劉興記生煎包專門店

Open Now

Now Closed

今日來到這家有名的生煎包店,品嚐它們的招牌菜色首先端上來的是招牌生煎包。外皮金黃酥脆,一咬即可聽見清脆的響聲。包子內餡飽滿多汁,肉餡香氣四溢,尤其是那些從包子中溢出的肉汁,充滿了濃郁的風味。每一口下肚,都讓人回味無窮。接著,我們品嘗到了另一款生煎包——蟹皇生煎包。這款包子以新鮮肥美的蟹肉為餡料,入口即可感受到蟹肉的鮮甜滋味。與此同時,麵皮依舊保持著恰到好處的Q彈口感,與蟹肉完美融合,讓人欲罷不能。令我們最為讚嘆的,是店家的細心服務。服務人員不僅熱情周到,更主動為我們推薦招牌菜品,並耐心解答我們的各種問題。這種貼心舉動,讓整個用餐經歷更加愉悅。

最近人氣好高既生煎包 見放假走去試下係另一間人氣糯米糍既隔離 鋪仔細細好好彩早去唔駛等位 仲見到職員密密手咁包緊生煎包🤭✨招牌生煎包+蟹皇生煎包上枱熱辣辣 煎到個底金黃色 咬開嘅時候爆汁 以為索咗一啖就冇點知原來仲有勁多汁喺入面 勁juice 蟹皇味既係一咬開飲到啲汁就已經feel到好濃郁既蟹皇味 勁過晒出面既蟹粉小籠包個啲正 必點！✨排骨蔥油拌面排骨係另上 炸到好香脆 但完全唔覺油蔥油拌面唔會覺得好油 蔥味好香鹹度適中✨麻醬手撕雞絲粉皮賣相吸引 一撈已經聞到好香麻醬味配埋青瓜絲雞絲 粉皮又好滑 口感好好好清爽✨鮮雞湯小雲吞呢個相對黎講會清淡啲 易入口 小雲吞一啖一粒 好滿足 ✨低糖豆漿細細杯好香豆味 又夠凍 啱晒夏天飲難怪佢呢排大熱 因為個生煎包真係一試難忘咁多汁既生煎包都係第一次食價錢唔貴 味道又好 性價比好好食完仲可以去隔離買糯米糍🤭

近來餐廳好紅所以成日都排長龍，假日6點到終於唔使排隊可以入座！店員服務都幾好，仲有提及生煎包如果冇爆汁可以換👍🏻蟹黃生煎包$18/1隻一咬有爆汁，蟹粉味道都幾出，平時生煎包比較少有蟹黃餡都幾特別！招牌生煎包$20/2隻四隻全部都有爆汁效果，雖然樣子唔夠靚，但係餡料份量及味道剛剛好，包底煎到少少脆，成件事先夠完美😋生炸雞扒湯麵$42切好一塊塊好方便食，雞皮香脆而肉質保持到嫩滑。上海排骨菜飯$42記得以前細細個勁鍾意食呢個餸菜！菜飯比較淡口，但份量都好多，排骨煎到金黃色用來送飯一流！麻醬手撕雞絲粉皮$35粉皮好滑溜！雞絲加了大量青瓜絲口感好爽口，材料吸滿麻醬味夏天食好適合。

平時食開嘢都會影吓相，好食會俾番個好評。但今次真係俾唔落午餐時間要排隊，係咁易影咗兩張環境相，店員即刻質問：點解要影相？態度惡劣，亦要求即刻刪相。既然唔影得相咁你就貼張紙出嚟寫住唔俾影相啦，但係OpenRice又好多人可以影相喎，唔知係咪佢請嗰啲「食家」先俾影相囉！最後反問店員點解唔影得相，佢就無出聲行左去，你有你講，我有我影問店員攞兩隻碗，問咗三個店員都扮聽唔到🤷🏻‍♀️▪️蔥油拌麵$30都質幾爽口，但完全冇蔥油味，亦都好淡，要加豆瓣醬食先有味▪️招牌生煎包$45 6隻見佢寫住冇爆汁可以換，真係粒粒都爆汁，要小心燙口，同埋啲汁係會噴射出嚟😂千祈唔好着靚衫食，味道正常，食兩件都好飽肚▪️百步香蔥油餅$28Size有啲細，得半部電話咁大到，外皮酥脆，但係唔抵食，可以skip▪️麻醬手撕雞粉皮+生煎包2隻$54粉皮過得去，無特別▪️豆漿$8勁細杯生煎包味道係ok嘅，其他可以唔洗試。同埋建議外賣，俾多$2唔洗受氣，堂食就慎入啦

