一輪 (一門町市場)

北海道十勝和牛係稀有的高級和牛之一，品質控管嚴格，肉質細緻柔嫩，估唔到喺荃灣可以用一百蚊鬆啲嘅價錢，就食到3款唔同味嘅和牛漢堡套餐，真係抵到爛呀！餐廳入面有兩個輪，顧客圍住坐，店員就喺中間煎漢堡所有套餐都有麵豉湯、中華沙律、日本生蛋同埋日本珍珠米飯。麵豉湯都真係好足料㗎，有豆卜、雜菌、海帶等，仲好大碗添！至於生蛋就喺撈飯食嘅，因為打得太偏，就唔影相畀大家睇了套餐D $128三重芝士和牛漢堡+微辣番茄和牛漢堡+原味漢堡：啲漢堡真係好厚身，同埋好軟嫩，入口即融！身為芝士控的我最推芝士味，鹹香惹味，配飯一流！番茄味都唔執輸，辣辣地，又酸酸地，非常開胃！套餐C $118甜洋蔥燒汁和牛漢堡+黑松露忌廉汁和牛漢堡：覺得餐廳真係好有創意，連黑松露忌廉都有，高級配高級！豬雞漢堡 追加$45呢款係期間限定的漢堡，以北海道戶米豬同免治雞肉混合而成，同樣都係頂級豬肉，入口甘甜，比較有口感！炒野菜 $32健康啲加道菜，又幾新鮮，食落好爽脆，同埋特別清甜！烤鱈魚乾 $28魚乾香脆，送酒最岩！

位於荃灣荃新天地的「一輪」是香港首間現打燒烤和牛漢堡專門店，去年嘅年頭已經開幕，採用北海道自家農場直送和牛，每日新鮮手製漢堡扒，而且更自家研發食譜，漢堡扒共有多款口味可以選擇，基本上開業以來非常人氣，任何時候門口遠遠都會見到一條人龍，今日我午市嚟到朝聖，當然一樣唔例外都要排隊🫶🫶店家有多款套餐供應，食邊款口味幾多件，任君選擇豐儉由人，而且更有多款日式小食飲品供應😋所有漢堡扒都是北海道十勝產和牛使用🐮我就點咗最豐盛的套餐 $ 128分別有三款不同口味嘅漢堡扒😋🐮北海道和牛漢堡原味一定要食，牛肉味極香濃，入口Juicy鬆化，不需沾醬已經夠晒入味，亦可沾上店家自製嘅燒肉醬或者海鹽增添風味🍅微辛蕃茄汁和牛漢堡醬汁就像蕃茄牛肉一樣，濃香蕃茄味酸酸味味帶點辛香，配上漢堡扒和米飯，味道清新夠晒開胃🍅芝士三重芝士汁和牛漢堡芝士控又點會放過呢一件，三重芝士漢堡，師傅先將車打芝士和水牛芝士醬汁淋上漢堡扒，然後再爬上大量巴馬臣芝士碎，完全滋味滿瀉，而且一啲都膩，好味道我需要加多半碗飯去配合🤣配送：前菜、日本國產生蛋、麵豉湯、珍珠大米白飯（任添）🍺Suntory 380ml有多款飲品選擇，我就最鍾意嘆番杯啤酒

位於荃灣荃新天地2期地下日本美食街～有間主打人氣和牛漢堡😋聽講每日都排長龍～好受歡迎～仲可以坐住睇住師傅烹調～😍真心推介好食😋我哋叫左2個套餐😉每個套餐跟白飯、日本國產生蛋、麵豉湯、白飯套餐B三重芝士汁和牛漢堡～三重芝士汁絲滑順口😬和牛帶有肉香，略微咸鮮，肉味濃郁😋套餐C黑松露忌廉汁和牛漢堡～黑松露忌廉汁具有獨特的松露香氣～增添了一種奢華的風味～和牛肉香濃郁，咸鮮適中，帶有自然的肉味😆香烤鱈魚乾外層經過烤製後，食落去好有酥脆感😂點沙律醬更加美味😋炸雞軟骨外層炸至金黃酥脆～內裡的軟骨部分質地柔軟，咬落去時能感受到細膩的口感😜清酒煮蜆蜆的肉質帶有自然的甜味😍 咀嚼時帶有汁液，十分爽口😋飲品葡萄味波子汽水原味波子汽水

