一輪 (一門町市場)

今日要去荃灣買嘢，朋友在附近工作，佢話有間好味好食嘅日式餐廳，我哋就今晚去食晚飯，這間餐廳叫一輪，餐廳主打北海道直送和牛漢堡，意向打造香港少有的和牛漢堡專門店。餐廳座位都非常特別，有兩張大大圓枱，枱中間有廚師精心烹調後送上餐桌，未食已經聞到好香嘅味道，餐牌食物款式不錯，有四個美味套餐，有多種不同味道嘅和牛漢堡，賣相同味道都好吸引，我哋就叫咗套餐B同套餐C，仲叫埋小食同飲品。套餐B（主食：三種芝士汁和牛漢堡、北海道和牛漢堡）🌟三種芝士汁和牛漢堡以和牛為主，搭配三種不同芝士調製的醬汁，口感濃郁層次豐富，和牛肉質鮮嫩多汁，芝士汁的香氣與牛肉完美融合，帶來濃厚的奶香和鹹香風味。🌟北海道和牛漢堡是使用北海道和牛製作的漢堡，肉質細膩、油脂分布均勻，入口即化，帶有濃郁的牛肉香氣，口感鮮美且富有彈性。套餐C（主食：甜洋蔥燒汁和牛漢堡、黑松露忌廉汁和牛漢堡）🌟甜洋蔥燒汁和牛漢堡的肉質細嫩多汁，搭配甜洋蔥燒汁，帶來濃郁的甜鹹風味，口感層次豐富。🌟黑松露忌廉汁和牛漢堡嘅黑松露的香氣濃郁，忌廉汁的滑順與和牛的柔嫩相得益彰，整體口感奢華且帶有獨特的松露香氣。套餐配料（麵豉湯、珍珠大米白飯、前菜、日本國產生蛋）⭐️

呢間即燒既和牛漢堡扒餐廳擺左係我既餐廳名單好耐下，平時食飯時間經過都有唔少人排隊，今日早左收工，六點幾黎到等左一陣就入得👍🏻😀餐廳既設計好有氣氛，可以清楚見到師傅即燒漢堡扒，確保漢堡扒都係新鮮製作今日試左C 同 D餐，五個口味都試晒，真係款款都好好味😋跟餐仲有前菜同麵豉湯，麵豉湯都好足料，又唔會過咸飲完湯就上漢堡扒，師傅會將整好嘅漢堡扒擺喺你面前嘅暖版，漢堡扒既五款口味分別係原味，微辣蕃茄，三重芝士，甜洋蔥燒汁，同埋黑松露忌廉汁，呢到既牛肉都係來自佢地日本自家農場既和牛，真係贏在起跑線，食原味都已經好正，漢堡扒既外面燒到有焦香既感覺，中間就勁多肉汁，又香牛肉味，而且各個醬汁都唔會搶左漢堡扒本身既味道，真係個個味道都鍾意😋😋呢個餐仲包一隻日本生雞蛋同任食既珍珠米另外仲叫左三個小食，分別係炸雞軟骨，烤鱈魚乾同明太子雞翼，呢三個小食都好香口，我最鍾意既係雞軟骨，炸得香口之餘仲帶有少少咖哩既香味

每次周末經過這家和牛漢堡扒專門店，總是有一條人龍在等候；今天是平日較早時段，見到不用排隊，即刻入內打下卡先。這家人氣和牛漢堡扒專門店位於荃灣區，距離荃灣西站約10分鐘路程的荃新天地2期地下。餐廳裝修好有特色，兩座橢圓形bar 枱圍住中間燒烤和牛的地方，可欣賞廚師為你燒烤漢堡扒。🌞 餐廳特選「北海道十勝產A4-5級和牛）製作漢堡扒，真材實料，牛肉非常Juicy，燒得焦脆香口，好大塊的🌞 午市套餐有原味、芝士（三重芝士醬+即刨芝士）、香辣蕃茄汁味道選擇；期間限定亦有黑松露醬和牛、免治雞肉及豚肉漢堡扒選擇🌞 套餐包括前菜、珍珠白米飯、麵豉湯及半熟溫泉蛋，價錢由$98元- $118元不等，超值抵食套餐之選

