一輪 (一門町市場)

一間餐廳淨係做一個菜式，和牛漢堡，係好大膽嘅，由日本帶到嚟香港，一般開呢啲餐廳都只會喺港島區或者尖沙咀。係個湯比較一般。同埋需要少少耐心等候煮食時間。荃灣多咗一間會會常嘅餐廳。性價比OK。

放工經過荃灣荃新天地，先知最近新開咗一間門町市場，係一個集多間餐廳嘅日式美食街嚟㗎！😋 當中最受歡迎嘅，就係近期好多人推介嘅即燒漢堡扒專門店，好彩早去唔駛排好耐，當我地食完之後見到門口已經好多人排隊！🤩🤩🤣 （芝士汁風味和牛漢堡 + 香辣番茄汁風味和牛漢堡）套餐B 售價$98🥗 前菜上得非常快速，可以自己揀沙律醬，不過個味增湯就真係平淡無味，但都有溫泉蛋喺度！飯🍚 會等到和牛漢堡扒上枱嗰陣時先送上，暖笠笠嘅，真係好貼心嘅服務呀！🥩和牛漢堡佢哋係用咗北海道和牛同M4澳洲和牛現場製作。再喺大鐵板上滋滋咁煎，煎到兩邊都好香脆，鎖住咗入面嘅肉汁同油脂，一切開真係漏哂肉汁出嚟，睇落去真係好肥美！🧀 芝士汁風味：淋上啲濃稠嘅芝士汁，再撒上滿滿嘅芝士粉🤭有一刻想問吓店員可唔可以再刨多啲🤣漢堡排係半肥瘦嘅絞肉整嘅，口感好有彈性，一食落口，飽滿嘅肉汁喺嘴裡面爆發，充滿香濃嘅芝士味！🍅 香辣番茄汁風味：其實佢冇乜香辣嘅味道，不過個番茄汁嘅酸甜味真係好開胃，又可以解膩，配埋香濃多汁嘅肉餅，令人食到停唔到口！因為係可以無限添日本珍珠飯🍚，所以我額外再加多咗半碗去撈呢個蕃茄汁😋下次去荃灣，一定要去試下呢間嘅漢堡

簡單生日飯話說呢期好興牛肉漢堡扒加日本米飯，好出名嗰間book唔到，趁着生日，我同太太就去另一間食相同食物嘅餐廳試一下餐廳環境方面大概分左兩張吧枱，每一張大概有10個位左右圍住個爐坐，每個位前面都有一塊鐵板用嚟暖住漢堡扒。餐廳只有一款漢堡扒一款食物，但係佢有分原味，蕃茄汁同埋芝士三款唔同口味，每一個套餐都有沙律，溫泉蛋，麵豉湯同白飯任裝。漢堡扒方面，唔算醃得好濃味，如果食原味嘅話，建議加少許鹽同黑椒會更加好食。茄汁漢堡扒，我哋覺得茄汁嘅味道有少許太重口味有少少搶咗漢堡扒嘅味道。芝士汁漢堡扒，店員會喺你面前加芝士汁同即磨嘅芝士，份量絕不手軟，非常igable! 雖然睇落去好似好heavy, 但食落一啲都唔heavy! 不過個人比較喜好原汁原味，原味係我嘅首選。 follow 社交平台仲有汽水送，兩個人加埋買單先$200左右，非常抵食。不過服務就麻麻哋，啲侍應生唔知係part-time定係太junior，好多時候搵佢哋幫手都，唔係好理你同埋因為餐廳嘅路線嘅問題，佢得吧枱高櫈，亦都無BB櫈，唔係咁適合有小朋友嘅家庭。

荃新天地二期早前開咗一門町餐廳，有好多新駐場嘅特色美食😍😍 一直都好想試一輪嘅和牛漢堡！每次經過都大排長龍😎 今次要試吓啦🤩🍴今次就試咗，套餐 A $88 同 B $98 😋每個餐都配有和風沙律、麵豉湯、仲有半熟溫泉蛋同飯，飯可以免費再添 😝套餐有2個漢堡，芝士漢堡就兩個餐都有，另一件就係原味 / 香辣番茄味 。芝士漢堡真係好正，所有漢堡現在即叫即烤上鐵板 👏🏻👏🏻 夠晒熱辣辣😍 仲即場淋上厚厚嘅芝士汁同手刨嘅車打芝士😍😍😍 超級推介😊 我個人最喜歡係，佢食落唔會成口油淋淋咁，得返好香口嘅和牛脂，而且鬆化，確實係唔錯👍🏻👍🏻 另一個口味就係香辣番茄味，但唔覺有辣度，怕辣嘅朋友唔駛擔心，反而番茄味好濃，都幾好味！🍴整體都覺得幾好食，坐係 Bar 枱有埋鐵板，熱辣辣漢堡確實係正🥰🥰