之前經過店舖，唔明點解會大排長龍，上網一睇，原來係香港首間手打和牛漢堡專門店，唔怪之得咁多人排隊啦。今日早少少過來，希望唔會排好耐啦。餐牌選擇好專一，主要係和牛漢堡，仲要係使用自家農場養殖十勝產和牛，配以不同醬汁， 令我對佢都好有期望呀。依家有lunch special, 只要$68起，就有一件和牛漢堡加配菜，仲有前菜，麵豉湯，國產蛋同埋任食珍珠白飯，真係好抵，一於試下先。北海道和牛漢堡配柚子漬燒靖魚和牛漢堡燒好後會放在座位前嘅鐵板上，保持温度。和牛燒到表面焦香，保持到肉汁，牛味濃郁，入口即化，好滋味。靖魚肉質唔錯，淡淡柚子香。另外，仲追加一件黑松露忌廉汁和牛漢堡。忌廉汁完全唔吝嗇，加埋松露油香味，真係非常美味。我地仲叫左期間限定嘅豚雞肉漢堡套餐。估唔到豚肉雞肉mix嘅漢堡味道咁夾，肉質軟稔但唔鬆散，少少焦香，味道都唔錯喎。配以燒汁嘅漢堡味道更是出色。另外我地仲點左小食。清酒煮蜆，蜆肉肥美，酒味較淡。炸雞軟骨，香脆，但偏油。調味亦比較重。烤鱈魚乾，見住係面前即烤，非常香脆，係一流小食。價錢合理，味道又好，服務友善，可以再過來試試。

📍一輪😍荃灣人氣和牛漢堡👍🏻～長期排晒長龍🥹食物質素高🥳店員服務態度好👍～北海道和牛漢堡（原味）😍和牛漢堡非常大件😘整得非常香😛內裏肉質嫩滑🤭非常Juicy👍🏻配上日本雞蛋飯食味道一流❤️～芝士味漢堡扒😍非常邪惡😘👍🏻勁重手🤣岩晒撈雞蛋飯加燒汁食🤭～香烤鱈魚乾😍師傅現場即烤😘夠熱又脆口👍🏻👍🏻真係食到停唔到口🤭～順帶一提😍餐廳係白飯任裝👍🏻啱晒各位大胃王🤭泡菜，餐湯，飲品等等都係高質素❤️下次一定再嚟食😘📍一輪 (荃灣)荃灣楊屋道18號荃新天地2地下一門町市場J36-38號舖

鍾意食和牛🍔漢堡嘅啱晒，而且係荃灣荃新天地地點又方便, 佢哋有Open Kitchen 望住👨‍🍳👨‍🍳廚師煮, 我哋叫咗個三色芝士和牛漢堡廚師仲要喺你面前刨⋯緊啲芝士吸引😍另外嗰個我哋就叫咗白松露忌廉汁和牛漢堡， 佢哋仲加咗白松露油超級香又creamy 😍我哋又叫咗明太子雞翼啖啖肉，鍾意食肉😚嘅朋友仔啱晒😎飲品我哋叫咗兩杯水果酒🍹一杯檸檬🍋味一杯桃🍑味, 夠晒Refreshing 😚😚😚

黎到一門町市場發現原來有和牛漢堡燒😍原來係香港第一間手打和牛漢堡專門店！套餐大部份都有兩件和牛漢堡唔同醬汁嘅配搭價錢都係$93～128有泡菜/麵豉湯/日本蛋重點係白飯任裝唔怕唔夠飽😆同朋友點左三重芝士汁, 黑松露忌廉汁, 甜洋蔥燒汁, 微辛蕃茄汁和牛漢堡本身已經有調味好多肉汁😍有鐵板繼續熱住慢慢食都唔怕凍左👍🏻每件和牛漢堡都燒得好香配甜洋蔥燒汁同微辛蕃茄汁都好開胃🤤就算係三重芝士同黑松露忌廉汁亦唔會太膩牛味濃郁又唔會好騷！係自家農場嘅十勝產和牛！麵豉湯亦好足料！日本蛋撈飯食更加滑✨小食追加左清酒煮蜆$46同明太子雞翼$18份量啱啱好～蜆肉鮮甜冇沙, 雞翼亦唔會好鹹雞皮香脆唔乾👍🏻如果鍾意飲返杯依家啤酒果酒都有優惠！🍻

呢晚收工同朋友喺荃灣搵食行過citywalk 2驚覺開咗好多新餐廳一輪仲特別多人坐滿晒 open kitchen可以見到師傅整漢堡 座位全部圍繞住 好似去咗日本咁見menu價錢又唔貴 百零蚊有幾款和牛漢堡食 仲有前菜同湯 幾抵食 即刻排隊入去試吓 好彩唔洗點等就入得我要咗套餐C $118先上前菜同麵豉湯麵豉湯有菇、海帶同腐皮 咸度適中 好飲👍🏻套餐有甜洋蔥燒汁和牛漢堡、黑松露忌廉汁和牛漢堡漢堡即叫即整 上枱都會用鐵板暖住睇住和牛由嫩紅色煎到金黃色 見到都留晒口水上碟時加上洋蔥燒汁同黑松露忌廉汁 急不及待想開餐漢堡好香口 肉質嫩滑juicy 入口牛味濃郁加咗醬汁更香更惹味好食到食晒成碗飯朋友試咗套餐D $128就有北海道和牛漢堡、微辛蕃茄汁和牛漢堡、三重芝士汁和牛漢堡 好豐富試咗佢嘅三重芝士汁好正 即場淋上芝士醬再磨出芝士碎 味道好香好rich 加咗2個小食清酒煮蜆 酒味幾香蜆肉都幾多 大大隻 明太子雞翼燒得好外脆內嫩入面塞滿咗明太子 好香口要咗杯Suntory生啤生啤飲落係唔同啲！啤酒花幾香 配肉食係perfect match!

