Video
Read full review
2023-02-20
56 views
鐵板燒香港黎講都唔算好多，但大多價錢都比較貴！今日就同朋友去左食「鐵板超」，見佢做緊優惠晏就12:30-16:45內入座及18:00前離座就有全單66折，好似幾抵咁！我地嗌左個R套餐2人前，師傅好nice，鋪頭裝修都唔錯，慶祝等飯局都好適合！一黎就有沙律前菜、八爪魚漬物等，八爪魚漬物比較少有，味道爽口又唔會咸；之後就開始鐵板燒⋯⋯第一道，鮑魚，鮑魚好新鮮仲識不停郁，不過我地都好驚會過熟同好靭但師傅廚藝好好，岩岩好，鮑魚仲好爽冇特別多調味料保留鮑魚鮮味，師傅仲話可以點調配好既醬汁又可以唔點有唔同食法，但我覺得最緊要2種食法都食到佢既鮮味！第二道，銀雪魚，銀雪魚就梗係冇成條上啦！一塊仔上板燒，師傅將魚皮分開燒，魚油適中，魚肉岩岩熟口感滑溜同啖啖肉再加魚皮燒到卜卜脆超正，但份量就好似唔夠喉！第三道，大海蝦，雖然佢煮之前就冇乜點郁，但食落都係爽、彈牙同鮮味濃證明係新鮮貨色，師傅仲落左啲特別醬汁，令大海蝦味道緊濃郁！第四道，麵豉蝦湯，味道好濃蝦味，入面仲有少少海鮮係入面絕對冇hea做，一般麵豉湯麵好咸，但佢又唔算好咸！第五道，A4和牛薄燒，雖然係薄燒但A4和牛油脂豐富，淨食2塊都開始漏啦！但師傅
今日就同朋友去左食「鐵板超」，見佢做緊優惠晏就12:30-16:45內入座及18:00前離座就有全單66折，好似幾抵咁！
我地嗌左個R套餐2人前，師傅好nice，鋪頭裝修都唔錯，慶祝等飯局都好適合！
一黎就有沙律前菜、八爪魚漬物等，八爪魚漬物比較少有，味道爽口又唔會咸；之後就開始鐵板燒⋯⋯
第一道，鮑魚，鮑魚好新鮮仲識不停郁，不過我地都好驚會過熟同好靭但師傅廚藝好好，岩岩好，鮑魚仲好爽冇特別多調味料保留鮑魚鮮味，師傅仲話可以點調配好既醬汁又可以唔點有唔同食法，但我覺得最緊要2種食法都食到佢既鮮味！
第二道，銀雪魚，銀雪魚就梗係冇成條上啦！一塊仔上板燒，師傅將魚皮分開燒，魚油適中，魚肉岩岩熟口感滑溜同啖啖肉再加魚皮燒到卜卜脆超正，但份量就好似唔夠喉！
第三道，大海蝦，雖然佢煮之前就冇乜點郁，但食落都係爽、彈牙同鮮味濃證明係新鮮貨色，師傅仲落左啲特別醬汁，令大海蝦味道緊濃郁！
第四道，麵豉蝦湯，味道好濃蝦味，入面仲有少少海鮮係入面絕對冇hea做，一般麵豉湯麵好咸，但佢又唔算好咸！
第五道，A4和牛薄燒，雖然係薄燒但A4和牛油脂豐富，淨食2塊都開始漏啦！但師傅加左青蔥、櫻花蝦，增加左口感之餘而且令和牛食落唔漏，仲每人食到4舊！
第六道，蝦頭炒椰芽，可能因為我好鍾意食菜，所以我即刻試食，師傅用左蝦頭一齊炒好香口，不過鐵板燒關係個菜就有啲油，但我都清晒！
第七道，稻庭烏冬，係呢個時候已經飽到癲左！我地仲以為唔會飽，點知食下食下就食唔落喇！個烏冬好滑，不過個湯就有啲咸，份量亦唔少，所以我食左少少就冇食喇！
最後甜品雪糕，荔枝或綠茶，我地就揀左荔技，味道冇出面既咁甜仲好清新。
師傅離開前就專登問我地有冇啲咩想佢畫同寫？因為疫情關係身體健康緊係最重要啦！所以師傅幫我地寫左身體健康仲畫左啲花，好有心思！所以如果係慶祝生日、紀念日、求婚果啲都真係好適合！仲會幫我地影相，激讚！埋單2個人最後都係$1587！
總括呢間餐廳價錢、質素都好抵食、高質！
Post