今日去咗國際巨星都幫襯過嘅生煎包店食午餐，但卻換來一肚氣。我們進入餐廳入座後，隨即用QR code點了食物後，我便利用空檔時間拿手機拍攝店內的情況 （申報：我並沒有進入廚房重地），但點知被店內服務員大聲喝駡，問我影了什麼，叫我把手機內拍的相片/視頻給她們查看，我隨即在她們面前刪除剛拍的相片/視頻，我朋友還跟服務員理論為什麼我們不能拍照/視頻，跟著服務員沒有出聲便走開了。過了一陣子，我們叫服務員取兩個碗給我們用餐，但這時所有店員都扮聽不到和看不見，其實我已經不是細聲呼叫，而且還說「唔該，可以給我兩個碗嗎？」，我已叫了4至5次都沒有店員回應我，於是我朋友用很大聲浪再叫服務員，我朋友的大聲程度令全店食客都聽到，這時候服務員才乖乖給我們兩個碗。今日點了的食品如下 👇🏻蔥油伴麵 $30呢個麵可以講係完全冇味，我要不停加豆瓣醬才可把這碗麵吃掉。招牌生煎包6隻 $45生煎包係會爆汁，但餡皮太厚，而裡面啲肉無咩肉味，賣點只係純爆汁。百步香蔥油餅 $28這個蔥油餅尚算香脆可口，香蔥味十足。麻醬雞絲粉皮 + 招牌生煎包兩隻 （套餐） $54因為我朋友叫的套餐，冇share食，所以只能從我朋友口中說的評語，

生煎包肉汁可以, 但包底實在太硬. 另外點了生煎雞扒麵. 但送上來原來是吉列雞扒, 又凍. 食肆連生煎雞扒係乜都唔知, 點可以做得好？可能係menu 個名無update. 還好的是待應換了一客熱的. 但不會再來

近來開了間非常火紅的生煎包店！這天趁著一個人的浪漫走到荃灣朝聖，晚上八時許排了15分鐘便可入座可幸不需等太久。這間正是位於荃灣街市街新開的劉興記，鄰舖亦是火紅荃灣老店民豐的所在地，相信日間來必定有兩條長長的人龍了吧。很想試的蟹黃生煎包已經售罄那轉投點皇牌2號餐！內裏包括有麻醬手撕雞絲粉皮、生煎包兩隻及豆漿一杯$54，對我來說這晚餐的份量剛剛好，凍豆漿喝下甜度恰好帶有豆香味道不俗。不消一會我的生煎包便已上檯但這賣相真有點失望！首先熱度絕非我意料中的燙口吃下只是暖暖的，而且包底比較硬實不夠脆口感覺不像新鮮出爐。可幸咬破生煎包內裏滿滿的湯汁鮮味富肉香肉球也鬆化，如果是新鮮熱辣出爐我相信這個生煎包會更加吸引。最後這個麻醬手撕雞絲粉皮反而滿有驚喜！雞絲口感不錯加上麻醬及青瓜混和粉皮，吃下有咬口之餘又非常順滑更香氣滿滿是我喜歡的口味。這間劉興記我覺得性價比是不錯的！希望下次能碰上新鮮熱辣出爐的生煎包，相信我會吃得更加滿意。