〈【荃灣食記】一輪｜和牛漢堡！三款口味＋白飯任裝～抵食肉控天堂〉荃新天地一間漢堡飯專門店「一輪」，主打北海道和牛漢堡，仲要配埋任裝珍珠米飯，啱晒大胃王同肉食獸！今次試齊三款人氣口味每份定食都會跟醃蘿蔔、麵豉湯同日本生雞蛋。酸酸地嘅蘿蔔片幾開胃▌原味北海道和牛漢堡🍚戳穿蛋黃撈飯係指定動作！漢堡外層微焦，咬落超多肉汁，和牛油脂香混合蛋漿撈飯，邪惡但停唔到口！怕膩嘅可以加多少少酸蘿蔔一齊食▌微辣茄汁漢堡🌶️ 味道濃郁得嚟帶點清新，少少似肉醬！撈飯一流▌三重芝士漢堡🧀 芝士控注意！每啖飯 每啖肉都掛滿芝士醬，罪惡感爆燈但好滿足（減肥？聽日先啦）口感一流 三種口味 比佢最高分🤤🤤▌白飯任裝唔怕唔夠飽 🍚 重點讚吓個珍珠米，煮得粒粒分明又夠煙韌，同濃味漢堡好夾。撈埋d油脂同醬汁 出色🥰小食驚喜！明太子雞翼＋咖喱鹽雞軟骨 🍗 • 明太子雞翼（$58/2隻）雞翼釀到脹卜卜，咬開即爆明太子餡！微辣鹹香熱辣辣食超正～ • 炸雞軟骨（$48）配埋咖喱粉混合嘅鹽，配埋啤酒！perfect!• 炒椰菜（$38）爽脆清甜，有菜有菇，平衡返啲油膩感。百零蚊有高質和牛漢堡飯算係抵食，尤其鍾意佢唔限加飯，大胃王

今日同朋友去咗一間主打北海道和牛漢堡嘅餐廳，試咗幾款招牌漢堡同小食，整體感覺幾滿意，值得推薦！朋友叫左套餐D，有三塊和牛漢堡，分別係原味，微辛番茄汁，同三種芝士汁。漢堡扒用咗北海道和牛，肉質鮮嫩多汁，咬落去好有彈性，微辣嘅番茄汁帶少少酸味，好開胃，同和牛嘅油脂香好夾，食落一啲都唔膩。三重芝士汁和牛漢堡，芝士控一定鍾意，三種芝士混合埋一齊，濃郁得嚟又唔會太搶味，仲可以拉絲，視覺同味覺都滿足晒！而我就叫左套餐C，甜洋蔥燒汁和牛漢堡嘅洋蔥煮到好甜，同燒汁好夾，食落有啲似日式照燒風味，幾特別。至於黑松露忌廉和牛漢堡，黑松露嘅香氣好突出，忌廉汁好滑，不過味道偏濃，鍾意重口味嘅朋友應該會鍾意。小食方面，清酒煮蜆好鮮甜，蜆肉飽滿，清酒湯底飲落暖胃又舒服。香烤鱈魚乾，香脆得嚟唔會太硬，送啤酒一流主食每個套餐包珍珠大米白飯，飯粒飽滿有咬口，配埋日本國產生蛋撈飯食，簡單得嚟好滿足。！中華沙律同麵豉湯就正常發揮，冇乜特別驚喜，但係配住漢堡食都幾平衡。飲品試咗金裝三得利啤酒，清爽易入口，同漢堡好夾。

