一輪 (一門町市場)

19-10-2025 (Sun）晏晝，同老公去馬莎前食個晏，就嚟上次中秋節，我哋去食点壽司(食評係2025年10月14日提交嘅呢篇:https://www.openrice.com/zh/hongkong/review/%E5%86%87%E4%B8%8B%E6%AC%A1-e6216147)見到嘅呢間，我哋嚟到時冇人等位，店員安排我哋坐一大圓枱嘅最後兩個位坐，佢話下面有鈎可掛袋。安頓完店員就完全冇理我哋，點叫嘢食？答案係每個位面前都有自己座位嘅QR code掃，咁我哋就掃嚟睇menu落單，由於食埋今年最後一個月餅冇耐，所以唔算太餓，就叫個最招牌嘅套餐，再加一樣嘢share食，咁就要咗：7. $28.00嘅木村芥末薑味梳打240ml來貨，冇乜芥末味，有薑味但唔辣，甜甜地。8. $13.00嘅龍井茶都係來貨，清清地似無糖，唔會澀。兩個飲品都唔夠凍。1.-3. 套餐中嘅前菜，日本國產生蛋同麵豉湯麵豉湯幾熱，鹹度啱啱好。3分食吓前菜先，係白蘿蔔同唔知咩菜，口感爽脆，酸甜中帶微辣，OK嘅。5分日本國產生蛋蛋黃好深色，正。4. 套餐中嘅珍珠大米白飯（任添）由於兩個人食 所以我揀正常份量，嚟到係好大碗，口感正常冇問題。3分5. $138.00嘅極上牛舌扒X松果牛舌芯扒套餐，加$8.00要Chill茜醬一份（含有芝士成份）店員燒好後，問我哋擺喺邊塊鐵板，我是但指去我老公嗰邊。首先我哋食極上牛舌扒，佢煎得軟腍，個面係脆，唔太鹹，自己就醮Chill茜醬食，味道溫和唔霸道，牛舌扒本身牛味係有但唔算好濃。5分松果牛舌芯扒相對細件啲，而呢個就乾同韌咗。1分6. 追加$45.00嘅戶呢個煎好就用個兜放上我嗰邊，老公一食就大讚好食，係從未見過佢會讚唔係純牛肉嘅漢堡，佢話好鬆軟又juicy，呢喥可以翻兜。我食落真係佢形容一樣，而當中都有嘅雞軟骨碎，增加口感。5分其他：白飯任添只限一人，如果共食，就要俾多一份套餐錢。抵食係2.7分…查看更多

今日上堂前，揾飯食，1:30pm 到來，看著門口的招牌，店員出來介紹，反正都一支公，這店未試過，又再試吓囉⋯⋯午餐定食，漢堡扒係主食，標榜北海道和牛漢堡套餐店名: 一輪，像個車輪，大大個圓圈，外圍坐著，像吧枱一樣，等待㕑子在中央位置煎著漢堡扒，都幾有趣⋯⋯水自斟自飲，對於一個水怪來說，這壼水放著大大支薄荷，幾清新，比清水加多一點點，很方便，一讚。先來一大碗的麵豉熱湯，碗內有海帶及油揚，熱騰騰的到來，另外有少許Kim Chi 和一隻生蛋。筆者好奇一問:是日本蛋嗎？店員答: 是，可用來撈飯。筆者再問: 蛋是可以生吃？店員答: 可以。每個坐位，枱下拉出自助餐具，欣賞細心位是，除了有餐紙巾外，更放了鹽和黑椒。枱上的醬汁包括燒肉醬汁、辣油及芥辣，相信是配漢堡扒的。但那芝麻醬汁，樽口細細，很難倒出醬汁內的芝麻，有點可惜。之後再來前菜，筆者選擇了靖魚店員煎好漢堡扒後，便放在熱板上存熱⋯⋯筆者試過用燒肉醬汁及芥辣配都好味。過程中看著店員煎漢堡扒都幾療癒。整體來說以$75一個套餐，整體來說不錯，QR code 落單，更可選擇配少飯，一讚！比吃一個漢堡包更豐富。…查看更多