經開荃灣梗係要來呢間近期網上爆紅嘅劉興記生煎包專門店到朝聖啦！聽講呢到最出名嘅就係爆汁招牌生煎包，每一隻生煎包都係每日由人手新鮮包製！除咗食生煎包之外，仲可以食到唔同嘅平民價上海菜，唔怪之得咁受街坊歡迎啦😎～招牌生煎包(2隻)💰HK$20外皮好薄，生煎包底部呈金黃色，非常酥脆！一咬落去真係超級爆汁，肉餡肉質緊實鮮嫩！生煎包無論係口感定係味道都控制得恰到好處，不愧為呢度嘅招牌菜式～蟹黃生煎包(1隻)💰HK$18賣相飽滿，同樣都有超級爆汁嘅效果！蟹黃嘅鮮味同豬肉嘅香氣完美融合咗一齊，令人回味無窮～麻醬手撕雞絲粉皮💰HK$35麻醬香滑濃郁！雞絲、青瓜絲同埋粉皮都充分吸收咗麻醬嘅味道，而且口感豐富～生炸雞扒湯麵💰HK$42生炸雞扒外脆內嫩，上海粗麵Q彈爽滑同清甜嘅湯汁相得益彰～上海排骨菜飯💰HK$42上海排骨外層炸到酥脆可口，肉質緊實而有彈性，配埋有清脆蔬菜嘅菜飯，感覺健康啲～凍 低糖豆漿💰HK$10豆味香濃，甜度適中，入口順滑～

今日終於可以約埋朋友一試荃灣一間出名生煎包嘅餐廳😁大約晚上7:00去到，已經非常之多人，堂食及外賣，我等咗一陣終於有位入去🙂🥟🥟🥟🥠🥠🥠➡️兩隻招牌生煎包$20➡️兩隻蟹皇生煎包$36生煎包煎得非常之脆口，上到枱時亦非常之熱，所以食的時候真是要小心，因為一咬落去的時候入面的湯汁十分滿，味道非常之濃郁，而且每一個都不會破損，包裹你每一個都可以食到啲材料。招牌生煎包，入面是肉餡，肉調味得啱啱好🙂另外仲有一款蟹黃生煎包，又是另一種口味，除了配上肉餡，亦有不少蟹皇材料，兩款生煎包完全係不同味覺的享受😁😁➡️皇牌1套餐🥢招牌上海排骨菜飯、招牌生煎包一個、一杯凍豆漿$54🍖排骨非常之多，這炸得好鬆軟，唔會話炸皮整到好厚而變得好硬，而且肉好厚，亦都唔會啖啖都係骨，味道調校得岩岩好😋🍚菜飯方面，飯煮的剛剛好，唔會太過林華眼，配上淡淡都有菜粒，混合好均勻🙂➡️皇牌4套餐🥢迷你雞絲酸辣湯、招牌生煎包六個、凍豆漿 $59🫕有一碗雞絲湯，但係材料卻非常足了，且味道好夠，唔會話太辣➡️雞絲酸辣湯麵 $34依碗酸辣湯就好大碗，而配製的雞絲並唔係幼到一絲絲混合落酸辣湯入面，而係真係一啖可以食到啲雞絲，麵條整得非常之有咬口，味

上次買糯米糍見到隔離一樣大排長龍，原來係近期荃灣人氣🔥既生煎包- 劉興記。蟹黃生煎包 & 招牌生煎包我地坐既位置貼左張告示📃「冇爆汁可免費更換」，試完真係爆汁💥架，爸爸仲爆左上眼鏡👓，生煎包既包煎到脆卜卜，餡料豐富。雞絲酸辣湯酸辣湯微辣🌶️，有冬菇，雞絲，木耳，非常足料。蔥油雞扒菜飯雞扒開頭睇以為好干身，估吾到食落脆口鬆軟唔韌，菜飯滿滿既菜，啱曬平時唔食菜嘅寶寶。招牌擔擔麵麵條夠彈牙，配料有花生🥜醬汁，滿滿嘅櫻花蝦🦐，好味道。手工豆沙鍋餅最完美梗係要食埋甜品啦。#劉興記 #生煎包 #豆沙鍋餅 #擔擔麵 #菜飯 #上海菜 #荃灣必食 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

星期五同咗三個朋友一齊去食依間荃灣新開嘅樓興記佢嘅生煎包真係冇得頂，不過覺得蟹黃味一般般另外仲叫咗雞絲粉皮見到有人食擔擔麵又好想叫，但係我哋已經叫咗好多食晒出菜時間比較長，建議大家可以早啲去排