荃灣人氣和牛漢堡扒店採用北海道十勝產A4-5級和牛製作嘅漢堡扒，又做開日本餐廳嘅主廚負責，一定要試試佢！套餐D $128🟤原味和牛漢堡能帶出和牛嘅天然鮮味，肉香濃郁，好厚實而且每一啖都 juicy 到爆，肉質嫩滑，咬下去肉汁即刻喺口入面爆開，真係好 satisfying！🔴微辛蕃茄汁和牛漢堡醬汁酸酸辣辣，帶少少刺激感，配上 juicy 嘅漢堡扒好開胃，味道好有層次，食落去夠晒過癮。🟡三重芝士汁和牛漢堡芝士控嘅福音！芝士濃郁又 creamy，融晒喺漢堡扒上面，食一啖就停唔下來！套餐C $118⚫️黑松露忌廉汁和牛漢堡黑松露味超濃郁 攞埋啲忌廉汁一齊撈飯食勁正！🟤甜洋蔥燒汁和牛漢堡火候控制得超精準，漢堡扒外層微焦，入面依然保持住嫩滑同多汁嘅口感，真係無得輸～套餐重包咗半熟溫泉蛋、日式麵豉湯、沙律，重可以任食珍珠米飯香烤鱈魚乾 $28又薄又脆，點埋美乃滋一齊食夠晒邪惡炸雞軟骨 $26用咗咖喱粉嘅雞軟骨脆卜卜，咬落去有啲嚼勁～炒野菜 $32簡單嘅調味帶出咗蔬菜嘅天然甜味，配漢堡扒食好解膩～UCC 烏龍茶 $15Lemon Sour酸酸甜甜，夠晒冰涼 refreshing，飲之前記得撈勻佢先～一輪

小編爸一向熱愛日本昨晚同佢去試咗起荃灣荃新天地二期一門町市場間日式手打和牛漢堡專門店7pm 到都已唔經近乎滿座等咗一陣入得座位係高枱形式圍繞住燒肉爐每位都有一個小小嘅爐仔熱住啲扒小編大愛黑松露味嘅食物所以點了C套餐C甜洋蔥燒汁和牛漢堡一件黑松露忌廉汁和牛漢堡一件仲有泡菜、日本國產生蛋、麵豉湯和珍珠米飯（飯可任添）小編爸大愛芝士所以點了D套餐D 北海道和牛漢堡一件微辛蕃茄汁和牛漢堡一件三重芝士汁和牛漢堡一件都係跟泡菜、日本國產生蛋、麵豉湯和珍珠米飯（飯可任添）好欣賞廚師好認真同好有耐性燒每一件漢堡扒仲要起客人面前慢慢咁淋啲醬汁上面真係好治癒睇返啲介紹呢度嘅和牛係自家農場養殖嘅十勝牛所以就算係原味嘅漢堡扒唔使點汁都已經有牛嘅香氣重要食落口一啲都唔感覺到油膩牛肉打得好均勻每啖嘅油脂分布都好平均既有彈性但咬落又好綿軟黑松露醬汁上漢堡扒格外咁夾黑松露好香但個味又唔會蓋過啲牛肉甜洋蔥汁好有典型日式味道微辣蕃茄醬汁真係唔太辣但又好醒胃至於三重芝士因為小編唔好芝士所以小編爸獨食呢個味道佢最欣賞係三重芝士醬汁因為芝士好香濃好Creamy 不得不承認當廚師批啲芝士絲上去塊扒度嘅時候好似落雪咁係好吸引嘅另外

位置：一輪 (一門町市場) (荃灣)荃灣楊屋道18號荃新天地2地下一門町市場J36-38號舖，係楊屋道街市對面，食完飯買餸一流。食後感：一輪係我見過第一間，使用開放式廚房即席火燒手打和牛漢堡既專門店，平時食飯都係廚師係廚房煮，呢間即席燒，好似食緊鐵板燒。餐牌選擇有1）自家十勝和牛漢堡、2）北海道千歲米豚雞肉漢堡。味道：難得排隊排左咁耐，全部漢堡都食曬，我自己最鍾意洋蔥汁豚雞肉漢堡，豚雞漢堡肉感重又有豬香味配埋香甜醬汁，超級好味。其他漢保都一樣出色原味和牛漢堡，食得出牛味濃，重可以自己配埋芥辣、鹽、胡椒、燒汁配塔出岩自己既口味微辛蕃茄汁：味道似鮮蕃茄，加埋香草，差唔多似拿破崙意粉汁。甜甜酸酸可以解一解膩。三重芝士：超濃芝士味，如果係芝士控，一定非常喜歡，超重車打味。黑松露忌廉汁：同黑松露忌廉意粉一樣，汽油味極重。我覺得如果兩個人黎食，可以叫個D餐同期間限定。3塊牛、2塊豬share 大家食，一次過滿足兩個願望。