一輪價錢💲: $118好味程度😋: 3.7/5服務🍴: 3.3/5環境🗾: 3.3/5性價比🥢: 4.3/5回頭率😚: 3.3/5-當個個都去食挽肉的時候，其實荃灣都有間類似的漢堡扒店，格局一樣，都係圍住坐係個爐前面望住店員整的。平日lunchtime去到稍微等左一陣就入得啦！位置唔多，大概只有20個。套餐只有$98/$118選擇，睇下你想要咩口味的漢堡扒。第一次去梗係要三種口味個一ga la！-漢堡扒用黑毛和牛同澳洲和牛搓成，但食落牛味唔係好濃郁，只係正常漢堡扒的味道🤔按壓落去都有肉汁咇出來既😌漢堡扒煎得焦脆，入面肉質唔會太實，合格的。但要突圍而出應該要靠個醬汁，芝士同辣🍅，我比較鍾意番茄味，酸酸甜甜中和到肉的膩。同埋佢的茄醬都算有層次，係有香草味+微微辛香，越食越開胃🤩-另一隻芝士就比較睇得。淋上芝士醬後，店員會即場係你面前刨芝士落舊肉到，畫面相當吸引😛但芝士醬味道唔濃，係靠面頭的芝士碎帶啲鹹香，呢個味道一般般。-呢個價錢都合格既。沙律、湯、同飯一般。漢堡扒一定要配飯食先得！另外想講講d餐具係有d污糟🙈 未book到挽肉就食呢個頂住先啦！- #piggyfoodiein荃灣

行過兩次，唔使排隊，見到有人流，咁就入去試吓啦，點知伏到一個點!!!!1) 入去坐低，個杯裏便有粒飯，豉油碟有啲菜渣．． 清潔衛生問題都幾嚴重喎2） 一個負責燒烤，三個侍應企喺度吹水，咩玩法？3）沙律湯都正常，但係重點嘅碗飯！ 明明係珍珠米嘅白飯，但係煲到好似軟飯王咁，仲要冇米味，冇牙都食到，不過冇味咁解⋯⋯4）主菜．．牛基本上兩舊肉係冇味嘅，唔好話和牛，連麥記塊漢堡都好食過佢，仲要淋到冇咬口純粹靠啲汁先食得落，唯一可取就係啲芝士，終於有啲芝士味。總結： 牛冇牛味，飯冇飯味！ 究竟我食緊啲乜？ 食完真係嬲㗎。

餐廳主要提供三個套餐A 原味漢堡 + 香辣蕃茄汁漢堡（$88）B 香辣蕃茄汁漢堡 + 芝士汁漢堡（$98）C 原味漢堡 + 香辣蕃茄汁漢堡 + 芝士汁漢堡（$118）今次叫咗 A & B 各一。套餐有沙律、麵豉湯、溫泉蛋、白飯（可任添）。漢堡扒用北海道十勝產黑毛和牛製成。漢堡煮好後會放上枱前的鐵板上熱住，漢堡尺寸唔算好大，但都有啲厚度，外層煎+烤得乾身，但裡面仍然有不少肉汁，肉味一般但調味不錯。香辣蕃茄汁漢堡有驚喜，酸酸辣辣好惹味，中和漢堡油膩感；芝士汁漢堡有兩重芝士，先淋上流質芝士，然後再刨芝士絲係面，芝士味都算濃，口感不錯，最重要唔係好漏。

