皮都係十分推薦,蛋黃炸到好香口,魚皮又卜卜脆,就咁食同打邊爐都一流!同場推介呢條大蟹柳,蟹柳迷一定唔可以錯過, 大大條又夠爽口,好夠蟹柳味蝦又夠大隻又夠新鮮,好好食,好彈牙每人300蚊唔洗...好正的一餐

相約朋友荃灣慶祝生日，朋友喜歡吃火鍋，便選了<一鍋堂>荃灣分店。第一次來，出電梯門，便見到 大個閃亮招牌，和一排貼心舒適等待區座位。餐廳空間很大，座位闊落，落地窗戶，日光照入，環境非常舒適。我們選了午市B套餐，每位178元，100分鐘。首先有15款特色湯底選擇，我選了推介的金寶蕃茄牛尾湯，朋友則喜歡芫茜皮旦湯，於是加50元來個鴛鴦湯底。等待湯底的時候，去自助飲品櫃，選了自家手作洛神花茶，和薄荷烏龍茶。洛神花茶，不太甜，酸酸地，清心降火。西班牙栗飼豬肉，有香甜豬肉味， 肥瘦分布均勻，就算在湯中滚久一點，入口仍然軟滑。我愛吃牛肉，點了美國安格斯精選牛板健，封門柳和美國安格斯牛肉，幾種牛肉都很新鲜，牛肉味濃，脂肪比例適中。個人最愛安格斯牛肉，肉質細嫩，配合金寶牛尾蕃茄湯底，入口更香甜，肉嫩多汁。手工餃丸類食物，點了 手打潮汕豬肉丸，手打魚腐，和蟹籽手打墨魚滑，墨魚滑爽滑弹牙，蟹籽入口脆爆，不錯。手作梅菜豬肉餃，入口梅菜香甜，猪肉肉汁豐富，皮夠薄，喜歡梅菜的話必要嘗試。朋友喜歡吃海鲜，每人只加20元便可任點。手切白鳝片，鲜嫰細膩，入口即化，只有鲜味沒泥味，薄薄一片，冇碎骨又易熟

在疫情下政府緊急宣佈停止任何晚市堂食活動，所以要食好西嘅唯一辦法只可以將時間擺喺中午時段。而冬天最令人懷念嘅不外乎係打邊爐，暖笠笠咁嘆住各款美食！於是上網搵咗幾間餐廳，最後決定嚟呢間係荃灣嘅一鍋堂火鍋講返呢間一鍋堂，除咗荃灣有分店之外，其他地方都有。由於要就小朋友返學所以嚟到荃灣分店，值得一讚嘅係呢度係新裝修餐廳，望落去好光猛，而且感覺好舒服！我哋嚟到揀咗中午嘅套餐，價錢比夜晚時嚟平好多⚡️湯底湯底嘅選擇非常之多足足有十幾款，餐廳介紹佢哋嘅湯底係用豬骨熬製，比出邊嘅唔同更足料👍落單方式係以手機掃描QR code落單，減少紙張浪費。⚡️蔬菜類及其他熟食小食食物以自助方式去拎，蔬菜嘅選擇非常多，足足擺滿一個櫃，熟食小食都好多款，我平時打邊爐最怕洗蔬菜，呢度嘅蔬菜全部都洗得好乾淨又新鮮，抵讚。⚡️肉類而我最期待嘅係呢度嘅牛肉，因為同平時任食火鍋嘅牛肉係有分別。我哋嘅套餐除咗可以揀選特選嘅安格斯牛肉之外，亦有牛肉嘅唔同部份可以點選。牛脷心托係之前未試過，非常之有口感，封肉柳就好有牛肉味。豬肉有少少肥但係都好好味⚡️丸類及其他食打邊爐嘅急凍丸其實都有高低，呢度令我值得一讚嘅係佢哋嘅手打墨魚滑及墨魚丸，非

政府突然宣佈星期五晚開始禁堂食, 所以趁未實施前即約友人大吃一餐火鍋。入座前, 我哋揀咗B餐特邊安格斯牛, 湯底就揀咗鴛鴦鍋-沙嗲同金寶蕃茄羅勒湯(荃灣店限定), 前者微辣惹味, 後者酸酸甜甜, 愈食愈開胃趁個鍋未嚟,出去自助區行個圈,呢度嘅涼拌小食, 我試咗熟蝦、麻辣豬耳、泡椒鳳爪、雞腎, 全部醃得入味飲品方面除咗有普通放題供應嘅飲品外, 仲有佢哋自家製嘅涼茶系列,薄荷烏龍茶減肥消脂、蝶豆花控制血糖、冰糖燉檸檬生津止渴,各有不同功效,非常貼心行完個圈返嚟order 食物也上台, 實在太震撼成堆食物, 例如特長蟹柳、手打墨魚丸、鴨血、韮菜餃、牛肚、豬紅、牛柏葉、海蝦、沙自蜆、安格斯牛、封門柳等…海鮮類: 首推花推, 好大件口感很好另海蝦肉質彈牙好新鮮,沙白蜆肉厚飽滿激鮮甜而且沒有沙, 非常難得肉類:安格斯牛肉質鮮嫩, 有入口即溶的感覺, 相對牛味就不太濃, 非常好味。如果想牛味濃一點,可以食封門柳, 肉質比較有咬口。牛脷心托,口感爽脆,牛味更濃, 作為牛魔王的我, encore 咗幾碟非常滿足丸類: 揀咗龍蝦沙拉丸夠爆汁、蟹籽蝦肉彈牙自家製餃: 揀咗韭菜餃皮薄餡料豐富,入面滿滿韮菜,

