中華小館

Open Now

Now Closed

今日同屋企人提早食生日飯 之前食過呢間小菜都唔錯 所以今日encore紅燒斑頭腩 呢個都幾高質 係小食前菜嚟只係$99 但係都有幾多件斑頭腩 而且斑頭腩係即刻炸起 個脆漿唔會太厚 食落去仲係鬆脆香口 而魚肉係新鮮結實 個汁係甜甜地 不論送飯定當小食食都係唔錯嘅選擇石岐乳鴿紅燒乳鴿燒到好香脆 皮脆嫩滑 醃料味道剛剛好亦唔會太鹹 點上少少懷鹽喼汁 味道一流 另外其實呢度仲有鹽焗或者麻辣乳鴿 但係當日就賣曬 所以只能試到最Typical嘅紅燒乳鴿惹味小炒王 非常足料 有帶子蝦乾蝦仁腰果魷魚銀魚仔等等 有帶子鮮甜 蝦乾嘅鹹香 蝦仁嘅爽彈 腰果嘅香脆 魷魚嘅煙韌 銀魚仔嘅鬆香 當然仲有韭菜花嘅爽甜 幾種口感加埋另外我哋見到餐廳而家有做緊大閘蟹放題 個set仲可以揀食埋片皮鴨燉湯鴨掌鮑魚等等 好似大概五百蚊一個人都幾多嘢食 下次可以試下

到左食蟹食唔停嘅季節, 車車就會不停搵下有邊間抵食又任食, 今次就同幾個朋友仔一齊去左位於灣仔嘅中華小館✨️燻蹄外皮爽口, 肉質腍滑✨️紫砂功夫燉湯湯色清澈, 味道濃郁✨️鮑魚扣鵝掌鵝掌肉厚軟腍, 吸收哂鮑魚汁嘅精華, 入口即溶✨️片皮鴨一食片皮鴨香脆鮮嫩, 滿口油香, 肥瘦均勻✨️蒸大閘蟹入口鮮味, 超多膏✨️濃湯浸菜苗菜苗翠綠爽脆, 作間場剛剛好✨️瑤柱櫻花蝦炒飯食完蟹未夠滿足, 食埋個炒飯就岩岩好, 食落粒粒分明, 鑊氣十足✨️黑金流沙包爆漿流沙包, 幾有驚喜

今晚去到灣仔呢間中菜館，地點非常方便，而且質素都唔錯，小菜選擇非常之多，值得一試:紫砂功夫燉湯 - 非常特別嘅一個湯！燉湯放棄紫砂茶壺，用茶杯飲，勁特別，有風味！今晚嘅湯係人蔘燉豬骨，味道會根，真係可以當茶咁飲🤣蒜片牛柳粒 - 牛柳粒軟硬適中，完全唔韌，而且大大粒，好有口感👏🏻加埋脆脆蒜片一齊食，有鐵板燒嘅感覺上湯蒜子浸豆苗 - 豆苗好新鮮，翠綠又清甜，上湯用新鮮雞湯熬製，加埋大大粒孫子，非常清新👍🏻豉油王龍鬚炒麵 - 超大碟！而且質素極高！炒麵炒得夠乾身，每條麵都沾滿豉油，加埋爽脆嘅豆芽同粒粒新鮮白芝麻，夠味又爽口，完全填飽到我個胃👍🏻👍🏻👍🏻

方便朋友，要在灣仔覓食。找來中華小館一試。館內茶具講究，環境有懷舊feel, 知道有一樓，但事次在地舖進餐，未知樓上情況。地舖面積不大，但亦能提供四腳凳給客人放置隨身物品。侍應推介套餐，首次光顧，決定單點試試菜先。點心款式不多，只有十款。义燒包- 义燒不算蜜汁，味道正常。蟹籽燒賣皇滿滿蝦肉，不錯。黑金流沙包軟熟包子爆出熱騰騰的蛋黃餡料，先聲奪人！可惜餡料太重煉奶味，咸蛋黃比例不足，未能在甜中吊出咸蛋味之餘，只有饀料的「流」，欠缺蛋黃的「沙」。蝦餃發覺沒有點蝦餃但端上？？侍應解釋：$1粒給大家試食😄蝦餃皮不是那种煙靭水晶皮，賣相未算討好，味道就正常，蝦亦新鮮。亁迫拆蟹肉粉絲煲上桌後侍應在熱騰騰的煲邊灒青花椒油，迫出香氣四溢的乾蔥味，再也忍不住要起筷了…..己拆的蟹肉固然是啖啖肉，但並非主角，粉絲才是主角！粉絲雖然沒蟹味，但做得非常乾爽，後勁帶點青花椒的麻和微辣，很快已被清碟就知有幾好味！芝麻鹽焗雞點了半隻雞淺嘗，上了芝麻的雞皮呈焦黃色，外皮酥脆，內𥚃雞肉嫩滑，香口好味！ 不愧為餐廳招牌菜之一。菠蘿咕嚕肉脆槳薄薄的，豬肉非常腍滑，甜酸度亦適中。啫啫芥蘭煲芥蘭煲加入肉碎及蝦乾，很有誠意，但就