六點左右去到唔使點排隊，就可以入去食。佢哋呢啲漢堡扒都係即刻煎，而漢堡扒嘅選擇就有三款，原味，辣蕃茄味，同埋芝士味。而我就選擇咗原味同辣蕃茄味。咁而跟餐就有一碗白飯，一個沙律，同埋一個麵豉湯。仲有一粒溫泉蛋。而沙律嘅醬就需要自己另外落，面前有三樽唔同嘅醬，可惜佢冇寫明係咩醬。食緊嘅時候職員就喺中間嘅位置喺度燒緊漢堡扒。可以邊食邊睇，好啱一個人食。燒完之後佢就會擺喺前面嘅一個熱嘅鐵盤上面繼續加熱。拿蕃茄味會有另外一個鐵兜裝住個漢堡扒同辣蕃茄汁。漢堡扒好有肉汁，頗為驚喜。試咗原味之後，再試辣蕃茄味，覺得辣蕃茄味好有驚喜。成件事冇咗咁漏。食到咁上下店員仲提醒，可以繼續添白飯。食到超級飽。食到咁上下已經見出面排緊長龍，唔想排隊嘅可以早少少過嚟食。

餐廳的賣點是漢堡以烤肉方式烹調。工作人員會先將漢堡煎好，然後放在鐵板上繼續烹飪，這樣既保持了熱量，又讓外皮變得酥脆。起司醬也保持半融化狀態。餐廳名字：一輪 (一門町市場) (荃灣)餐廳地址：荃灣楊屋道18號荃新天地2地下一門町市場J36-38號舖漢堡排可以番茄汁和起司汁！選擇番茄汁和起司汁比較合理。番茄汁不辣，味道清淡，而起司汁則味道濃鬱。A套餐包括1份漢堡牛排，這是最簡單的。B套餐包括2份漢堡牛排，價格相對便宜。C套餐包括3塊漢堡牛排，值得一試。

長期有人龍既鋪頭🥲經過左兩次都放棄再嚟都排隊排左大半個鐘先等到重要一邊等一邊望到入面既人食到好開心ಥ_ಥ🧀套餐B (芝士汁+原味和牛漢堡） $98套餐包括左沙律同埋麵豉湯😋重有溫泉蛋可以拌飯因為唔想食香辣蕃茄味，所以就轉做原味即叫即燒預左要等一陣先，但睇住佢燒都好治癒🥹第一啖食左原味先😋又juicy又夠牛味唔會膩但芝士重好味！三重芝士醬再加手刨cheddar cheese 🤤濃味之餘又唔會蓋過牛味(˶‾᷄ ⁻̫ ‾᷅˵)配埋白飯真係好正😆😆🧀套餐C $118 （三款味都有）難得一場嚟到，男朋友就要試哂所有味😂偷試左啖香辣蕃茄汁，少少辣，但蕃茄味無好濃個人覺得唔係幾夾🤔🧀Asahi $25/罐係日本版！同埋夠哂凍😋

座位橢圓形的設計，全店都見到廚師即場精心燒制肉餅，不得不讚吸煙系統非常到位！套餐B $98（芝士汁風味和牛漢堡+香辣番茄汁風味和牛漢堡）🥗前菜非常快速送上，自己挑選沙律醬，味增湯平淡無味，還有溫泉蛋！飯🍚會等到和牛上枱時送上，暖笠笠很貼心呀！和牛肉餅在大鐵架上滋滋作響，煎香兩邊鎖緊內裡肉汁油脂，一切開真是漏出肉汁，極為肥美！🧀芝士汁風味：淋上濃濃的黏稠芝士，再灑上滿滿的芝士醉，漢堡排是半肥瘦的絞肉，富有彈性，入口後飽滿的肉汁在嘴裡爆發，豐富的口感令人迷醉！🍅香辣番茄汁風味：並沒有香辣的味道，反而番茄汁的酸甜令人開胃解膩，配上香濃多汁的肉餅，令人一口接一口，食個不停！

餐廳座位設計特別，採用圍繞吧枱的設計，讓食客可以一邊享用美食，一邊欣賞師傅烹調漢堡扒。餐廳有三個套餐，主要都係睇你想食原味、香辣蕃茄汁或三重芝士和牛漢堡扒。我選擇了套餐B （香辣蕃茄汁和三重芝士和牛漢堡），套餐包括沙律、麵豉湯、溫泉蛋和白飯。餐枱上有不同的調味料配搭（燒汁、辣椒油等），讓你自由配搭。漢堡扒外層焦脆，重牛味，而且好juice。配搭蕃茄汁，酸酸甜甜，好開胃。而芝士漢堡，師傅會在客人面前淋上芝士汁，再手刨芝士，滿滿芝士雖然好邪惡，但我鍾意。