午餐的價錢不貴，有三種價錢可選，我們選了中間價錢的套餐。環境乾淨、座位寬敞、裝修也不錯，跟同一棟大廈的某些任食餐廳相比，環境非常出色。食物有很多選擇，有熟食和打邉爐的食物。牛的質量不錯，特別喜歡封門柳。其他的打爐食物也不俗，不是低質素那種。另外，熟食的選擇也不少，全部的味道都不錯。唯一不好的是進餐時間是非常嚴謹，時間一到，店員就請我們埋單，一般的任食餐廳都容許逗留較長的時間

我地都覺得火鍋放題入面一鍋堂係高質嘅🤤所以耐唔耐都會黎食 今次就第一次黎荃灣分店呢邊裝修比較新淨光猛又有啲打卡位～落單都係QR code落 部分就出去攞 出面自助區有好多小食～ 有唔少開胃前菜 仲有凍蝦～ 都好鮮甜 鹹蛋魚皮好邪惡！香脆入味火鍋嘅菜類同部分丸類都喺出面攞 醬料區都好企理飲品區仲有啲自家飲品～ 湯底我地嗌咗沙嗲湯 濃郁惹味見到佢地仲有新嘅湯係同金寶湯合作～不過我哋都鍾意沙嗲湯所以都冇試到🙈最欣賞一鍋堂就係嘢食一定送齊 又上得快👍🏻肉類我地覺得最好食係封門柳 牛味十分香濃 海鮮都好新鮮 沙巴蜆大隻又冇沙

晚市有三款任食放題套餐供選擇，每個類別所包含的肉類不同，今次我選擇了中間價位的B餐特選安格斯牛，放題另外更包含自助沙律吧、熱食前菜、精選食材、新鮮海鮮、手工餃丸等等。除了有高質食物，湯底既多選擇又真材實料，總共有16款特色湯底，任君選擇，我選擇了胡椒豬肚湯，在冷冰冰的冬天能温腸暖胃、散寒驅風。以下有幾款值得一試的食物，牛脷心托口感爽脆特別，入口又腍又有牛香；台灣鴨血口感嫩滑，份量厚度十足；自家手打三寶丸，有墨魚丸、雞丸、豬肉丸，鮮味爽滑，口感彈牙。飲品方面有22款選擇，其中四款自家製飲品必試：冰糖燉檸檬、洛神花茶、蝶豆花茶和薄荷烏龍茶。甜品方面有乳酪軟雪糕，餐廳設有自助雪糕機，雪糕質地香滑，黑芝麻味味道濃郁，非常適合飯後解膩。

早幾日天氣真係好凍又係打邊爐嘅日子🤣呢間火鍋店長期都full要book真係要提早打去約🥰呢排一鍋堂仲同金寶湯合作最近推出兩款金寶湯底都好吸引佢有3個plan選擇我哋今次就揀左$238果個plan自助區除左有醬料飲品之外仲有多款熱盤冷盤選擇火鍋配料款式都超多🔸熟食湯底未嚟之前可以先去自助區到拎熟食，我哋就拎咗黃金炸魚皮同麻辣雞腎，魚皮炸得好香脆，亦好香咸蛋黃味，麻辣雞腎好香麻辣味，雞腎亦好好咬口👍🔸湯底我哋今次簡咗鴛鴦湯底，包括金寶湯系列嘅蕃茄羅勒湯底同埋檳城喇沙湯底。蕃茄羅勒湯好濃蕃茄味，酸酸甜甜非常之開胃，喇沙湯底就比較重椰奶味，亦都有少少辣，不過十分之惹味🤣🔸精選肉類$238呢個plan多咗幾款肉可以叫，我哋每款都有叫嚟試吓🤣牛脷心托第一次食，食落似薄身嘅牛脷，口感好爽好彈牙，輕輕鬆鬆食哂一盤😋封門柳就最重牛味，切得都較薄身所以食落唔會好韌，將封門柳放入蕃茄湯底好夾，酸酸哋嘅蕃茄味更能突出封門柳嘅牛味🤩美國安格斯精選牛板腱就比較大片，肉質好juicy，都係必食之選。西班牙粟飼豬肥瘦好平均，非常出色👍🔸海鮮打邊爐梗係要食吓海鮮，今次就叫咗鮮蝦串，一份有六串，鮮蝦大大隻，十分鮮甜，肉質