上次同老公行街，發現呢度原來好多嘢食，今日我哋就食手打和牛漢堡扒。餐廳裝修簡約，裝修分兩個圓形，bar枱坐位，人流不斷。呢度用QR coder點餐，我哋叫左個期間限定套餐同套餐D，另外叫左兩杯酒精飲品。枝豆：叫兩杯酒類飲品贈送，枝豆新鮮，表面灑上少少鹽送酒已經OK。套餐有泡菜，味道微辣。麵豉湯大大碗，配料有腐皮、海帶及菇等，味道剛好唔鹹。白飯唔夠可加添，另外日本雞用黎撈飯。套餐D有原味、三重芝士同微辛蕃茄3款風味漢堡扒，而套餐C (期間限定) 就有同甜洋蔥燒汁風味。原味漢堡扒可點甜甜燒汁或少少辣味黃芥辣，三重芝士另外再加上即磨芝士，好香。微辛蕃茄真係好微辣，味道偏甜。黑松露忌廉就口感較creamy，黑松露同忌廉味都好濃，甜洋蔥燒汁甜得黎都幾鮮味。Suntory啤酒及及Asahi香甜檸檬有氣果酒：酒類做緊promo，6點前落單，同一飲品第二杯做半價。老公話Suntory啤酒斟得有技巧，泡沫剛剛好無倒瀉。Asahi香甜檸檬有氣果酒果汁味濃，檸檬味清新，甜甜地，易入口。…查看更多

# 【食評】荃灣高質漢堡扒專門店 —— 一輪 Ichimoncho 放假同媽咪去咗荃灣 Citywalk 嘅 **一輪 Ichimoncho** 嘗新，呢間係主打漢堡扒同牛舌嘅日式餐廳。坐低之後氣氛即刻好舒服，餐廳偏向日式簡約裝修，坐位以吧枱為主，可以直接望到師傅現場煎扒，好有臨場感。性價比唔錯，加上師傅細心解說，食落體驗感加乘。 ---## 🍱 餐套餐 D —— 三款漢堡扒一次滿足 呢個套餐真係抵到爆，一次過試晒三款口味： - **原味漢堡扒**：肉汁飽滿，無過多調味，食得出牛肉本身嘅鮮香； - **芝士味漢堡扒**：煎好之後，芝士慢慢滲入肉汁，鹹香濃郁，好邪惡； - **微辛蕃茄漢堡扒**：酸酸甜甜，帶少少辣勁，開胃得嚟唔膩。 每款扒師傅都係即場煎好上枱，肉質好 Juicy，淋上專屬醬汁後更加提味。 ### 套餐配搭 - **溫泉蛋**：拌飯食最正，將蛋黃撈開，黏住粒粒日本米飯，超滿足。 - **味噌湯**：傳統口味，清淡暖胃。 - **泡菜**：酸辣度啱啱好，用嚟中和肉味一流。 ---## 🥩 牛舌套餐 —— 牛舌厚切 + 牛舌芯扒 媽咪嗌嘅牛舌套餐，每款有兩塊，份量十足。 - **牛舌厚切**：切紋花刀後燒到微焦，食落肉汁鎖實，外層有咬口； - **牛舌芯**：比較軟嫩啲，但保留咗嚼感，有部份位稍微韌啲，不過整體都幾香口。 都係配埋日本米飯、味噌湯同泡菜，小食齊全。 ---## 🍹 飲品 —— 熱情百香果有氣泡酒 - 賣相靚，杯面有薄荷葉同粒粒生果； - 飲落酸酸甜甜，氣泡感十足，解膩解渴，第一杯就見底，差啲忍唔住再叫多杯！ ---## 🍟 小食升級 —— 牛肉薯餅（+$18） 加十零蚊就可以拎到一份小食： - 外皮炸到金黃香脆； - 內裏薯蓉滑兼帶牛肉香； - 配埋餐食，好豐富。 ---## 💰 價錢 今餐兩個人： - 我嘅三味漢堡扒套餐 $128 - 媽咪嘅牛舌雙拼套餐 $138 - 牛肉薯餅 $18 - 熱情百香果氣泡酒 $58 埋單 **$376（含加一）**，人均唔洗 $190，以呢個質素嚟講 CP 值高！ ---## ⭐ 總結 **一輪** 喺荃灣真係一個幾好嘅新樂園： - 餐廳環境舒服，現場睇師傅制扒好有氣氛； - 漢堡扒肉汁飽滿，款款有特色； - 牛舌厚切香口過癮，有少少韌但整體唔錯； - 配餐完整夠誠意，飲品特別，性價比高。 👉 **推介指數：★★★★☆（4.5/5）** 📌 必試：三味漢堡扒套餐、熱情百香果氣泡酒 …查看更多