荃新天地最近新開咗一門町市場，係集合多間餐廳嘅日式美食街😋當中最吸引就係近期都唔少人推介嘅即燒漢堡扒專門店🤩🤩🥩套餐 A/B/C ($88/$98/$118) 套餐好簡單有三款😊全部都包咗和風沙律🥗麵鼓湯同半熟溫泉蛋🥚分別係一塊，兩塊或三塊漢堡扒，再分原味🍅香辣蕃茄汁🧀芝士汁三款口味😋今次揀咗蕃茄同芝士汁各一😋蕃茄汁唔會好辣，濃濃鮮茄味😋芝士汁就係淋上滿滿芝士汁後，再磨上大量芝士碎😍未食都已經口水直流🤤餐廳主打係席前即燒🙂厚身漢堡扒由店員煎得表皮焦脆，再放到座位前鐵板繼續燒🔥所以一路食都保持溫度，芝士醬更係一直維持半溶狀態😋漢堡混合北海道黑毛和牛同澳洲M4和牛，肉味香濃😌呢個價錢做到呢個質素CP值都幾高🤭不過值得留意係鐵板同座位距離比較遠，小個仔女生食嗰陣就冇咁方便啦🫣

16號下午茶時間到訪，不用排隊。店內裝修跟日本挽肉と米差不多。價錢不算便宜，最平一個套餐$88加一，但考慮到食材質素。CP值算高的。點了一個$88和$98的套餐，有沙律、湯、溫泉蛋。溫泉蛋拌飯一流，蛋味香濃。$88的套餐有兩塊和牛漢堡，原味和辣茄味。漢堡預煎的時間稍長，肉汁有點流失。和牛本身已用黑椒、鹽、香草醃製，不用再另外加調味料。芝士味較出色，有層次，亦彌補了肉汁不足夠的問題。整體食物質素佳，食材有食材的味道，這句看似廢話，但其實要做到不容易。如果漢堡份量再多少少就更有滿足感。另外可以跟日本餐廳一樣，提供一個籃給客人放袋更佳。員工服務態度良好，店主亦會不時跟客人聊天，介紹一下食材，在這價位的香港餐廳非常少有，希望可以保持。員工們關係也像朋友般，適量的有講有笑。一間餐廳員工的工作氣氛良好，其實亦會令食客多一份安心和舒適，比起一般冷冰冰像機械人般的服務，這裏無疑是一間有溫度的餐廳。

今日嚟到荃灣嘅一門町，試下近排大熱嘅席前燒漢堡扒。套餐B (芝士汁和牛漢堡扒+辣蕃茄汁和牛漢堡扒）$96套餐包沙律餐湯同埋溫泉蛋一隻。味道都普普通通，就唔再特別講。大概等15至20分鐘漢堡扒先會燒好，擺喺客人前方嘅鐵板上面。鐵板嘅作用主要係保暖，免得漢堡扒同醬汁太快凍晒。佢哋嘅漢堡扒係用兩種和牛混合而成，一種係澳洲黑毛和牛；另一種係北海道十勝黃牛，據說係想平衡漢堡扒嘅肉味同油香。但係小編覺得佢嘅味道就實在太平衡🤣肉味同油香都唔算特別濃，所以單論漢堡扒，唔會留低深刻嘅印象。反而會俾佢嘅醬汁吸引到，一個係芝士汁；另一個係辣蕃茄汁。芝士汁呈鮮橙黃色，本身佢嘅芝士味唔算特別香濃，但加埋佢即刨芝士碎，夠味之餘又唔會好膩。辣蕃茄汁味道都唔錯，雖然識落幾乎冇乜辣味，但食得出蕃茄除咗酸酸甜甜之外，仲有啲香草嘅調味料，味道唔會太過單調。小編推薦可以將兩種醬汁混合埋一齊，再加少少黑椒變成黑椒芝士蕃茄味，係超級好食。同時記得要將前菜嘅溫泉蛋留低，攞嚟點漢堡扒或者撈飯係一流。