尋麻記

Open Now

Now Closed

尋麻記今日路過大埔寶鄉街，突然聞到陣陣濃郁香辣花椒味，原來係新開咗間專做外賣嘅小食店，梗係二話不說要試試佢。·招牌麻椒雞（半隻）$78身為尋麻記嘅招牌菜，梗係要試啦。老闆手撕開雞嘅一瞬間，見到滿滿嘅花椒同香料，麻香味四溢，食落口感實在、擔擔都係肉！抵食之選麻香雞髀 $15雖然眼見平平無奇，但勝在口感嫩滑，屬誠意之作。金牌肥腸 （中份）$38必食之選！大腸肥嫩無比，且經秘製湯料鹵製，非常入味！香辣蝦尾 $48辣勁十足！啱晒食得辣嘅你！蝦肉輕輕一拉，即可原粒送入口！非常方便！·麻辣毛豆 $18極度推薦！辣、麻十足！十分入味！價格平宜、份量十量！順帶一提！老闆同我講買滿$48，就可以去拎袋裝飲品！梗係唔執輸拎返一兩包走！·📍 尋麻記 (大埔)大埔寶鄉街35-39號寶康大廈地下C號舖如果大家食過歡迎留言話俾大家知仲有咩好食啦😆想繼續見到我哋更新 介紹更多美食請多多支持

今日去大埔街市買餸，見到有間新開小店，就入咗去睇下，有我最鍾意食肥腸🤤🤤🤤🤤🤤🤤🤤🤤即刻買左碗黎食，又香又帶有麻辣，好好食，大大碗，份量十足😋😋😋😋😋😋

今日做個乖乖女陪爸爸媽媽去大埔墟街市買餸，我在街市附近度等佢哋，聞到有麻香味，有個非常親切的老闆行出嚟，叫咗我入去睇吓，佢介紹俾我聽餐牌上的食物都是他細心烹調的。招牌麻椒雞 （半隻） $78是用他的古法秘方材料，放進雞入面，然後慢慢浸熟，識落非常滑嫩，非常香的麻椒味，帶有少少辣味，送飯一流。麻香雞 （半隻） $78跟招牌麻椒雞的制法一樣，只是沒有辣味，是細心的老闆給唔食辣的人，可以品嚐帶麻香味而又嫩滑的雞🤤🤤🤤🤤🤤金牌肥腸 （大份）$48份量十足，性價比非常高，老闆洗得乾乾淨淨沒有腥臭味，感受很多重口味的人喜愛😋😋😋😋😋下次嚟大埔買餸都要再嚟買反屋企比老公食👍👍推介⭐️⭐️⭐️⭐️⭐️味道⭐️⭐️⭐️⭐️⭐️

去開大埔經過順便買嚟試下😋👍🏻果然夠晒辣！我屋企人都話夠晒爽👍🏻💕金牌肥腸真係好入味😋一啲都唔會油膩👍🏻唔會羶，份量我叫咗中份3個人都夠晒食🤪小龍蝦尾啜下啜下夠晒過癮！又夠辣！🌶啲蝦都彈牙唔會晦😋粒粒都吸收晒麻辣汁嘅味道👍🏻🌶麻椒雞🐔啲雞唔會係嗰種晦嘅滑！好有口感👍🏻仲有雞嘅肉質👍🏻好香花椒嘅味道💕見倒雞入面全部都係香料！夠晒香🤪無骨鴨掌冇骨真係啖啖肉好爽好正👍🏻好清醒嘅檸檬味！小小辣好過癮！亦都好爽口彈牙

返工前又到大埔搵食，行行下突然傳來陣陣麻香味，毅然發現香氣來自呢間小店，一於來趟「尋麻記」。小店以麻椒雞為主打，唔食辣嘅可以選擇麻香雞，亦有肥腸、小龍蝦尾、鳳爪及鴨掌等等，用黎加餸或作為佐酒小吃都非常合適。喜愛食辣嘅我當然要試招牌麻椒雞，老闆會即場將原隻雞拆骨拆肉，見到雞入面釀有大量辣椒粒及胡椒粒，非常足料，完成拆肉再用紙包得密密實實，好方便拎走。有別於一般手撕雞，麻椒雞入口更香，雞皮有彈牙嘅感覺，雞肉唔韌之餘亦醃得好入味，麻辣味十足，唔夠辣仲可以加埋餐廳秘製辣粉，食落更加惹味。另外亦試咗佢地嘅金牌肥腸，一分中肥腸份量都相當多，肥腸混合芫茜及辣汁，味道更有層次，碗底仲有大量嘅白芸豆，可以降低脂肪嘅吸收，咁就唔使驚肥啦。餐廳新張期內買滿一定價錢仲有飲品及現金券送，食完咁多辣嘢飲返包清涼飲品解辣一流。聽老闆講呢款麻椒雞係香港並唔普遍，今日有機會試到真係唔錯。

近日同屋企人喺大埔街市附近買餸 咁啱見到呢間新開嘅尋麻記 主打麻辣雞、無骨鳳爪、鴨掌等 亦都有小龍蝦尾 豬腸等美食 行過都聞到好香嘅麻辣味 價錢唔貴所以買咗返屋企加餸🥰新開期間 買滿$48會送飲品 味道甜甜地配埋雞肉一齊食就一流！我哋叫咗半隻麻香雞🐥店員會斬開一半 然後用手撕開雞肉 全程都會帶住手套 衛生乾淨 雞肉好嫩滑 皮香肉滑 再加埋花椒、八角等 惹味上癮 食落去啖啖肉 如果鍾意食辣嘅朋友千祈唔好錯過🙌🏻見到門口有一鍋金牌肥腸🥰睇落去勁吸引 裏面有香菜 肥腸雖然辣 但係勁多汁有咬口 食落去都好乾淨 唔會肚痛🙌🏻好Juice！再叫多左個無骨鴨掌 檸檬雞爪 全部都冇骨嘅 加咗檸檬酸酸辣辣嘅口感一流 夏天食呢種涼涼地又爽口嘅口感 真係非常唔錯！