中記

Open Now

Now Closed

肚子不太餓但卻嘴饞，所以便去吃個串燒和小菜解解饞首先說說惹味的腐乳炒通菜，除了重頭菜腐乳以外，師父還加了蒜頭和少許辣椒去抄，刺激味蕾之餘還十分有"鑊氣"食材亦十分新鮮，通菜翠綠爽口！串燒方面，不得不介紹一下牛油燒粟米！一上桌就聞到濃濃的牛油味，每一粒粟米都飽滿多汁！另外蒜蓉焗什菌亦十分可口，蒜蓉滿滿，一點都不欺場！配上新鮮的什菌，口感特別，令人不禁一口接一口！燒魷魚亦不錯，原本以為燒魷魚會較為乾身，但這次竟然並不乾身，反而有帶有鮮味的汁流出，有驚喜呢！配以沙嗲醬調味，十分吸引

香港人才懂欣賞的4餸一湯，白飯任荘，中記座落於灣仔市政街市樓上，好有氣氛，食物質素同價錢俾鵝頸橋街市略勝一籌，服務員有記性(通常食市政都要叫幾次先攞到你要既野)，咕嚕好有驚喜，咖哩牛腩略多牛筋，整體好OK，不失水凖

今日係灣仔上課，放飯時間和同學們去左駱克道熟食中心中記開餐 ，叫左咖喱牛腩飯29蚊，凍熱飲都要加兩蚊 ，第一次食到極差的牛腩飯，原來係炆牛腩加上超稠既咖哩汁，咁就係咖哩牛腩飯喇，真係估佢唔到 熱檸檬水有幾粒不明黑色物體，我同待應講佢話係咁架黑色物體黏左係檸檬度呀 離譜 咁都答得出 我話唔該幫我取消，佢猛話叫過杯啦，"我說不"，她仍向我說：叫過杯啦！叫過杯啦！最後我仍堅定說：不！同學叫左魚鬆飯，大大碟飯好少餸 ，而且魚鬆味超鯹超難食 另有三個同學叫左星洲炒米，三碟都不一樣的，第一碟無味道少配料、第二碟夠味道多配料、第三碟一般啦！

呢間餐廳係灣仔熟食中心入面的, 已經同朋友食過好幾次了味道都過得去, 但而家唔知係唔係通脹太勁份量真係少左好多呀!避風塘雞軟骨 – 好好味既小食! 雞軟骨整得非常香口極之爽脆而且唔油膩, 抵讚.黃金蝦 - 蝦肉雖細但煮得都唔錯而且都幾彈牙, 只可惜唔夠鹹蛋黃而且食唔出鹹蛋黃既鹹香!煎蠔餅 – 好味道! 而且絕無欺場, 蠔餅入面仲有好多蠔仔嫁, 而且仲要唔油膩.椒鹽鮮魷 – 全場最唔惦真係呢個椒鹽鮮魷, 份量不在話下而且粉漿好厚, 食落去仲要好韌!鹽焗雞 – 食唔出鹽焗既味道而且我覺得同普通白切雞沒有分別, 但味道過得去呀.枝竹班腩煲 – 整體合格啦, 但枝竹就比較硬唔係太喜歡.芝士琵琶豆腐 – 果然好好味, 朋友果然無介紹錯, 豆腐外脆內軟而且佢個芝士汁送飯真係一流!咖哩牛腩煲 – 好少牛腩每人一件已經無哂了, 但味道都唔錯!海鮮什菜煲 – 食左咁多肉當然要食返D菜啦!豆豉鯪魚唐生菜 – 其中一個鍾意食既菜, 真係好好味哈! 豆豉鯪魚果然同油麥菜, 唐生菜都係咁夾!味精湯 – 味道當然好一般啦, 但係送就無所謂.整體其實唔錯而且價錢真係好抵, 只係佢既份量縮左水!哈

1時多的午飯時間, 不想光顧連鎖是快餐店, 於是來了一直都路經但沒有進入的灣仔熟食中心。因為不是熟客, 而且中記是門口第一間店, 加上剛好有位, 機不可失就立馬坐下去, 都不管想再選擇了。說真的，灣仔熟食中心的衛生情況認真麻麻，可能是繁忙時段的關係吧，地上有小小垃圾，但它們不至於影響食欲或視線，所以都無所謂啦！與朋友一行4人全部都叫了粟米斑腩飯，小妹要了少飯（一來減緊肥，二來怕浪費，少飯的分量都有8,9成飽），我是貪佢清清地又可以食魚，蛋白質嘛hehee...結果，驚喜就來了！（少飯VS正常飯量，建議食量不大的朋友要少飯!）登登登登~~~*v*有些餐廳的斑腩沒有炸過，咬下去只有"淋至至"（希望你們明白這個意思）的口感。中記給小妹的驚喜在於其斑腩有炸過，即使淋上粟米汁都沒有影響亦不會很快變淋，小妹會形容那些斑腩的口感是外脆內軟，配合粟米汁，還是會想多吃幾塊。唯一美中不足的是，這碟飯一條蔬菜都沒有，不過換角度想：如果$26都吃到這種質數的粟米斑腩飯而且大大碟夠飽肚，也真夠幸福吧！