荃灣 │ 挽肉と米平替版和牛漢堡👉🏻 大家知道荃灣有個挽肉平替版嗎🤣 ？根本是獨食好地方👌主打北海道直送和牛漢堡，廚師即席烹調🥘✽ 𝑆𝑒𝑡 𝐴 北海道和牛漢堡&微辛蕃茄汁和牛漢堡各一件 $𝟿𝟹✽ 前菜、日本國產生蛋、麵豉湯及珍珠大米白飯（任添）整體而言比想像中好🥸🥸但未至於要特登來試🤣 說實話整個荃新天地「一門町」大概就只有這間好食了😂😂前菜中規中矩，不過重點當然是和牛漢堡！2個迷你漢堡對女生來說份量剛剛好 👌肉汁豐富，牛肉不會乾柴。日本生蛋🐣 雖然打蛋失敗了、但肉眼可見的金橙色～微辛蕃茄汁有驚喜、醬汁裡竟然有蕃茄粒🍅，酸酸辣辣算開胃 食物味道: 𝟽/𝟷𝟶性價比: 𝟾.𝟻/𝟷𝟶打卡指數: 𝟼.𝟻/𝟷𝟶價格: 約 $𝟷𝟶𝟶-𝟷𝟻𝟶 𝑝𝑝💟晚餐時段需要排隊⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ 📌𝐼𝑁𝐹𝑂一輪 (一門町市場) 地址：荃灣楊屋道18號荃新天地2地下一門町市場J36-38號舖營業時間：星期一至日 12:00 - 22:00

之前同朋友食過，今日等咗一陣有人問我哋幾多位，之後有職員喺入面向我們招手，我們就入咗去坐低，然後有位個子高大的男職員不斷問係咪有人叫我哋入嚟，好似唔信我哋咁，令到我哋都好尷尬，唯有離開，最後食唔到。其實招呼我哋坐低就可以了，為何要令到客人覺得難受呢？真係以後都唔敢再入去。

性價比極高嘅餐廳，價錢唔算好貴。雖然佢食物嘅款式就唔算多，但啲嘢食都高質！🥳好彩今次早嚟，就唔使排隊，平時好多人排隊！都係值得Encore嘅餐廳之一💕今次就嗌咗套餐B，有三重芝士汁、香辣蕃茄汁嘅漢堡扒！蕃茄汁嗰個就唔覺得辣，味道正常。三重芝士汁大推，鍾意芝士嘅朋友就一定要試！芝士汁，再加埋芝士碎，好滿足🥰和牛漢堡扒唔乾，仲鎖住啲肉汁好juicy!食落好香口👍🏼唔食牛嘅朋友，可以簡食雞，不過相對上比較乾～有汁個款就好啲啲～～

最近大熱嘅席前燒漢堡扒，竟然喺荃灣搵到一間！主打「北海道十勝產A4-5級和牛」，聽落已經好吸引，當晚特登去試，果然人氣滿滿，門口排住20人左右。落單後，師傅即場燒製漢堡扒，嗰陣陣燒肉香已經令人肚餓。期間侍應送上套餐包括嘅半熟溫泉蛋、日式麵豉湯、沙律，仲有珍珠米飯可任裝。-原味漢堡扒熱辣送上，外層微焦，內裡嫩滑多汁，牛味濃郁，油脂香氣充滿口腔，唔會過乾亦唔會過膩，簡單但令人滿足。-三重芝士汁(現刨芝士+三重芝士醬)芝士版本最具「儀式感」，侍應會即場淋上三重芝士醬，再刨上滿滿芝士絲，濃厚嘅芝士香同牛肉油脂完美結合，邪惡程度爆燈，芝士控必試！-香辣番茄汁番茄汁版本清新平衡，酸甜味中和咗牛肉嘅油膩感，微微香辣但唔會搶去主角風頭，反而更突出牛肉嘅香氣，啱晒怕膩嘅人。呢間席前燒漢堡扒用料講究，味道選擇多樣，套餐豐富又抵食。原味濃郁，芝士邪惡，番茄清新，各有特色。作為荃灣嘅隱藏美食，絕對值得一試！

