Divinity's Profile

新蒲崗呢個地方，以前對於我呢啲住喺港島嘅人嚟講比較格攝。不過有咗Mikiki商場同埋啟德站同距上蓋Airside之後，整件事都變得簡單咗。今次去到位於新蒲崗景福街99-101號啓德工廠大廈第二期地舖的叉燒丼家食個晏，了解吓呢個漸趨活化嘅舊社區。朋友嗌咗一個肥叉燒雙蛋丼飯配紅豆冰。距果兩隻太陽蛋嘅蛋黃又橙又大粒，一口蛋連埋一舊叉燒配一啖飯食，認真乜嘢魂都可以銷掉。我見佢哋下午茶做緊$48 60分鐘內任食經典港式沙嗲牛肉燶邊雞蛋公仔麵，而且仲有5:30後嘅時段，方便一啲喺嗰個時間想食下野嘅朋友。⏰ 下午2:30-5:30> ＄48/位⏰ 傍晚5:31-8:30 ≥＄58/位另外仲要加配飲品一律都係半價！對於我哋呢啲做得又食得嘅人，真係一個不錯嘅恩物。佢哋嘅沙嗲牛肉食落去沙茶醬椰漿定係花生醬都有非常濃郁的風味，食得出係經過精心嘅醃製。而且咬落口牛肉亦都爽口同埋新鮮。無論就咁撈公仔麵食，定係加多少少熱湯都好夾。呢度最值得讚嘅嘢係佢哋嘅枱面有別於其他間隔非常細嘅茶餐廳，你係可以輕鬆唔怕倒瀉咁放三至四碗主食同飲品在台上，令到人客食飯嘅時候可以有多一點的Comfort Zone同Me Time。…Read More

東涌的東匯城名店坊其實也算是一個餐廳林立的兵家必爭之地。好似樂天皇朝呢類足跡遍佈亞洲的連鎖餐廳就是中菜其中一個佼佼者。距地以其創新的北方和南方中國菜餚見稱，食客有來自五湖四海的。秋天佳節當然要點返一份蟹份拌麵。麵條幼細好易咬，老少咸宜。另外又嗌左一份上海風味醬鴨，鴨面的鹵汁十分入味，鴨件切成細細塊，酥軟易食。朋友叫左一碗鮮蝦豬肉雲吞豬骨湯拉麵，麵條拉得幼細，雲吞皮薄而餡靚，食得出沒有加工或者添加其他味精。每台都會有一壺茶，杯茶飲落去味甘而且少雜質。十分之幫倒消擠。呢度嘅座位無論一家大細或者商務聚餐都十分之適合。而且喺餐廳大廳共冶一爐嘅場面也不見得有違和感。最主要係佢嘅間隔都比較四正，坐得舒服得來亦有足夠空間可以擺嘢。#北方南方菜 #東涌好去處 #香港美食 #一起搵好西吃 #東匯城 #citygate #professionalfoodie #eatwithme #foodieman #eatgoodfood…Read More

太古城中心可以稱得上係香港集中產居民及上班族大型綜合商場的龍頭之一，呢度啲餐廳一律都十分之企理同有特色。今日嚟到Banchan & Cook 同朋友食個便飯。Banchan 喺韓文解作飯饌，即是韓國料理中搭配主食（如米飯）的各種小碟菜。餐廳樓面高，而且喺通往East Hotel 的通道旁邊，燈光柔和得來光線充足，近窗邊的可以望到East Hotel東隅酒店旁的街景。座位之間嘅距離都予客人有相當的私隱度。主食叫咗份橡果黑毛豬卡邦尼意粉，個意粉嘅巴馬芝士味好濃。另外叫咗半份無骨韓式蒜香炸雞，炸雞可以選有骨或者無骨的。啲炸雞啖啖肉，而且個蒜香醬好入味。另外嗌咗一份醬油黑毛豬白切肉配大醬生菜，啲肉都好大塊，捲埋個菜食，有菜又有肉，實現均衡飲食最啱。甜品就叫咗Banchan & Cook 提拉米蘇，呢個係cream base比較重嘅Tiramisu，都幾啱我朋友呢啲食Tiramisu鍾意食芝士忌廉多個手指餅乾嘅人。飲品方面朋友就嗌咗杯凍軟綿綿紅豆.豆花鮮奶咖啡，佢話紅豆嘅甜味融和啲牛奶，十分之好飲。我就嗌咗杯凍嘅伯爵茶鮮奶咖啡。茶味同咖啡味都相得益彰，算係幾夾。…Read More