今日我終於黎食呢間想食好耐既香港首間手打和牛漢堡專門店，呢到主打係用自家農場養殖既十勝產和牛，有唔同既套餐揀我地分別點咗套餐C同埋套餐D，全部漢堡都係見到佢即刻燒，所以都要等一陣先有得食套餐C有2件漢堡，但就係唔同既口味，第一件就係洋蔥燒汁和牛漢堡，洋蔥燒汁漢堡味道好香，煮得岩岩好，肉質好鮮嫩，而且咬落去係爆汁，搭配埋洋蔥燒汁，個感覺好清新，可以同漢堡既油膩感相抵消，令人食得好順滑！至於黑松露忌廉汁漢堡，呢個真係驚喜！忌廉汁好濃郁，加上另外加既黑松露油，有種好獨特的香氣，令到成個漢堡好高級，食落去好享受另外叫既套餐D就有3件漢堡，分別係原味和牛漢堡、微辛蕃茄汁和牛漢堡同埋三重芝士汁和牛漢堡，微辛蕃茄汁漢堡帶有少少辣味，搭配上新鮮的蕃茄，有種西式既感覺，而且酸酸地好開胃，至於三重芝士汁漢堡係今日既MVP，因為個芝士汁味超濃，佢仲係面頭再刨左芝士碎，芝士碎因為好薄，個口感好輕，但芝士味就好濃，包著左件漢堡咁，食落去每一淡都好滿足，芝士控最愛另外，我仲加咗免治雞肉漢堡，呢個選擇亦都唔錯！雞肉漢堡鮮嫩多汁，燒到外皮煎香，口感反而比較扎實，搭配上特製的醬料，味道清新。最後，清酒煮蜆亦都好好味，蜆肉鮮甜，清酒的香氣令整個菜式更加提升總括來講，呢到既服務同野食都係水準之上，價錢亦都好合理，絕對值得黎一試…查看更多

每次經過都被呢間店吸引，開放式的設計，十勝和牛漢堡扒好吸引，今次專程來等位開餐啦！餐具擺得好整齊，欣賞佢有壼水比人自己斟，讚👍香烤鱈魚乾 即叫即燒，十分脆香，配蛋黃醬好好味，送啤酒一流！明太子雞翼2隻雞翼外皮烤到香脆，入面肉質又嫩滑，食落好有層次。加埋我最鍾意嘅明太子，真係大愛！有呢個選擇，食到好開心！芥末八爪魚沙律幾開胃的前菜，清新之選！木村芥末薑味梳打240mlAsahi桃味有汽果酒480m 手打和牛漢堡套餐，款式可以揀原味、微辣蕃茄或者三重芝士。份量真係好足，跟餐仲有泡菜、湯、生雞蛋同白飯。大廚燒好之後會直接放喺你面前個暖暖嘅鐵板度，所以食嘅時候一路都保持住熱辣辣，好有滿足感。成個用餐體驗都幾正！2件和牛漢堡套餐2件和牛漢堡套餐呢度係吧枱形式用餐，大家圍住坐，但空間感都仲算舒服，唔會覺得迫。 最精彩係可以即場望到大廚燒和牛扒，香氣四散，睇到都忍唔住流口水，欣賞這個用餐擺位，抽風做得好好。唔怕身上一陣味！主打北海道十勝產黑毛和牛，仲係香港首間以手打方式製作和牛漢堡嘅專門店，著實冇令人失望！…查看更多