今天，我和老婆來到荃灣楊屋道18號荃新天地的「一輪」餐廳，品嚐到了極致的和牛漢堡。餐廳專注於使用特選的北海道十勝產A4-5級和牛，每個漢堡扒重達100克，肉質鮮嫩，油香四溢。每個座位都配有獨立的鐵板，可以現場即燒，這樣的設計讓漢堡扒外層微焦香口，內裡依然保持豐富的肉汁。漢堡套餐提供三款選擇：原味、芝士（現刨芝士加三重芝士醬）和香辣番茄汁，套餐內容還包括兩份漢堡扒、半熟溫泉蛋、日式麵豉湯、沙律，並且可以任食珍珠米飯，性價比極高。我選擇了套餐D，包含三重芝士汁和牛漢堡、原味和牛漢堡以及微辛蕃茄汁和牛漢堡。每款漢堡都有其獨特的風味，特別是三重芝士汁的漢堡，濃郁的芝士香氣與和牛的肉味完美結合，令人驚喜。老婆則選擇了套餐C，包括黑松露忌廉汁和牛漢堡及甜洋蔥燒汁和牛漢堡，這兩款漢堡同樣美味，黑松露的香氣讓人陶醉。我們還點了小食，明太子雞翼（2隻）外脆內嫩，搭配上葡萄味波子汽水，為這頓晚餐增添了清爽感。此外，香烤鱈魚乾、炸雞軟骨和薯仔沙津的搭配，讓整餐更加豐富多彩。整體而言，「一輪」的和牛漢堡不僅美味，而且帶來了獨特的用餐體驗，讓我們度過了一個愉快的晚上，絕對值得再來！

今日黎到荃灣同男朋友拍拖，見有間主打和牛漢堡既餐廳，見到店員喺度燒漢堡好香好吸引見就入去試下。男朋友揀咗套餐B，三重芝士汁和牛漢堡+微辛蕃茄汁和牛漢堡，俾我偷食咗幾啖，濃郁咸香既芝士汁配搭北海道十勝產黑毛和牛漢堡既醇厚肉汁，邪惡感double，中意啖啖油脂香氣既一定唔好錯過。蕃茄汁酸酸甜甜，中和和牛多餘油脂，微辛又可以吊起胃口，令人食慾大振，唔想咁heavy既可以一試。所有套餐都包含前菜，日本生蛋，味噌湯，同無限任添嘅珍珠白飯。將個漢堡加隻生蛋再加啲汁撈飯，真係好好食。我就揀咗個套餐C，甜洋蔥燒汁和牛漢堡+黑松露忌廉汁和牛漢堡，洋蔥焦糖化特有既甜味，係蕃茄汁無可比擬，喜歡甜口既記住要試啦。而黑松露獨突既氣味，距離烘爐三四呎都聞到，同屬油脂類既忌廉汁和黑松露味都能令和牛本身既脂香更上一層樓。順便嗌咗一堆小食試吓。日式炒野菜主要有椰菜、甘荀同香菇。椰菜炒得啱啱斷生，水份充足又味道甘甜。上面仲灑上木魚花，鮮味提高不少。薯仔沙律幼滑唔粗糙，加埋蟹籽一齊，口感有趣，絕對係健康之選。明太子雞翼燒到表皮香脆，一咬落去肉汁多到噴射出來，明太子帶少少咸又少少辣，十分惹味。咖哩脆炸雞軟骨小巧的骰，咖哩香撲

上排朋友去咗食鐵板漢堡，真係超級滿足！價錢平，份量夠，好抵食！我哋叫咗兩個餐，一次過試晒五款唔同口味嘅和牛漢堡，真係大飽口福！第一個餐我哋叫咗原味和牛漢堡、三重芝士汁和牛漢堡同微辛蕃茄汁和牛漢堡。原味和牛漢堡可以食到和牛最原始嘅鮮味，肉汁豐富，牛肉味濃郁！三重芝士汁和牛漢堡就更加邪惡，濃郁嘅芝士味真係好惹味！微辛蕃茄汁和牛漢堡就帶有少少辣味，酸酸甜甜嘅蕃茄汁好開胃🤤第二個餐我哋叫咗黑松露忌廉汁和牛漢堡同甜洋蔥燒汁和牛漢堡。黑松露忌廉汁和牛漢堡真係好香，好味😚而甜洋蔥燒汁和牛漢堡就充滿日式風味，甜甜嘅洋蔥燒汁同和牛非常夾，我好鍾意！套餐包湯及生蛋比你撈飯食🥚🍚😋除咗漢堡之外，我哋仲叫咗炒野菜同明太子雞翼2隻。炒野菜清新爽口，可以平衡下食咁多漢堡嘅油膩感。明太子雞翼就外脆內嫩，唔錯！

