鐵板超 (Moved) New Location

同同事慶祝入行一週年，訂左枱同同事去食日本鐵板燒，食之前師傅仲特登表演整左個叮噹慶祝，比我地有個視覺享受之後我地叫左set 二人前，有龍蝦、帆立貝、鵝肝多士、日本豚、蝦乾蟹子炒飯、炒雜菜、海鮮湯第一道係燒帆立貝，同師傅調配既汁好夾；之後到活龍蝦，夠晒新鮮生猛，仲識郁吓郁吓。之後師傅燒熱龍蝦，再用火槍落d酒燒到成隻著火，成個畫面好震撼，簡直係一場表演咁。而龍蝦肉非常之爽口彈牙又入味，之後再用龍蝦頭用來滾海鮮湯，鮮甜可口，啖啖鮮味。鵝肝配多士，煎岀鵝肝嘅油脂之後，用來烘熱件多士香脆可口，再配搭埋日本菠蘿酸甜解膩，中和鵝肝嘅飽膩感。仲有蟹籽炒飯，飯粒粒粒分明，用上日本珍珠米，再加埋蒜片一齊食，香氣十足。最緊要係仲要做緊午市優惠，12:30-4:45 入座6:30前離座全單有66折，真係超抵，人均只需800左右就食到高質新鮮嘅鐵板燒。

家姐從美國回港探親， 姊妹相聚 💏，份外親切。 諗住請家姐食餐好嘅 ，見到開放飯網介紹呢度有六六折優惠， 即刻訂位。 兩姊妹坐係大鐵板餐台前，一路食，一路傾， 超開心，😘😘 超美味 ，😋😋超抵食 。👍👍我哋揀咗個 ＄1988套餐， 好豐富嘅內容 ，有巨型帆立貝， 超肥美鵝肝， 日本靚和牛， 澳洲羊架， 兩隻巨型大蝦， 當然仲有前菜， 沙律 ，海帶豆腐湯 ，櫻花🌸蝦🦐蟹子蛋🥚炒飯， 炒肥嘟嘟嘅芽菜雜菜， 最後仲有雪糕甜品。 食慣好嘢嘅家姐， 都話超正， 超抵。 最後， 鐵板燒廚師仲送咗一幅好靚嘅畫畀家姐，🎨襯番家姐藍色嘅頭髮 ，可愛嘅多啦a夢 ，🥰祝家姐 happy forever 。非常感激心靈手巧嘅鐵板燒廚師。🙏🙏食完前菜沙律， 就到香煎大海蝦 ，🦐🦐兩隻蝦仲長過手板， 肉爽膏甜 ，是海鮮中嘅海鮮。 第二味係新鮮巨型帆立貝， 煎熟嘅帆立貝 ， 稍為調味， 放入紫菜湯裡， 在湯中更突出帆立貝嘅鮮味， 又調和了蝦膏嘅厚重， 非常高明的配搭。高智健康的食物配搭，味道輕重相隔，濃淡相分，跟著到肥美絕倫的鵝肝， 煎熟後放在香脆的多士上 ，淋上少少意大利醋 ，再配搭一塊熟透鮮黃色的菠蘿 ，真是此

今日同男朋友慶祝生日，佢話想食鐵板餐就搵到呢間係尖東新開嘅日式鐵板料理餐廳發現佢做緊午市優惠，12:30-4:45 入座6:30前離座全單有66折，真係超抵，呢個價錢絕對抵食！我哋被安排坐喺霸位，前面係可以望到廚師整理菜式，容許你近距離觀摩。我哋揀咗二人前$2188帆立貝配龍蝦呢個套餐！首先套餐都包括沙律，麵豉湯同前菜。之後就到欺辱廚師都會喺你面前介紹各種新鮮嘅食材，日本北海道帶子大大粒，燒到半熟再加鰹魚湯食落超鮮甜。仲有主角大大隻嘅龍蝦，你會見到海鮮非常生猛，龍蝦仲識郁，廚師仲會用火槍去燒一燒，龍蝦着晒火，帶比你視覺嘅驚喜。味道當然冇得彈啖啖肉火候剛剛好！之後仲有法國鵝肝煎多士，見到件鵝肝分泌嘅油，再用返啲油嚟到煎香件多士，整體配搭十分之完美，口感豐富。所有海鮮食材都絕不馬虎，保證新鮮進口，我哋都食得好滿足，超級推介。

