劉興記生煎包專門店

Open Now

Now Closed

以前要去到上環先有得食嘅劉興記，而家終於喺荃灣都有得食啦😍🛎 $20 招牌生煎包/2隻話明係生煎包專門店，梗係要試吓生煎包啦！呢度嘅生煎包會用平底鍋中煎至底部金黃酥脆，然後加入少量水蒸煮～咁樣包嘅頂部就保持自住軟嫩，同時保持到外皮嘅酥脆度💯內餡亦都不能忽視！有豬肉、蔥末和高湯，一啖咬落去，口腔裡充滿住肉汁同香味🥹🥹🥹令人回味無窮🛎 $18 蟹皇生煎包/1隻蟹黃生煎包非常正！！！呢個包結合左酥脆既外皮同濃郁既蟹黃內餡🫶🏻一啖咬落去好易爆汁🤣蟹黃非常鮮甜～散發出誘人的海鮮香氣～真係想食多個🤩🛎 $35 麻醬手撕雞絲粉皮一到夏天就好想食啲清爽可口嘅野😳粉皮質地軟滑，充分吸收曬麻醬醬汁嘅風味🤣仲食得出麻醬係足料既！有芝麻、花生、等等既濃郁香味😋😋😋手撕嘅方式都令到雞肉絲更加鮮嫩！！！撈埋曬一齊，形成左和諧嘅口感🤩令人一試難以忘懷👍🏻🛎 $42 招牌擔擔麵麵條細長～質地滑嫩有彈性😳煮完仲保持到適中嘅咬勁👍🏻完美吸收曬啲醬汁🤤擔擔麵嘅配料包括肉絲、花生碎、蔥花等～為個麵增添左肉香同埋口感，提供左額外嘅香氣同脆口🫶🏻🛎 $28 手工豆沙窩餅好耐冇食過啲咁傳統既中式甜點啦！豆沙餡質地滑順，甜度適中～外

我本身自己都已經好鍾意食生煎包😍，荃灣又多一間，可以食生煎包嘅好選擇，劉興記開咗喺荃灣街市，方便新界嘅朋友仔去食🤪。生煎包最鍾意食佢爆汁嘅感覺，然後生煎包底煎到脆口就最正。招牌生煎包 $20/2佢哋寫明如果生煎包唔爆汁包換😆，當然唔好令大家失望佢哋嘅個生煎包當然係爆汁啦，肉汁鮮甜。佢哋嘅底皮又真係煎到脆口，而且肉餡份量都多。蟹黃生煎包 $18/1蟹黃生煎包，蟹黃味都幾足夠~ 蟹黃鮮味十足雞絲粉皮 $35叫返個涼拌食下可以開胃下，雞絲同青瓜絲嘅分量夠，撈埋麻醬一齊食，真係一個好好嘅配搭☺️☺️上海排骨菜飯 $ 42佢哋嘅排骨新鮮即炸，口感酥脆 ，另外菜飯略嫌唔夠香，整體也不錯👍🏻另外再點咗小雲吞同埋豆沙窩餅，如果想食小雲吞嘅朋友可以試吓叫炸嘅小雲吞應該會好食啲😋😋，佢哋嘅豆沙窩餅唔會好甜，啱晒做飯後甜品

我總共購買了五樣東西，但對方竟然幫我落漏咗其中一張我都冇為意 價錢係冇計多都算數啦，但又話跟豆漿俾 漏咗杯豆漿外賣等咗半個鐘先有得拎山長水遠落到去太多人啦，所以先叫外賣間野太多人 10分擠迫未必立即check到齊唔齊野返到屋企先發現漏野 雖然係只係一杯豆漿，但我又唔好意思再落去追因為都有一段路程，所以都係算數希望下次佢哋包裝得好啲，唔好漏嘢第一次幫襯竟然漏嘢仲有落漏咗想落麻醬粉皮有啲失望

今日同屋企人去開荃灣，行經街市街既時候見到間生煎包勁多人排隊，一於試下先！ 叫左幾款招牌試一試！招牌生煎包店員拎上嚟嘅時候已經再三提醒小心爆汁睇熱🫢😂心諗有冇咁誇張呀？ 生煎包皮薄爆汁，啲湯汁好多，而且好熱！食嘅時候真係要小心！我就鍾意食原味嘅，唔鍾意落辣椒醬、醋嗰啲～排骨蔥油麵蔥油麵勁香，睇落去深色但係就唔會死咸，仲有一陣陣嘅蔥油香添，食嘅時候，我仲連埋辣椒油一齊撈埋食又辣又香口，唔錯哦！排骨啖啖肉，唔算好厚，炸得非常香口！鮮湯小雲吞呢個絕對有意外驚喜！雲吞皮薄餡靚，一啖一粒，正！仲食到鮮甜味～食完蔥油麵，整啖小雲吞，相當清新(⁎⁍̴̛ᴗ⁍̴̛⁎)舖頭細細，上菜速度都好快，唔會話等好耐，除咗堂食多人之外，原來都有好多人叫外賣！新開冇耐，原來已經咁受歡迎！