媽媽鍾意食中菜 我特意向一位識飲識食的朋友問他試過哪一間中菜最好吃 我一早book定枱 放工接埋媽媽過來 果然冇介紹錯 她很喜歡呢惹味小炒王選用了大大粒的帶子 新鮮的蝦仁和鮮魷 還有大大粒蝦干 海鮮和秘製醬汁很配合 炒得均勻又入味 媽媽說這是她吃過最好吃的小炒王 對這道菜讚不絕口 生炒牛肉飯鑊氣十足 米飯炒得粒粒分明 牛肉嫩滑 完全沒有過火 蔥和芽菜等配料乜很配合 充滿層次感 更重要的是炒飯完全不會油膩 我們兩個要爭著食 雖然炒飯很大碟 但很快就被我們清掉 這裏廚師的確處理得很好紅燒乳鴿 招牌名不虛傳外皮金黃酥脆 一刀切開 內裏的鴿肉嫩滑多汁 外皮刷上了特製的醬汁 味道適中 當日雖然只是平日 但我們入坐不久 已經見全場差不多爆滿 的確食物質素永遠是最重要的

放工相約朋友喺灣仔食中菜，Book咗依間餐廳晚飯時間都幾熱鬧，有唔少家庭聚餐氣氛好好前菜漬物帶有微微鹹味同辣味嘅白蘿蔔，爽脆開胃我哋都好鍾意飲湯，所以就叫咗呢一個紫砂功夫燉湯。落單嘅時候，向店員查詢，係五指毛桃燉湯。店員仲好細心提供咗兩個杯，一倒出嚟，香氣撲鼻。五指毛桃味道突出，湯水清澈，但味道濃郁，好飲！菠蘿咕嚕肉佢哋係用咗黑毛豬，感覺肉質都比較彈牙外皮做到非常香脆嘅效果高質嘅咕嚕肉！燒鵝-例牌外皮閃令令，好吸引鵝髀位置嫩滑多汁，唔會有太多皮下脂肪，啖啖肉！蒜蓉蒸龍躉頭腩蒸龍躉頭腩火候十足，蒜蓉豉油醬超香濃！直接食咗一碗飯飯！唔好睇小每一舊，肉非常滑溜，有骨頭嘅部位亦連接住好多骨膠原，每一件都非常滋味！

這天晚上我約了家人在灣仔吃晚飯，經過朋友的推薦，我們便決定來到這間中菜餐廳試一試，店內環境清潔衛生，設計十分高貴前菜酸辣蘿蔔十分爽口，用辣椒，蒜頭調味，味道辣中帶一點酸，令人十分開胃得獎奶油大虎蝦($328)奶油味非常濃郁，很新鮮，大虎蝦爽彈鮮美，非常大隻，非常新鮮，賣相非常吸引生炒牛肉飯($148)炒飯粒粒分明，質素非常高，份量非常多，食物是即點即炒，十分有鑊氣，食物溫度十分夠熱，用蔥粒，生菜絲做襯托，牛肉粒稔香軟彈，十分新鮮鐵觀音可以降低血脂、降低膽固醇、幫助消化的功效，對身體十分有益處整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，食物是即點即煮，價錢相對合理，而店員亦有良好的服務態度和積極，所以我認為這間餐廳是值得再去惠顧