今日同朋友慶祝生日，想食鐵板燒就搵咗呢一間餐廳！一入到去餐廳，待應就好快安排坐位俾我哋！由於我哋食晏晝同比較晏，所以廚師淨係招呼我哋兩個！呢間餐廳鐵板燒嘅選擇有好多！花多眼亂！結果我哋揀咗R餐！個餐單入面有南非活鮑魚鮑魚真係好新鮮，上枱嘅時候係會郁！鮑魚真係非常之鮮味！😋其中一樣，我哋揀咗銀鱈魚銀鱈魚嘅油脂煎哂出嚟，食到我地舔舔脷！如果可以再大件啲就好啦😂跟住出場嘅係燒大蝦廚師喺我哋即場拆殼，煎蝦頭備用啲蝦係好爽嘅！我哋再揀咗個A4和牛薄燒廚師職場炒香蒜頭蔥調味，然後包係和牛入面！真係超級好味！牛肉嘅油脂，再加埋蒜頭既香！真係樣樣，都好想再encore！仲有蜆肉湯，通常喺出邊飲啲蜆肉湯啲蜆肉好似急凍，但呢個係新鮮蜆肉煲出嚟然後仲有烏冬！最初以為唔會飽，原來樣樣少少夾埋，係好飽！最後廚師問我哋想要咩公仔！原來佢會即場表演畫花！成餐飯望住廚師覺得佢好攰😂😂

今日情人節，搵左間高質餐廳同女朋友慶祝氹下佢開心呢間「鐵板超」一聽就知主打鐵板燒，師傅會係你面對即時煮野食，有得睇又有得食午市黎食勁抵有66折，就可以食到勁高質海鮮同和牛今日我地叫左個V餐，大大隻龍蝦超吸引仲有南非鮑魚，比我地睇個陣隻鮑魚仲郁緊，真係勁新鮮下過鮑魚下一秒就變左我地既果腹之物同平時食開個啲軟淋淋好唔同，食落係勁爽口，仲好重鑊氣味，一流！龍蝦大大舊肉，好新鮮，肉質彈牙好鮮甜好香，食得出係超級新鮮銀鱈魚，魚皮同魚肉分開煎，魚皮煎到脆卜卜成塊薯片咁勁香口，魚肉用猛火煎到外皮金黃，入面啲魚肉仲keep住嫩滑，真係好考師傅功力，要讚！日本豚，煎既時候仲有表演睇勁興奮，師傅仲會特登熄燈比我地睇，勁好服務睇完表演終於有得食，唔會煮到全熟，所以啲肉係勁軟身，唔會好多肥膏，好香濃肉味，好食呢餐食得勁開心，食物高質之餘服務亦好好，師傅會一邊煮野食一邊同你傾計，收盤加茶速度亦好快手唔洗主動叫，正呀

鐵板燒香港黎講都唔算好多，但大多價錢都比較貴！今日就同朋友去左食「鐵板超」，見佢做緊優惠晏就12:30-16:45內入座及18:00前離座就有全單66折，好似幾抵咁！我地嗌左個R套餐2人前，師傅好nice，鋪頭裝修都唔錯，慶祝等飯局都好適合！一黎就有沙律前菜、八爪魚漬物等，八爪魚漬物比較少有，味道爽口又唔會咸；之後就開始鐵板燒⋯⋯第一道，鮑魚，鮑魚好新鮮仲識不停郁，不過我地都好驚會過熟同好靭但師傅廚藝好好，岩岩好，鮑魚仲好爽冇特別多調味料保留鮑魚鮮味，師傅仲話可以點調配好既醬汁又可以唔點有唔同食法，但我覺得最緊要2種食法都食到佢既鮮味！第二道，銀雪魚，銀雪魚就梗係冇成條上啦！一塊仔上板燒，師傅將魚皮分開燒，魚油適中，魚肉岩岩熟口感滑溜同啖啖肉再加魚皮燒到卜卜脆超正，但份量就好似唔夠喉！第三道，大海蝦，雖然佢煮之前就冇乜點郁，但食落都係爽、彈牙同鮮味濃證明係新鮮貨色，師傅仲落左啲特別醬汁，令大海蝦味道緊濃郁！第四道，麵豉蝦湯，味道好濃蝦味，入面仲有少少海鮮係入面絕對冇hea做，一般麵豉湯麵好咸，但佢又唔算好咸！第五道，A4和牛薄燒，雖然係薄燒但A4和牛油脂豐富，淨食2塊都開始漏啦！但師傅

