中華小館

灣仔中華小館位置超方便，就喺灣仔地鐵站C出口出嚟幾步路。中午時間全場滿座，好多上班族嚟開飯，氣氛熱鬧但唔嘈。🍲 螺頭瘦肉燉湯一開蓋就好香，用咗大量瘦肉同螺頭去熬，湯色金黃清澈，味道鮮甜又暖胃。湯底夠厚味，飲落唔油膩，感覺好實在。🥟 點心拼盤有蝦餃皇、潮州粉果同椰香棗皇糕。蝦餃皮薄，原隻蝦餡好多，粉果香口有層次，棗皇糕軟糯唔太甜，整體水準穩，點心分量足。🍗 燒味雙拼——重點推介叉燒！叉燒真係正到爆🔥，厚切帶少少焦邊，外層蜜汁香濃，肉質嫩滑、肥瘦剛好，入口即溶！豉油雞亦做得唔錯，皮滑肉嫩，配少少薑蓉就好香。🍜 乾炒牛河炒得鑊氣十足，河粉乾身唔油，牛肉滑而入味，豆芽爽脆，每條粉都掛汁，香氣好足。食落有港式大排檔水準以上。🦀 乾逼拆蟹肉粉絲煲——必食之選！呢個真係全場MVP！蟹肉新鮮厚肉，粉絲吸晒蟹油同椒香，香氣勁濃、啖啖蟹味🤤。一上枱已經聞到香氣撲鼻，入口微辣帶甜，超惹味、超過癮！☕ 整體體驗上茶用普通壺同瓷杯，服務員都幾細心，會主動換碟添水。整體環境乾淨舒適，坐得舒服。💰 價錢同總結兩個人連茶位同加一埋單 $636，以灣仔嚟講好抵食，食物質素對得住價錢。最推介叉燒同乾逼拆蟹肉粉絲煲，真係高水準！🍗 下次目標睇到隔離枱叫咗芝麻雞，賣相金黃香脆，好吸引，下次一定要試！😋…Read More

今日放工之後，同老婆嚟咗灣仔駱克道呢間 **「中華小館 The Orient Cuisine」** 食晚飯。呢間餐廳我哋經過幾次都覺得門口幾吸引，裝修有種傳統中式嘅氣派，又有少少現代感，所以今次終於決定入去試下。 ---## 🍽️ 環境同氣氛入到去第一個感覺係——**舒服！** 枱與枱之間夠位，不會同隔離枱「肩並肩」。佢哋用咗少少古色古香嘅木造屏風裝飾，加埋暖黃色燈光，環境整體高貴但唔壓迫。坐低嗰一刻已經覺得放鬆晒。 ---## 🥢 今晚叫咗啲咩？ ### 1️⃣ 咕嚕肉（$188）呢味一上枱已經見到色澤吸引，個汁紅亮亮、香氣十足。肉係用肉排起骨位，炸得外層香脆，裡面仍然保持肉汁，唔會乾。酸酸甜甜嘅醬汁配埋菠蘿、青椒、紅蘿蔔，一啖落去好豐富。 呢個咕嚕肉我會畀 **8.5/10**，調味唔會太甜，酸味啱啱好。 ---### 2️⃣ 魚香茄子煲（$188）呢個真係要大推！啱啱上枱嘅時候「滋滋」聲超吸引，香味四溢。 茄子炆得夠腍但唔油膩，吸晒個魚香汁嘅精華。嗰啲肉碎多到見到好實在，送飯一流。微辣、鹹香兼具，熱辣辣食每一口都好滿足。 ---### 3️⃣ 瑤柱櫻花蝦炒飯（$148）份量十足，基本上兩個人食都多。我哋食咗一半就已經覺得飽。飯炒得粒粒分明，唔會油淋淋。加咗櫻花蝦、瑤柱絲同少少蔥花，炒到有鑊氣，好香。鹹香味好啱我口味，唔使加豉油都已經夠味。 ---## ☕ 其他細節茶位每位$20，服務生勤力換茶，態度唔錯。整體上菜速度正常，唔使等太耐。全單加一成服務費之後 **$598**，以灣仔區嚟講算合理。 ---## 💡 總結中華小館俾我感覺係一間**中價高質嘅中餐館**，環境舒服、位置方便（地鐵灣仔站C出口一出就到），食物精緻得嚟又唔會太貴。 最鍾意佢哋嘅魚香茄子煲，真係炆得好出色。炒飯水準都超出預期，咕嚕肉亦屬穩陣之作。 📋 **整體評分：** - 環境：9/10 - 服務：8/10 - 食物質素：8.5/10 - 性價比：8/10 ❤️ **推介指數：⭐⭐⭐⭐（四星半）** 下次想試埋佢牆上嗰啲燒味飯或者四人套餐，感覺都唔錯～…Read More