利舞臺這個廣場有臥虎藏龍的餐廳，就是中菜也是百家爭鳴。今日同一個喜歡食蟹的朋友去到樂天皇朝，品嘗下距地蟹香入秋菜單嘅食材。叫左一份蟹粉拌麵，個麵伴有蟹粉同蝦殼蝦頭餚製的伴麵食材。餐前小食當然少不了呢度嘅招牌原味小蘢包，點下距地放上薑絲嘅醋，滋味滿分。之後再叫多個木樨肉炒拉麵，木樨（須）喺北方話係桂花嘅意思，主要係用豬肉片、雞蛋同木耳炒成。呢個面嘅份量剛剛好，適合兩個人一人一半分享。另外再嗌多杯凍豆漿，豆漿可以幫助促進消化，減低小籠包嘅油膩感。餐廳的侍應服務都非常到位，會主動幫手斟茶，同埋清理枱上嘅吉碟。呢度無論商務或者家庭式嘅食客都有，算係一間大眾化的中高消費族群餐廳。…Read More

同朋友喺今年尾聲的一個月到尖沙咀行街，距又想試下d喺街上嘅餐廳，我自己又係一個搵食掃街友，於是就同距入左喺樂道嘉樂大廈地下嘅泰濃麵。朋友嗌左個廣島蠔冬陰功湯麵，今次距試咗轉薯粉，食落去d麵索住椰奶香味十足的冬陰功湯，暖胃又可口。我就嗌左碟泰式海南雞飯，啲雞肉實淨而且多肉，份量都算飽肚。另外小食方面就叫左份泰式炸蝦餅，d蝦爽滑兼咬落脆口，蝦餅面乾身唔油膩但食落口熱焫焫，仲配有幾塊蝦片。飲品方面我就叫個杯凍泰式奶茶，杯茶茶味香濃，正宗好味又解渴。炸物，湯麵凍奶茶，三者走在一起，就係咁簡單成為一餐好下飯的泰式美食。…Read More

天氣一入冬胃口就零舍大，位於銅鑼灣地鐵站C出口附近的𤅗豐放題料理理專門店咁就腳，一於就同朋友去食個午市放題。距地午市放題3小時都只係$209，依加仲做緊一個至尊大閘蟹任食，全日時段任食$499。每隻蟹即叫即蒸，重量係足四両。另外佢哋亦都有個每盤價值$388嘅海鮮拼盤，如果全檯每位加$118升級版可以任加嗌海鮮拼盤兼海膽帶子，加多$30 至$148任飲任食升級版隨意點Sapporo同1664 Blanc啤酒。如果晏晝唔係食得咁多嘢嘅朋友仔，又可以考慮吓佢哋由$58至$88不等嘅午餐set lunch。牛肉丼，油甘魚鮫飯應有盡有，選擇繁多。海鮮拼盤嘅鮑魚軟腍帶有少少酒味，北海道角螺刺身帶有天然的甜味，口感爽脆彈牙。個海鮮拼盤拼出視覺的震撼感，無論咩角度打卡都好澎湃。大閘蟹啲殼易剝又唔易碎，入面d 膏係爆漏出嚟，十分治癒兼滋補。熟食方面佢哋嘅咸魚炒芥蘭同辣椒膏炒蜆都非常之惹味同足料。冬䕃功蝦湯亦好有辣椒，香茅同酸子味。另外柚子蟹柳冷赤麵d湯酸酸甜甜也頗開胃，麵身也甚為實淨。其次泰式燒羊腩也值得一讚，鬆化酥脆兼多汁。飲品嘅雪櫃，更是琳琅滿目，多姿多彩。御生榨椰子汁、得米薑母茶、LOTTE Let’s Be Cappuccino同Frais Jus 菠蘿汁都係比較新穎同好飲。餐廳嘅冷氣唔會話太凍，卡位亦都好寬敞，一路同朋友傾吓偈計、點下嘢食，慢慢打卡確係一場賞心樂事啊。…Read More