新年假期要好啲，黎試呢間鐵板燒，午市做緊66折午市套餐都幾選擇，可以有唔同嘅combinations, 友人想試鮑魚，所以揀咗R餐，有南非鮑魚同大海蝦，再自選咗帆立貝同日本A4和牛薄燒同蝦乾蟹籽炒飯前菜同沙律南非鮑魚：師傅燒咗一款薄切一款厚切俾我哋試，個人鍾意厚切多啲，鮮味濃啲又有口感帆立貝：鮮甜多汁大蝦：師燒燒得好香脆，脆到連蝦鬚都可以食埋和牛薄燒：師傅用咗大量嘅蒜同蔥，再用和牛肉捲起，中和咗和牛嘅油膩炒飯

每逢生日要選擇去邊度食飯係最傷腦筋😮‍💨，要好味又唔好太貴(性價比為主），最好有啲花臣嘢睇下開心啲🥳，朋友介紹咗我黎呢度食，話好適合生日去。7點去到已坐左7成人，每位師傅都係招呼緊4位客人。😌低當然第一時間叫支720ml sake先，叫左支大嶺3粒米(但唔記得影🤣）。好在嚟之前響open rice做好research，叫左個龍蝦鮑魚套餐。所有食材非常新鮮👍🏼，甚至乎不停郁🫣只需要輕微調味，已經好好食，加上師傅廚藝精湛，我地喺側邊食邊驚嘆睇表演。🤭無飛刀，但放火係一定有🤣。今次唔逐樣介紹食物啦，因為掛住睇表演，同埋同隔籬枱傾偈，成日唔記得影相🤣食材唔會浪費，個龍蝦頭仲會攞埋去煲湯，好鮮甜最後當然有壓軸表演環節，就係即場拉花寫生日或者慶祝語句俾我哋影相留念🤣🎉。整個食飯過程最開心係有表演睇，有好味嘅嘢食之外，仲可以不停咁同師傅傾偈、乾杯🍻🤓係一個好正個人化體驗😌

今日叫咗套餐R，午市嚟食有66折，師傅會介紹菜式之餘亦都好健談，係開心又滿足嘅一餐～～沙律、前菜🥗南非活鮑魚的確非常新鮮，一開始師傅將食材放低畀我地打卡嗰陣，隻鮑魚仲係郁嚟郁去，鮑魚肉爽口彈牙，味道鮮甜，師傅亦都用咗兩種切法，薄切同角切果然喺口感上好唔同🔪大海蝦有成對筷子咁長，見住師傅純熟咁去殼挑蝦腸，就好似睇緊表演咁🦐師傅特別分開烹調帆立貝嘅貝肉同柱邊，帆立貝唔係急凍貨所以味道會特別鮮甜，用鰹魚湯、海帶去煮更係吊出海洋鮮味，柱邊係半生熟所以一啲都唔韌🌊意大利黃瓜、日本蕃薯、中國蓮藕🍠肉類揀咗日本A4和牛薄燒，A4和牛嘅油脂甘香，包住炒香咗嘅蔥粒同蒜蓉，一咬落去肉汁大爆發，非常好食😋炒雜菜一啲都唔馬虎，芽菜椰菜加上櫻花蝦、煙肉🥬蝦乾蟹子炒飯同樣落咗櫻花蝦、煙肉，甚為惹味，飯粒炒得乾爽，師傅仲特別加多隻太陽蛋喺上面，好滿足啊🍳海鮮湯加咗頭先大海蝦嘅蝦頭蝦殼，再加埋蜆肉落去，自然相當鮮甜🥣甜品有雪糕🍨

