一輪 (一門町市場)

19-10-2025 (Sun）晏昼，同老公去马莎前食个晏，就嚟上次中秋节，我哋去食点寿司(食评系2025年10月14日提交嘅呢篇:https://www.openrice.com/zh/hongkong/review/%E5%86%87%E4%B8%8B%E6%AC%A1-e6216147)见到嘅呢间，我哋嚟到时冇人等位，店员安排我哋坐一大圆枱嘅最后两个位坐，佢话下面有钩可挂袋。安顿完店员就完全冇理我哋，点叫嘢食？答案系每个位面前都有自己座位嘅QR code扫，咁我哋就扫嚟睇menu落单，由于食埋今年最后一个月饼冇耐，所以唔算太饿，就叫个最招牌嘅套餐，再加一样嘢share食，咁就要咗：7. $28.00嘅木村芥末姜味梳打240ml来货，冇乜芥末味，有姜味但唔辣，甜甜地。8. $13.00嘅龙井茶都系来货，清清地似无糖，唔会涩。两个饮品都唔够冻。1.-3. 套餐中嘅前菜，日本国产生蛋同面豉汤面豉汤几热，咸度啱啱好。3分食吓前菜先，系白萝卜同唔知咩菜，口感爽脆，酸甜中带微辣，OK嘅。5分日本国产生蛋蛋黄好深色，正。4. 套餐中嘅珍珠大米白饭（任添）由于两个人食 所以我拣正常份量，嚟到系好大碗，口感正常冇问题。3分5. $138.00嘅极上牛舌扒X松果牛舌芯扒套餐，加$8.00要Chill茜酱一份（含有芝士成份）店员烧好后，问我哋摆喺边块铁板，我是但指去我老公𠮶边。首先我哋食极上牛舌扒，佢煎得软腍，个面系脆，唔太咸，自己就醮Chill茜酱食，味道温和唔霸道，牛舌扒本身牛味系有但唔算好浓。5分松果牛舌芯扒相对细件啲，而呢个就干同韧咗。1分6. 追加$45.00嘅户呢个煎好就用个兜放上我𠮶边，老公一食就大赞好食，系从未见过佢会赞唔系纯牛肉嘅汉堡，佢话好松软又juicy，呢喥可以翻兜。我食落真系佢形容一样，而当中都有嘅鸡软骨碎，增加口感。5分其他：白饭任添只限一人，如果共食，就要俾多一份套餐钱。抵食系2.7分…查看更多

今日上堂前，揾饭食，1:30pm 到来，看著门口的招牌，店员出来介绍，反正都一支公，这店未试过，又再试吓啰⋯⋯午餐定食，汉堡扒系主食，标榜北海道和牛汉堡套餐店名: 一轮，像个车轮，大大个圆圈，外围坐著，像吧枱一样，等待㕑子在中央位置煎著汉堡扒，都几有趣⋯⋯水自斟自饮，对于一个水怪来说，这壸水放著大大支薄荷，几清新，比清水加多一点点，很方便，一赞。先来一大碗的面豉热汤，碗内有海带及油扬，热腾腾的到来，另外有少许Kim Chi 和一只生蛋。笔者好奇一问:是日本蛋吗？店员答: 是，可用来捞饭。笔者再问: 蛋是可以生吃？店员答: 可以。每个坐位，枱下拉出自助餐具，欣赏细心位是，除了有餐纸巾外，更放了盐和黑椒。枱上的酱汁包括烧肉酱汁、辣油及芥辣，相信是配汉堡扒的。但那芝麻酱汁，樽口细细，很难倒出酱汁内的芝麻，有点可惜。之后再来前菜，笔者选择了靖鱼店员煎好汉堡扒后，便放在热板上存热⋯⋯笔者试过用烧肉酱汁及芥辣配都好味。过程中看著店员煎汉堡扒都几疗愈。整体来说以$75一个套餐，整体来说不错，QR code 落单，更可选择配少饭，一赞！比吃一个汉堡包更丰富。…查看更多

上次同老公行街，发现呢度原来好多嘢食，今日我哋就食手打和牛汉堡扒。餐厅装修简约，装修分两个圆形，bar枱坐位，人流不断。呢度用QR coder点餐，我哋叫左个期间限定套餐同套餐D，另外叫左两杯酒精饮品。枝豆：叫两杯酒类饮品赠送，枝豆新鲜，表面洒上少少盐送酒已经OK。套餐有泡菜，味道微辣。面豉汤大大碗，配料有腐皮、海带及菇等，味道刚好唔咸。白饭唔够可加添，另外日本鸡用黎捞饭。套餐D有原味、三重芝士同微辛蕃茄3款风味汉堡扒，而套餐C (期间限定) 就有同甜洋葱烧汁风味。原味汉堡扒可点甜甜烧汁或少少辣味黄芥辣，三重芝士另外再加上即磨芝士，好香。微辛蕃茄真系好微辣，味道偏甜。黑松露忌廉就口感较creamy，黑松露同忌廉味都好浓，甜洋葱烧汁甜得黎都几鲜味。Suntory啤酒及及Asahi香甜柠檬有气果酒：酒类做紧promo，6点前落单，同一饮品第二杯做半价。老公话Suntory啤酒斟得有技巧，泡沫刚刚好无倒泻。Asahi香甜柠檬有气果酒果汁味浓，柠檬味清新，甜甜地，易入口。…查看更多

