尋麻記

Open Now

Now Closed

呢日經過大埔街市附近，見到呢間新開的尋麻記，睇名都估到係一啲麻麻辣辣惹味嘅食物，一睇之下，有約大多款都係帶麻香的美食。麻椒獨有香味，簡直係讓人沉迷的味道。而多數要係餐廳先有得吃麻辣菜式，而家有這些外賣專門店就方便好多。麻香雞 半隻$78職員即場用手撕開雞肉同骨分離，手撕雞食落好方便，啖啖肉，肥瘦比例均稱，而胸部位都唔會好鞋，好嫩滑，選麻香原因係因為想食返原有雞味，真係無揀錯。咸度剛好惹味度高，值得推介。金牌肥腸（中份）$38一入舖已聞到麻辣香味，原來係一直用麻辣湯底煲緊大腸，令腸更加入味。這是招牌菜，麻麻地食大腸嘅好都會試多幾件。麻而辣度好配大腸味道。用麻辣做湯一定有些油，但食落都可以接受。麻椒乳鴿 $68見到原隻乳鴿入面放哂麻辣必有的花椒，乾辣椒再去煮，果然有心機，乳鴿肉非常嫩，油香豐富可口，估唔到麻辣度咁襯，這款有驚喜！無骨鴨掌$48用上檸檬汁再加辣汁，酸辣又帶甜，好開胃的小食，鴨掌都幾大隻，肉厚及爽脆，掌肉蘸到好入味，作餐前小食或者佐酒都係唔錯。整體食物質素種類唔錯，製作認真有專門用心炮製，價錢好合理，會再回來買返屋企加餸

係大埔打完波經過見到好多人排隊襯下熱鬧又叫返隻雞返去試下先——————————-外賣叫咗一隻麻椒雞同一隻麻香乳鴿麻辣雞🌟🌟🌟🌟店員將一隻雞用手撕開成隻雞連埋雞頭雞尾打包返屋企一打開好大浸麻辣嘅香味亦都感覺到用咗好多花椒八角色香味俱全麻香乳鴨🌟🌟🌟🌟而另一款叫左麻香試試麻椒同麻香嘅分別麻香雖然冇麻椒咁辣但一樣咁惹味好食————————————-見到呢度肥腸都好多人叫下次一於試一次先！

尋找麻辣中的香，在網路平台的帶領下，到訪了這家麻香雞外賣店他們燈火通明，一隻隻雞，雞內臟，蝦，鳳爪，皮蛋等跟麻辣相襯的名物都放在凍櫃內，看著就覺得吸引服務水平正常點了一隻麻香雞＄１３８沒有麻椒雞的辣椒，只有花椒的麻香，怕辣的人也可以嚐到口腔麻痺的樂趣，本身也有滷水醃過，有淡淡的咸香老闆親自用手把雞肉撕開，這樣比切開的肌肉纖維保持得更好，口感更有質素更有層次雞腎＄４８入口不硬實，入口有嚼勁但不太硬，少量麻香跟滷水味，下飯很不錯

今日入大埔Lunch, 既然一場來到， 又怎能不帶點吃的回去呢， 聽說附近有家賣麻椒雞的很有名， 很多人在這打卡， 嚐辣的我們就慕名而來了我們到達時差不多三時， 出奇地沒有想像中多人， 店內只有一、兩人在等。兩位在店的姐姐都很熱情很有禮貌。見我們在研究買什麼好時， 也耐心為我們介紹。最後我們決定買一隻麻椒雞少辣兩個人分。另外加一份藤椒鳳爪， 一份無骨鴨掌。門口在煮著肥腸， 店員就推介給我們， 我們正猶疑要不要買， 因為午餐吃太飽，想著晚餐要不要skip, 不過最後我們都買了， 也慶幸有買。麻椒雞店員會即場幫你手撕，把大的骨頭去掉，去肥，再把肉一小塊一小塊的撕下， 吃時就啖啖肉了， 拌飯和拌麵都很適合。我們點了少辣，因為怕太辣會食不到雞味， 但原來少辣都很辣，而且非常麻，雞本身應該是在肚內塞滿各款辣椒胡椒及醃料，再鹵煮過的， 但鹵水的香味鹹味都因太麻而吃不出來， 有點可惜。雞肉本身質地微乾但口感還可以。鳳爪及鴨掌都很好吃，酸爽辣，很開胃， 做前菜非常適合。反而最有驚喜是金牌肥腸， 很乾淨，多餘的肥膏都被去掉，煮的很入味，點了一份大的， 以白芸豆塾底， 白芸豆厚身， 煮得軟硬適中，非常好吃