熱潮餐廳🩷緊係黎試下🧐，果然係名不虛傳👍🏻！店舖風格都好有香港特色，黎到當然要食佢最出名既生煎包啦！招牌生煎包真係絕對係必食😎，熱辣辣，一咬入口爆哂汁，記得要小心咬😂，多汁到好易一咬就爆汁去對面🤣，入面既餡都好出色，好juicy好厚肉🩷，生煎包底皮仲小小脆香，超級推介👍🏻蟹皇生煎包都係無敵😏，都係爆哂汁咁😃，入面既蟹皇都好濃郁，滿滿鮮香招牌擔擔麵食落比想像中濃厚🤩，食到啖啖肉碎咁，好滿足麻醬手撕雞絲粉皮麻醬好好味，食落麻香味足，粉皮冰冰涼涼咁，夏天食真係好舒服，入面仲有大量青瓜絲同雞絲，口感更豐富雞絲酸辣湯酸酸辣辣咁，夠哂惹味豆漿

劉興記生煎包專門店（荃灣）前往荃灣這間人龍店，品嚐他們家的招牌美食，真是令人引頸以待呢！真係好多人！！！首先是招牌生煎包（$20/2隻）。外皮金黃酥脆，咬下去餡料飽滿多汁，肉餡鮮嫩可口。每一口都讓人驚嘆，勁爆汁，湯汁濃郁鮮味！另一款是蟹黃生煎包（$18/1隻）。包子皮同樣酥脆可口，但餡料裡加入了鮮甜的蟹黃，讓整個生煎包更添海鮮的鮮甜味。這招牌生煎包有著完全不同的風味，尤以蟹黃味濃郁，真是令人難忘啊！接下來品嚐的是排骨蔥油拌麵（$42）。麵條Q彈有勁，配上鮮嫩多汁的排骨肉，再加上蔥花點綴，整個口感層次豐富，吃起來甚是過癮。香氣撲鼻，回味無窮！最後是雞絲酸辣湯（$30）。湯頭酸辣適中，雞絲鮮嫩多汁，配上蒜泥和香菜，清新爽口，讓人胃口大開。清甜酸辣交織，回味無窮，讓人忍不住一飲而盡呢！劉興記生煎包專門店 (荃灣)荃灣荃灣街市街37號地舖#劉興記生煎包專門店 #荃灣美食 #生煎包控 #排骨控 #湯品控 #美食推薦 #餐廳分享 #必吃美食 #香港美食 #美食探店 #美食vlog #生煎包#上海

上網見人話呢間既生煎包好食，就決定去試下😎我地叫左招牌生煎包、蟹皇生煎包、蔥油雞扒菜飯、招牌擔擔麵同麻醬雞絲粉皮😛先講左生煎包，兩款都係一咬落去就爆汁，而且個皮煎到好脆🥳蟹皇個款仲會多左份鮮味，肉餡既調味都剛剛好👍🏻兩個主食都分量十足，個雞扒係即刻炸起，個外皮香酥得黎唔會好厚，雞既肉質仲係好嫩😛最有驚喜係個擔擔麵，佢同平時食既擔擔麵唔同，佢係用左櫻花蝦黎做配料，令到個麵既賣相同味道都更加好🙌🏻最後個雞絲粉皮都好好食，雞絲肉質鮮嫩，粉皮都好爽口😎

電視效應下，間間分店排長龍。偶然行過荃灣店，還差幾分鐘就開舖，得幾個人排隊，就等一下。最後11:10才安排食客入舖，遲了10分鐘，坐低後話生煎包還要等10-15分鐘才有。QR code點餐，有些食客不懂，侍應叫食客拿QR code到收銀處，叫收銀員點餐。點解侍應不是拿著手機幫食客落單🤔落單後又無打印已點食物單據出嚟，有幾枱食客，等了很久沒有食物，才得知點餐未能成功。人手不足，安排混亂，送餐混亂。有食客自行行入舖，侍應又叫食客去門口拿QR code，點解侍應唔拿QR code到枱上，反而叫食客去門口攞🤔遲來的客人反而食物早到🤔又經常叫客人轉枱，但侍應又唔記得，食物成日送錯枱。招牌生煎包，拿來時已有一個穿咗流汁，但食落又真係爆汁，但肉餡偏咸，食完有口渴。酸辣湯唔熱，涷的。排骨蔥油拌麵，無蔥油香味，而且排骨太少。唯一可以的食物是麻醬手撕雞粉皮。失望的一餐😔