# 【食评】荃湾高质汉堡扒专门店 —— 一轮 Ichimoncho 放假同妈咪去咗荃湾 Citywalk 嘅 **一轮 Ichimoncho** 尝新，呢间系主打汉堡扒同牛舌嘅日式餐厅。坐低之后气氛即刻好舒服，餐厅偏向日式简约装修，坐位以吧枱为主，可以直接望到师傅现场煎扒，好有临场感。性价比唔错，加上师傅细心解说，食落体验感加乘。 ---## 🍱 餐套餐 D —— 三款汉堡扒一次满足 呢个套餐真系抵到爆，一次过试晒三款口味： - **原味汉堡扒**：肉汁饱满，无过多调味，食得出牛肉本身嘅鲜香； - **芝士味汉堡扒**：煎好之后，芝士慢慢渗入肉汁，咸香浓郁，好邪恶； - **微辛蕃茄汉堡扒**：酸酸甜甜，带少少辣劲，开胃得嚟唔腻。 每款扒师傅都系即场煎好上枱，肉质好 Juicy，淋上专属酱汁后更加提味。 ### 套餐配搭 - **温泉蛋**：拌饭食最正，将蛋黄捞开，黏住粒粒日本米饭，超满足。 - **味噌汤**：传统口味，清淡暖胃。 - **泡菜**：酸辣度啱啱好，用嚟中和肉味一流。 ---## 🥩 牛舌套餐 —— 牛舌厚切 + 牛舌芯扒 妈咪嗌嘅牛舌套餐，每款有两块，份量十足。 - **牛舌厚切**：切纹花刀后烧到微焦，食落肉汁锁实，外层有咬口； - **牛舌芯**：比较软嫩啲，但保留咗嚼感，有部份位稍微韧啲，不过整体都几香口。 都系配埋日本米饭、味噌汤同泡菜，小食齐全。 ---## 🍹 饮品 —— 热情百香果有气泡酒 - 卖相靓，杯面有薄荷叶同粒粒生果； - 饮落酸酸甜甜，气泡感十足，解腻解渴，第一杯就见底，差啲忍唔住再叫多杯！ ---## 🍟 小食升级 —— 牛肉薯饼（+$18） 加十零蚊就可以拎到一份小食： - 外皮炸到金黄香脆； - 内里薯蓉滑兼带牛肉香； - 配埋餐食，好丰富。 ---## 💰 价钱 今餐两个人： - 我嘅三味汉堡扒套餐 $128 - 妈咪嘅牛舌双拼套餐 $138 - 牛肉薯饼 $18 - 热情百香果气泡酒 $58 埋单 **$376（含加一）**，人均唔洗 $190，以呢个质素嚟讲 CP 值高！ ---## ⭐ 总结 **一轮** 喺荃湾真系一个几好嘅新乐园： - 餐厅环境舒服，现场睇师傅制扒好有气氛； - 汉堡扒肉汁饱满，款款有特色； - 牛舌厚切香口过瘾，有少少韧但整体唔错； - 配餐完整够诚意，饮品特别，性价比高。 👉 **推介指数：★★★★☆（4.5/5）** 📌 必试：三味汉堡扒套餐、热情百香果气泡酒 …查看更多

今日我终于黎食呢间想食好耐既香港首间手打和牛汉堡专门店，呢到主打系用自家农场养殖既十胜产和牛，有唔同既套餐拣我地分别点咗套餐C同埋套餐D，全部汉堡都系见到佢即刻烧，所以都要等一阵先有得食套餐C有2件汉堡，但就系唔同既口味，第一件就系洋葱烧汁和牛汉堡，洋葱烧汁汉堡味道好香，煮得岩岩好，肉质好鲜嫩，而且咬落去系爆汁，搭配埋洋葱烧汁，个感觉好清新，可以同汉堡既油腻感相抵消，令人食得好顺滑！至于黑松露忌廉汁汉堡，呢个真系惊喜！忌廉汁好浓郁，加上另外加既黑松露油，有种好独特的香气，令到成个汉堡好高级，食落去好享受另外叫既套餐D就有3件汉堡，分别系原味和牛汉堡、微辛蕃茄汁和牛汉堡同埋三重芝士汁和牛汉堡，微辛蕃茄汁汉堡带有少少辣味，搭配上新鲜的蕃茄，有种西式既感觉，而且酸酸地好开胃，至于三重芝士汁汉堡系今日既MVP，因为个芝士汁味超浓，佢仲系面头再刨左芝士碎，芝士碎因为好薄，个口感好轻，但芝士味就好浓，包著左件汉堡咁，食落去每一淡都好满足，芝士控最爱另外，我仲加咗免治鸡肉汉堡，呢个选择亦都唔错！鸡肉汉堡鲜嫩多汁，烧到外皮煎香，口感反而比较扎实，搭配上特制的酱料，味道清新。最后，清酒煮蚬亦都好好味，蚬肉鲜甜，清酒的香气令整个菜式更加提升总括来讲，呢到既服务同野食都系水准之上，价钱亦都好合理，绝对值得黎一试…查看更多