平時都喜歡去d 採光自然兼空間寬敞的咖啡館chill 下食返個晏。今日去到元朗元點YOHO MIX 嘅 Pause It食個輕食lunch。我叫左個燴牛尾紅酒醬汁配意大利飯同一杯有獅子頭拉花圖案的西班牙咖啡，前菜要咗碗甘筍湯。個Risotto 充分吸收湯汁的風味，牛尾軟腍易入口。另外叫咗一份Fricassee奶油燉雞配有狗仔圖案拉花的拿鐵，塊雞扒脆口而不油膩。前菜就叫咗個青瓜沙律。其實做人有時要游刃有餘，先至可以行更遠嘅路。所以可以嚟到呢度放鬆Pause It慢嚥輕嚐，其實也是生活品味的體現與進階。#hkfood #香港美食＃元朗 #voho#探店 #coffee #cafe#coffeelover #selfcare #experience…Read More

灣仔的汕頭街是一條掘𡰪路，有少少似銅鑼灣嘅希雲街。入邊都有很多各適其適的小品餐飲店。今日就去咗呢間以全日早餐咖啡店為主題的 Mansons Lot Coffee House食個晚飯。叫咗佢哋招牌奄列中嘅牛油果蝦粒奄列$108，再加左$24配上幾雞胸肉。佢果兩塊sour dough麵包十分之脆口，另外奄列嘅雞蛋都好實淨，又唔會過熟。飲品方面嗌左佢杯玫瑰拿鐵$57，咖啡帶可口的花香，玫瑰的甜味淡淡而且優雅的由杯底的糖漿散發到整杯咖啡入面。呢度有面向街頭的吧枱座位亦都有凳同卡位可選。縱觀周邊的食客都是懂得慢活和熱愛飲食的人，洋溢着一股輕鬆而且歡樂的vibe。抬頭一望會見到bar枱上面有好多有年代感嘅黑膠唱片，牆上面嘅架上都放有好多陳年，但係經典嘅煮食用具。睇得出店主係有特別收藏呢啲器皿去營造一股vintage的氛圍。#alldaybreakfast #黑膠唱片 #全日早餐 #cafe #慢活 …Read More

依家呢個講求速度嘅社會，打邊爐都可以簡化為一個一人或者少人燙煲嘅方式。今日去到中環擺花街嘅《有間麻辣燙》來個速食。佢地嘅湯底選擇算幾多，有自家製牛骨湯盛、特濃蕃茄湯、農鄉菇菇湯以及招牌藤椒湯。自己去門口旁邊打開個櫃，攞一個筲箕同一個膠鉗，就可以案住自己想食啲乜，隨意夾上。距地全部配料一律按重量計算，近八、九十款食材任君挑選，食客可以按自己嘅喜好同埋食量多寡來挑選食材，實現食量選擇自由。個人比較喜歡距地嘅筍、麵條同埋魚蛋，感覺幾夾個菇菇湯，食落去鮮甜，又唔會太熱氣。…Read More