與老友聚一聚，到灣仔食個晏，但就想搵個靜靜哋嘅地方方便傾偈，左搵右搵就揀嚟灣仔嘅「中華小館」，嘆吓高質素嘅中菜。踏進餐廳，環境確喺幾古雅清幽，牆上掛起啲鄉間油畫，帶出一份文化氣息，加上樓底有番一定高，感覺予人舒服閒適。唔好以為睇落唔大，其實仲有閣樓，不過，小弟就無上去探個究竟！午市商務套餐，分2、4、6、8、12人，都幾有彈性，而我哋所揀嘅2人套餐包咗滋潤燉湯、燒味雙拼、燒汁班頭腩、翡翠帶子蝦仁、蒜蓉炒菜苗，敬送絲苗白飯及精美甜品，定價$468，另收茶錢$15位及加一服務費，佢哋啲服務幾唔錯，侍應亦好有禮貌。滋潤燉湯初頭以為都喺慣常見到一盅盅嘅燉湯，嚟到喺以紫砂功夫茶壺盛載，非常別緻。打開撈一撈，有雞肉、赤肉、海底椰、金華火腿、螺頭……等等，呷一口，個湯味道濃郁，好夠火喉，而且，好潤喉，飲落非常舒服，此外，啲湯料都幾好食，唔會無晒味。再者，個紫砂壺好保溫，去到中段都仲喺好夠熱。燒味雙拼燒味喺店家嘅招牌嘢，啲套餐自然會包咗，最好喺雙拼，可以試到兩款燒味嘛！先試試蜜汁厚切叉燒王，喺店家嘅得獎之作，入口果然喺超鬆化，8分瘦2分肥，蜜香中帶少少油脂香，最正喺有少少燶邊位。脆皮燒腩仔亦都好正，外皮堅喺卜卜脆，而肉質比預期瘦，無乜肥膏，口感卻非常鬆化，更醃得啱啱好，無過鹹嘅弊病，沾上少少芥辣，極具風味。燒汁班頭腩套餐包咗3款小菜，款款都做出高水準，先分享呢道班頭腩，啲班腩酥炸過，所以，先入口外層頗為脆口，而肉質保持好嫩滑，極具魚鮮味，再者，以燒汁、薑蔥爆炒，甚為惹味。翡翠炒帶子蝦仁一道濃香嘅，跟住呢一道就清清哋，翡翠用上西芹炒得清爽，而帶子、蝦仁都好大隻，兩者都好爽口彈牙，可以講喺鮮味十足。蒜蓉炒菜苗菜苗用上白菜仔苗，炒得恰到好處，一來炒到仲有份爽脆口感，唔會過腍，二來食落好有鑊氣感，加上滿滿蒜香味，簡簡單單嘅炒菜都食得出用心。精選甜品初頭真喺無期望喺咩甜品，以為都喺紅豆沙之類，然而，上到枱原本喺一碗雪耳紅棗桂圓茶，可以講既滋補，又清潤，入口唔算好甜，但食落真喺好舒服。想食精緻嘅粵菜，嚟「中華小館」確喺唔錯，食得出用心製作，用料上乘，環境又幾舒服。…Read More

作為一個為食嘅香港人，對生炒牛肉飯總有份執著。今次喺灣仔「中華小館」撞到呢碟，真係有種相逢恨晚嘅感覺！未食淨係聞到個香味，就知道呢鋪鑊氣穩陣啦！一上枱，個賣相已經對辦！飯粒分明，色澤均勻，金黃嘅蛋花同嫩滑嘅牛肉碎仲有啲翠綠蔥花點綴，睇見都流口水。急不及待舀一匙入口，嘩！個種鑊氣真係無得呃，食落熱辣辣，香口得嚟一啲都唔油膩，每粒飯都乾身爽身，充滿住蛋香同醬油嘅焦香，真係食到停唔到口！主角牛肉絕對係功勞，佢唔係鞋烚烚嘅肉碎，而係切到細細粒、醃得入味嘅牛柳粒，口感軟嫩得嚗，同啲飯形成完美配搭。仲要食到啖啖都有牛肉，份量絕不孤寒。最正係啲蔥花同少量菜莖，加添咗一絲清爽，令成個飯更加有層次。成碟飯由頭到尾都保持住同一個高水準，鑊氣、味道、口感、用料，樣樣都掂。食完個肚暖笠笠，個心超級滿足。以後喺灣仔想食碟有靈魂嘅生炒牛肉飯，我諗我唔使再四圍搵啦！…Read More