第二天的早上，也是比平時早到了可愛的灣仔。同昨天一樣，多出來的時間就用來拜訪這個不`1顯眼的駱克道街市，這次就target了另一家佔地廣闊的，中記。早上，除了在快餐店或是酒樓，我吃的都是一樣野，而這就是可愛的公仔麵。這真，我是食到有少少上癮似的，幸好平日沒去茶餐廳食早餐，麵包是我的早上良物，但癮更深的奶茶，倒是戒不了。這一日的駱克道街市食記，就繼續品嚐我的兩大心癮，奶茶同公仔麵。沒有份外的添加，這中記的早餐比其他的店便宜多了，16元一碗有肉的麵加一杯奶茶，這價錢誰人能敵。要了可愛的雞扒公仔麵，而且果然是一分錢一分貨的，這兒的麵底同湯底，是實實在在的光身麵。所以個麵湯底並沒有什麼突出既味道。而雞扒就是一些雜亂的雞肉，幸好是帶皮的，有少少皮下脂同雞油，不過不甚香。奶茶普通，整個感覺也是普通。朋友說這駱克道街市沒什麼吸引，連續來了兩次，本人也有同樣的感受。不過，食店依然是要去發掘的，我會繼續為大家報導，平凡的 "駱克道市政大廈街市熟食中心"。

同朋友啱啱去完附近做嘢平日都去開熟食中心另一間度食飯，今次想轉一轉就試吓中記叫咗個海鮮雜錦鍋加皮蛋湯底份量都尚算多另外見到牆上個menu度寫住$5一罐可樂都幾抵，我同朋友一人要咗一罐嘢到了先淥牛丸，因為堅係肚餓易熟嘅想食咗先點知一試就賴嘢我同我朋友都食到酸o左囉!!!唔信邪，淥多兩粒，都係酸㗎!算喇食晒其他嘢，諗住一次過算喇!點知找數嗰時又見個伙記收多我$2，我問點解，佢話，因為可樂係$6罐真係已經著晒火我話你幅牆個menu唔係咁寫喎佢懶懶閒話: 係咩?咁依家加咗囉～好!我俾你!$2我俾你又點話!!橫掂我都唔會再嚟!!成件事返到屋企同細佬講，佢話佢俾人收$7一罐嘢飲都試過，問吓佢先倖倖然收返$5..嘢飲都海鮮價?!

服務好ok!一行過就不斷叫人坐底, 仲好好咁介紹個餐牌, 仲介紹呢到既炒野好好食~可能因為星期六, 又下午茶時間, 但我地好肚餓~~無咩點理佢就ORDER 野啦~係環境差D囉...今日係食下午茶, 廿蚊一碟面/飯再加送一杯飲品最重要係轉凍飲唔駛加錢, 而家好多餐廳轉凍飲係要加2蚊, 但佢一亳子都唔洗加war!碟面同埋碟飯都幾大碟, 幾抵食咸魚雞粒炒飯炒得夠乾身, 幾夠味. 好食下次一定要再食呢個!唯咖哩雞飯得個辣字,又唔熱..可能因為唔係即炒掛…所以都係叫炒野好D, 同埋真係好食D~~.

不嬲都有去開中記食飯, 印象係一般,經常有人又食煙又嘈真係幾難頂. 不過平.最近去呢次經歷簡直令我以後唔敢再去.事緣我叫左三味, 其中一樣係蒸鱔. 咁正常蒸鱔要等十零分鐘, 咁我同女友就食住黎左個兩味先.但等左三十分鐘都未黎, 就問下伙記追單. 誰不知個伙記用愛理不愛理的態度伙記同我講: "今日無鱔賣呀. 你轉第樣啦! 好快有."我個日有時間, 所以雖然有D慶, 都轉在味涼瓜炆魚.點知都要多等二十分鐘.......食食下我望下張單, 發現涼瓜炆魚.價錢比餐牌貴左幾蚊. 於是諗住搵個伙記改返(唔係落單個位). 點知.........佢好吋話:"無錯呀, 餐牌價錢未改姐, 落單時一定有同你講!" 於是搵左落單伙記黎問, 落單伙記好無禮咁話: "咁你係咪要改番呀??? 無所謂呀."講真, 幾蚊是小, 錯完又錯加態度奇差是大! 於是我要佢改返之餘再問佢老細係邊.D伙記有D怯, 即刻話"老細唔係到!"賣單果陣..有個後生仔收錢 (其實我不嬲估佢係太子仔), 我問佢係咪老細, 佢話係. 我同佢講左我遭遇的不愉快經歷及投訴佢D員工勁無禮貌, 並強調我以後唔會再黎. 佢就即刻問下D員工咩事,