[ 尋麻記 ]放假去大埔搵朋友食午飯，佢介紹咗間新開嘅四川麻辣小食外賣店，中意食辣嘅我決定今晚加餸😍✿ 招牌麻椒雞🐔 半隻$78辣度分小、中、大辣🌶 麻椒雞係落單後即場由店員手撕拆骨，食得方便👍🏻 打開雞肚見到大量花椒、麻椒、辣椒等香料，醃料足料。起肉後嘅麻椒雞外皮有滷水嘅滷香，皮下脂肪唔多，而花椒麻椒嘅麻香滲透到雞肉內，麻辣味好出👅 ✿ 金牌肥腸 $38/中份由多種辣椒香料熬煮，豬腸煮得入味，口感軟彈。而且豬腸去油去脂洗得好乾淨，食落無異味，但帶有辣椒香料嘅香味。另外有營養豐富嘅白雲豆做配料，口感唔錯似紅腰豆。✿ 藤椒雞腳 🐥 $48/份個人推薦呢個菜色！每份有約十隻無骨雞腳，雞腳啖啖肉唔會好瘦，已去骨但保留到軟骨。味道唔會好辣，非常開胃食唔停口😋✿ 燒椒黃金皮蛋 $28/份店家用嘅係「金牛鴨皮蛋」，係四川醃法，味道無一般皮蛋咁強烈。蛋白較鬆散&晶瑩通透，睇到內裡嘅蛋黃，配埋辣汁食夠哂惹味！總結🫦呢間外賣店嘅四川小食麻辣味辣得好過癮👅 而且店家標榜無落味精，食完又真係無平時咁口渴😲👍🏻👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿尋麻記地址：大埔寶鄉街35-39號寶康大廈地

每次經過尋麻記總會聞到陣陣麻香撲鼻而來，但往往門外總是大排長龍，這次終於下定決心排隊一試。幾乎每位客人都會點招牌麻椒雞及金牌肥腸兩款名物，更有週末限定的麻椒或麻香乳鴿，而大部分食物均以麻辣為主，相信不少捧場客亦是嗜辣之徒。店內面積不大環境一目了然，但仍可見一排櫥窗內擺放了香辣蝦尾、檸檬雞爪等琳琅滿目的美食。招牌麻椒雞或麻香雞全部即場手撕，可見雞內原來釀滿花椒等香料，亦難怪店內總是傳出陣陣誘人香氣。麻香雞 ($138) 有別於招牌麻椒雞一樣加入多款辣椒，麻而不辣卻同樣惹味，雞肉肉質亦保持嫩滑。金牌肥腸 ($28) 標榜去油去脂的確名副其實，麻辣入味且絲毫不帶任何羶味或異味，口感軟彈並不油膩。無骨鴨掌 ($48) 加入檸檬調製，辣味比想像中溫和，酸酸甜甜更加清爽開胃。香辣雞腎 ($48) 質感爽脆並不韌實，充分吸收辣油充滿麻辣辛香。

秋天就係要去郊遊～係大埔墟見到間大排人龍既外賣店，打包左份再係隔離搭車入大尾督玩十分方便☺️麻香/麻椒乳鴿🌶️好可惜去到麻椒雞已經賣嗮！唯有要兩隻口味既乳鴿啦～兩隻原隻可帶手套mit開d肉，跟住發覺兩隻肚入面塞好多辣椒同花椒😳難怪食落感覺唔會好辣，但舌頭會漸漸feel到麻，調味唔會好鹹，唔錯👍🏻金牌肥腸（中份）感覺應該推薦人買大份，因為好好食😂我平時好少食腸的，感覺有陣味，但呢隻感覺處理得好乾淨唔會有好多油脂，非常入味，入面啲豆都俾我食嗮藤椒鳳爪🐔呢個我覺得係必食😂好細心地去嗮骨，但保留到軟骨！醬汁酸酸甜甜少少辣only食落十分開胃😛令人想一隻又一隻咁食！啲鳳爪又夠肉唔會好瘦，必試～總括而言呢間外賣高人氣都有佢原因😋希望下次黎可以買到佢招牌麻椒雞🐔