首先，佢哋嘅養生桂花淮山一上枱，就覺得係夏日清甜嘅味道，唔似普通嘅甜品咁膩，反而有桂花嘅香氣輕輕撲面，淮山咬落去有啲清甜，唔單止滋潤，仲有啲清新嘅感覺。食完之後，真係有種“人都開心咗”嘅感覺，似乎乾燥嘅天氣都被治療咗。接住，滋潤墩湯 係用傳統功夫茶壺嚟煲，當服務員將湯倒入小小嘅功夫茶杯時，啲湯色澄澈，聞落去都帶有藥材香，仲有幾分清甜。每一口都好滋補，唔會太鹹，簡直係一碗暖心嘅湯，兩個人坐喺度，感覺好舒服，湯味直接「暖」晒你啲心情。再講返啲小食，呢個 酥炸鱿魚鬚 好值得一試。鬚炸得外脆內嫩，一啖咬落去，香口唔油膩。兩個人分食嘅時候，仲可以互相挑戰睇邊個食得快，最後食完仲會爭住叫：「唔係咁啱，你唔係先食嘅咩？」哈哈。最有誠意嘅當然係 古法無骨羊腩煲，真係完全冇骨嘅羊腩，羊肉軟腍，味道重但唔會膩，啲湯汁都充滿咗羊肉嘅精華。配埋啲唐生菜，令羊腩煲唔會太膩，好夠味，實在好過癮！兩個人一邊食一邊傾，羊腩煲就係最perfect嘅搭檔。…Read More

店內掛著吊燈，樓底高，圓桌旁食客談笑風生，很有格調，氛圍感拉滿。必飲紫砂功夫燉湯，壺身有鎖鮮特性，湯底清潤，入喉滿是鮮醇。紅燒乳鴿皮脆肉嫩，撕開有汁，表皮焦糖色，入口充滿鹹香。養生桂花淮山第一次食，入口凍冰冰，清甜綿軟，桂花香氣融入食材，解膩又爽口。雜菌炆伊面裹著醬汁，根根勁道，菌菇很豐富，甜豉油風味，很有鑊氣，豉油香恰到好處。佛山熏蹄燻蹄好入味，一片片撒上白芝麻，口感彈牙，蘸上特調醬汁，酸酸地，更是風味十足。…Read More

灣仔駱克道的「中華小館」，有多款傳統粵菜，燒味、冷盤、海鮮、特色小菜.......樣樣有，很受本地人和外國遊客歡迎。🥢芒果大蝦 $198六隻金黃色的大蝦，見到己令人垂涎欲滴。用秘製的芒果沙拉調味，淋在香脆的大蝦上，上面用露筍，下面用青瓜做裝飾。🥢紅燒乳鴿 $88乳鴿油亮潤澤，皮脆肉嫩，顧不得儀態，用手慢慢品嚐，更加滋味。🥢乾炒牛河 $138乾炒牛河絕對是廚師火候與功力的終極考驗，每一條河粉都油乾勻亮，乾身爽利，食完後，碟上沒有多餘的油份，牛肉嫩滑得來有嚼勁。🍨楊枝甘露 $68楊枝甘露豐盈而清爽，西米和西柚果粒若隱若現，濃滑香甜。…Read More