阿久根是位於日本鹿兒島縣西北部的城市。個名就非常之有日本嘅感覺。今日來左油麻地廣華街嘅阿久根和牛拉麵屋，店面五臟雖小但一應俱全。今年適逢距地6 週年，一於試下距地六週年限定嘅慢煮牛舌配柚子白味噌雞湯拉麵$108。三片牛舌只選取最柔嫩芯部，肉質厚實多汁，口感鮮嫩。另外又嗌左距地嘅招牌三色沾麵(豚肉，雞肉及A4和牛）配濃厚味噌蝦湯，三款上乘肉食拼出一道美麗的舌尖風景線。店家每日用心堅持用原材料製作湯底絕對唔係出面嗰啲一滴香，湯頭濃郁豐富掛湯麵，每一口都是和味的味道。小食就嗌左份阿波美雞皮餃子，聽個名就知道係一款由德島縣培養嘅雞所製成嘅餃子，皮薄嘅餃子皮包住肉質飽滿嘅日本雞肉，美味可口。#旺角美食#旺角餐廳#旺角拉麵＃阿久根和牛拉麵屋＃香港拉麵 #拉麵關注組 #雞白湯＃海老湯＃濃蝦湯#和牛拉麵…Read More

阿茂整餅出名，原來阿木做麵也是聲價十足。60年台灣家族傳承，牛肉麵、鹹酥雞、滷肉飯都有很高水準。今日同朋友去開 D2行逛，喺D2 Place Two 1樓的阿木台灣麵食個late lunch。我嗌左一份紅燒牛肉牛筋麵（片切）加溫泉蛋，朋友嗌左蕃茄牛肉牛筋麵（角切），距加＄3轉左關廟粗麵另外加左溏心蛋。呢兩碗麵嘅湯底淋漓盡致，而且d牛肉同牛筋食得出係經過多重燉煮同埋滷製，入口即溶而且軟稳。關廟麵的特色是手工日曬，麵條Q彈滑順，有陽光的味道，口感又寬又滑。另外嗌左兩份小食，一份係古早味炸排骨，另一份係蚵仔酥。個炸排骨非常酥脆可口，而且咬落去有油的熱度但不見膩。蚵仔酥亦是好香口，地瓜粉裹得恰好同時炸得上色。飲品方面就點了凍芝士岩鹽奶蓋四季春青茶及凍黑糖珍珠鮮奶。前者奶蓋綿密，後者嘅甜度令人馬上有一種莫名的愉快感。#台灣麵#關廟麵#紅燒牛肉 #古早味＃炸排骨 #蚵仔酥＃黑糖珍珠鮮奶 ＃四季春青茶 #台灣美食 ＃寶島美食#taiwanesecuisuine #真材實料＃牛肉腔#燉煮 ＃滷製#beefbrisket #traditionaltaiwanesefood…Read More

希慎廣場地庫翻新過之後，引入左好多新穎優質嘅餐飲品牌。今日去到主打慢煮熟成牛肉嘅SlowCow 食晚飯。呢度可以近距離並旦無玻璃遮擋的情況下細賞師傅即制食材。距地依家做緊2個自選menu。一個係係$88三選一肉加四選一米飯或沙律 Base，再自選添加蛋或蒜片，最後可以再選醬汁及 soft drinks。另外一個係＄168 A4+日本和牛丼加 soft drinks。呢個丼配有日本蘭王生雞蛋黃以及脆香蒜片，我加$10試左個今期新推出嘅浩銘記港式香濃沙嗲醬。A4 和牛粒油脂分佈平均，肉質鮮嫩富口感，牛味濃郁。朋友叫的慢煮極上熊本豚也十分出色，能夠成就出牛油般柔軟質地及肉汁豐盈，非常下飯，配上蒜香醬油炒飯及自家製鮮忌廉與menu 推薦的砵酒黑椒昆布汁，令整個飯食有一個令人叫絕的finishing note。＃日式料理 #牛丼 #慢煮 #蘭王蛋#珍珠米#熊本豚#A4和牛 #醬油炒飯 #自家製鮮忌廉#日本溫泉蛋…Read More