買餸經過見到新開咗間外賣店，而且係我至愛麻辣嘢，所以同媽媽買幾個餸。見到好多人排隊，大部人都係叫金牌肥腸同麻椒雞。因為生意太好了，我哋本身都想叫麻椒雞，但最後冇晒貨就叫左麻香雞。嚟個大合照先，家人都話幾好食，夠惹味，送到飯。 半隻麻香雞($78)超級鐘意呢款雞皮下脂肪唔多，唔洗食完好肥，雞肉唔韌，好入味。太好味下次要買一隻雞先唔洗同家人爭食😂😂大份金牌肥腸($48)排緊隊拎嘅時候已經見到超多人買，食落真係好正，洗得好乾淨唔會有異味，而且睇啲醃料都覺得好足料👍🏻👍🏻藤椒鳳爪($48)啱晒我呢個藤椒愛好者，藤椒味好入味，而且係無骨鳳爪嚟超級方便，唔會好辣，真係食唔停口😆燒椒黃金皮蛋($28)皮蛋唔細隻，total有3隻皮蛋，作為一個冷盤非常合格，又係一個唔會失望嘅餸菜總括嚟講係值得一試嘅外賣店，有時唔想煮咁多餸，外賣一兩個餸係非常不錯👍🏻👍🏻🤘🏻

💕尋麻記最近經過大埔墟成日見到有人拎住好搶眼嘅白色紙袋，原來係來自一間麻椒雞專門店🌶佢地嘅麻椒雞係落單後由老闆即場手撕，而唔係預先pack好，可見老闆對出品有堅持✊.🌈招牌麻椒雞（一隻）$138麻椒雞分大、中、小辣，以麻椒填滿整隻雞再烹煮，令雞肉由內到外都散發麻椒味起骨後滿滿一大包雞肉，份量好足，揀咗中辣，特別欣賞雞皮有濃郁嘅花椒麻香，雞肉口感爽彈，連雞骨都入晒味🥰盡吸花椒及多款香料嘅精髓.🌈金牌肥腸（中）＄38小店標榜肥腸全部去油去脂，口感爽口彈牙無肥膏，食得更放心🧡有大、中、小3個size，仲有健康嘅白芸豆做配料，間中淺嚐一下都唔會好大罪惡感🤗.🌈麻辣毛豆 $18平時較少見嘅涼菜，微辣咸香，係一個唔錯嘅送酒小食

身為半個大埔人 又發現一間新開的高質美食，專門做外賣麻辣菜式，店舖位於大街道，人流多，甚至要排隊買，好受一班街坊歡迎，證明有一定質素👍🏻 是晚餐加餸的好選擇！溫馨提示：招牌菜式在晚上都會賣光，想試就要早啲買！ 食評✨✨✨招牌麻椒雞 ($138/隻)即叫即手撕，絕對不會偷工減料！老闆手勢純熟將雞肉撕開，香氣撲鼻🤤 雞肉份量多，鮮嫩入味，風味十足。特別一提，小辣的辣味都好強勁，不太能吃辣的朋友要注意〜金牌肥腸 ($38 中份量)大力推薦！去油去脂好乾淨，好煙韌，醬汁味道調味一流，好香濃惹味，食唔停口😍 配有白雲豆 口感亦不錯麻辣毛豆 ($18)毛豆好入味，口感很不錯