同朋友喺灣仔搵食，醒起開咗幾年嘅「中華小館」一直未試，趁平日夜晚唔使等位入去試試水溫。舖頭唔算大，但坐得幾舒服，啱晒兩個人簡單食餐飯。一坐低就叫咗招牌「得獎奶油大虎蝦」，一客兩大隻，上枱已經聞到濃郁嘅牛油同鹹香！蝦殼炸到極之酥脆，可以直接成塊食落肚，蝦肉爽彈鮮甜，精髓在於個奶油醬，鹹香惹味得嚟完全唔油膩，我同朋友都搶住用匙羹刮乾淨碟底嘅醬汁，真心推介！紅燒乳鴿係即炸熱辣，皮脆肉嫩有肉汁，食落唔會過鹹。前菜涼菜清爽，手抓餅則係驚喜之作，層次豐富，點奶油醬或者單食都咁正。整體食物質素非常對板，尤其奶油蝦絕對係必點之選，鑊氣足又夠滋味。呢度冇花巧裝修同套餐，純粹食番啲手工同鑊氣，兩個人叫幾樣嘢share，分量剛好，係區內想食穩陣中式小菜嘅不錯選擇。…Read More

這間中餐一直在灣仔都幾有名氣小菜、燒味、海鮮 都做得唔錯今日中午我哋揀咗個二人商務套餐乜都有 而且勝在唔使慢慢揀有班頭腩、燒味、炒帶子、燉湯、炒菜、甜品燒汁斑頭腩好有鑊氣 班頭腩好香 夠晒惹味而且二人餐份量都唔少 - 紫砂功夫燉湯燉湯用咗紫砂茶壺 溫度好夠熱非常足料 飲落真係好暖胃大家都話幾正-燒味雙拼叉燒燒肉唔使一定要食好出名嘅燒味燒肉勁脆 肉質靚 肥瘦適中超級好食 叉燒都係半肥瘦 甜甜地梅頭肉夠腍 必選必選！翡翠帶子蝦仁平時一碟小菜都要百零二百二人餐竟然都有帶子 夠收口感好 滿意！最尾仲有糖水贈送 今次係滋補嘅紅棗雪耳糖水期待下次過嚟食晚餐 約埋長輩最啱…Read More

在灣仔暫住幾月，發現駱克道128號這家中華小館，中式典雅裝飾，古色古香，樓底高，樓上雅座，很多遊客慕名而來，今天我們也要打卡，嘗試一下這裡的中華美食。🤩🤩餐廳離灣仔地鐵站C出口只是幾步之間，出站轉左就見到中式裝潢的門店，中國🇨🇳吉祥圖案裝飾大門， 金色大字中華小館，門外擺放了餐牌，方便客人先睹為快。👍👍為免向隅，我提前訂好位，準時赴宴。😋傳統中餐廳當然要試最傳統的菜式，玫瑰豉油鷄，脆皮鳳梨咕嚕肉，姜汁炒芥蘭是今晚的菜式，一壺純香的普洱茶，一碟美味的青瓜雲耳小吃，打開我們渴望美食的胃口。😜💥💥招牌脆皮鳳梨咕嚕肉，脆脆的咕嚕肉酸甜可口，完全沒有肥肉，鳳梨和彩椒粒和咕嚕肉絕對配合，盡情演譯。💥💥特別推薦玫瑰🌹豉油鷄，只看賣相已是先拔頭籌，玫瑰紅色的外皮，雞肉透著陣陣香味 ，皮薄肉滑，雞的鮮味突出，贏在起跑線上。😍😍姜汁炒芥蘭是香港人愛吃的做法，芥蘭選粗壯而嫩綠的年輕菜，多姜爆炒，糖酒相交，芥蘭的香鮮爽脆表露無遺。👍👍吃飽了，喝上一杯醇厚香濃的普洱茶，回味每一道菜的色香味，真是一頓滿足的中華美食，不辜負中華小館的美名。🤩🤩🌹🌹…Read More

行過灣仔呢間小館，被佢哋嘅招牌黑松露海鮮蛋白炒飯吸引咗。一上枱已經聞到陣陣黑松露嘅獨特香氣，飯粒炒到金黃色，仲見到唔少海鮮配料，賣相相當吸引。第一啖食落去，黑松露嘅濃郁香氣立即充滿成個口腔，但係又唔會蓋過其他食材嘅味道。飯粒炒得乾身爽口，每粒都分明，完全唔會油膩。用蛋白嚟炒飯真係聰明嘅做法，口感特別輕盈軟滑，同普通用成隻蛋炒嘅感覺完全唔同。海鮮配料都幾豐富，有爽口彈牙嘅蝦仁、鮮甜嘅帶子同埋嫩滑嘅魚塊。最欣賞係佢哋將海鮮處理得啱啱好，保持到鮮味之餘又唔會過老。仲有啲翠綠嘅蔥花同甘筍粒，增加咗唔同嘅口感同顏色。成個炒飯嘅味道層次好豐富，黑松露嘅香氣由頭到尾都貫穿住，配合海鮮嘅鮮甜同蛋白嘅滑嫩，真係一個幾有特色嘅配搭。雖然價錢唔算平，但係用料同手勢都對得返個價錢。食完成個飯都唔會覺得好滯，反而有種好滿足嘅感覺。如果你係黑松露愛好者，呢個炒飯真係值得一試。…Read More