剛巧又可以夾到時間大家方便一聚，一行１５人浩浩蕩蕩上中記"OpenRice" 點了魚香茄子煲、海鮮什錦煲、咖哩牛腩煲、沙嗲粉絲肥牛煲、椒鹽雞軟骨、椒鹽豆腐、京都骨、咕嚕肉等　共14碟小菜再加一人一支大檸樂及白飯椒鹽豆腐：炸得剛剛好，入口香脆　咕嚕肉：中規中距的, 但份量只剛好夠一人一件　海鮮什菜煲：海鮮有蟹柳、魷魚、蝦及粉絲咖哩牛腩煲：感覺到有少少咖哩香味，牛腩就不過不失沙嗲粉絲肥牛煲：貨真價實，真係啖啖都係肥牛＋粉絲　埋單除開每人都係$37，仲想點．．．．．．．

服務好ok!食下午茶, 廿幾蚊一碟面/飯加野飲(轉凍飲唔駛加錢)碟面/飯都幾大碟, 幾抵食咸魚雞粒炒飯炒得夠乾身, 幾夠味. 好食唯咖哩雞飯得個辣字,又唔熱..所以叫炒野好D.

前天晚上，看見德國輸左比西班牙，一肚怨氣無處發洩，唯有約三五知己出黎啤啤佢喇。果樹環境就污蹧d，但都坐得落唔會痕既。一行五人，分別叫左豉油王鮮魷(無錯，食唔到八爪魚，佢d朋友都不能放過，哈!)，椒絲腐乳生菜，琵琶豆腐，炸大腸，魚香茄子煲，沙嗲粉絲肥牛煲，椒鹽雞軟骨，椒鹽豆腐(呢兩樣食飽飯後啤緊果時追加的)坦白講，味道是可接受，生菜爽脆，鮮魷柔軟，肥牛煲的肥牛多到個底都墊住肥牛其他送就普普通通咁啦有個小問題係，d飯唔係好靚，碎碎地既舊米，無飯香，粒粒太分明(d米太舊喇...)，有時重係凍凍地添，如果白飯收貴少少比碗靚飯我食，我會開心好多囉。跟住飲左3支嘉士伯，8支獅威，埋單$350 每人$70，8個送11支啤酒$350想點 p.s. 飲飽食醉想坐多陣之時，突然有浸強烈既渠味湧上來，原來附近有人係度通渠呀...陰公，好彩食完隨時走得遮。

差！老公話好耐都未食過這樣差的食物了。原本我們想光顧英記的下午茶，但到達時才知其是日休息，我們環顧四周，見到中記較多顧客，於是便去光顧。我們點了番茄牛肉燴意粉，牛腩米和涷奶茶，味道竟然如下： 番茄牛肉燴意粉：番茄只得半個，牛肉是淥熟的，汁是甜酸醋弄成的半透明橙色汁液，一點茄汁味都沒有，老公吃了幾口便不吃了。牛腩米：牛腩是碎腩，尚且夠淋，但是味道普通。涷奶茶：雖然樣子ok，但是沒有茶味，甜味和奶味，好似飲凍水，難怪我們見到很多顧客叫涷檸樂。 這是我們近期遇到最失望的食店，煮法完全唔掂，相信我們都不會再光顧！！！

一行九人 本來諗住決定上熟食睇下有咩..但求一餐上到去 已經有2間鋪頭既人係度爭住我地 叫我地幫襯一邊話9折一邊話8折講講下有間有7折tim 係混亂中就坐左係呢度七"食送"一湯 白飯任裝嗌左西檸雞:我之前又未食過呢味 不過無咩檸檬味同埋好多油粟米班腩:好乾 班腩好腥 無咩汁豉汁炒蜆:細細隻..都預左 d汁撈飯一流咕嚕肉:碟野好似下左色素咁 超紅 超乾但食落都唔差既椒鹽魷魚:係幾好味既 係熟食有咁既水準 唔錯菜心炒肉片:係無咩特別 都係想嗌碟菜健康d 雖則知道碟野係好多油......金菇肥牛粉絲煲:金菇肥牛都幾多下 粉絲都多..但超碎 挾唔起既!一路食落 係嘈但都未至於忍唔到果隻臨賣單果陣有班人坐左係度 又食煙又嘈真係唔係幾頂得順賣單果陣..佢同我地講得85折 有d被騙既感覺..唔係介意無7折..無折我地都照樣食但係 你呃完我地 最後又係另一回事 我覺得咁既手法並不可取 anyway 唔係抱好大期望 同埋埋單$214真係好抵咁樣既話 真係一試無妨!

六月廿二‧炎熱要開始為八月中的賽事作準備，練習完一晚，又熱又黑。沒有胃口，不吃也不行，最好便是吃湯飯。成班跑友來了這裡開餐，因為勝在夠近便。這裡是街市樓上的熟食中心，環境及衛生俱一般，但還好空調夠勁，還有電視看，坐得夠舒適。跑左成晚，當然來幾支啤酒消消暑，這裡的啤酒夠冰凍，爽！要了西洋菜豬雜湯飯，可能我們個個都叫湯飯，而據悉也是即叫即滾的，製作需時，也要等上好一陣子才有得吃。豬雜湯熱滾滾的，跟一口，幾清鮮而沒有人工假味，不錯。豬雜是豬潤、肉片及豬肚，是想不到的幾新鮮。尤其是豬潤，雖然切得薄，但吃起來爽脆。吃得飽飽，埋單30蚊，連啤酒都不過50蚊，幾經濟的。