放假最鍾意同阿媽去大埔墟街市入貨。經過大埔墟街市附近。見到有間店大排長龍。原來係食麻辣野😵。心思思我又排埋一份😂。金牌肥腸✨見人人都點。我當然唔執輸。肥腸去油去脂乾乾淨淨。肥腸變瘦腸。食多兩件都唔怕😮‍💨。招牌麻椒雞🐔原隻雞即時手撕。口多多問下老細。平日每日起碼賣50-60隻🐔。真係超受街坊歡迎😲。麻椒雞可選半隻/一隻。辣度分小。中。大辣🌶🌶🌶。麻麻辣辣顛覆口感。外賣🥡都幾靚仔。

四川風味尋麻記又辣又麻真係四川名物，真係好中意食辣野，好開胃，啱曬我口味呢！呢間大埔小店真係好正，叫左幾個外賣，價錢實惠，都係兩百蚊有找呢！香辣雞腎，真係又香又辣，送飯一流！好好味，好入味，又爽口！檸檬雞腳/鴨爪兩溝，好酸甜，檸檬帶陣陣清香味！鴨掌好爽口，又脆，雞腳都好味，好入味。最後叫左半隻麻椒雞，好似手撕雞感，會撕開肉一片片比你，更灑上特制辣椒同花生，好正，好正宗四川風味，帶陣陣麻香味！呢變都幾多人幫襯，仲有金牌肥腸都好受歡迎呢！下次可以試吓。

💁🏻‍♀️主要做外賣無堂食，lunch經過見親都人頭湧湧👯‍♀️👯，就入去八卦下賣咩👀，就聞到好香的麻椒味，忍唔耐買左幾樣野食番屋企試下，因為見佢地好多人，落完order就走左收工再去拎😆拎果陣已經見到賣得7788🫢🫢🫢►招牌麻椒雞 🐓一隻 $138老闆即場拆開麻椒雞，見到入面釀左好多麻椒香料，等待期間同老闆吹左陣水，佢話一聞釀香料入去隻雞會入味好多。因為老闆已經拆開哂肉同骨，所以食得好方便，雞肉多，麻椒風味十足，唔錯。►金牌肥腸🐷（小）$28肥腸去哂油去哂脂，彈牙而不靭👅，非常肥美，墊底的雲豆都好好味🤩。►麻辣毛豆 $18 毛豆入哂味，咬毛豆果陣會吸埋啲汁，好惹味，配啤酒🍻一流。► 燒椒黃金皮蛋 🥚$28一份有3隻蛋切半，聽佢地講啲皮蛋係自己整，出面買唔到😳😳。〠總結 ▁ ▂ ▃ ☻ 5/5 係細節位睇得出呢間小店好有心，出面有啲涼菜係一個汁打天下🤣🤣，而呢間小店唔同的食材處理方法都唔同，試左呢幾樣菜色都好滿意🥰，見到佢地仲新出左其他涼菜，下次再幫襯佢買麻椒雞果陣會買黎試下😝😆😆

看了抖音网红推广去试一试，点了半只麻椒鸡少辣和一碗肥肠少辣。整体来说麻椒鸡满分十分可以给到九分，味道不错、鸡皮吃起来有口感。肥肠分量不错，处理很干净、下面垫的云豆也不错。应该是新开业做推广。排队较久（怀疑有水军）😂

係大埔墟個邊行街，見到一間店面幾整齊賣外賣麻辣雞同啲小食既鋪頭，屋企人鐘意食麻辣野，買左啲返去試😍.招牌麻椒雞可能6點幾時間，有啲食物都賣哂，好在仲有招牌！係一隻算大size既雞，雞入面包住好多花椒、辣椒、仲有其他種類既辣椒？望落都覺得刺激🤣落左order之後，老闆好純熟將雞肉撕開，撕完之後見到啖啖肉，幾正。雞肉食落充滿椒麻香味，而且肉質唔會鞋身，另外，店主應該有用醬料醃製，食落惹味😋.麻香雞髀 係店鋪唔辣選擇之一😙，買左一隻雞髀，啲肉一咬已經自動脱骨，夠juicy啊🍗.檸檬雞爪 雞爪酸酸甜甜咁，好開胃，即使係凍食，但食落唔會好硬，好食😋 無骨真係係好正，食落全部都係肉，唔使煩，食落夠爽彈，而且辣辣地，岩哂送飯！