呢間中菜館主打傳統粵菜，味道出色。一行四人，叫咗6個餸。推介「蜜汁厚切叉燒皇」，厚切叉燒色澤紅潤，外層微焦帶點焦糖香，肉質嫩滑多汁，蜜味滲入肉芯，每一口都充滿層次感，甜中帶鹹，非常惹味。「紅燒乳鴿」亦係招牌之一，外皮炸得香脆，肉質鮮嫩，滲出濃郁肉香，配上少許椒鹽更加惹味。重點推介 「宮廷濃湯雞褒翅」，足足8両真材實料，魚翅粗身晶瑩剔透。 湯底濃郁鮮甜，膠質豐富，雞肉嫩滑，魚翅爽口彈牙。 個人覺得好抵食。 四個人每人分到差唔多兩碗。 「金沙大蝦球」，蝦球炸得金黃酥脆，外層包裹香濃鹹蛋黃醬，鹹香四溢，蝦肉爽彈，口感一流，配搭得恰到好處。係我食過最大隻嘅金沙蝦球真係好大隻。 …Read More

中華小館中午套餐好抵食，環境古色古香，木系裝潢好有格調，座位唔算太大但乾淨舒服，啱晒慢慢享受。一人套餐韭黃蝦仁炒蛋，包括燉湯同白飯，炒蛋蛋質鬆軟嫩滑，韭黃爽口鮮甜，蝦仁彈牙Juicy，新鮮大粒，炒得火候啱啱好，蛋香同韭菜海鮮味完美融合。另一個套餐醬烤欖角骨，同樣附湯同飯，欖角骨烤得外脆內嫩，醬汁入味惹味，骨頭啖啖肉，肉質好口感煙韌，咬落去Juicy又帶甜香，湯清甜養生，白飯粒粒分明吸汁，好滿足。加左一份小食脆皮燒雞，估唔到份量都好多。雞皮炸得香脆金黃，撕開一睇，雞肉嫩滑多汁，啖啖肉肥美唔油膩，燒味香氣濃郁，入口即化，配白飯一流。小食一口豆腐，豆腐表層香口，內裡嫩滑鵪鶉蛋燒賣三件，燒賣皮好薄好Q好煙韌，包裹住鵪鶉蛋同豬肉餡，啖啖肉彈牙入味。…Read More

講起咕嚕肉，十間有九間都係淋滋滋嘅伏嘢！但灣仔呢間「中華小館」，真心有驚喜，佢個脆皮鳳梨咕嚕肉，真係做到個「脆」字，絕對係全場最值得叫嘅餸！外面層粉漿炸到超～級～脆～皮，真係會聽到輕輕「喀嚓」一聲！個脆皮唔會厚到食粉，入面嘅豬肉仲保持到嫩滑多汁，一啲都唔韌，食落完全冇油膉味。最正係個酸甜汁，調得啱啱好，唔會死酸或者甜到漏，仲食到新鮮鳳梨嘅果香，清新得嚟又解膩。夾住件脆肉一齊食，冰火口感、酸甜層次一次過晒，真係忍唔住一件接一件！如果你同我一樣，成日喺度尋找一碟完美嘅咕嚕肉，咁中華小館呢碟，真係唔可以錯過！係我食過咁多間裡面，數一數二好味，保證你試完會返尋味！…Read More

前几天经好朋友介绍去这间饭店吃晚饭。获安排去一楼雅座；一般港式坐位较挤，但其他客人都是比较斯文，可以接受。带了一瓶香檳及一瓶拧蓋紅酒，免得侍应麻烦要找开瓶器，结果结帐吋那位自称什么小姐的侍应说要收二百元开瓶费（预早告诉你了），也是老板的指令。这就是香港人开的食肆，賺到底。你不再来是你的问题，不是我。精明的消费者，自己想想会否去？我不会！…Read More