放假約朋友系列，要去返我們抵食的飯堂，今日一樣叫了鴛鴦鍋，芫茜皮蛋加番茄牛粒。湯底配料豐富，非常入味，不是味精味。這裏落單用手機下單，非常方便，還有自助區。美國安格斯牛肉中：非常有牛味，入口嫩。牛的種類都有好多，封門柳、牛脷心托，很特別的牛這裏都有，非常新鮮。海鮮種類都十分多，特別喜歡沙白蜆，雖然細細粒，但鮮味，沒有沙。內臟種類都多選擇，豬肚清洗得十分乾淨，爽脆。豬肺都有，一樣洗得乾淨，一點腥臭味都沒有，正。一鍋堂必叫，長蟹棒，叫了幾轉，正。魚皮都非常好味，，自助區還有黃金魚皮。手打丸子都是誠意之作，墨魚滑都彈牙，新鮮。飲品區有我至愛的自家製涼茶系列，最愛洛神花，天然的味道。菜的種類都十分多，我們至愛羽衣甘藍，健康回本之選。

冬天到，又來到大鴻輝吃火鍋，選了午餐時段，訂了12點不用等位，看到荃灣店限定湯底推廣，和金寶湯聯成炮製湯底，選了金寶番茄羅勒湯試試。先嘗了一口湯底，沒有什麼味精，番茄味和羅勒香味很夾，而且亦配有新鮮蕃茄。自助取飲品， 飲品有很多選擇， 選了自家手作洛神花茶和玫瑰茉莉茶，洛神花茶不太甜， 有一點酸酸的味道，很香很開胃，配火鍋很適合。玫瑰茉莉茶，自助取茶包和沖熱水，很方便，散發著濃郁的玫瑰和茉莉香味，很適合不飲冷凍飲品的女生喝。逛了一圈自助食物吧，紅燒蘿蔔牛腩炆煮得很腍，蘿蔔亦很入味。點選了很多火鍋配料，西班牙栗飼豬有肉味，厚薄剛剛好，不會太過薄無肉食，又不會太厚好難熟。手作麻辣豬肉餃，麻辣豬肉餡料很惹味，而且是獨家手作。手打孜然雞丸很彈牙，孜然味剛剛好。手串生猛海蝦，新鮮彈牙，鮮甜大隻。野生竹笙，餐廳洗得乾淨，爽脆。麻辣撈雞柳，麻辣味醃得很入味。燙熟了之後， 吃起來還有麻辣味，而且雞肉十分嫩滑， 叫了數碟。自家製胡椒麵，很耐煮，很適合火鍋食用，不怕燙久了會煮糊，麵質很爽很彈牙，濃重的胡椒香味。

又一排冇黎一鍋堂，呢間打邊爐真係好正。用料新鮮、多款揀，上菜又快。今次叫左新出既金寶蕃茄羅勒湯同一鍋潮汕湯湯底，我覺得潮汕湯底好好味，佢可以先飲湯，頭打邊爐，而且裏面仲有大地魚乾，超級鮮味。火鍋配料方面，我自己好鍾意食牛，佢嘅封門柳同牛舌都非常之好食，我叫左勁多😂😂😂 必食手工餃，同出面包裝果d好唔同，冇雪味，d肉又新鮮。海鮮都好正！拎黎既時候d蜆仲郁架！熟食區我最中意五花腩同蘿蔔牛腩，極入味，煮到好淋身，不乾柴～最重要係擺入口都唔油膩，好好食，我自己一個食左2碗🤭仲有羽衣甘藍同好多款菜，又有甜品雪糕同埋佢哋嘅養生茶，超抵食！1/12 開始三間分店都有火鍋外賣🤩🤩 可以送貨或者自取，自取仲有9折cap左幾幅圖俾大家睇下我食左幾多野😆😆😆

天氣凍就當然想打番個邊爐暖下身仔, 荃灣分店全新裝修, 空間感更大更開揚, 原來三間分店嘅火鍋仲可以外賣送貨同自取, 自取嘅話仲有9折, 下次可以外賣走😊今次小妹揀左高級澳洲和牛套餐加海鮮, 而湯底就揀左荃灣／旺角一鍋堂分店同金寶湯聯乘嘅蕃茄羅勒湯, 味道酸酸甜甜, 愈食愈開胃!餐廳提供嘅火鍋配料好多, 基本上大部份肉類好似M5牛, 封門柳同西班牙栗飼豬等等, 丸類方面有多款特色丸類好似潮州牛丸, 手打孜然雞丸咁, 而餃子例如手作梅菜豬肉餃同韭菜餃都係佢地嘅招牌配料嚟! 各款蔬菜類, 飲品除左平時嘅汽水果汁, 仲有幾款口味嘅冷泡菜, 而甜品都可以係出面自助, 另設有收費項目! 封門柳雪花分佈均勻, 肉味突出西班牙黑毛豬鮮甜美味蝦, 大蜆, 沙白都好新鮮，帆立貝都好大粒, 最驚喜仲有滋陰花膠, 連埋個番茄湯底非常好味蔬菜都好新鮮, 連小妹最中意嘅西洋菜都有而且仲好爽甜最後小妹整左一杯好多好多轉嘅軟雪糕, 口感軟滑, 奶味好重