@一輪今日同老公行荃灣Citywalk2,經過呢間〔一輪〕,原來係一間和牛漢堡專門店,見到佢裏面裝修好特別,海報係寫住香港首間手打和牛漢堡專門店,還用上自家農場養殖十勝産和牛🥩好吸引環境：餐廳用日系簡約裝修,座位以大圓形Bar枱為主,唔會感覺擠迫,能夠望到廚師現場烹調食物,好有儀式感......流口水中😋😋食物：貪心嘅我,梗係要試哂4️⃣種味啦：我哋叫咗兩件和牛套餐再加追加漢堡：1️⃣北海道和牛漢堡2️⃣微辛蕃茄汁和漢堡3️⃣三重芝士汁和牛漢堡4️⃣黑松露忌廉醬和牛漢堡配菜：前菜,日本國產生蛋,麵豉湯及珍珠大米白飯（任添）📍原味: 經典之作,煎到外層焦脆,加上内層滿滿嘅肉汁,純粹和牛嘅味道,冇過多嘅調味📍芝士味：加上邪惡嘅芝士.....獨有嘅鹹香味道,雖然有罪疚感,不過我都覺得好值得,再加埋即磨嘅芝士,香上加香,芝士控必食📍微辛蕃茄：🍅🌶️酸甜嘅醬汁带少少辣,老公好鍾意📍黑松露忌廉醬：好濃嘅黑松露味,超鍾意❤️📌套餐配溫泉蛋,味噌湯和泡菜📍溫泉蛋：橙紅色嘅蛋黃,望到已經覺得賞心奪目,好想快啲撈飯, 蛋漿包住粒粒珍珠米,真係好好味📍味噌湯:配料有腐皮,豆腐粒,海帶,蔥和菇.....味道啱啱好,唔會過咸📍泡菜: 酸辣中帶鮮甜📌極尚牛舌扒x松果牛舌扒套餐$163牛舌厚切但唔韌,非常有口感,咬落油脂滲出,邪惡但好味,爽口彈牙又juicy ,高質小食：📍明太子雞翼一隻$18外層燒得香脆,明太子好味呀📍煙三文魚沙律$38總結:📝呢間主打和牛漢堡店,地點方便,又唔使排隊👍除咗漢堡出色之外,牛舌同樣出色,價錢合理,食物高質,服務細心,性價比高,套餐份量充足,食得好滿足,環境舒服,牛魔王必食❤️…查看更多

這天晚上，去到香港首間手打和牛漢堡專門店用膳。3件和牛漢堡套餐賣相精緻，三個圓圓的漢堡搭配兩種不同的醬汁，讓人一看就食指大動，非常吸引。原味漢堡的口感柔軟，使用自家農場養殖十勝產和牛，肉質鮮嫩多汁，讓每一口都充滿肉香。配搭黑松露忌廉醬，濃郁的香氣更能提升整體風味，讓人陶醉於其絕妙的層次感。明太子忌廉醬味道更為醒神，為整道菜增添了變化，讓口感不再單調。套餐配搭白飯，我選擇了少飯。香烤鱈魚乾色澤金黃，每一片鱈魚乾都十分酥脆，咬下去時聲音清脆，帶來愉悅的口感享受。鮮味與烤製的香氣結合，味道鹹香恰到好處。原味波子汽水250ml一打開罐子，氣泡立即湧現，帶來愉悅的嗞嗞聲和氛圍。經典口味，甜而不膩，可以很好地搭配各類小吃，提升用餐體驗。…查看更多