尖東鐵板燒‼️晚市時段無優惠。環境可以，吧枱式設計，味道ok嘅。價錢唔平亦唔貴、服務尚可、睇開飯12月$2088/位有龍蝦食，依家加左價仲變左大蝦🤣🤣🤣🔺大蝦+鮑魚二人餐 $2288/2位沙律前菜法國鵝肝日本A4和牛薄燒季節野菜及炒雜菜，螋乾蟹子炒飯 海鮮湯甜品整體食物比較油膩，鵝肝啲油滴出嚟，薄燒和牛更加油光滿滿，炒飯可以更加乾身，味道尚可。📍鐵板超Teppan Chiu Teppanyaki地址 ： 尖沙咀麼地道61號冠華中心地下1號舖

<愉快嘅生日鐵板燒>嗰日我哋晏晝四點到食，唔係太多人可以包晒成間房。嗌咗三人套餐，包括元貝、龍蝦、A4和牛，同埋鵝肝多士。所有嘢食都超級好味，個牛入口即溶，鵝肝多士超正👍🏽 慶祝生日一流！唔知大家又估唔估到師傅畫嘅係乜嘢公仔呢？🤭😋: 4.9/5 (少少咸，師傅重手咗少少）💸: ~$600/ head

今日係我哋嘅週年紀念日，男朋友一早訂咗呢一間鐵板超，本來以為只係普通一間日式鐵板燒，最多都可能係嘢食新鮮啲，同埋好食啲，但係原來呢度嘅服務態度真係幾好，令到我都要上嚟出一出文呀👍👍👍嘢食新鮮就不在話下，今日就算係星期六呢度都有66折優惠，不過就只限午市。男朋友一早揀定個餐，我哋叫咗呢度嘅龍蝦鮑魚餐，首先係前菜，呢度嘅前菜有三樣，分別係沙律，芥末八爪魚，同埋魚乾仔。 跟住就到咗重點嘅鮑魚啦，鮑魚好新鮮，係新鮮到佢喺你面前喐，我係咁用筷子嚟篤佢，佢就係咁喐😂😂😂 另外呢度嘅龍蝦都唔少嘢，隻蝦好大隻呀，同隻手掌差唔多大，蝦肉都好爽甜。另外個餐都有包到聖子皇，和牛，炒飯等等，大家可以喺張圖度睇到，真係好吸引㗎。啦啦啦，到咗呢度重點嘅慶祝環節，師傅有問定我哋有冇節日慶祝，我男朋友講咗今日係週年紀念，師父就用佢神乎其技嘅技術，我諗係用咗麵粉，畫咗個公仔，個公仔係我最鍾意嘅，角落生物呀，再用週年紀念日嘅字眼包圍住隻公仔，真係幾好睇同埋感動下😍不過我唔記得影相呀，諗落真係有啲傷心，但係真係讚一讚師傅，同埋我男朋友揀咗呢間餐廳。

強烈推介，如果大家未試過席前鐵板燒，一定要黎呢度試一試，無論服務同埋食物，都係一流水平，可以媲美得起日本食嘅時候👍👍餐廳位於尖東站旁， n出口行3分鐘就到，而且位於地下，極之方便。入到去就見到餐廳有好多模型，大部分都係超人嘅模型，再問落原來係老闆嘅收藏，果然符合鐵板超個名😂😂我哋去嘅時間去中午，餐廳做緊66折優惠，係全個餐牌都做緊，真係好抵下。所以我哋叫咗兩份海鮮和牛套餐，入面有龍蝦，鮑魚，蟶子，和牛等等。啲海鮮好大隻同埋好新鮮，呢度係廚師會喺煮之前，拎上嚟比我地睇一睇，我先見到隻鮑魚仲喺郁緊， 而且和牛都好大塊，真係覺得值回票價。另外廚師不斷同我哋傾計，介紹食材，同埋了解我哋嘅口味，所以可以做到個人化，唔會驚口味唔岩。 食落所有材料都好新鮮，基本上只係落少少鹽就夠鮮味，而且有部分嘅菜式仲有用蔥油再配搭，基本上廚師已經煮得好好👍👍另外，廚師會根據紀念日，生日等等，幫大家畫一幅畫，雖然我嗰日冇叫到，但係我見到隔離枱有咁做，所以如果大家喺呢啲特別日子黎食，應該都幾有意思👍最後埋單一千頭左右，但係我覺得性價比都算幾高