要喺香港搵一間親子餐廳又可以比小朋友玩下、打下卡再食野，一下子未必可以講得出幾間。今日同朋友來到觀塘鴻圖道的炑八韓烤親子餐廳，呢度有彷佛去左首爾安國站的韓屋設計，仲有一個波波池比小朋友可以自得其樂。今次嗌左份聖誕村燒肉歡樂派對套餐。偌大的盛盤中間有一棵十分搶眼並且由牛腹胸繞卷而成的聖誕樹，將d肉連埋豬頸肉併外群肉先放落爐網燒，個火頓時因為油脂助燃而猛起來。到最後仲可以放份壽喜燒牛前胸於爐面透熱，配埋碟蛋黃同埋兩個飯團，索曬壽喜燒啲焦糖化左嘅牛肉汁就係至高境界嘅食法，個餐亦有一碟薯仔煎餅配白汁，金黃的表面，食落是惹味十足。另外仲叫左份炑八童樂餐，有六款選擇，我哋帶咗個夢幻聖誕樹意粉，個意粉係開心果醬意粉嚟。成棵聖誕樹咁嘅造型，相信會令到小朋友食慾大增。周圍遊走下會見到好多聖誕造型嘅佈置同埋小動物擺設。聖誕佳節近在咫尺，營造了一種陪思親的親子共樂情緒同埋愉快場景。炑八係韓語係解作吃貨，今次仲要嚟一個親子版嘅吃貨體驗，將韓燒與親子式嘅飲食主題融合相成，估唔到有一個正面而且新鮮的驚喜。…Read More

今日去開九龍東，順便行吓九龍灣德福廣場。佢哋二期嗰邊5樓，有個food court叫做Foodeli。見到有間食花甲粉嘅陳仔花甲粉。招牌沙嗲湯底麵食價位喺五十零至七十零蚊左右。我就叫咗個陳仔招牌沙嗲花甲粉$64，距係包一杯散叫要$9嘅紙包飲品，我就要咗道地巨峰提子汁。佢哋嘅沙嗲汁唔係太辣，但係咬住舊豆卜或者食住啖米粉掛落嘴邊嘅沙嗲汁就零舍突出了花生與椰奶的鹹甜風味。朋友見距可轉菜底，粉絲，米線或者＋$8轉日本稻庭烏冬/加底。於是距就試咗佢哋嘅日本廣島蠔花甲$85拼米線配道地蜂蜜綠茶。D廣島蠔新鮮而且肥美多汁，令到個湯底都有豐富濃郁嘅海鮮味同本身以蒜蓉、辣椒及秘製醬汁爆炒花甲混埋豬骨熬煮的鮮味。花甲呢種海鮮的特點是外殼有規則的紋路，肉質鮮甜，通常比一般的蜆肉更飽滿，熬出嚟嘅湯底令到簡單一碗粉絲或者米線都大大提味提鮮，而且升華咗個味道層次。…Read More

深水埗跟太子話就話一站之隔，但係兩個站中間其實都有頗一段距離，而且仲隱藏了不少平民飲食業的高手在民間。今日去到黃竹街的「小李車仔麵」，距地開張無幾耐，聽講中式主廚入廚30 年，牛雜由廚師晨早到店家自己炆煮。湯底用上豬骨、雞殼、雞爪熬製獨門的自家炒辣汁。距地比較人氣嘅菜點有70度慢煮火焰和風叉燒、芥末貢丸同雲吞，雲吞係足足有1隻半蝦咁大。另外距地嘅河粉係用低溫殺菌，以保持彈牙滑身質地，一口河粉濃濃的掛著秘製的腩汁，個腦海頓時閃現牛腩切塊焯水后經長時間燉煮至酥軟，搭配牛大骨熬制的畫面，滋味無窮。我嗌左一個$58 四餸麵，來個秘製鹵水汁，配個Q彈豬心、自家製韭菜餃，開心芥末貢丸同埋70 度慢煮火焰和風豚肉叉燒。朋友就嗌左個$58 四餸麵配金牌腩汁，配料就要彈牙白魚蛋、花枝丸、魚肉春卷同酥脆炸支竹。有得揀就係老闆，叫完你就有呢個感覺。最後再嗌多個秘製豬手飯，豬手有滿滿的骨膠原，豬手會見有一個彎曲 嘅關節位以及一大塊肉連住，看起來比較大隻且有肉，係特別噤食。…Read More