荃灣不嬲都好嘢食今日附近打完球見到有間和牛漢堡專門店！門口好多人排隊 好似好吸引！香港人心態 多人排隊實冇死😂入到餐廳係吧枱形式用餐 有風味🍽️雖然大家圍住坐 但係都唔會太迫～仲可以見到大廚即場燒和牛扒一路睇一路流下曬口水我叫咗牛舌定食牛舌爽口 燒到啱啱好 又Juicy男朋友叫咗三色和牛套餐芝士漢堡扒、原味漢堡扒、蕃茄辣味漢堡扒每一個都有特色 最鍾意都係蕃茄辣味漢堡扒呢個味道好特別 酸酸地 又微辣 食完芝士都唔會好「流」我哋食午市 有set～分別有麵豉湯 前菜 & 生雞蛋！本身以為漢堡扒專門店 其他小食會冇驚喜！點知蒜蓉錫紙沙白好鮮甜！一啲沙都冇🤤而且啖啖肉 每一隻都好肥美 真係冇得彈意外嘅係食lunch唔使等太耐～我哋等咗5分鐘左右就有得入座🤤🤤會encore ！…查看更多

光顧過中環的「挽肉と米」後，窩夫與蝦子餅想去荃灣的「一輪」試試，比較一下。除了北海道和牛漢堡，還被牛舌吸引著。相比「挽肉と米」，調味料的選擇較少。北海道和牛漢堡是在客人面前燒的。套餐配送前菜、日本國產生蛋，以及配料豐富的麵豉湯，有不少菇、豆卜和昆布。蝦子餅點了有三件北海道和牛漢堡的套餐D ($128)，分別是原味、三重芝士和微辛番茄。新鮮出爐的北海道和牛漢堡，圓圓的，頗厚身。淋上金黃色的芝士汁。太心急地將和牛漢堡切開了，忘了還要加芝士呢。一次過將三件和牛漢堡上碟，雖然有鐵板熱著，但感覺逐件上會比較好。和牛漢堡的肉味香濃，有肉汁但沒「挽肉と米」的豐富。微辛番茄汁味道不錯，酸酸的帶點辣，拌飯一流。窩夫點了極上牛舌扒x松果牛舌芯扒套餐($138)。極上牛舌扒和松果牛舌芯扒各有兩件，先嚐嚐松果牛舌芯扒，爽口彈牙，兩個牛舌控表示非常滿意，再嚐極上牛舌扒就有點失望，因為比較韌，還是吃主打的北海道和牛漢堡較穩陣。…查看更多

係荃灣行街夜晚想試下新野，就見到呢個日本漢堡扒，不停上網見到好多人食呢款，貪得意就去試下先✌🏻一坐低 原來係bar枱，仲可以望住師傅係你面前煎添。感覺環境唔錯 幾舒服。🫶🏻叫完野食就會有麵豉湯、前菜、生雞蛋🥚個湯都幾大碗 入面都有啲油皮，都幾入味🥰極上牛舌扒+極上牛舌芯扒😍見佢新推出 又特別啲，所以試下先。佢牛舌都大條 而且好有口感，好彈牙！👅牛舌芯係出面都少啲地方可以試到。鐘意食牛舌既朋友不妨試吓。😎北海道和牛漢堡+微辛蕃茄汁和牛漢堡🤩黎到當然都要試埋最基本必食既先！好重牛味🐮蕃茄汁出色，食落帶出唔同味，而且用黎撈飯一流🤤…查看更多

餐廳設計乾淨簡約，以開放式鐵板檯為主，坐吧枱位可以近距離睇住店員現場燒肉，然後熱辣辣咁上枱。1️⃣ 極上牛舌（2件）＋松果牛舌芯扒（2件）套餐牛舌厚薄切得啱啱好，肉味非常濃。牛舌芯扒𠝹完花真係好似松果，入口出奇地爽彈有咬口，而且肉質更加細嫩，咬落去油脂滲出，送飯等啲油份慢慢滲入白飯，正2️⃣ 套餐B：三重芝士汁和牛漢堡扒（100g）＋微辛蕃茄汁和牛漢堡扒（100g）另外必點嘅應該就係佢地signature嘅呢個芝士汁漢堡扒，店員會即場幫你淋上濃郁芝士，再刨絲，最啱拎唻出ig story，漢堡扒外層焦香，內裡好多肉汁。呢個餐最正係另外有個蕃茄汁版本，因為食到最後多多少少會滯，但微辣帶酸嘅蕃茄汁減低咗油膩感，清新開胃，而且醬汁份量好generous，送飯會送哂成個飯。🍚 配餐每個套餐都有泡菜、日本蛋、味噌湯同珍珠米。以荃灣商場價位計，百零二百一個套餐就有和牛同牛舌，而且份量咁多，好抵食。…查看更多