鹹蛋超人、幪面超人、女超人、周圍都係超人！男人嚟到呢度可以周圍欣賞figure，未開始食已經好開心❤️今日刻意晏晝過嚟，午市二人前套餐有66折呀！識揀，原價2188加一嘅龍蝦鮑魚海鮮餐，而家1444加一。梗係晏晝過嚟啦。晏晝人數唔算多，而且餐廳劃分做唔同房間，舒適度一流！南非活鮑魚，鮑魚未煮嘅時候仲郁郁下好可愛😆煎得剛剛好，配合特製鮑魚膽醬一流。活龍蝦，睇師傅嘅噴火表演，原來係為咗令龍蝦火燒過之後更香，龍蝦質素好高，肉質美濃又結實，令我拆開每一隻腳食晒所有嘅肉😂龍蝦頭，仲攞咗去做鮮甜龍蝦湯添。帆立貝。新鮮食材冇得輸。日本A4和牛薄燒，牛肉好靚，配合即炒蔥蒜，食過印象難忘。蝦乾蟹籽炒飯，睇師傅用心做炒飯，功夫純熟，每個飯粒都炒得剛剛好，親眼見到廚師煮得咁好，我真係一粒飯都冇晒食晒。鐵板燒畫，想要咩圖案都考唔起師傅，最適合生日或節慶來慶祝打卡。（唔食得嘅）總括嚟講，今次所有海鮮食材非常新鮮，師傅功力又有返咁上下，服務也好周到，一直有過嚟幫手換碟加茶👍🏻鐵板燒冇任何油煙味，環境清潔。我會再返嚟encore。

😋要食，真係要食！仲要一定要食有龍蝦同鮑魚個set! 真係食得出超級新鮮，靚料，味道同出面食真係有唔同👍🏻🦞活龍蝦師傅玩火🔥原來唔係純gimmick，係可以提升鮮味，令龍蝦味道level up! 仲有環境同埋食物影片睇添😍可以睇到師傅點玩火🔥🔥🔥龍蝦頭之後會用嚟熬湯，蝦膏用來做醬汁同蝦肉一齊燒，食落味道真係好鮮，完全唔洗點醬汁，肉質勁爽口。🇿🇦南非活鮑魚上枱嘅時候仲識郁，師傅燒得好好，生熟程度剛剛好，食落彈牙爽口，配上乾鮑魚醬汁，超夾超好食😋🦪帆立貝大大粒，配上用木魚熬製嘅高湯加海草一齊食，係一道溫和嘅海鮮😋記得一定要飲湯！🐂日本A4和牛薄燒勁多炸蒜加蔥花捲入和牛，薄燒和牛好好食。油炸蒜時已經用咗好多油，和牛本身油脂分布都多，兩者加埋略嫌太油。所以我最後點咗酸酸地嘅醬汁嚟食，中和番口感。🍚蝦乾蟹子炒飯有兩款主食可以嗌，千祈唔好嗌烏冬，因為無得俾佢炒🤣蛋漿完美覆蓋白飯，蟹子份量多，成個炒飯炒出嚟好有鑊氣，真係食唔停👍🏻🥗前菜、野菜、甜品前菜有蜜糖合桃，芥末八爪魚🐙炒野菜有意大利黃瓜、日本番薯、冬菇，另仲有椰菜炒芽菜。甜品有荔枝同紅豆雪糕👍🏻二人前$2188午市去食有六六折優惠，埋單$16