餐廳環境好，質素高，店員服務態度棒，店內裝潢，也有濃濃之中國色彩。簡單之晚餐，中華感足前菜青瓜清甜，非常之好，清新中帶香味喔紫砂功夫燉湯精緻紫砂茶壺，盛載燉湯，賣相吸引，壺內湯熱辣辣，用料很好，味道棒魚皮座位非常舒適，吃著爽脆之小吃，魚味香濃，感覺棒。紫砂功夫燉湯用紫砂茶壺來盛載燉湯，賣相夠吸引，壺內的湯熱辣辣，用料充足，味道非常好味。炒帶子蝦仁蝦肉彈牙，味道鮮甜啖啖肉，醬汁清新甜甜，剛剛好。脆口的口感，配合清甜的蝦肉及香軟的帶子。環境靚，食物質素高，服務態度好，下次經過會跟朋友吃

今次同屋企去灣仔食晚餐，粵菜嚟講真係唔錯。前菜有青瓜同木耳，清爽開胃。我哋先叫咗蜜汁厚切叉燒皇，個樣好吸引，食落果然冇令人失望。叉燒肥瘦分佈均勻，脂肪入口即溶。加埋蜜汁，每一啖都係享受，令人回味無窮。再嚟係香芒大蝦球，蝦球大大粒，搭配蘆筍同青瓜，口感好好，清新又唔膩。蒜蓉炒豆苗，翠綠又爽口，健康又好食，適合老人家。雜菌炆伊麵，伊麵吸收哂所有精華，食落去雜菌味香氣四溢。甜品有紅豆沙湯丸，餐廳用咗我至愛嘅芝麻湯圓，紅豆沙亦有好重陳皮味，仲加咗白果，誠意十足，我哋食到好滿意。仲有木糖醇水蜜桃，清甜可口，食完令人好滿足，適合收尾。

同朋友中華小館，餐廳環境舒適，服務員好友善，讓人一入去就覺得好放鬆。青瓜木耳，$20簡單但味道非常清新。醬汁清爽，特別適合開胃。椒鹽白飯魚，$88白飯魚炸得金黃酥脆，撒上椒鹽好香口。魚肉鮮嫩，食落完全唔油膩。脆皮鳳梨咕嚕肉，$188咕嚕肉嘅外皮微脆，裡面肉質嫩滑，配上甜酸嘅醬汁，鳳梨嘅香甜同咕嚕肉嘅咸香形成完美平衡，可減去肉嘅膩感。蒜茸炒白菜仔，$108蒜茸炒得香氣四溢，白菜仔清脆，完全保留咗新鮮感，係一個健康嘅選擇。

灣仔呢間中菜館的裝修頗漂亮，很有氣派，很適合請客食飯或者家人朋友聚餐，魚缸有好多新鮮靚海鮮，好多選擇，餐廳內裡的樓底很高，不會有焗促的感覺，而且陳設都很漂亮，牆上的掛畫亦有畫龍點睛的感覺，座位寬敞舒適，餐桌和餐具均乾淨整齊，黑松露海鮮蛋白炒飯份量很多，一大碟，一上桌已經聞到濃郁的黑松露香味，而且炒飯夠乾身，粒粒分明，配有滑嫰的蛋白和彈牙的蝦仁，配料還有菜和洋蔥，炒得很有水準。侍應招呼殷勤有禮，茗茶亦水滾茶靚。

中華小館前菜餐廳安排嘅前菜係青瓜同木耳，搭配清新爽口，木耳脆口，青瓜清甜，前菜都已經令人開胃到停唔到口。蜜汁厚切叉燒皇蜜汁厚切叉燒皇肉質鮮嫩，一層脂肪令叉燒更滋潤多汁。蜜汁嘅甜味恰到好處，外層烤至微脆，非常巧手，有層次感，令人一口接一口。香芒大蝦球香芒大蝦球令視覺同味覺都得到雙重享受，以包住一層芥末嘅蝦球，放上一片青綠嘅青瓜，再以一條蘆筍放上面點綴。口感外脆內嫩，搭配香甜嘅芒果醬，令人食指大動。蒜蓉炒時蔬蒜蓉炒時蔬，我哋揀咗豆苗，蒜香撲鼻，保持咗蔬菜吧口感，簡單，健康又美味。雜菌炆伊麵雜菌炆伊麵嘅雜菌香氣濃郁，各種菇類口感彈牙，而伊麵質感滑潤，滋味深厚。糖水係紅豆沙湯丸，芝麻湯圓柔軟，紅豆沙甜度適中，當中陳皮味突出，令人心滿意足。甜品木糖醇水蜜桃，清新可口，水蜜桃自然甜味搭配冰涼口感，既可作為飯後果，又可作為甜品。中華小館佈置充滿特色，食材講究，展現咗廚師嘅創意，餐廳經營嘅用心。