大熱即燒日式和牛漢堡配上三重芝士汁 狂刨Parma cheese 🧀採用北海道十勝產和牛望住佢哋即叫即燒燒到外脆內軟叫咗其中一個係黑松露忌廉汁，配甜洋蔥燒汁黑松露忌廉汁香濃creamy最後仲要加上白松露油，增加香氣另外叫做三重芝士汁配微辛蕃茄汁三重芝士汁唔會覺得好膩仲要毫不手軟刨咗勁多Parma cheese鍾意食芝士嘅要試！整體覺得醬汁10分出色套餐around $100左右仲配上溫泉蛋撈埋和牛漢堡好好食

係香港都終於食到和牛漢堡啦！今日專程去到荃灣搵呢間「一輪」，主打燒烤和牛漢堡，暫時全香港得呢到有得食！漢堡既選擇雖然唔多，得和牛同豬雞，不過勝在醬汁變化豐富，再加上不同既調味料，都可以食出極多唔同既風味今次同朋友黎，我就緊係叫返個和牛漢堡啦，兩塊漢堡分別淋左甜洋蔥燒汁同黑松露忌廉汁。個人比較中意忌廉汁，入口第一下好香濃黑松露味，醬汁少少杰身夠咸香，和牛燒完都仲keep到多汁軟身，配飯無得彈！另外亦可加上餐廳提供既芥末醬，同漢堡都勁夾！朋友就試左豬雞漢堡，相比和牛肉質實少少好有咬口，配搭特製燒汁簡直停唔到口！套餐仲包左前菜、麵豉湯、日本生蛋同任食珍珠米，包保食到抱住個肚走！其他小食炒野菜亦好香鐵板燒既味道，仲可以一邊食一邊睇住師傅煎漢堡，有得睇有得食！

朋友推介，話呢間餐廳係自家農場養殖十勝產和牛使用，同時亦都係香港首間手打和牛漢堡專門店，咁仲等咩？鋪頭12點開，呢個時間來差唔多，唔會太多人。有两個圓型台，席前即燒，人人可睇到師傅的手勢，但見件件好均匀，據說都係100g。聞得到日本和牛油香及肉味，每個座位設獨立鐵板供席前即燒，厚身漢堡扒燒得微焦香口，內裡依然有豐富肉汁，這就是魅力所在。叫咗套餐D，有原味、三重芝士汁、香辣蕃茄汁3份漢堡扒，又有好大碗的麵豉湯，前菜和日本生雞蛋一隻，仲有日本珍珠米飯一碗，最驚喜係米飯唔够可以添加，不過講真咁大碗飯女仔實够嘅，男仔就有機會需要添飯。原味嗰份漢堡食咗先，可以感受到和牛嘅原汁原味，至於芝士份漢堡芝士味濃郁，仲有面上的芝士碎觀感也不唔錯，香辣蕃茄汁則酸酸甜甜小小辣，幾惹味。另一份係套餐C，有黑松露忌廉汁和甜洋蔥燒汁2份漢堡扒，同様哋有前菜、麵豉湯、蛋同埋飯，黑松露味道濃郁，好似嘆緊西餐咁，而洋蔥燒汁和牛漢堡係我最喜歡的味道，久久回味著😋😋而可以回味的還有明太子雞翼和清酒煮蜆😋😋😋

荃灣頭位大型商場 ground floor 近年搞咗個乜乜一門町，差唔多成個 G/F 都做晒餐廳，有聲有色，都幾多元化。「一輪」係一家超有特色嘅和牛漢堡餐廳，環形餐枱加開放式鐵板燒設計，好有氣氛！店員即場幫你烤和牛漢堡，香噴噴配埋熱辣辣嘅珍珠米，啱晒鍾意新奇體驗嘅你！佢哋嘅漢堡特別用咗北海道十勝黑毛和牛同澳洲M4和牛混合製作，每塊100克，口味有原味、芝士同埋香辣番茄三種選擇，包你食到滿足！每個套餐仲包括兩塊超juicy漢堡扒、半熟溫泉蛋、味噌湯、沙律，同埋無限量供應嘅珍珠米飯！咁豐富，點解可以唔試下？如果覺得吸引，不如約埋朋友一齊去試吓啦！唔好錯過咁特別嘅用餐體驗呀！🎉🍔