估唔到荃灣都食到座前燒漢堡扒，餐廳主打唔同嘅漢堡扒套餐，可以選擇漢堡扒嘅數量，選擇咗兩塊漢堡扒嘅套餐，份量啱啱好。餐廳混合咗澳洲和牛同日本和牛嘅漢堡扒口感豐富，而且即叫即整，真係新鮮滾熱辣🔥🔥套餐包咗前菜、麵豉湯同埋一隻無菌生雞蛋，白飯仲可以任裝，真係好啱無飯不歡嘅朋友🍚兩塊漢堡扒嘅套餐包咗一塊原味漢堡扒，另外一塊漢堡扒可以選擇芝士醬同辣味蕃茄醬🤤鍾意食芝士嘅朋友千祈唔好錯，師傅會喺你面前加好多芝士醬，之後仲會刨超級多嘅芝士碎喺塊漢堡扒上面🧀🧀

唔好意思，篇嘢好長。原本都無諗住咁快寫呢間食評，因為前面仲有好多仲等緊。。。不過佢某位員工/合夥人？嘅行為令到我不得不寫佢先。話說因為果日午餐遲左食，3點先食完，不過因為物二日有嘢做要早出所以諗住晚餐早啲食可以早啲返去抖下，跟住5點半左右係citywalk 見到呢間以前排好長隊既和牛漢堡無咩人就諗住試下。佢餐牌普通成人餐係2-3塊100g 既漢堡，而小童就係一塊再加小食。因為我哋未係太肚餓既關係就首先叫左兩個三塊漢堡既餐，再叫左兩杯啤酒。我哋total 4人（兩大兩小），我哋入去之後就有另外兩個都係兩大兩小既家庭都入左嚟，不過佢哋既小朋友就大啲，目測都應該大過10歲。咁我哋叫完餐就係到睇其中一個職員燒漢堡喇，而另一位女職員就係我哋order 完嘢出現左，開始係到上湯同前菜，我發現我哋3個家庭既枱都叫晒嘢食後個女職員淨係上左湯俾對面一個家庭，但我同另一個家庭既湯就遲遲唔肯上，咁因為同屋企人當下傾計既關係就無特別為意，但都有望到個職員拎住成堆單同燒緊個職員係咁講嘢，當下我無諗住理所以就無聽到。跟住我先生事後食完出左間餐廳先同我講返原來個女職員因為我哋叫既食物總額唔夠佢哋既最低消費額：大人$

自從荃新天地2「一門町市場」開業之後，就開始有吾同既食肆進駐，而今次，同大家介紹既系 一輪 和牛漢堡扒專門店@一輪既和牛漢堡系採用北海道十盛黑毛和牛、澳洲M4和牛，牛味濃之餘充滿油脂香，而且一輪仲系採用席前燒方式，落單後會由師傅即席生煎、即席淋醬/現刨芝士🌟套餐B 三重芝士汁和牛漢堡 x 原味和牛漢堡 $98🌟套餐C 三重芝士汁和牛漢堡 x香辣蕃茄汁和牛漢堡 x 原味和牛漢堡 $118原味和牛漢堡 牛味濃郁 漢堡扒表面煎香，咬落去充滿肉汁之餘滿滿和牛油脂香🤤👍🏻👍🏻三重芝士汁和牛漢堡三重芝士汁非常濃郁，淋上醬汁之後師傅會再現刨三種吾同既芝士(車打芝士、水牛芝士、巴馬臣芝士)絕對邪惡到一個點🤤👍🏻👍🏻👍🏻香辣蕃茄汁和牛漢堡 香辣蕃茄汁味道酸中帶甜，同時帶微辣香氣，比較平衡到和牛油脂既油膩感🤤👍🏻👍🏻每款套餐均附送 和風沙律、半熟温泉蛋、珍珠米📍一輪 地址：荃灣楊屋道18號荃新天地2地下一門町市場J36-38號舖#荃灣 #一輪 #和牛 #漢堡扒 #席前燒 #留港消費 #支持小店 #覓食荃灣 #食在荃灣 #和牛漢堡 #為食關注組 #荃灣食乜好 #和牛漢堡扒 #三重芝士汁 #香辣蕃茄汁 #原味