呢間野外賣一條隊，堂食一條隊，望落好巴閉。11:17 落單買6隻生煎包外賣，$45 唔係平，收錢亞姐話要等20分鐘，諗住買完野再返去拎就啱啱好，點知返轉頭見到一大群外賣客圍住門口，原來佢哋出外賣唔係跟外賣號碼，後來者竟然先取食物，門口枱面又幾袋外賣出左冇人拎，伙記個個愛理不理，收錢亞姐又繼續放人入去堂食，根本出唔切食物，仲放人入去做乜，全部職員樹瀨咁做野，加上黃雨，外賣客又比佢門口個漏水帳篷滴濕晒。我份外賣終於11:57拎到。垃圾服務態度，普通味道，唔使旨意再有下次。

呢間嘢係垃圾之中嘅垃圾，貼幾幅明星相喺舖頭門口就當自己係名店。首先，呢間嘢唔值得排隊，行過都唔使望多一眼，唔使錢都唔好食。上咗東張西望，加埋明星照，個個走去排隊真係有病。大家可以睇吓我今日食咗啲乜嘢，包其中一個係凍嘅，可能係上一盤賣剩嘅。但係四個都一樣，個包底好似包公塊面。告訴店員個包帶太燶，根本食唔到，店員只係敷衍說一句，好的，我們會改善。大佬，個包燶成咁根本食唔到，你都要換過幾個食得嘅俾人掛。我已經唔會再食，你改不改善對我一啲關係都冇。🤬🤬🤬🤬

當日在門口排隊一排就是45分鐘已經心知不妙外賣隊叫外賣時，他說又要等30分鐘即係逼你返去食堂食。我的天哦！你是做街坊生意的地舖為何可以這樣？生煎包可以一試、豬扒非常韌，而且好乾。小雲吞湯如白開水，雲吞可以。總結經過行開可以一試、唔好特登嚟。大圍店老闆收銀、態度勁差！其貌可增面目猙獰！千祈唔好搵佢落單，如果唔係佢一定小到你上天花板。總結真是有點失望，是問一間網上炒到上天的餐廳居然以這種味道和態度去服務，你真的想趕客嗎

最近成為城中熱話既劉興記開咗幾間分店，行過荃灣街市街見到個靚仔喺度叫賣米芝蓮生煎包，門口貼咗發哥同老細嘅合照，仲要係兩套唔同衫，可見發哥都係常客😎有四款皇牌套餐，有主食+生煎包，再送豆漿，見到價錢算經濟入去試吓招牌生煎包同蟹黃生煎包都超大粒，做到外脆內軟爆曬汁，比出面食過嘅生煎包個汁冇咁鹹，可能有啲人嫌唔夠味，但我覺得幾好，會食到肉嘅鮮味麻醬手撕雞粉皮係粗身粉皮，連埋青瓜絲同雞絲麻醬，夏天食夠晒涼爽鮮鮮雞湯小雲吞個湯真係唔錯！冇味精係飲得嘅質素，雲吞皮好滑，雖然雲吞細細粒但係肉都飽滿上海排骨菜飯塊豬扒比較薄同埋乾身，單點$42來講算過得去啦，下次再來會叫返每人半打生煎包😎

荃灣嘅餐廳種類好多好少有一間要大排長龍今日冒着大雨過去食晚餐竟然見到街坊打晒蛇餅門口仲貼咗店主同發哥嘅合照真係信心保證招牌生煎包好貼心可以兩件四件或者六件咁樣叫生煎包係現場嘅師傅人手包制需要等一等，但係慢工出細火上枱嘅時候店員會提醒生煎包係爆汁嘅果然包皮薄脆入面嘅豬肉餡好鮮甜 浸住熱辣辣嘅肉汁真係會上癮招牌擔擔麵$42一份 湯底花生芝麻味道濃郁面嘅份量充足個人最鍾意加少少辣椒醬提味排骨蔥油拌麵又係另外一道推介菜式排骨超大嚿 炸皮薄入面嘅豬扒趁熱食仲有少少肉汁欣賞佢嘅蔥油拌麵細麵質地煙靭 撈埋炸香嘅蔥油食指大動手工豆沙鍋餅上海家常菜 即叫即煎啱啱上枱嘅時候真係會辣到嘴豆沙嘅味道比較甜 配豆漿食好正

放工後，諗住去試呢間聲稱用鮮肉做生煎包嘅新開小店，點知一去到已經排晒長龍，我同老公兩個人在門口外排咗一個半小時才被安排入座。入座後並不是即時點餐，店員說要先清上一輪訂單，才可以再安排我們點餐，所以我們又在店內再呆等了15分鐘！點餐後，才發現忘了點甜品豆沙窩餅，所以再去排隊加單，點知店員說堂食唔可以加單，而且回覆態度非常惡劣。生煎包並不像預期般好味，多汁但皮好硬，其他拌麵及雞絲粉皮味道都一般，匙羹沒有洗乾淨有污漬，再加上食嘢都要受店員氣，相信沒有下次了！