今日同朋友仔去行山，行之前去咗荃新天地，見到一輪，依間嘢平時夜晚經過都好多人排隊，今日啱啱開咗去試吓我哋叫咗佢個手打和牛漢堡套餐D餐，有原味、微辣蕃茄同埋三重芝士，份量好足，跟餐仲會有一個泡菜、湯、生雞蛋同埋白飯，佢喺中間燒完會放喺你前面個鐵板，個板係暖嘅，所以食嘅時候都熱辣辣另外我哋仲叫咗個極上牛舌x 松果牛舌芯扒套餐，佢有各兩塊，兩塊都大大塊好抵食，而且佢嘅軟硬適中，好耐未食過性價比咁高嘅牛舌。而呢個套餐都係有湯、生雞蛋同埋白飯，另外會俾咗一碟白蘿蔔你解膩。另外我哋叫咗兩個小食都好出色，一個係香烤鱈魚乾，呢個烤到脆卜卜好似薯片咁😍再點少少醬食好正另外嗌咗個咖喱炸雞軟骨，呢個好香好惹味😆雞軟骨脆卜卜，配少少咖喱醬，好出色另外我哋仲叫咗個波子汽水，今餐都食得好滿足，而且性價比好高。…查看更多

📍一輪 (荃灣)荃灣楊屋道18號荃新天地2地下一門町市場J36-38號舖今天到訪這間非常受歡迎的手打和牛漢堡專門店裝潢簡約舒適食客更可看著廚師即席烤製食物。午市限定均配前菜、麵豉湯及珍珠大米白飯，份量十足。麵豉湯非常濃郁✨韓國醬炸雞粒及北海道和牛漢堡餐(追加三重芝士汁和牛漢堡)-炸雞粒帶有微辣的韓式醬汁，外皮酥脆。-北海道和牛漢堡，漢堡使用自家農場養殖的十勝產和牛，肉質鮮嫩多汁，口感極佳。-三重芝士汁口味和牛漢堡，濃郁的芝士味道完美融入漢堡，一吃難忘，我特別喜歡。✨極上牛舌扒x松果牛舌芯扒套餐牛舌芯油脂分佈均勻，肉質細嫩Q彈爽口，口感絕佳。✨香烤鱈魚乾 脆薄 咸香可口✨炸雞軟骨 外焦內嫩口感彈牙 佐酒一流🍻Suntory (限時優惠:6pm 前享第二杯半價)送枝豆 十分划算這家手打和牛漢堡絕對不容錯過！————————————————————整體用餐體驗✨味道(4/5)✨環境(4/5)✨服務(3/5)✨性價比(4/5) …查看更多

🌟 荃灣美食探索 🌟最近發現了一間超值嘅和牛漢堡餐廳，位於荃新天地！🍔💖 只需一百多蚊就可以享受三款唔同味道嘅北海道十勝和牛漢堡套餐，真係抵到爆！✨#### 套餐D - $128三重芝士和牛漢堡🧀🍔：呢款漢堡真係厚身到唔得了，咬落去芝士融化嘅感覺，鹹香可口，配飯簡直一流！身為芝士控，絕對要推介！ 微辣番茄和牛漢堡🍅🌶️：番茄味微辣，酸酸嘅口感超開胃！每一口都令人心情大好，真係停唔落嚟！ 原味漢堡🍔：經典之選，肉質柔嫩，原汁原味，每一口都似喺享受北海道嘅純粹！ 🥗 土豆泥沙拉：濃密嘅土豆泥配上清爽嘅黃瓜沙拉，口感清新又香濃，真係好味到唔想停！ 🍗 雞翅包明太子：每一口都滿滿嘅驚喜，夠滿足！ 快啲嚟試下啦！#荃灣美食 #和牛漢堡 #美食分享 #芝士控 #土豆泥 #好味到爆…查看更多