約埋好友共敍晚飯在交通便利的「中華小館」，飯館鄰近灣仔鐵路站。玄米茶~我喜歡玄米茶，呷一口茶味清新順滑的玄米茶，頓感疲勞盡消。涼菜~涼拌青瓜雲耳微辣爽脆，令胃口大胃。黃金鍋巴~很甘香酥脆的鍋巴。椒鹽魷魚鬚~咬開脆漿，是爽滑的魷魚鬚，一脆一腍滑，是很美妙的口感。咕嚕鳳梨黑毛豬肉~甜甜酸酸醬汁包裹鮮味嫩滑豬肉，味道好又醒胃。豉油王龍鬚炒麵~魷魚鬚彈牙，麵條爽滑與滿滿豉油王香味，是一道不折不扣的冶味炒麵。紫砂功夫燉湯~清香四溢的五指毛桃瘦肉，能清肝潤肺，四季佳宜飲用。香芋紫心丸~皮脆、軟心、香糯。

灣仔駱克道上的中華小館，以其獨特的風味和雅致的環境吸引著每一位食客。餐廳內部裝潢精緻，燈光柔和，為用餐增添了幾分浪漫氣息。服務員態度親切，細心照顧每位客人的需求。座下後，餐廳先送上小食，醋香云耳青瓜，酸爽口感中帶著青瓜的清脆，云耳脆嫩，開胃又健康，可以一邊作為小食一邊點菜。佛山燻蹄，面上灑有芝麻，皮帶點脆肉嫩，口感爽中帶軟，是一款美味的一道小食。脆皮鳳梨咕嚕肉，外皮酥脆，肥瘦適中，內肉多汁不鞋，味道酸酸甜甜，鳳梨新鮮帶酸甜，美味又剛好解去咕嚕肉的滯，整道菜非常惹味。碧綠雲耳淮山炒百合，口感層次豐富爽脆，百合清甜爽，淮山粉糯剛好熟，及帶著特有的軟嫩帶爽的口感，云耳和青紅椒的加入更是色彩繽紛，健康又美味。在中華小館，不僅是一個用餐的地方，更是一個讓人放鬆心情，享受美食的絕佳場所。

與友難得相聚，一於食好啲！來到灣仔呢間「中華小館」，一試精緻的中菜，確實無選擇錯！蜜汁厚切叉燒皇：叉燒色澤金黃，表面油亮，散發著蜜香和煙燻味。每片叉燒厚實多汁，肉質柔嫩，蜜汁的甜味與豬肉的鮮香相當融合，好吃得停不了口！翡翠炒帶子蝦仁：食材色彩配合得宜，令人食慾大增。帶子和蝦仁新鮮，口感彈牙。時令西芹爽甜，增添了清脆的口感。整道菜油而不膩，海鮮的鮮甜與蔬菜的清香相得益彰，感覺好清新！碧綠淮山雲耳炒百合：淮山的質地脆嫩，雲耳的滑順搭配百合的清香，帶來了豐富的口感層次。整道菜的味道清新，適合喜愛清淡飲食的人士，且營養價值高，顯得健康又美味。啫啫芥蘭煲：採用獨特的啫啫煲烹調技法，將鮮嫩的芥蘭在高熱下快速煮熟，保留了其脆嫩的口感，上菜時除會發出「啫啫」聲效外，惹味香氣撲鼻而來。整道菜的味道濃郁，搭配米飯，讓每一口都充滿了豐富的層次感，適合喜愛濃味的朋友一嚐。惹味酸菜魚：魚片嫩滑，酸菜帶來微酸的風味，與香辣的調味相結合，形成獨特的口感。湯底鮮香濃厚，窩內其他配菜吸收香甜濃湯，份外滋味。屬「廚師推介」這道酸菜魚，確實讓人能夠充分體驗魚的鮮美和酸菜的爽口，值得一試。醬烤欖角骨：外焦內嫩，醬料入味，肉質