一個人食飯時通常都會想搵啲又平又飽肚既野食，而且個人又鐘意食上海野，經過見到呢間新開張既鋪頭，門口有人排隊，感覺幾吸引就入左去。蟹皇生煎包 $18一隻叫左2隻生煎包，外皮微微脆，入面好多汁，豬肉混左啲蟹膏，食到有蟹既味道，湯汁都有啲蟹味。仲有溫馨提示，所以建議咬開一個細窿先，吸哂啲汁先再食會比較安全。擔擔麵 $42擔擔麵既湯底濃郁，好香花生醬味，肉醬混埋蝦米粒，少少辣椒，食落吾會好辣，個人幾鐘意個湯底，完全系我鐘意既味道。上海炸排骨 $22排骨炸得酥脆，炸粉幾薄，肉質都算易咬。

虛有其表運作混亂，出品極之一般，吹噓製作過程，如有惡意抹黑本人願意天打雷劈！$18一隻嘅蟹黃生煎包完全食唔到有蟹粉，$35一份嘅麻醬雞絲粉皮份量少冇味道，麻醬只不過係花生醬，垃圾中嘅垃圾

荃灣馳名生煎包專門店劉興記終於去荃灣再重開，價錢繼續親民合理，即刻去幫襯～招牌生煎包 & 蟹皇生煎包爆湯生煎包真係好正！生煎包脹卜卜，要小心慢慢食，因為裏面嘅熱湯係多到爆出嚟；湯頭好鮮甜，生煎包裡面嘅肉好juicy好嫩，食到停唔到口～兩個味都好好食，如果鍾意蟹粉味嘅朋友，一定要試蟹味，勁正～蔥油雞扒菜飯脆炸雞扒配上炸香左嘅蔥絲，超開胃～菜飯大大個又新鮮～麻醬手撕雞絲粉皮粉皮好薄好爽身，青瓜好清新，配埋秘製麻醬同手撕雞，非常開胃～鮮雞湯小雲吞 自家製小雲吞，細細粒但勁多料，12粒好抵食～低糖豆漿唔甜重豆香味～

大圍店所有食物都唔熱淨係暖暖地，叫佢換換完新嘅都係暖暖哋一啲都唔熱！個生炸雞扒蔥油麵個雞扒一啲都唔熱凍嘅！全部都係預先整定淋嘅！蔥油餅一啲都唔好食都係凍嘅，食到成口粉！仲要所有蟹黃產品全部都冇！諗住去食辣蟹黃嘅就真係唔使去永遠都冇！雞絲酸辣湯嘅雞絲完全唔係雞絲係雞塊係雞胸肉一啲都唔好食！服務仲要勁差！所有店員淨係掛住外賣部份糖食菇客一啲都唔會理會，環境勁逼夾坐得超唔舒服！！！！！！！永不錄用餐廳！

劉興記生煎包專門店最紅的一定是招牌生煎包，招牌生煎包焦香味隨著熱氣飄上來，相當迷人。招牌生煎包皮鬆軟，包底香脆，搭配湯汁四溢的豬肉內餡，肉餡鮮美好吃，果然是劉興記生煎包專門店的代表作，沒點這個別說吃過劉興記生煎包專門店。蟹黃生煎包底部煎到金黃香酥，每一顆都小巧可愛，手工製作的外皮上面灑滿了黑白芝麻，並包覆細緻的蟹肉餡，加上蟹黃的油潤鮮香逼人，一口咬下蟹黃生煎包蟹汁馬上湧出，吃到滿口鮮汁，吃的時候真的要小心燙到。秘製上海炸排骨看起來還不錯，排骨本身輕裹炸粉，整個炸粉牢牢包覆著排骨，炸排骨醃得蠻入味，外皮酥脆裡肉嫩，秘製上海炸排骨挺有肉感，肉香十足，真的超強，這是少數令朋友驚艷的炸排骨。每次吃上海菜，我和朋友均會點上一杯凍低糖豆漿，劉興記生煎包專門店的凍低糖豆漿不錯的喝，凍低糖豆漿冰冰涼涼，微甜順口，豆味濃郁，頗有水準的。糖醋炸排骨湯麵是熱銷的上海菜經典，其酸甜的滋味老少咸宜，男女老幼都愛，湯麵麵條粗粗的富彈勁，不會軟爛，炸排骨外層即使有裹上糖醋汁，炸排骨依然香脆，肉部份亦醃得透徹，放進嘴裡有明顯醋香湧現，排骨肉細嫩不乾柴，吃了會涮嘴。夏天沒胃口或是天氣太熱，吃麻醬手撕雞絲冷麵最好不過，麻